പി. പ്രശാന്ത് മെഡിക്കല്കോളജ്: 18 വര്ഷമായി മാതാപിതാക്കള് എവിടെയുണ്ടെന്നറിയാതെ അഗതിമന്ദിരത്തില് കഴിയുകയാണ് ഒരു യുവാവ്. ഈ വിഷമം മനസിന്റെ ഏതോ കോണിൽ ഒതുക്കുന്നുണ്ടെങ്കിലും അനില്കുമാര് (40) ഇപ്പോഴും സന്തുഷ്ടനാണ്. ആ പഴയ 16-ാം വാര്ഡിന്റെ ദുരനുഭവങ്ങള് ഒഴിഞ്ഞ് അനില്കുമാര് ഇപ്പോള് ആശ്രയകേന്ദ്രത്തില് കഴിയുന്നത് നിറഞ്ഞ മനസും തെളിഞ്ഞ പുഞ്ചിരിയുമായി. 2000 ഡിസംബറിൽ കൊല്ലം ജില്ലയില് ഉണ്ടായ വാഹനാപകടത്തില്പ്പെട്ട് പോലീസ് ജില്ലാ ആശുപത്രിയിലെത്തിക്കുകയും തുടർന്ന് തിരുവനന്തപുരം മെഡിക്കല് കോജ് ആശുപത്രിയിൽ പ്രവേശിപ്പിക്കപ്പെടുകയും ചെയ്ത യുവാവ് ഇപ്പോള് ശ്രീകാര്യം കട്ടേല എന്ജിനിയറിംഗ് കോളജിനു സമീപത്തെ കാരുണ്യ വിശ്രാന്തി ഭവനിലെ അന്തേവാസിയാണ്. കരമനയ്ക്കു സമീപം മേലാറന്നൂരാണ് തന്റെ വീടെന്ന് അനില് കുമാര് പറയുന്നുണ്ടെങ്കിലും വര്ഷങ്ങള്ക്കിപ്പുറവും അനിലിന്റെ രക്ഷിതാക്കള് കാണാമറയത്തു തന്നെ. ചെറിയ മാനസികാസ്വാസ്ഥ്യമുണ്ടായിരുന്ന അനിലിന് വീട്ടില് നിന്ന് ഇറങ്ങി നടന്നുവെന്നു മാത്രം അറിയാം. പിന്നെ, എങ്ങോട്ടുപോയി എന്നോ, എവിടെവച്ച് അപകടം പറ്റിയെന്നോ,…
Read MoreCategory: TVM
വിദ്യാര്ഥിനിയെ പീഡിപ്പിച്ച് ദൃശ്യങ്ങള് വാട്സ് അപ്പില് പ്രചരിപ്പിച്ചു; രണ്ടുപേര് അറസ്റ്റില്
അയിരൂർ : അയിരൂർ പോലീസ് സ്റ്റേഷൻ പരിധിയിലെ വിദ്യാർഥിനിയെ പീഡിപ്പിച്ച് ദൃശ്യങ്ങൾ വാട്സ് അപ്പിൽ പ്രചരിപ്പിച്ച കേസിലെ പ്രതികളായ രണ്ടുപേരേ പോലീസ് അറസ്റ്റ് ചെയ്തു. മുത്താന ആർകെഎം യുപിഎസിനു സമീപത്തെ ശിവശക്തി വീട്ടിൽ ദിപിൻ,മുത്താന ഗുരുമുക്കിനു സമീപം തോക്കാട് കോളനി പുത്തൻ വീട്ടിൽ റിയാസ് എന്നിവരാണ് അറസ്റ്റിലായത്. ആറ്റിങ്ങൽ ഡിവൈഎസ്പി പി. അനിൽകുമാറിന്റെ നേതൃത്വത്തിൽ അയിരൂർ എസ്ഐ ഡി. സജീവ്, ഗ്രേഡ് എസ്ഐ അജയകുമാർ, എഎസ്ഐ അജയകുമാർ, പോലീസുകാരായ ശ്രീകുമാർ, സിബി എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാന്ഡു ചെയ്തു.
