കൊച്ചി: വഖഫ് ഭേദഗതി ബില് ഇന്ന് ലോക്സഭയില് അവതരിപ്പിക്കാനിരിക്കെ കോണ്ഗ്രസ് എംപിമാര്ക്കെതിരേ എറണാകുളത്ത് പോസ്റ്റര്. മുനമ്പം ജനതയുടെ പേരില് ഹൈബി ഈഡന് എംപിയുടെ എറണാകുളത്തെ ഓഫീസ് പരിസരത്താണ് പോസ്റ്റര് പ്രത്യക്ഷപ്പെട്ടത്. ‘കോണ്ഗ്രസ് എംപിമാരുടെ ശ്രദ്ധയ്ക്ക്’ എന്ന തലക്കെട്ടിലാണ് പോസ്റ്റര്. ‘വഖഫ് ബില്ലിനെ എതിര്ത്താലും ജയിച്ചെന്ന് കരുതേണ്ട’ എന്ന് പോസ്റ്ററിലുണ്ട്. മുനമ്പത്തെ ജനങ്ങളെ വഞ്ചിച്ച് കോണ്ഗ്രസ് എംപിമാര് വഖഫിനൊപ്പം നിന്നെന്ന് പോസ്റ്ററില് പറയുന്നു. ക്രൈസ്തവ സമൂഹം നിങ്ങള്ക്കെതിരേ വിധിയെഴുതും. ‘വഖഫിനൊപ്പം നില്ക്കുന്ന കോണ്ഗ്രസേ ക്രൈസ്തവ സമൂഹത്തിന് നിങ്ങള് നല്കിയ മുറിവായി മുനമ്പം എന്നും ഞങ്ങള് ഓര്ത്തുവെയ്ക്കും’ എന്നും പോസ്റ്ററില് പറയുന്നു. മുനമ്പത്തെ അമ്മമാരുടെ കണ്ണീരും പ്രാര്ഥനയും ദൈവം കാണാതിരിക്കില്ലെന്നും പോസ്റ്ററിലുണ്ട്. വഖഫ് ഭേദഗതി ബില് പാര്ലമെന്റില് പാസാകാന് പ്രതിപക്ഷ എംപിമാര് അനുവദിച്ചില്ലെങ്കില് കടലിന്റെ മക്കള് കടലിലേക്ക് ഇറങ്ങുമെന്ന് വ്യക്തമാക്കിക്കൊണ്ടുള്ള മറ്റൊരു പോസ്റ്ററും ഹൈബി ഈഡന്റെ ഓഫീസിന് സമീപം പതിപ്പിച്ചിട്ടുണ്ട്.…
Read MoreCategory: Loud Speaker
കല്പ്പറ്റ പോലീസ് സ്റ്റേഷനിൽ ആദിവാസി യുവാവിന്റെ തൂങ്ങിമരണം: ക്രൈംബ്രാഞ്ച് അന്വേഷിക്കും
കല്പ്പറ്റ: കല്പ്പറ്റ പോലീസ് സ്റ്റേഷനിലെ ശുചിമുറിയില് ആദിവാസി യുവാവിനെ തൂങ്ങിമരിച്ചനിലയില് കണ്ടെത്തിയ സംഭവം ക്രൈംബ്രാഞ്ച് അന്വേഷിക്കും. അമ്പലവയല് നെല്ലാറച്ചാല് പുതിയപാടി ഉന്നതിയിലെ ചന്ദ്രന്-ഓമന ദമ്പതികളുടെ മകന് ഗോകുലിന്റെ(18) മരണം വിവാദമായ സാഹചര്യത്തിലാണു തീരുമാനം. ഇന്നലെ രാവിലെയാണ് ഗോകുലിനെ തൂങ്ങിമരിച്ചനിലയില് കണ്ടത്. ശുചിമുറിയിലെ ഷവറില് ഷര്ട്ടില് കെട്ടിത്തൂങ്ങുകയായിരുന്നു. സംഭവത്തെക്കുറിച്ച് പോലീസ് രഹസ്യാന്വേഷണ വിഭാഗങ്ങളും അന്വേഷണം ആരംഭിച്ചു. എസ്എച്ച്ഒ, എസ്ഐ എന്നിവര്ക്ക് വീഴ്ചയുണ്ടായോ എന്നാണ് അന്വേഷിക്കുന്നത്. പോലീസ് സ്റ്റേഷനില്വച്ചാണ് മരണം