കൊച്ചി: തിരുവനന്തപുരത്ത് ഷോക്കേറ്റ് രണ്ട് പേർ മരിച്ച സംഭവത്തിൽ ഹൈക്കോടതി സ്വമേധയാ കേസെടുത്തു. ഇത്തരം അപകടങ്ങൾ ഒഴിവാക്കാൻ വേണ്ട കർമ പദ്ധതികൾ തയാറാക്കുന്നതിനാണ് കേസെടുത്തിരിക്കുന്നതെന്ന് ജസ്റ്റീസ് ദേവൻ രാമചന്ദ്രൻ പറഞ്ഞു. ചീഫ് സെക്രട്ടറി, കെഎസ്ഇബി എന്നിവരെ കക്ഷിയാക്കിയാണ് കേസെടുത്തിരിക്കുന്നത്. കേസ് തുടർനടപടികൾക്കായി ചീഫ് ജസ്റ്റീസിന്റെ പരിഗണനയ്ക്കു വിട്ടു. മഴക്കാലത്ത് വൈദ്യുതി കന്പി പൊട്ടിയുണ്ടാകുന്ന അപകടങ്ങൾ ഇല്ലാതാക്കുകയാണ് ലക്ഷ്യം. പേട്ട പുള്ളിലൈനിൽ പൊട്ടിവീണ വൈദ്യുതലൈനിൽനിന്നു ഷോക്കേറ്റ് വഴിയാത്രക്കാരായ രാധാകൃഷ്ണൻ ആചാരി, പ്രസന്നകുമാരി എന്നിവരാണു മരിച്ചത്.
Read MoreCategory: TVM
നിർമാണത്തിലും മേൽനോട്ടത്തിലും അപാകത; പാലാരിവട്ടം പാലം തികഞ്ഞ അഴിമതിയെന്ന് മന്ത്രി ജി. സുധാകരൻ
തിരുവനന്തപുരം: പാലാരിവട്ടം മേൽപ്പാലം തികഞ്ഞ അഴിമതിയെന്ന് മന്ത്രി ജി. സുധാകരൻ. പാലം നിർമാണത്തിൽ കിറ്റ്കോയ്ക്ക് വീഴ്ചപറ്റി. മേൽനോട്ട ചുമതല ഉണ്ടായിരുന്ന കിറ്റ്കോ അത് വേണ്ടവിധം ചെയ്തില്ലെന്നും അദ്ദേഹം പറഞ്ഞു. പാലത്തിന്റെ ഡിസൈനിലും നിർമാണത്തിലും മേൽനോട്ടത്തിലും അപാകതയുണ്ടായി. കിറ്റ്കോയുടെ മേൽനോട്ടത്തിൽ നടന്ന എല്ലാ നിർമാണങ്ങളും അന്വേഷിക്കുമെന്നും അദ്ദേഹം പറഞ്ഞു. മുൻ പിഡബ്ല്യുഡി മന്ത്രിയുടെ ഓഫീസ് മറയാക്കി അഴിമതി നടത്തിയതായി പരാതിയില്ല. പരാതി കിട്ടിയാൽ അന്വേഷിക്കുമെന്നും സുധാകരൻ കൂട്ടിച്ചേർത്തു.
