തിരുവനന്തപുരം: കിഫ്ബി മസാലാബോണ്ട് വിഷയത്തിൽ സർക്കാരിനെതിരേ ആരോപണവുമായി പ്രതിപക്ഷ നേതാവ് രമേശ് ചെന്നിത്തല. മസാലാബോണ്ട് വിറ്റശേഷമാണ് ലണ്ടൻ സ്റ്റോക് എക്സ്ചേഞ്ചിൽ ലിസ്റ്റ് ചെയ്തതെന്ന് ചെന്നിത്തല നിയമസഭയിൽ ആരോപിച്ചു. കഴിഞ്ഞ മാർച്ച് 29ന് തന്നെ കാനഡയിൽ വച്ച് ബോണ്ട് സിഡിപിക്യൂ കന്പനിക്ക് വിറ്റു. വിറ്റ ബോണ്ടിന്റെ മണിയാണ് മുഖ്യമന്ത്രി ലണ്ടൻ സ്റ്റോക് എക്സ്ചേഞ്ചിൽ പോയി അടിച്ചത്. ഇത്തരത്തിൽ ലാവ്ലിൻ കന്പനിയെ സഹായിക്കേണ്ട എന്ത് ബാധ്യതയാണ് മുഖ്യമന്ത്രിക്ക് ഉള്ളതെന്നും പ്രതിപക്ഷ നേതാവ് ചോദിച്ചു. മസാലാബോണ്ട് നരേന്ദ്ര മോദി കൊണ്ടുവന്ന ലിബറൽ നയമാണ്. മോദിയുടെ നയം ഇടതുപക്ഷം ഏറ്റെടുക്കുന്നത് അവരുടെ അപചയമാണ് കാണിക്കുന്നത്. മസാലാബോണ്ട് വിഷയത്തിൽ ധനമന്ത്രി കള്ളപ്രചരിപ്പിക്കുകയാണെന്നും കുറഞ്ഞ പലിശയാണെന്ന് മുഖ്യമന്ത്രിയെ ധനമന്ത്രി തെറ്റിദ്ധരിപ്പിച്ചുവെന്നും രമേശ് ചെന്നിത്തല കുറ്റപ്പെടുത്തി.
Read MoreCategory: TVM
ഐഎസ് സാന്നിധ്യം തീരക്കടലിലുണ്ടെന്ന റിപ്പോർട്ട്; തീര സുരക്ഷ ശക്തമാക്കുമെന്ന് മുഖ്യമന്ത്രി
തിരുവനന്തപുരം: സംസ്ഥാനത്തെ തീര സുരക്ഷ ശക്തമാക്കുമെന്ന് മുഖ്യമന്ത്രി പിണറായി വിജയൻ. ഐഎസ് സാന്നിധ്യം തീരക്കടലിലുണ്ടെന്ന റിപ്പോർട്ടുകളെക്കുറിച്ച് നിയമസഭയിലെ അംഗങ്ങളുടെ ചോദ്യത്തിന് മറുപടിയായാണ് അദ്ദേഹം പറഞ്ഞത്. തീരദേശ പോലീസ് സ്റ്റേഷനുകളിൽ ഇന്റലിജൻസ് സംവിധാനം ആരംഭിച്ചു. ഇന്റലിജൻസ് വിവരങ്ങൾ കോസ്റ്റൽ പോലീസ്, നേവി, കോസ്റ്റുഗാർഡ് എന്നിവരെ അറിയിക്കും. എല്ലാവരേയും കൂട്ടി യോജിപ്പിച്ച് തീര സംരക്ഷണം ഉറപ്പാക്കുമെന്നും മുഖ്യമന്ത്രി നിയമസഭയിൽ പറഞ്ഞു.കേരളത്തിന്റെ തീരപ്രദേശങ്ങളില് ഐഎസ് സാന്നിദ്ധ്യമുണ്ടെന്ന ഇന്റലിജന്സ് മുന്നറിയിപ്പിന്റെ പശ്ചാത്തലത്തില് ഡിജിപി ലോകനാഥ് ബെഹ്റ സുരക്ഷാ ഏജന്സികളിലെ ഉന്നത ഉദ്യോഗസ്ഥരുമായി കഴിഞ്ഞ ദിവസം ചര്ച്ച നടത്തിയിരുന്നു. ആവശ്യമായ മുൻകരുതൽ സ്വീകരിക്കാൻ എല്ലാ ഐജിമാര്ക്കും ജില്ലാ പൊലീസ് മേധാവിമാര്ക്കും കോസ്റ്റല് പൊലീസ് സ്റ്റേഷന് അധികൃതര്ക്കും തീരദേശത്തെ പൊലീസ് സ്റ്റേഷനുകള്ക്കും ഡിജിപി നിര്ദ്ദേശം നല്കിയിട്ടുണ്ട്.