സംഭവിച്ചതെന്നതിനാല് കസ്റ്റഡി മരണമായാണു പരിഗണിക്കുക. ഈ സാഹചര്യത്തിലാണ് ക്രൈംബ്രാഞ്ച് അന്വേഷണം. ആദിവാസികളിലെ പണിയ വിഭാഗത്തില്പ്പെട്ട ഗോകുലിനെയും കാട്ടുനായ്ക്ക വിഭാഗത്തില്പ്പെട്ട പ്രായപൂര്ത്തിയാകാത്ത പെണ്കുട്ടിയെയും അഞ്ചുദിവസം മുന്പ് കാണാതായിരുന്നു. പോലീസ് നടത്തിയ അന്വേഷണത്തില് ഇരുവരെയും കോഴിക്കോട്ടുവച്ച് വനിതാ സെല് ജീവനക്കാര് തിങ്കളാഴ്ച രാത്രി കണ്ടെത്തി കല്പ്പറ്റ പോലീസിനു കൈമാറി. രാത്രി വൈകി മജിസ്ട്രേറ്റ് മുമ്പാകെ ഹാജരാക്കാന് കഴിയാത്തതിനാല് പെണ്കുട്ടിയെ ‘സഖി’യിലേക്കു മാറ്റി.…
Read Moreമഹാത്മാഗാന്ധിയുടെ പ്രപൗത്രി അന്തരിച്ചു
വഡോദര: മഹാത്മാഗാന്ധിയുടെ പ്രപൗത്രി നിലംബെൻ പരീഖ് (92) അന്തരിച്ചു. നവസാരിയിലെ വസതിയിലായിരുന്നു അന്ത്യം. മുത്തച്ഛൻ ഹരിലാലുമായുള്ള മഹാത്മാഗാന്ധിയുടെ ബന്ധത്തെക്കുറിച്ച് എഴുതിയ പുസ്തകത്തിലൂടെയാണ് നിലംബെൻ പരീഖ് പ്രശസ്തയാകുന്നത്. ആദിവാസി സ്ത്രീകളുടെ ഉന്നമനത്തിനായി അവർ സ്ഥാപിച്ച ദക്ഷിണപാത എന്ന സംഘടനയിലാണ് നിലംബെൻ തന്റെ ജീവിതം മുഴുവൻ ചെലവഴിച്ചത്. ഹരിലാൽ ഗാന്ധിയുടെയും ഭാര്യ ഗുലാബിന്റെയും അഞ്ച് മക്കളിൽ മൂത്തവളായ റാമി ബെന്നിന്റെ മകളായിരുന്നു നിലംബെൻ. മകൻ സമീർ പരീഖ് നവസാരിയിൽ നേത്രരോഗവിദഗ്ധനായി ജോലി ചെയ്യുന്നു. പരേതനായ യോഗേന്ദ്രഭായിയാണ് ഭർത്താവ്.
Read Moreമയക്കു മരുന്നിന് അടിമയായി പിന്നാലെ വിഷാദ രോഗവും: ബാത്ത് റൂമിൽ പോയിട്ട് വരാമെന്ന് പറഞ്ഞ് മുറിക്ക് പുറത്തിറങ്ങി; എംബിഎ വിദ്യാർഥി ഒന്പതാംനിലയിൽനിന്നു ചാടി മരിച്ചു
ലക്നോ: ഉത്തർപ്രദേശിൽ കെട്ടിടത്തിൽനിന്നു ചാടി എംബിഎ വിദ്യാർഥി ജീവനൊടുക്കി. ഹർഷിത് ത്യാഗി(25) ആണു മരിച്ചത്. ഗാസിയാബാദിലുള്ള ഇന്ദിരാപുരത്താണു സംഭവം. ഫ്ളാറ്റിന്റെ ഒന്പതാം നിലയിൽനിന്നുമാണ് ഹർഷിത് ചാടിയത്. മയക്കുമരുന്നിന് അടിമയായിരുന്ന ഹർഷിദ്, വിഷാദരോഗിയായിരുന്നുവെന്ന് പോലീസ് അറിയിച്ചു. ശുചിമുറിയിൽ പോകുകയാണെന്ന് പറഞ്ഞ് മുറിയിൽനിന്നു പുറത്തിറങ്ങിയ ഹർഷിദ്, ഫ്ളാറ്റിന്റെ ബാൽക്കണിയിലേക്കു കയറി ചാടുകയായിരുന്നു. ഗുരുതരമായി പരിക്കേറ്റ ത്യാഗിയെ അമ്മയും ബന്ധുക്കളും ചേർന്ന് നോയിഡയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