Read Moreപ്രവീണയുടെ മരണത്തില് ദുരൂഹത ഉണ്ടെന്ന് സഹോദരന് പ്രവീണ്; ചിലരെ സംശയമുണ്ടെന്ന് ബന്ധുക്കള്
കല്ലറ: യുവതി ആത്മഹത്യ ചെയ്ത സംഭവത്തിൽ ദുരൂഹതയുണ്ടെന്ന് ആരോപിച്ച് ബന്ധുക്കൾ വെഞ്ഞാറമൂട് പോലീസിൽ പരാതി നൽകി. വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയ കുറ്റിമൂട്, കതിരുവിള, പാലമുക്ക് വീട്ടിൽ സന്തോഷിന്റെ ഭാര്യ പ്രവീണയുടെ( 22)മരണത്തിൽ ദുരൂഹത ഉണ്ടെന്ന് കാണിച്ച് സഹോദരൻ പ്രവീണാണ് വെഞ്ഞാറമൂട് പോലീസിൽ പരാതി നൽകിയിരിക്കുന്നത്. ബുധനാഴ്ച ഉച്ചയ്ക്ക് രണ്ടിനാണ് യുവതിയെ മുറിക്കുള്ളിൽ മരിച്ച നിലയിൽ കണ്ടെത്തിയത്. മരണത്തിൽ ദുരൂഹതയുണ്ടെന്നും, ചിലരെ സംശയമുണ്ടെന്നും അന്നു തന്നെ ബന്ധുക്ക ൾ പറഞ്ഞിരുന്നു. തുടന്ന് തഹസിൽദാറുടെ സാന്നിധ്യത്തിൽ ഇൻക്വസ്റ്റ് തയാറാക്കിയ ശേഷമാണ് മൃതദേഹം പോസ്റ്റ്മോർട്ടത്തിനയച്ചത്. പരാതിയുടെ അടിസ്ഥാനത്തിൽ അന്വേഷണം ആരംഭിച്ചതായി പോലീസ് പറഞ്ഞു.
Read Moreമദ്യം വരുത്തുന്ന വിന! ആലിയയ്ക്കും മുത്തച്ഛനും കണ്ണീരിൽ കുതിർന്ന യാത്രാമൊഴി; മദ്യ ലഹരിയിൽ കാർ ഓടിച്ച മുൻ പോലീസുകാരൻ റിമാൻഡിൽ
കഠിനംകുളം : മദ്യ ലഹരിയിൽ മുൻ പോലീസുകാരൻ ഓടിച്ച കാർ ഇടിച്ചു മരിച്ച ആറാം ക്ലാസുകാരി ആലിയ ഫാത്തിമയ്ക്കും മുത്തച്ഛന് അബ്ദുള് സലാമിനും നാട്ടുകാരുടെ കണ്ണീരിൽ കുതിർന്ന വിട. മൃതദേഹങ്ങള് ഒരുനോക്ക് കാണാന് കാവോട്ടുമുക്ക് ദാര് അല് ബര്ക്കത്ത് വീട്ടിലേക്ക് വന് ജനാവലിയാണ് എത്തിയത്. ഇന്നലെ വൈകുന്നേരം നാലിന് വീട്ടില് മൃതദേഹം എത്തിച്ചു. ഒരു മണിക്കൂറോളം വീട്ടില് പൊതു ദര്ശനത്തിനു വച്ചു. തുടര്ന്നു കണിയാപുരം പള്ളി നട മുസ്ലിം ജമാ അത്ത് ഖബര് സ്ഥാനില് ഖബറടക്കി. മരണ വാര്ത്ത അറിഞ്ഞു ബന്ധുക്കളും നാട്ടുകാരും വ്യാഴാഴ്ച വൈകുന്നേരത്തോടെ വീട്ടു വളപ്പില് തടിച്ചു കൂടിയിരുന്നു. വ്യാഴാഴ്ച വൈകുന്നേരം 4.30 ഓടെയാണ് മദ്യ ലഹരിയിലായിരുന്ന മുന് പോലീസുകാരന് മാഹീന് ഓടിച്ച കാർ ഇടിച്ച് റോഡിന് സമീപത്ത് കൂടി നടന്നു പോകുകയായിരുന്ന കാവോട്ടു മുക്ക് ദാര് അല് ബര്ക്കത്തില് അബ്ദുൾ സലാം (78)…