Read Moreശബരിമല വിഷയം ജനങ്ങളെ ശരിയായ രീതിയിൽ ബോധ്യപ്പെടുത്താനായില്ല; ശബരിമല തിരിച്ചടിയായെന്ന് പറയാതെ പറഞ്ഞ് എൽഡിഎഫ്
തിരുവനന്തപുരം: ലോക്സഭാ തെരഞ്ഞെടുപ്പിലേറ്റ കനത്ത തിരിച്ചടിക്ക് ശബരിമല വിഷയം കാരണമായിട്ടുണ്ടെന്ന് പറയാതെ പറഞ്ഞ ഇടതു നേതാക്കൾ. ശബരിമല വിഷയം ജനങ്ങളെ ശരിയായ രീതിയിൽ ബോധ്യപ്പെടുത്താനായില്ലെന്ന് ഇടതു മുന്നണി കൺവീനർ എ.വിജയരാഘവൻ പറഞ്ഞു. എന്നാൽ, യുഡിഎഫ് അടുത്ത തവണ അധികാരത്തിലെത്തിലാൽ ശബരിമലയ്ക്കായി വിശ്വാസ സംരക്ഷണ നിയമം കൊണ്ടുവരുമെന്ന പ്രതിപക്ഷ നേതാവ് രമേശ് ചെന്നിത്തലയുടെ വാഗ്ദാനത്തെയും വിജയരാഘവൻ തള്ളി. അത്തരത്തിൽ നിയമ നിർമാണം നടത്തുമെന്നത് തെറ്റിധാരണാജനകമായ വാഗ്ദാനമാണ്- വിജയരാഘവൻ പറഞ്ഞു. ഭരണഘടന നൽകുന്ന മൗലിക അവകാശം ലംഘിക്കുന്ന തരത്തിലുള്ള നിയമം സംസ്ഥാന നിയമസഭകൾക്ക് പാസാക്കാനാകില്ലെന്നും വിജയരാഘവൻ കൂട്ടിച്ചേർത്തു. നേരത്തെ, സിപിഐ സംസ്ഥാന സെക്രട്ടറി കാനം രാജേന്ദ്രൻ, കേരള കോൺഗ്രസ്-ബി നേതാക്കളായ ആർ. ബാലകൃഷ്ണപിള്ള കെ.ബി.ഗണേഷ്കുമാർ തുടങ്ങിയ നേതാക്കളെല്ലാം തന്നെ ശബരിമല തിരിച്ചടിയായെന്ന് പരോക്ഷമായി വ്യക്തമാക്കിയിരുന്നു. നിരവധി വിഷയങ്ങൾ തിരിച്ചടിക്ക് കാരണമായിട്ടുണ്ടെന്നും അതിലൊന്ന് ഒരുപക്ഷേ, ശബരിമലയാകാമെന്നുമായിരുന്നു കാനത്തിന്റെ വാക്കുകൾ. ശബരിമല വിഷയത്തിൽ…
Read Moreഅതാണ് വിജയൻ..! ഈ ശൈലിയിൽ അദ്ദേഹം മുഖ്യമന്ത്രിയാണ്; ശൈലിക്കാര്യത്തിൽ മുഖ്യമന്ത്രിയെ പിൻതുണച്ച് കാനം