Read Moreയുപിയിൽ ട്രെയിലർ ഇടിച്ച് ബൈക്ക് യാത്രക്കാരായ നവദമ്പതികൾ മരിച്ചു
ലക്നോ: ഉത്തർപ്രദേശിലെ മൗ ജില്ലയിൽ അമിതവേഗതയിൽ വന്ന ട്രെയിലർ ട്രക്ക് ഇടിച്ച് ബൈക്ക് യാത്രികരായ നവദമ്പതികൾ മരിച്ചു. പവൻ കുമാർ സിംഗ് (29), ഭാര്യ റിങ്കി സിംഗ് (26) എന്നിവരാണ് മരിച്ചത്. ഹൽദാർപുർ പ്രദേശത്തെ ഗർവാ മോറിനു സമീപം ദേശീയപാത 34ൽ ആണ് അപകടമുണ്ടായത്. പിൽഖി വരുണ ഗ്രാമത്തിലുള്ള റിങ്കി സിംഗിന്റെ അമ്മയുടെ വീട്ടിലേക്കു പോകുകയായിരുന്നു. ഇരുവരും സംഭവസ്ഥലത്തുതന്നെ മരിച്ചു. ട്രെയിലർ പോലീസ് കസ്റ്റഡിയിലെടുത്തെങ്കിലും ഡ്രൈവർ സ്ഥലത്തുനിന്ന് ഓടിരക്ഷപ്പെട്ടു.
Read More‘ഇന്ത്യ ഒരുത്തന്റെയും തന്തയുടെ വകയല്ല’: എമ്പുരാന് പിന്തുണയുമായി ഹൈബി ഈഡന്
കൊച്ചി: മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്ത എമ്പുരാന് എന്ന ചിത്രത്തിന് പിന്തുണയുമായി ഹൈബി ഈഡന് എംപി. ‘ഇന്ത്യ ഒരുത്തന്റെയും തന്തയുടെ വകയല്ല, നട്ടെ L’ എന്ന കുറിപ്പോടെ സുപ്രിയ മേനോനും പൃഥ്വിരാജ് സുകുമാരനുമൊപ്പമുള്ള ചിത്രമാണ് ഹൈബി ഈഡന് ഫേസ്ബുക്കില് പങ്കുവച്ചത്. തിരക്കഥാകൃത്ത് മുരളി ഗോപിയെയും സുപ്രിയയെയും പൃഥ്വിരാജിനെയും പോസ്റ്റില് ടാഗ് ചെയ്തിട്ടുണ്ട്. എന്നാല് ചിത്രത്തിലെ നായകന് മോഹന്ലാലിനെ പോസ്റ്റില് ഹൈബി ടാഗ് ചെയ്തിട്ടുമില്ല. അതേസമയം ചിത്രവുമായി ബന്ധപ്പെട്ട വിവാദങ്ങള് ഉയര്ന്നുനില്ക്കേ ചിത്രം ആഗോളതലത്തില് 200 കോടി ക്ലബില് ഇടംപിടിച്ചു. റിലീസ് ചെയ്ത് വെറും അഞ്ച് ദിവസംകൊണ്ടാണ് എമ്പുരാന് 200 കോടി ക്ലബിലെത്തിയത്. നേരത്തേ 48 മണിക്കൂറിലാണ് ചിത്രം 100 കോടി ക്ലബില് ഇടംപിടിച്ചത്. അതേസമയം ചിത്രത്തിന്റെ റീ എഡിറ്റഡ് പതിപ്പ് ഇന്ന് തീയേറ്ററുകളിലെത്തും. പ്രമേയവുമായി ബന്ധപ്പെട്ടുയര്ന്ന വിവാദങ്ങളെത്തുടര്ന്ന് മൂന്ന് മിനിറ്റ് ദൃശ്യങ്ങളാണ് ചിത്രത്തില്നിന്ന് നീക്കം ചെയ്തത്.