Read Moreഇടതു സർക്കാരുമായി ഇടഞ്ഞോ വാസുകി? തിരുവനന്തപുരം കലക്ടർ നീണ്ട അവധിയിൽ പ്രവേശിച്ചു; സർക്കാരുമായുള്ള ഭിന്നതയേത്തുടർന്നാണെന്ന പരസ്യമായ രഹസ്യം ഇങ്ങനെ…
തിരുവനന്തപുരം: കളക്ടർ കെ.വാസുകി ഐഎഎസ് നീണ്ട അവധിയിൽ പ്രവേശിച്ചത് സംസ്ഥാന സർക്കാരുമായുള്ള അഭിപ്രായ ഭിന്നതകളേതുടർന്നെന്ന് സൂചന. ആറു മാസത്തേക്കാണ് കളക്ടർ അവധിയെടുത്തിരിക്കുന്നത്. വാസുകി തന്നെയായിരുന്നു അവധി വിവരം ഫേസ്ബുക്കിലൂടെ പങ്കുവച്ചത്. കളക്ടറും സർക്കാരും തമ്മിൽ അഭിപ്രായ ഭിന്നതകളുണ്ടെന്ന് നേരത്തെ മുതൽ വാർത്തകൾ വന്നിരുന്നു. ഇതിനിടെയാണ് വാസുകി അപ്രതീക്ഷിത അവധിയിൽ പ്രവേശിക്കൽ നടപടിയുമായി രംഗത്തെത്തിയത്. തിരുവനന്തപുരത്തെ ജനങ്ങൾക്കുള്ള വിടവാങ്ങൽ സന്ദേശം എന്ന വരികളോടെയായിരുന്നു വാസുകിയുടെ ഫേസ്ബുക്ക് പോസ്റ്റ്. ജില്ലയുടെ ചുമതല വഹിച്ചത് മറക്കാനാകാത്ത അനുഭവമാണെന്നും ഇതുവരെ നൽകിയ പിന്തുണകൾക്ക് നന്ദിയെന്നും പോസ്റ്റിൽ സൂചിപ്പിച്ചിട്ടുണ്ട്. സർക്കാരിന്റെ കേന്ദ്രീകൃത മാലിന്യ സംസ്കരണ പദ്ധതിയോട് കളക്ടർ നേരത്തെ വിയോജിപ്പ് പ്രകടിപ്പിച്ചിരുന്നു. വികേന്ദ്രീകൃത മാലിന്യ സംസ്കരണം എന്ന നിലപാടായിരുന്നു വാസുകിക്ക്. ഇതുൾപ്പടെയുള്ള വിയോജിപ്പുകളാണ് അവധിക്ക് കാരണമെന്നാണ് വിവരം. നേരത്തെ, പ്രളയ സമയത്തുൾപ്പെടെയുള്ള വാസുകിയുടെ ഇടപെടലുകൾ ഏറെ പ്രശംസ പിടിച്ചുപറ്റിയിരുന്നു.
Read Moreമഴക്കാല മുൻകരുതലിൽ ജാഗ്രത പാലിക്കുക; ന്യൂനമർദം ചുഴലിക്കാറ്റായി മാറി; വെള്ളിയാഴ്ച വരെ കനത്ത മഴയ്ക്കു സാധ്യത; ഒൻപതു ജില്ലകളിൽ യെല്ലോ അലർട്ട്
തിരുവനന്തപുരം: കേരളത്തില് വെള്ളിയാഴ്ച വരെ കനത്ത മഴയ്ക്കും കാറ്റിനും സാധ്യതയെന്ന് കാലാവസ്ഥ വിഭാഗം അറിയിച്ചു. അറബിക്കടലില് ലക്ഷദ്വീപിനു സമീപം രൂപംകൊണ്ട തീവ്രന്യൂനമര്ദം ഇന്നു ചുഴലിക്കാറ്റായി വടക്കുപടിഞ്ഞാറൻ ദിശയിലേക്കു നീങ്ങുകയാണ്. ചുഴലിക്കാറ്റ് വ്യാഴാഴ്ചയോടെ മഹാരാഷ്ട്ര, ഗുജറാത്ത് തീരത്തോട് അടുക്കും. ‘ വായു’ എന്ന പേരാണ് ചുഴലിക്കാറ്റിന് നൽകിയിരിക്കുന്നത്. ചുഴലിക്കാറ്റ് കേരളത്തെ നേരിട്ടുബാധിക്കില്ല. എന്നാൽ ശക്തമായ മഴയുണ്ടാകാൻ സാധ്യതയെന്നാണ് മുന്നറിയിപ്പ്. ഒന്പതു ജില്ലകളിൽ യെല്ലോ അലർട്ടും പ്രഖ്യാപിച്ചു. ശക്തമായ കാറ്റിന് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്ന് കാലാവസ്ഥാ കേന്ദ്രം മുന്നറിയിപ്പ് നല്കി.