തിരുവനന്തപുരം: ലോക്സഭാ തെരഞ്ഞെടതുപ്പിൽ ഇടതുപക്ഷത്തിനേറ്റ കനത്ത തിരിച്ചടിക്ക് ഒരു കാരണം മുഖ്യമന്ത്രി പിണറായി വിജയന്റെ ശൈലിയാണെന്ന പ്രതിപക്ഷ വിമർശനത്തെ തള്ളി സിപിഐ സംസ്ഥാന സെക്രട്ടറി കാനം രാജേന്ദ്രൻ. മുഖ്യമന്ത്രിയുടെ ശൈലി തെരഞ്ഞെടുപ്പിനെ ഒരു തരത്തിലും ബാധിച്ചിട്ടില്ലെന്ന് കാനം പറഞ്ഞു.തെരഞ്ഞെടുപ്പിൽ തോറ്റെന്നു കരുതി പിണറായിയുടെ ശൈലി മാറ്റണം എന്ന് പറയുന്നത് ശരിയല്ലെന്നു പറഞ്ഞ കാനം ഈ ശൈലി അറിഞ്ഞുകൊണ്ട് തന്നെയാണല്ലോ കേരള ജനത അദ്ദേഹത്തെ മുഖ്യമന്ത്രിയായി തെരഞ്ഞെടുത്തതെന്നും ചോദിച്ചു.
Read More“ഏയ്, ബാലൻ എനിക്കെതിരെ അങ്ങനെയൊന്നും പറയില്ലെന്നെ..’ പ്രതികരണവുമായി വിജയരാഘവൻ
തിരുവനന്തപുരം: ലോക്സഭാ തെരഞ്ഞെടുപ്പിലെ പരാജയത്തിനു പിന്നാലെ മന്ത്രി എ.കെ.ബാലൻ തനിക്കെതിരെ നടത്തിയ വിമർശനത്തിൽ പ്രതികരണവുമായി എൽഡഎഫ് കൺവീനർ എ.വിജയരാഘവൻ. ബാലൻ തനിക്കെതിരെ അത്തരം വിമർശനങ്ങൾ നടത്തുമെന്ന് തോന്നുന്നില്ലെന്ന് അദ്ദേഹം പറഞ്ഞു. താൻ നടത്തിയത് രാഷ്ട്രീയ പരാമർശം മാത്രമായിരുന്നുവെന്നും വിജയരാഘവൻ വ്യക്തമാക്കി. രമ്യാ ഹരിദാസിനെക്കുറിച്ച് താൻ നടത്തിയ പരാമർശങ്ങൾ പി.കെ.ബിജുവിന്റെ തോൽവിക്ക് കാരണമായെന്ന് പറയാനാകില്ലെന്നും അദ്ദേഹം കൂട്ടിച്ചേർത്തു. വിജയ രാഘവൻ രമ്യാഹരിദാസിനെതിരെ നടത്തിയ പരാമർശം തെരഞ്ഞെടുപ്പിലെ തിരിച്ചടിക്ക് കാരണമായെന്നായിരുന്നു എ.കെ. ബാലൻ നേരത്തെ കുറ്റപ്പെടുത്തിയത്. ആലത്തൂരിലെ എൽഡിഎഫ് വിജയത്തിന് വിലങ്ങുതടിയായത് ഇത്തരം പരാമർശങ്ങളാണെന്നും ബാലൻ പറഞ്ഞിരുന്നു.