Read Moreവിദ്യാകിരണം പദ്ധതി: കഴിഞ്ഞവര്ഷം സംസ്ഥാനത്ത് വിതരണം ചെയ്തത് 2.24 കോടി
കൊച്ചി: സംസ്ഥാനത്ത് കഴിഞ്ഞ സാമ്പത്തിക വര്ഷം വിദ്യാകിരണം പദ്ധതി വഴി വിതരണം ചെയ്തത് 2,24,08,500 രൂപ. സാമ്പത്തിക പരാധീനതമൂലം ദുരിതമനുഭവിക്കുന്ന ഭിന്നശേഷിയുള്ള മാതാപിതാക്കളുടെ (രണ്ടു പേരും/ആരെങ്കിലും ഒരാള്) മക്കള്ക്ക് വിദ്യാഭ്യാസ ധനസഹായം നല്കുന്ന തിനായി സാമൂഹ്യനീതി വകുപ്പ് മുഖേന നടപ്പാക്കിയ പദ്ധതിയാണ് വിദ്യാകിരണം. ഒന്നാം ക്ലാസ് മുതല് പിജി/പ്രഫഷണല് കോഴ്സ് വരെയുള്ള വിദ്യാര്ഥികള്ക്ക് ഒരു അധ്യയന വര്ഷത്തേക്കാണ് (പത്തു മാസം) തുക അനുവദിക്കുന്നത്. ഭിന്നശേഷിക്കാരായ മാതാപിതാക്കളുടെ മക്കള്ക്ക് ഒന്നാം ക്ലാസ് മുതല് അഞ്ചാം ക്ലാസ് വരെ പ്രതിമാസം 300 രൂപയാണ് സ്കോളര്ഷിപ്പായി നല്കുന്നത്. ആറു മുതല് പത്തു വരെ 500 രൂപയും പ്ലസ് വണ്, പ്ലസ്ടു, ഐ ടി ഐ, തത്തുല്യമായ മറ്റു കോഴ്സുകള്ക്ക് 750 രൂപയും ഡിഗ്രി, പിജി, പോളി ടെക്നിക് തത്തുല്യമായ ട്രെയിനിംഗ് കോഴ്സുകള്, പ്രഫഷണല് കോഴ്സുകള് എന്നിവയ്ക്ക് ആയിരം രൂപയുമാണ് സ്കോളര്ഷിപ്പായി നല്കുന്നത്.…
Read Moreസിപിഎം പാർട്ടി കോൺഗ്രസിന് നാളെ മധുരയിൽ തുടക്കമാകും; ജനറൽ സെക്രട്ടറി സ്ഥാനത്തേക്ക് ഇ.എം.എസിനുശേഷം എം.എ. ബേബിയോ?
കണ്ണൂർ: സിപിഎം 24 ാം പാർട്ടി കോൺഗ്രസിന് നാളെ മധുരയിൽ തുടക്കമാകും. ബിജെപി മുഖ്യ എതിരാളിയാണെന്നും കോണ്ഗ്രസുമായി രാഷ്ട്രീയസഖ്യം പാടില്ലെന്നും സിപിഎമ്മിൽ ചർച്ച നടന്നുകൊണ്ടിരിക്കുന്ന സാഹചര്യത്തിലാണ് പാർട്ടി കോൺഗ്രസ് നടക്കുന്നത്. അതുകൊണ്ടുതന്നെ ആശയസമരത്തേക്കാള് കൂടുതല് പാര്ട്ടി ഘടനയിലുള്ള ചര്ച്ചകള്ക്ക് പാർട്ടി കോൺഗ്രസിൽ പ്രാധാന്യമുണ്ടാകും ഇത്തവണ. ഇ.എം.എസിനു ശേഷം കേരളത്തിൽനിന്ന് സിപിഎമ്മിന് ജനറൽ സെക്രട്ടറിയുണ്ടാകുമോയെന്നാണ് മധുരയിലെ പാർട്ടി കോൺഗ്രസിൽ കേരളം ഉറ്റുനോക്കുന്നത്. കേരളത്തില്നിന്നുള്ള മുതിര്ന്ന അംഗവും മുന് വിദ്യാഭ്യാസ മന്ത്രിയുമായ എം.