Read Moreഅപകടത്തിന് ശേഷം ബാലഭാസ്കർ ചികിത്സയിലായിരുന്നപ്പോൾ അദ്ദേഹത്തെ നേരിൽ കണ്ടത് ആരൊക്കെ; ഡോക്ടർമാരുടെ മൊഴിയെടുക്കാനൊരുങ്ങി ക്രൈംബ്രാഞ്ച്
തിരുവനന്തപുരം: ബാലഭാസ്കറിന്റെ അപകട മരണവുമായി ബന്ധപ്പെട്ട് ക്രൈംബ്രാഞ്ച് സംഘം ഡോക്ടർമാരിൽ നിന്നും മൊഴിയെടുക്കും. ബാലഭാസ്കറിനെ ചികിത്സിച്ച സ്വകാര്യാശുപത്രിയിലെ ഡോക്ടർമാർക്ക് മൊഴി നൽകാൻ ക്രൈംബ്രാഞ്ച് സംഘം നോട്ടീസ് നൽകിയിട്ടുണ്ട്. സ്വർണക്കടത്ത് കേസിൽ കാക്കനാട്ടെ ജയിലിൽ കഴിയുന്ന ബാലഭാസ്കറിന്റെ മാനേജരായിരുന്ന പ്രകാശൻ തന്പിയെ ചോദ്യം ചെയ്തതിന്റെ അടിസ്ഥാനത്തിലാണ് ഡോക്ടർമാരിൽ നിന്നും മൊഴിയെടുക്കുന്നത്. ബാലഭാസ്കർ ചികിത്സയിലായിരുന്നപ്പോൾ അദ്ദേഹത്തെ നേരിൽ കണ്ട് അടുത്ത് ഇടപെട്ടവർ ആരൊക്കെയായിരുന്നുവെന്നതുൾപ്പെടെയുള്ള വിവരങ്ങൾ ചോദിച്ചറിയാനാണ് ഡോക്ടർമാരിൽ നിന്നും ക്രൈംബ്രാഞ്ച് സംഘം മൊഴിയെടുക്കുന്നത്. കൂടാതെ പ്രകാശൻ തന്പിയുടെ മൊഴികളിലെ വൈരുധ്യം പരിശോധിക്കുന്നതിനും കൂടിയാണ് ക്രൈംബ്രാഞ്ചിന്റെ പുതിയ നീക്കം. അതേ സമയം ഒളിവിൽ കഴിയുന്ന ജിഷ്ണുവും ബാലഭാസ്കറും തമ്മിൽ സാന്പത്തിക ഇടപാടുകൾ നടന്നിരുന്നുവെന്ന പുതിയ വിവരങ്ങൾ ക്രൈംബ്രാഞ്ചിന് ലഭിച്ചിട്ടുണ്ട്. അപകട മരണത്തിലെ ദൂരൂഹതകൾ നീങ്ങുന്നതിന് ബാലഭാസ്കറിന്റെ ഡ്രൈവർ അർജുൻ, ജിഷ്ണു എന്നിവരെ കൂടി ചോദ്യം ചെയ്താൽ മാത്രമെ അന്വേഷണത്തിൽ കൂടുതൽ വ്യക്തത…
Read Moreകാലവർഷത്തിന്റെ രണ്ടാം ദിനം; റോഡിലെ വെള്ളക്കെട്ടിൽ വൈദ്യുതി ലൈൻ പൊട്ടിവീണ് രണ്ട് പേർക്ക് ദാരുണാന്ത്യം
തിരുവനന്തപുരം: പൊട്ടി വീണ വൈദ്യുതി ലൈനിൽ നിന്നും ഷോക്കേറ്റ് വഴിയാത്രക്കാരായ രണ്ട് പേർ മരിച്ചു. പേട്ട പുള്ളി ലൈനിലായിരുന്നു അപകടം. വഴിയാത്രക്കാരും പേട്ട സ്വദേശികളുമായ രാധാകൃഷ്ണൻ (70) പ്രസന്നകുമാരി (60) എന്നിവരാണ് മരിച്ചത്. ഇന്ന് രാവിലെ ഏഴു മണിയോടെയായിരുന്നു അപകടം. റോഡിലെ വെള്ളക്കെട്ടിൽ വൈദ്യുതി ലൈൻ പൊട്ടി വീണ് കിടക്കുകയായിരുന്നു. ഇതറിയാതെ അതുവഴി കടന്ന് വരികയായിരുന്ന ഇരുവർക്കും ഷോക്കേൽക്കുകയായിരുന്നു. രാധാകൃഷ്ണൻ സമീപത്തെ ഒരു ക്ഷേത്രത്തിലെ ജോലിക്ക് പോകുകയായിരുന്നു. പ്രസന്നകുമാരി ഒരു വീട്ടിൽ വീട്ടു ജോലിക്കും പോകവെയായിരുന്നു അപകടം. രാവിലെ പത്രവിതരണം നടത്താൻ അതുവഴി വരികയായിരുന്ന യുവാവാണ് ഇരുവരും ഷോക്കേറ്റ് കിടക്കുന്നത് കണ്ടത്. യുവാവിനും നേരിയ തോതിൽ ഷോക്കേറ്റു. ലൈൻ പൊട്ടി വീണ് അപകടം ഉണ്ടായ വിവരം പത്രവിതരണക്കാരനായ യുവാവ് നാട്ടുകാരെയും പോലീസിനെയും അറിയിക്കുകയായിരുന്നു. പോലീസ് സ്ഥലത്തെത്തിയപ്പോഴും ലൈനിൽ വൈദ്യുതി പ്രവഹിക്കുന്നുണ്ടായിരുന്നു. തുടർന്ന് കെഎസ്ഇബി അധികൃതരുടെ സഹായത്തോടെ ലൈൻ…
Read Moreകർഷക ആത്മഹത്യ; നിയമസഭയിൽ അടിയന്തരപ്രമേയത്തിന് നോട്ടീസ്
തിരുവനന്തപുരം: സംസ്ഥാനത്ത് കർഷക ആത്മഹത്യ പെരുകുന്നത് ചർച്ച ചെയ്യണമെന്ന് ആവശ്യപ്പെട്ട് നിയമസഭയിൽ അടിയന്തര പ്രമേയത്തിന് നോട്ടീസ്. ഐ.സി. ബാലകൃഷ്ണൻ എംഎൽഎയാണ് നോട്ടീസ് നൽകിയത്. സംസ്ഥാനത്ത് എൽഡിഎഫ് സർക്കാർ അധികാരത്തിൽ എത്തിയശേഷം 15 കർഷകർ ജീവനൊടുക്കിയെന്ന് കൃഷിമന്ത്രി സുനിൽ കുമാർ അടിയന്തര പ്രമേയത്തിന് മറുപടിയായി സഭയിൽ പറഞ്ഞു. ഇടുക്കിയിൽ പത്ത് കർഷകരും വയനാട്ടിൽ അഞ്ച് കർഷകരുമാണ് ജീവനൊടുക്കിയത്. കർഷകർക്ക് എല്ലാ സഹായങ്ങളും സർക്കാർ നൽകുന്നുണ്ടെന്നും മന്ത്രി പറഞ്ഞു. കർഷകവായ്പയ്ക്കുള്ള മൊറട്ടോറിയം ഡിസംബർ 31 വരെ നീട്ടിയെന്നും അദ്ദേഹം പറഞ്ഞു. കർഷകർക്കായി 204 കോടി രൂപയുടെ ധനസഹായം വിതരണം ചെയ്തു. വിള നഷ്ടത്തിന് 51 കോടി രൂപ ഇൻഷുറൻ ലഭ്യമാക്കിയെന്നും സുനിൽ കുമാർ കൂട്ടിച്ചേർത്തു.