Read Moreസാമൂഹ്യമാധ്യമങ്ങളിലെ സന്ദേശങ്ങൾ കണ്ട് ഇറങ്ങിത്തിരിക്കല്ലേ… യാതൊരു സുരക്ഷാക്രമീകരണങ്ങളും ഇവിടില്ല
വിതുര :തൊളിക്കോട് പഞ്ചായത്തിലെ ചിറ്റിപ്പാറ സന്ദര്ശിക്കാന് കഴിഞ്ഞ ദിവസങ്ങളിലെത്തിയത് നൂറുകണക്കിനു പേര്. സമുദ്രനിരപ്പില് നിന്ന് 150 മീറ്റര് ഉയരത്തിലുള്ള ചിറ്റിപ്പാറയെക്കുറിച്ച് സാമൂഹ്യമാധ്യമങ്ങളില് തുടര്ച്ചയായി വന്ന സന്ദേശങ്ങളാണ് സന്ദര്ശകപ്രവാഹത്തിനു കാരണമായത്.അവധി ദിവസങ്ങളിലാണ് തിരക്ക്. ആദിവാസി ഊരുകള് ഉള്പ്പെടുന്ന മലയടി,ചിറ്റിക്കോണം,പൊന്പാറ തുടങ്ങിയ പ്രദേശങ്ങള്ക്കു മുകളിലായാണ് പാറയുടെ സ്ഥാനം. രണ്ടുപാറകള് ചേര്ന്ന രീതിയിലാണ് ചിറ്റിപ്പാറ. പാറ ചുറ്റി മുകളിലെത്തിയാല് ചുറ്റുമുള്ള പ്രദേശങ്ങളും മലനിരകളും ദൃശ്യമാകും. ആദിവാസികളുടെ ആരാധനാകേന്ദ്രമായ ആയിരവില്ലിത്തമ്പുരാന്ക്ഷേത്രം ഇവിടെയാണ്. ക്ഷേത്രത്തിന്റെ വശത്തുള്ള കാട്ടുവഴിയിലൂടെ മുകളിലേക്കുകയറിയാല് പാറയുടെ മുകളിലെത്താം. വിതുര,തൊളിക്കോടു പഞ്ചായത്തുകളുടെ പ്രകൃതിഭംഗിയും കാനനസൗന്ദര്യവും ആസ്വദിക്കാനാകുമെന്ന് സന്ദര്ശകര് പറയുന്നു. ആര്യനാട് – വിതുര റോഡില് മലയടി ജംഗ്ഷന് തിരിഞ്ഞ് വലിയകളം ക്ഷേത്രം വഴിയും നെടുമങ്ങാട് – പൊന്മുടി റോഡില് ഇരുത്തലമുക്കുവഴിയും ചിറ്റിപ്പാറയിലെത്താം.യാതൊരുവിധ സുരക്ഷാസംവിധാനവുമില്ലാതെയാണ് സന്ദര്ശകര് ഇവിടെയെത്തുന്നത്. കാട്ടുവഴിയിലൂടെ ഒരു കിലോമീറ്റർ ദൂരം നടക്കണം. ക്ഷേത്രത്തിലെത്തുന്ന വിശ്വാസികള് മാത്രമാണ് പാറയിലെത്തിയിരുന്നത്. എന്നാല് സമൂഹമാധ്യമങ്ങളിലൂടെയുള്ള…
Read Moreയുവാവിനെ തലയ്ക്കടിച്ചു കൊല്ലാൻ ശ്രമിച്ച കേസ്; രണ്ടുപേരെ പോലീസ് അറസ്റ്റു ചെയ്തു