Read Moreകുട്ടികളെ കുത്തിനിറച്ചുപോയാൽ പിടിവീഴും; ശക്തമായ നിർദേശം നൽകി ബെഹ്റ
തിരുവനന്തപുരം:പുതിയ അധ്യയനവർഷം തുടങ്ങുന്നതിന് ഒരാഴ്ചമാത്രം അവശേഷിക്കേ വിദ്യാർഥികളുടെ സുരക്ഷ ഉറപ്പാക്കുന്നതിന് ആവശ്യമായ നിർദേശങ്ങൾ സംസ്ഥാന പോലീസ് മേധാവി ലോകനാഥ് ബെഹ്റ പുറപ്പെടുവിച്ചു. സ്കൂളുകളുടെ സ്വന്തം വാഹനങ്ങളും രക്ഷിതാക്കൾ ഏർപ്പെടുത്തുന്ന സ്വകാര്യ വാഹനങ്ങളും കുട്ടികളെ കുത്തിനിറച്ച് പോകുന്നതോ മറ്റ് തരത്തിലുളള നിയമലംഘനം നടത്തുന്നതോ ശ്രദ്ധയിൽപ്പെട്ടാൽ അതത് സ്റ്റേഷൻ ഹൗസ് ഓഫീസർമാർ ശക്തമായ നടപടി സ്വീകരിക്കണമെന്ന് ബെഹ്റ ഉത്തരവിട്ടു. ഇത്തരം വാഹനങ്ങളുടെ പെർമിറ്റ് റദ്ദാക്കുന്നതിന് മോട്ടോർ വാഹനവകുപ്പുമായി ചേർന്ന് നിയമനടപടി കൈക്കൊള്ളണം. അധ്യയനവർഷം തുടങ്ങുന്പോൾതന്നെ പഴുതടച്ച പരിശോധനകൾ നടത്താനും മദ്യപിച്ച് വാഹനം ഓടിക്കുന്നവരെയും കുട്ടികളെ കുത്തിനിറച്ച് സവാരി നടത്തുന്ന വാഹനങ്ങളും കണ്ടെത്തി കുട്ടികളുടെ സുരക്ഷ ഉറപ്പ് വരുത്താനും സംസ്ഥാന പോലീസ് മേധാവി നിർദേശിച്ചു. സ്കൂൾ കുട്ടികളുടെ സുരക്ഷിതത്വം മുൻനിർത്തി കേരളാ പോലീസ് തയാറാക്കിയ സ്റ്റാൻഡേർഡ് ഓപ്പറേറ്റിംഗ് പ്രൊസീഡർ (എസ്ഓപി) സംസ്ഥാന പോലീസിന്റെ http://www.keralapolice.gov.in എന്ന വെബ്സൈറ്റിൽ ലഭ്യമാക്കിയിട്ടുണ്ട്. എസ്ഓപി വെബ്സൈറ്റിൽനിന്ന് പ്രിന്റ് എടുത്ത്…
Read Moreഇപ്പോഴത്തെ അത്രയ്ക്ക് പോരാഞ്ഞിട്ടോ? സംസ്ഥാന കോണ്ഗ്രസിൽ പുനഃസംഘടന അനിവാര്യമെന്ന് കെ. മുരളീധരൻ
തിരുവനന്തപുരം: സംസ്ഥാന കോണ്ഗ്രസിൽ പുനഃസംഘടന അനിവാര്യമെന്ന് കെ. മുരളീധരൻ. വട്ടിയൂർക്കാവ് ഉപതെരഞ്ഞെടുപ്പിൽ യുഡിഎഫ് വിജയിക്കുമെന്നും അദ്ദേഹം പറഞ്ഞു. ലോക്സഭാ തെരഞ്ഞെടുപ്പിലെ എൽഡിഎഫിന്റെ തോൽവിയുടെ ഉത്തരവാദിത്തം ഏറ്റെടുത്ത് മുഖ്യമന്ത്രി രാജിവയ്ക്കണമെന്നും അദ്ദേഹം ആവശ്യപ്പെട്ടു. അവസാനത്തെ കമ്മ്യൂണിസ്റ്റ് മുഖ്യമന്ത്രിയാകാൻ പിണറായി വിജയൻ തന്നെ തീരുമാനിച്ചിരിക്കുകയാണെന്നും മുരളീധരൻ കുറ്റപ്പെടുത്തി. അതേസമയം കെപിസിസി പുനഃസംഘടന ചർച്ചകൾക്കായി സംസ്ഥാന നേതാക്കൾ ഈ ആഴ്ച ഡൽഹിയിലേക്ക് പോകും. നിയമസഭ മണ്ഡലത്തിലെ ഉപതെരഞ്ഞെടുപ്പിന് മുൻപ് പുനഃസംഘടന പൂർത്തിയാക്കാനാണ് നീക്കം.