Read Moreസാർ, സാവകാശം വേണം ..! പാർലമെന്ററി പാർട്ടി നേതാവിനെ തെരഞ്ഞെടുക്കാന് സാവകാശംതേടി റോഷി അഗസ്റ്റിന് എംഎല്എയും
തിരുവനന്തപുരം: കേരള കോണ്ഗ്രസ്-എമ്മിനു പാർലമെന്ററി പാർട്ടി നേതാവിനെ തെരഞ്ഞെടുക്കാന് സ്പീക്കര് സാവകാശം നല്കും. പാർലമെന്ററി പാർട്ടി നേതാവിനെ തെരഞ്ഞെടുക്കാന് സാവകാശംതേടി റോഷി അഗസ്റ്റിന് എംഎല്എ സ്പീക്കര്ക്ക് കത്തുനല്കിയിരുന്നു. ജോസഫ് വിഭാഗവും ഇതേ ആവശ്യം ഉന്നയിച്ച് സ്പീക്കര്ക്ക് കത്ത് നല്കുകയുണ്ടായി. ഇതേതുടർന്നാണ് സ്പീക്കര് സാവകാശം നല്കിയത്. എത്ര ദിവസമാണ് സാവകാശം നല്കുക എന്നത് പിന്നീട് അറിയിക്കും. ജൂണ് ഒൻപതിന് മുൻപ് പാർലമെന്ററി പാർട്ടി നേതാവിനെ തെരഞ്ഞെടുത്ത് അറിയിക്കണമെന്നായിരുന്നു സ്പീക്കര് നേരത്തെ നിർദേശിച്ചിരുന്നത്. പാര്ട്ടി എംഎല്എമാരുമായി സ്പീക്കര് പി. ശ്രീരാമകൃഷ്ണന് ചര്ച്ച നടത്തുമെന്നും സൂചനയുണ്ട്.
Read Moreഇരുപത് വർഷം അമ്പതാമത് രക്തദാനവും; നെയ്യാറ്റിൻകര ഡിപ്പോയിലെ ഡ്രൈവറാ അനൂഷ് ജീവിതത്തിലും സദാ ബി പോസിറ്റീവ്
നെയ്യാറ്റിൻകര: കെഎസ്ആർടിസി നെയ്യാറ്റിൻകര ഡിപ്പോയിലെ ഡ്രൈവറായ അനൂഷ് എൻ.എൽ രാജിന്റെ രക്തഗ്രൂപ്പ് ബി പോസിറ്റീവ് ആണ്. രക്തദാനവുമായി ബന്ധപ്പെട്ട അദ്ദേഹത്തിന്റെ പ്രവർത്തനങ്ങൾ വിലയിരുത്തുന്പോൾ ഈ യുവാവിന്റെ ഇടപെടലുകളും ബി പോസിറ്റീവാണെന്ന് വ്യക്തമാകും. നെല്ലിമൂടിനു സമീപം ഇലഞ്ഞിവിള വീട്ടിൽ നേശരാജിന്റെയും ലീലയുടെയും മൂന്നു മക്കളിൽ ഇളയവനായ അനൂഷ് ആദ്യമായി രക്തദാനം നിർവഹിച്ചത് 1998 ഒക്ടോബർ രണ്ടിനായിരുന്നു. ഗാന്ധിജയന്തി ദിനത്തിൽ നെഹ്റു യുവകേന്ദ്ര സംഘടിപ്പിച്ച ക്യാന്പിൽ ആരംഭിച്ച ഈ സത്കർമം കഴിഞ്ഞ 20 വർഷത്തിനിടയിൽ 49 തവണ ആവർത്തിച്ചു. നെയ്യാറ്റിൻകര കെഎസ്ആർടിസി