പാലോട് : പെരിങ്ങമ്മല പ്ലാമൂട് സ്വദേശി ഷിജുവിനെ തലക്കടിച്ചു കൊലപ്പെടുത്താൻ ശ്രമിച്ച കേസിൽ പെരിങ്ങമ്മല ദൈവപ്പുര ദിനേശ് വിലാസത്തിൽ ദിനേശ് (38 ) കരിമൻകോട് ഊരാളിക്കോണം കോണത്തു പുത്തൻവീട്ടിൽ അനിൽകുമാർ (32 ) എന്നിവരെ പാലോട് പോലീസ് അറസ്റ്റു ചെയ്തു . ദിനേശിന്റെ പേരിൽ പാലോട് സ്റ്റേഷനിൽ നിരവധി കേസുകൾ നിലവിലുണ്ട് .പാലോട് സിഐ കെ .ബി മനോജ് കുമാറിന്റെ നേതൃത്വത്തിൽ എസ് ഐ മാരായ എസ്.അഷറഫ് , ഹുസൈൻ , എ എസ് ഐ ഇർഷാദ് , സിപിഒ മാരായ പ്രദീപ് ,രാജേഷ് ,ശ്രീജിത്ത് എന്നിവർ ഉൾപ്പെടുന്ന പോലീസ് സംഘമാണ് പ്രതികളെ പിടികൂടിയത് . കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Read Moreകുട്ടനാട്ടിലെ വെള്ളപ്പൊക്ക പ്രശ്നം പരിഹരിക്കാൻ നെതർലാൻഡ്മാതൃകയും മലയോരമേഖലയിലെ മണ്ണിടിച്ചിൽ മാറ്റാൻ ശ്രീലങ്കൻ പദ്ധതിയും; ലോക ബാങ്ക് പ്രതിനിധികളുമായി മന്ത്രി വി.എസ്. സുനിൽകുമാറിന്റെ കൂടിക്കാഴ്ചയിലെ പദ്ധതികൾ ഇങ്ങനെയൊക്കെ…
തിരുവനന്തപുരം: കുട്ടനാട് രണ്ടാംഘട്ടവും മലയോര മേഖലയിൽ മണ്ണിടിച്ചിൽ തടയലും കാർഷിക രീതികൾ മെച്ചപ്പെടുത്തലും സമഗ്ര കോൾ കൃഷി നടപ്പാക്കലും സംബന്ധിച്ച് ലോക ബാങ്ക് പ്രതിനിധികളുമായി മന്ത്രി വി.എസ്. സുനിൽകുമാർ ചർച്ച നടത്തി. കുട്ടനാടിലെ ജലപ്രശ്നം പരിഹരിക്കാൻ നെതർലൻഡ്സിലെ മാതൃക പഠന വിധേയമാക്കും. കുട്ടനാടിനെപോലെ സമുദ്ര നിരപ്പിലേതിനേക്കാൾ താഴ്ന്ന സ്ഥലത്താണ് നെതർലൻഡ്സ് സ്ഥിതി ചെയ്യുന്നത്. കടലിൽ നിന്നുള്ള ഉപ്പുവെള്ളവും മഴവെള്ളവും ഒരേ സമയം നെതർലാൻഡിൽ നിയന്ത്രണ വിധേയമാക്കുന്നത് പഠന വിധേയമാക്കും. കുട്ടനാട് രണ്ടാം പാക്കേജിൽ കൃഷിക്കായിരിക്കും മുൻതൂക്കം നൽകുന്നത്. മത്സ്യബന്ധനം, മൃഗസംരക്ഷണം, മണ്ണു സംരക്ഷണം, കോഴിവളർത്തൽ ,ടൂറിസം മേഖലകൾക്ക് തുല്യപ്രാധാന്യം നൽകും. ജൈവ കൃഷി സന്പ്രദായങ്ങളായിരിക്കും കുട്ടനാടും കോൾ പാടങ്ങളിലും നടപ്പാക്കുന്നത്. മലയോര മേഖലയിലെ മണ്ണിടിച്ചിൽ വിഷയം പരിഹരിക്കാനായി ശ്രീലങ്കയിൽ മണ്ണിടിച്ചിൽ തടയാനായി നടപ്പാക്കിയ പദ്ധതികൾ വിലയിരുത്തി ഉചിതമായവ സ്വീകരിക്കും. സംസ്ഥാനത്ത് 23 പ്രത്യേക ഭൗമ സൂചിക പദവിയുള്ള…