Read Moreമുഖ്യമന്ത്രി ശൈലിമാറ്റരുത്; ഇതേ രീതിയിൽ വിജയൻ പോയാൽ തങ്ങൾക്ക് നല്ലതെന്ന് രമേശ് ചെന്നിത്തല
തിരുവനന്തപുരം: മുഖ്യമന്ത്രിയുടെ ശൈലി മാറരുതെന്നാണ് യുഡിഎഫ് ആഗ്രഹിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല. ഇതേ ശൈലിയുമായി മുഖ്യമന്ത്രി മുന്നോട്ട് പോകുന്നതാണ് തങ്ങൾക്ക് നല്ലതെന്നും അദ്ദേഹം പറഞ്ഞു. പിണറായി വിജയന് കണ്ണടച്ച് ഇരുട്ടാക്കുകയാണ്. കഴിഞ്ഞ മൂന്ന് വര്ഷമായി പ്രവര്ത്തിക്കാത്ത സര്ക്കാരിനെതിരായ ജനവികാരമാണ് തെരഞ്ഞടുപ്പില് കണ്ടത്. തെരഞ്ഞെടുപ്പിലെ പരാജയത്തെ കുറിച്ച് വസ്തുനിഷ്ഠമായ വിലയിരുത്തലല്ല വിജയന്റെ ഭാഗത്ത് നിന്നുണ്ടായത്. തെറ്റ് പറ്റിയത് തങ്ങൾക്കല്ലെന്ന് പിണറായി വാദിക്കുന്നു. മൂന്നരക്കോടി ജനങ്ങൾക്ക് തെറ്റുപറ്റിയെന്നാണ് ഇവരുടെ വാദമെന്നും ചെന്നിത്തല കൂട്ടിച്ചേർത്തു.
Read Moreജനവിധി സർക്കാരിനെതിരല്ല; ജനങ്ങളുടെ ഇടയിൽ നല്ല അംഗീകാരമാണുള്ളതെന്ന് മുഖ്യമന്ത്രി
തിരുവനന്തപുരം: ലോക്സഭാ തെരഞ്ഞെടുപ്പിലുണ്ടായ പരാജയം സർക്കാരിനെതിരായ ജനവിധിയല്ലെന്ന് മുഖ്യമന്ത്രി പിണറായി വിജയൻ. സർക്കാരിന് ജനങ്ങളുടെ ഇടയിൽ നല്ല അംഗീകാരമാണ് ഉള്ളതെന്നും അദ്ദേഹം മാധ്യമങ്ങളോട് പറഞ്ഞു. തെരഞ്ഞെടുപ്പിൽ അപ്രതീക്ഷിതമായ ഫലമാണ് ഉണ്ടായത്. ഇത്തരം ഫലം ഉണ്ടാകുമെന്ന് കരുതിയില്ല. ഇത് സ്ഥായിയായതെന്നു കരുതുന്നില്ലെന്നും അദ്ദേഹം പറഞ്ഞു. ശബരിമല വിഷയം തെരഞ്ഞെടുപ്പിനെ ബാധിച്ചിട്ടില്ല. അങ്ങനെയെങ്കിൽ അത് ബിജെപിക്ക് ഗുണം ചെയ്തേനെ. പത്തനംതിട്ടയിൽ ബിജെപി സ്ഥാനാർഥി മൂന്നാം സ്ഥാനത്ത് പോയെന്നും വിശ്വാസത്തിന്റെ കാര്യത്തിൽ വലിയ തെറ്റിദ്ധാരണകൾ ഉണ്ടായിട്ടുണ്ടെന്നും മുഖ്യമന്ത്രി പറഞ്ഞു. തെരഞ്ഞെടുപ്പ് പ്രചാരണ വേളയിൽ മനസിലാക്കാൻ സാധിക്കാത്ത ചില ഘടകങ്ങൾ ഉണ്ടായി. അതാണ് പരാജയത്തിന് കാരണമായത്. രാജ്യത്തിന്റെ ഭാവിയിൽ ഉത്കണ്ഠയുള്ളവരാണ് എല്ലാവരും. ബിജെപി ഭരണത്തിൽ വീണ്ടും വരരുതെന്ന് കരുതുന്ന നല്ലൊരു വിഭാഗം കേരളത്തിലുണ്ട്. അതിൽ നല്ലൊരു ഭാഗം തങ്ങൾക്കൊപ്പം ഉള്ളവരാണ്. അവർ ചിന്തിച്ചു കോൺഗ്രസിനാണ് കേന്ദ്രത്തിൽ ഭരണത്തിന് നേതൃത്വം നൽകാൻ സാധിക്കുന്നതെന്ന്. അതുകൊണ്ട്…
Read Moreആറിടങ്ങളിൽ നിയമസഭാ ഉപതെരഞ്ഞെടുപ്പിന്റെ ആരവം ; ലോക്സഭയിലേക്ക് വിജയിച്ചവർ 14 ദിവസത്തിനകം നിയമസഭാംഗത്വം രാജിവയ്ക്കണം
കെ. ഇന്ദ്രജിത്ത് തിരുവനന്തപുരം: ലോക്സഭാ തെരഞ്ഞെടുപ്പിന്റെ ആരവമടങ്ങിയതിനു പിന്നാലെ നിയമസഭാ ഉപതെരഞ്ഞെടുപ്പ് ഒരുക്കങ്ങളുടെ തിരക്കിലേക്കു വീണ്ടും കേരളം. ലോക്സഭയിലേക്കു തെരഞ്ഞെടുക്കപ്പെട്ട നാല് നിയമസഭാംഗങ്ങളുടേത് അടക്കം സംസ്ഥാനത്ത് ആറിടത്തെ ഉപതെരഞ്ഞെടുപ്പിനുള്ള ഒരുക്കങ്ങളാണു തുടങ്ങിയത്. ലോക്സഭാ തെരഞ്ഞെടുപ്പിൽ വിജയിച്ചവരുടെ വിജ്ഞാപനം തെരഞ്ഞെടുപ്പു കമ്മീഷൻ ഇന്നു പുറപ്പെടുവിക്കും. വിജ്ഞാപനം പുറപ്പെടുവിച്ചു കഴിഞ്ഞാൽ 14 ദിവസത്തിനകം നിയമസഭാംഗത്വം രാജിവയ്ക്കണം. പാർലമെന്റിലും നിയമസഭയിലും ഒരേ സമയം ഇരട്ടപ്പദവി വഹിക്കുന്നതു വിലക്കിക്കൊണ്ടുള്ള പ്രൊഹിബിഷൻ ഓഫ് സൈമൾട്ടേനിയസ് മെന്പേഴ്സ് റൂളിന്റെ അടിസ്ഥാനത്തിലാണ് രാജി സമർപ്പിക്കേണ്ടത്. എന്നാൽ, വിജയിച്ച എംഎൽഎമാർക്ക് ഈ കാലയളവിനിടയിൽ നിയമസഭയിലെത്തുന്നതിനു നിയമപരവും സാങ്കേതികവുമായ തടസമില്ല. 27നു നിയമസഭയുടെ ബജറ്റ് സമ്മേളനം ആരംഭിക്കുന്പോൾ സഭാ നടപടികളിൽ പങ്കെടുക്കാം. രാജിവച്ചാൽ ആറു മാസത്തിനകം ഉപതെരഞ്ഞെടുപ്പു നടപടികൾ പൂർത്തിയാക്കണമെന്നാണു തെരഞ്ഞെടുപ്പു ചട്ടത്തിൽ പറയുന്നത്. സഭയുടെ കാലാവധി തീരാൻ ഒരു വർഷത്തിനു താഴെ സമയം മാത്രമാണെങ്കിൽ ഉപതെരഞ്ഞെടുപ്പു വേണമെങ്കിൽ ഉപേക്ഷിക്കാം.…
Read More