ഡിപ്പോയിൽ ഇന്ന് നടക്കുന്ന മാനുഷം മെഗാ രക്തദാന ക്യാന്പിൽ അനൂഷ് ജീവിതത്തിലെ അന്പതാമത് രക്തദാനം പൂർത്തിയാക്കി. തിരുവനന്തപുരത്തെ സർക്കാർ ആശുപത്രികൾക്ക് ഈ ചെറുപ്പക്കാരൻ സുപരിചിതനായതും ഉള്ളിലെ വറ്റാത്ത നന്മയുടെ ബന്ധത്താലാണ്. ഏത് അർധരാത്രിയിലും ആവശ്യക്കാർക്കായി രക്തം ക്രമീകരിക്കാൻ അനൂഷ് സന്നദ്ധനാണെന്നതിന് നിരവധി ഉദാഹരണങ്ങൾ സുഹൃത്തുക്കൾ ചൂണ്ടിക്കാട്ടുന്നു. കാസർകോട്…
Read Moreഹെഡ്മാസ്റ്റർ ഇത്തവണയും കാത്തിരുന്നു, പക്ഷേ ആരും എത്തിയില്ല; ബോണക്കാട്ട് സ്കൂൾ കൈയടക്കി വാവലും മരപ്പട്ടിയും കുരങ്ങൻമാരുമൊക്കെ…
കാട്ടാക്കട: ഇവിടെ പ്രവേശന ഉൽസവമില്ലായിരുന്നു. അതിനായുള്ള കൊടിതോരണങ്ങളോ ആരവമോ ഇല്ല. ആകെയുള്ളത് സ്കൂൾ. പിന്നെ കുട്ടികൾ വരുമെന്ന് കാത്തിരിക്കുന്ന ഹെഡ്മാസ്റ്ററും പിന്നെ ഒരു ജീവനക്കാരനും. അരുവിക്കര മണ്ഡലത്തിലെ ബോണക്കാട് തേയില തോട്ടത്തിലെ യുപി സ്കൂളാണ് കുട്ടികൾ ഉപേക്ഷിച്ച നിലയിൽ കിടക്കുന്നത്. ഇക്കുറി ആരും പ്രവേശനത്തിന് എത്തിയില്ല. രാവിലെ എത്തുന്ന ഹെഡ് മാസ്റ്റർ സ്കൂൾ തുറക്കും. പിന്നെ ഉച്ചയ്ക്ക് മടക്കം. മൂന്നു പതിറ്റാണ്ട് മുൻപ് വരെ മുന്നൂറിലധികം കുട്ടികൾ പഠിച്ചിരുന്ന വിദ്യാലയത്തിനാണ് ഈ ഗതികേട്. രാജഭരണകാലത്ത് ഇവിടെ കാട് വെട്ടി തെളിച്ച് തേയിലതോട്ടമുണ്ടാക്കി. ബോൺ അക്കാർഡ് എന്ന് പേരിൽ അറിയപ്പെടുന്ന ബ്രിട്ടീഷുകാരനാണ് തോട്ടം ഉടമ. അവിടെ ജോലി ചെയ്യാൻ നിർബന്ധപൂർവ്വം ജോലിക്കാരെ നിയമിച്ചു. തേയില വിളവെടുത്തു. ലാഭവും നേടി.ഇന്ത്യ സ്വാതന്ത്ര്യത്തിലേക്ക് നടന്നടുക്കുന്നതിനു മുൻപ് 1942 ലാണ് ബോണക്കാട് തേയിലതോട്ടത്തിലെ തൊഴിലാളികളുടെ മക്കൾക്കായി റേഷൻകടയോടു ചേർന്നുള്ള ചായ്പ്പിൽ ബ്രിട്ടീഷ് കമ്പനി…
Read More