Read Moreവ്യാജ സര്ട്ടിഫിക്കറ്റ്: 11 വിദ്യാര്ഥികളുടെ എംബിബിഎസ് പ്രവേശനം റദ്ദാക്കി
തിരുവനന്തപുരം: വ്യാജ സര്ട്ടിഫിക്കറ്റ് ഹാജരാക്കി കാരക്കോണം സിഎസ്ഐ മെഡിക്കല് കോളജില് പ്രവേശനം നേടിയ 11 വിദ്യാര്ഥികളുടെ പ്രവേശനം പ്രവേശന മേല്നോട്ടസമിതി റദ്ദാക്കി. എംബിബിഎസ് പ്രവേശനം നേടുന്നതിനായി വ്യാജ സമുദായ സര്ട്ടിഫിക്കറ്റ് ഹാജരാക്കി എന്നകാരണത്താലാണ് ഇവരുടെ പ്രവേശനം ജസ്റ്റീസ് രാജേന്ദ്രബാബു അധ്യക്ഷനായ സമിതി റദ്ദാക്കിയത്. സിഎംഎസ് ആംഗ്ലിക്കന് സഭാംഗങ്ങളുടെ മക്കള് എന്ന നിലയില് പ്രവേശനം നേടിയ ഒന്പതും അനുബന്ധ സമുദായാംഗം എന്ന നിലയില് പ്രവേശനം നേടിയ രണ്ടും വിദ്യാര്ഥികളുടെ പ്രവേശനമാണ് റദ്ദാക്കപ്പെട്ടത്. ആംഗ്ലിക്കന് ചര്ച്ച് ബിഷപ് ഡേവിഡ് ലൂക്കോസ് നല്കിയ സമുദായ സര്ട്ടിഫിക്കറ്റാണ് ഇവര് പ്രവേശനത്തിനായി ഹാജരാക്കിയത്. അദ്ദേഹം നല്കിയ സമുദായ സര്ട്ടിഫിക്കറ്റ് അസാധുവാണെന്നും കമ്മിറ്റിയുടെ പരിശോധനയില് വ്യക്തമായി. പ്രവേശനം റദ്ദാക്കിയ 11 വിദ്യാര്ഥികള്ക്കും രജിസ്ട്രേഷന് നല്കരുതെന്ന് സമിതി ആരോഗ്യ സര്വകലാശാല രജിസ്ട്രാര്ക്ക് നിര്ദേശം നല്കി. അവശേഷിക്കുന്ന 89 വിദ്യാര്ഥികള്ക്ക് രജിസ്ട്രേഷന് നല്കാനും സമിതി നിര്ദേശിച്ചു.
Read Moreദേവസ്വം ബോർഡ് സാവകാശ ഹർജി നൽകും; സുപ്രീംകോടതി വിധി പകർപ്പുകൾ രേഖാമൂലം കിട്ടിയാലുടൻ അന്തിമ തീരുമാനമെന്ന് പദ്മകുമാർ
തിരുവനന്തപുരം: ശബരിമലയിൽ എല്ലാ സ്ത്രീകൾക്കും പ്രവേശനം നടപ്പാക്കണമെന്ന സുപ്രീംകോടതി വിധിയിൽ സാവകാശ ഹർജി നൽകാൻ ദേവസ്വം ബോർഡ് തത്വത്തിൽ തീരുമാനിച്ചു. വ്യാഴാഴ്ച രാത്രി ചേർന്ന യോഗത്തിലാണു തീരുമാനം. ഇതു സംബന്ധിച്ച അന്തിമ തീരുമാനം വെള്ളിയാഴ്ച രാവിലെ ഒന്പതിനു ചേരുന്ന ബോർഡ് യോഗത്തിൽ ഉണ്ടാകുമെന്ന് ദേവസ്വം ബോർഡ് പ്രസിഡന്റ് എ. പദ്മകുമാർ പറഞ്ഞു. സുപ്രീംകോടതി വിധി പകർപ്പുകൾ രേഖാമൂലം ലഭിച്ചിട്ടില്ല. വെള്ളിയാഴ്ച രാവിലെ എട്ടോടെ അവ ലഭിക്കും. അതിനുശേഷം