എ. ബേബിയുടെ പേര് ജനറല് സെക്രട്ടറി സ്ഥാനത്തേക്ക് ഗൗരവമായി ചര്ച്ച ചെയ്യപ്പെടുന്നുണ്ട്. തെരഞ്ഞെടുക്കപ്പെട്ടാല് ആ സ്ഥാനത്ത് എത്തുന്ന കേരള ഘടകത്തില്നിന്നുള്ള രണ്ടാമത്തെ നേതാവായിരിക്കും എം.എ. ബേബി. 1962-64 കാലത്തും പിന്നീട് 1978 മുതല് 1992 വരെയും ജനറല് സെക്രട്ടറിയായിരുന്നു ഇ.എം.എസ്. മലയാളിയായ പ്രകാശ് കാരാട്ട് ജനറല് സെക്രട്ടറി സ്ഥാനത്ത് 2005 മുതല് 2015 വരെ ഉണ്ടായിരുന്നെങ്കിലും അദ്ദേഹം…
Read Moreഈദ് പ്രാർഥനയ്ക്കുശേഷം പലസ്തീൻ പതാക വീശി: യുപിയിൽ അന്വേഷണം
സഹാറൻപുർ: ഉത്തർപ്രദേശിൽ ഈദ് പ്രാർഥനയ്ക്കു ശേഷം ഒരുകൂട്ടം ആളുകൾ പലസ്തീൻ പതാക വീശുകയും ഹമാസ് അനുകൂല മുദ്രാവാക്യം വിളിക്കുകയും ചെയ്ത സംഭവത്തിൽ പോലീസ് അന്വേഷണം ആരംഭിച്ചു. വീഡിയോ സമൂഹമാധ്യമങ്ങളിൽ പ്രത്യക്ഷപ്പെട്ടതിനെത്തുടർന്നാണ് സംഭവം ശ്രദ്ധയിൽപ്പെട്ടതെന്നു പോലീസ് സൂപ്രണ്ട് പറഞ്ഞു. അംബാല റോഡിലെ ഈദ്ഗാഹിൽ നമസ്കരിച്ചശേഷം, ചില യുവാക്കൾ പലസ്തീൻ പതാക വീശി പ്രകോപനപരമായ മുദ്രാവാക്യം വിളിക്കുകയായിരുന്നു. സിസിടിവി ദൃശ്യങ്ങൾ പരിശോധിച്ച് സംഭവത്തിലുൾപ്പെട്ടവരെ തിരിച്ചറിയാനുള്ള ശ്രമങ്ങൾ തുടരുകയാണെന്നും നടപടിയെടുക്കുമെന്നും പോലീസ് പറഞ്ഞു.
Read Moreമതപരമായ പ്രാധാന്യമുള്ള 19 സ്ഥലങ്ങളിൽ മദ്യവിൽപ്പന നിരോധിച്ചു: മറ്റിടങ്ങളിൽ മദ്യവില കൂട്ടും
ഭോപ്പാൽ: മധ്യപ്രദേശിൽ മതപരമായ പ്രാധാന്യമുള്ള 19 സ്ഥലങ്ങളിൽ ഇന്നുമുതൽ മദ്യവിൽപനയ്ക്ക് പൂർണനിരോധനം. മഹാകാലേശ്വർ ക്ഷേത്രനഗരമായ ഉജ്ജൈൻ, അമർകാന്തക്, ഓംകാരേശ്വർ, മുൽതായ്, മന്ദ്സൗർ, സൽക്കൻപുർ, ബർമാങ്കള, ബർമാൻഖുർദ്, ലിംഗ, കുന്ദൽപുർ, ബന്ദക്പുർ, മഹേശ്വര്, മണ്ഡലേശ്വർ, ഓർച്ച, മൈഹാർ, ചിത്രകൂട്, ദാതിയ, പന്ന, പനക്പുർ എന്നിവിടങ്ങളിലാണു നിരോധനം. സംസ്ഥാന സർക്കാർ നടപ്പിലാക്കിയ പുതിയ എക്സൈസ് നയപ്രകാരം, ഈ പ്രദേശങ്ങളിലെ നിലവിലുള്ള ഔട്ട്ലെറ്റുകൾ തുടർന്നു പ്രവർത്തിക്കുന്നത് നിരോധിച്ചതിനു പുറമെ മദ്യശാലകൾക്ക് പുതിയ ലൈസൻസുകൾ നൽകുകയുമില്ല. അടച്ചുപൂട്ടലിൽനിന്നുള്ള വരുമാനനഷ്ടം നികത്താൻ മറ്റ് സ്ഥലങ്ങളിൽ മദ്യത്തിന്റെ വില വർധിപ്പിക്കാനും സർക്കാർ തീരുമാനിച്ചു.
Read More