ചേരുന്ന ബോർഡ് യോഗത്തിൽ സാവകാശ ഹർജി നൽകുന്ന കാര്യത്തിൽ തീരുമാനമെടുക്കും. പുനഃപരിശോധനാ ഹർജികൾ പരിഗണിക്കുന്നതുവരെ യുവതീ പ്രവേശനം നടപ്പാക്കുന്ന കാര്യത്തിൽ സാവകാശം ലഭിക്കുമോയെന്നറിയുന്നതിനാണ് ദേവസ്വം ബോർഡ് ഹർജി നൽകുന്നത്. മുഖ്യമന്ത്രിയുമായി തന്ത്രി കുടുംബം, രാഷ്ട്രീയ കക്ഷികൾ തുടങ്ങിയവരെല്ലാം ദേവസ്വം ബോർഡ് ഉത്തരവാദിത്തം നടപ്പാക്കണമെന്നാണ് ആവശ്യപ്പെട്ടത്. ദേവസ്വം ബോർഡ് ഉത്തരവാദിത്തം നിർവഹിക്കുമെന്നും അദ്ദേഹം പറഞ്ഞു.
Read Moreസർവകക്ഷി യോഗം പരാജയം; യുവതികളെ പ്രവേശിപ്പിക്കുമെന്ന നിലപാടിൽ സർക്കാർ ഉറച്ചു നിന്നു; യുഡിഎഫും ബിജെപിയും ബഹിഷ്കരിച്ചു
തിരുവനന്തപുരം: ശബരിമല യുവതീപ്രവേശനവുമായി ബന്ധപ്പെട്ട് സർക്കാർ വിളിച്ച സർവകക്ഷിയോഗം പരാജയപ്പെട്ടു. രണ്ടര മണിക്കൂറോളം നീണ്ടുനിന്ന ചർച്ചകൾക്കു ശേഷമാണ് അന്തിമതീരുമാനത്തിലേക്കു യോഗം എത്തിച്ചേർന്നത്. യുവതികളെ പ്രവേശിപ്പിക്കുമെന്ന നിലപാടിൽ സർക്കാർ ഉറച്ചു നിന്നതോടെ യുഡിഎഫും ബിജെപിയും യോഗം ബഹിഷ്കരിച്ചു. സർവകക്ഷിയോഗം പ്രഹസനമാണെന്നും സമവായ നീക്കങ്ങൾ ഉണ്ടായില്ലെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു. വിശ്വാസികളെ തല്ലിച്ചതയ്ക്കാനാണ് സർക്കാർ തീരുമാനം. സർക്കാർ വെറുതെ സമയം കളഞ്ഞുവെന്നും ബിജെപി പ്രതിഷേധവുമായി മുന്നോട്ട് പോകുമെന്നും എന്നായിരുന്നു ബിജെപി സംസ്ഥാന അധ്യക്ഷൻ പി.എസ്. ശ്രീധരൻപിള്ളയുടെ പ്രതികരണം. സുപ്രീംകോടതി വിധി സർക്കാർ നടപ്പാക്കുമെന്ന് യോഗത്തിന്റെ ആമുഖപ്രസംഗത്തിൽ മുഖ്യമന്ത്രി പിണറായി വിജയൻ ആവർത്തിച്ചിരുന്നു. വിഷയത്തിൽ സർക്കാർ മുൻവിധിയോടെയല്ല പെരുമാറുന്നത്. ശബരിമലയിൽ എത്തുന്ന വിശ്വാസികൾക്ക് സർക്കാർ എല്ലാ സൗകര്യവും ഒരുക്കും. യുവതീപ്രവേശനവുമായി ബന്ധപ്പെട്ട് സർക്കാരിന് മറ്റ് വഴികളൊന്നുമില്ല. ശബരിമലയെ സംഘർഷ ഭൂമിയാക്കരുതെന്നും സർവകക്ഷി യോഗത്തിന് ശേഷം നടത്തിയ വാർത്താ സമ്മേളനത്തിൽ…
Read More