കോഴിക്കോട്: രാജ്യത്തെ എട്ട് നിയമസഭാ മണ്ഡലങ്ങളില് ഉപതെരഞ്ഞെടുപ്പ് നടത്താന് തെരഞ്ഞെടുപ്പുകമ്മീഷന് നടപടി തുടങ്ങിയതോടെ മലപ്പുറത്തെ നിലമ്പൂരിലും മുന്നണികള് തെരഞ്ഞെടുപ്പിനുള്ള ഒരുക്കത്തിലേക്ക് കടന്നു. സ്ഥാനാര്ഥികളെക്കുറിച്ചുള്ള ചര്ച്ചകള് പാര്ട്ടികളില് അടുത്ത ദിവസങ്ങളില് നടക്കും. നിലമ്പൂരിനെ പ്രതിനിധീകരിച്ചിരുന്ന ഇടതുസ്വതന്ത്രന് പി.വി. അന്വര് തൃണമൂല് കോണ്ഗ്രസില് ചേര്ന്നതിനെത്തുടര്ന്ന് കഴിഞ്ഞ ജനുവരി 13ന് നിയമസഭാംഗത്വം രാജിവച്ച ഒഴിവിലാണ് ഉപതെരഞ്ഞെടുപ്പ് വരുന്നത്. ഉപതെരഞ്ഞെടുപ്പില് മത്സരിക്കില്ലെന്ന് വ്യക്തമാക്കിയ അന്വര് യുഡിഎഫിന് നിരുപാധിക പിന്തുണ പ്രഖ്യാപിച്ചിട്ടുണ്ട്. എഴുത്തുകാരനും സിനിമാ പ്രവര്ത്തകനുമായ കെപിസിസി ജനറല് സെക്രട്ടറി ആര്യാടന് ഷൗക്കത്ത് യുഡിഎഫ് സ്ഥാനാര്ഥിയാകാനാണ് സാധ്യത. 2016-ലെ നിയമസഭാ തെരഞ്ഞെടുപ്പില് ഇവിടെനിന്ന് മത്സരിച്ച ഷൗക്കത്ത് പി.വി. അന്വറിനോട് പരാജയപ്പെടുകയായിരുന്നു. അന്വറിനെ യുഡ്എഫിന്റെ ഭാഗമാക്കുന്നതില് ശക്തമായി എതിര്ക്കുന്നയാളാ ണു ഷൗക്കത്ത്. ഡിസിസി പ്രസിഡന്റ് വി.എസ്. ജോയി സ്ഥാനാര്ഥിയാകാന് ചരടുവലിക്കുന്നതായും റിപ്പോർട്ടുണ്ട്. സിപിഎമ്മിന്റെ യുവ നേതാവ് എം. സ്വരാജ് ഇടതുമുന്നണി സ്ഥാനാര്ഥിയാകുമെന്നാണ് സൂചന. നിലമ്പൂര് സ്വദേശിയായ…
Read MoreCategory: Loud Speaker
ഐടി വനിതാ എൻജിനിയറെ കാമുകനും കൂട്ടുകാരും കൂട്ടബലാത്സംഗം ചെയ്തു: ദൃശ്യങ്ങൾ പുറത്തുവിടുമെന്നു ഭീഷണിപ്പെടുത്തി 10 ലക്ഷം തട്ടി
പുനെ: പുനെയിൽ ജോലി ചെയ്യുന്ന കർണാടക സ്വദേശിയായ വനിതാ സോഫ്റ്റ്വെയർ എൻജിനീയറെ കാമുകനും സുഹൃത്തുക്കളും ചേർന്നു കൂട്ടബലാത്സംഗത്തിന് ഇരയാക്കി. ലഹരി കലർത്തിയ പാനീയം നൽകിയാണ് പീഡനത്തിനിരയാക്കിയത്. പീഡനദൃശ്യങ്ങൾ പുറത്തുവിടുമെന്നു ഭീഷണിപ്പെടുത്തി പത്തു ലക്ഷം രൂപ തട്ടിയെടുത്തതായും യുവതി പരാതിയിൽ പറയുന്നു. മുംബൈ കാന്തിവലി നിവാസി തമീം ഹർഷല്ല ഖാൻ ആണ് കേസിലെ മുഖ്യപ്രതി. 2021ൽ സമൂഹമാധ്യമത്തിലൂടെയാണ് ഇരുവരും പരിചയപ്പെടുന്നത്. വൻകിട കെട്ടിട നിർമാണസ്ഥാപനത്തിന്റെ ഉടമയുടെ മകനാണെന്നാണ് ഇയാൾ യുവതിയെ പറഞ്ഞുവിശ്വസിപ്പിച്ചിരുന്നത്. ആഡംബര കാറുകളിലാണ് യുവതിയെ സന്ദർശിക്കാൻ എത്തിയിരുന്നത്. പിന്നീട് വിവാഹ വാഗ്ദാനം നൽകി. അടുപ്പത്തിലായതോടെ കാന്തിവലിയിലേക്കു വിളിച്ചുവരുത്തി ലഹരി കലർത്തിയ പാനീയം നൽകി പീഡിപ്പിച്ചു. പിന്നീട് പുനെയിൽവച്ച് ഇയാളും സുഹൃത്തുക്കളും കൂട്ടബലാത്സംഗം ചെയ്തെന്നും പരാതിയിൽ പറയുന്നു. പീഡനം തുടർന്നതോടെയാണു പോലീസിനെ സമീപിച്ചത്. സംഭവത്തിൽ പോലീസ് അന്വേഷണം ആരംഭിച്ചു.
Read Moreസി വോട്ടർ സർവേഫലം പുറത്ത്: തമിഴ്നാടിനു പ്രിയങ്കരൻ എം.കെ. സ്റ്റാലിൻ! രണ്ടാം സ്ഥാനത്ത് വിജയ്
ചെന്നൈ: തമിഴ്നാട് മുഖ്യമന്ത്രിസ്ഥാനത്തേക്കു ജനം ഏറ്റവും ഇഷ്ടപ്പെടുന്നത് ആരെ? സി വോട്ടർ നടത്തിയ സർവേയിൽ ദ്രാവിഡമണ്ണിന്റെ തലവര മാറ്റിയ, അഞ്ചുതവണ മുഖ്യമന്ത്രിയായി തെരഞ്ഞെടുക്കപ്പെട്ട കലൈഞ്ജർ എം. കരുണാനിധിയുടെ മകൻ എം.കെ. സ്റ്റാലിൻതന്നെയാണ് ഒന്നാം സ്ഥാനത്ത്. സർവേയിൽ പങ്കെടുത്ത 27 ശതമാനം പേരും ഡിഎംകെ നേതാവ് സ്റ്റാലിനെ അനുകൂലിക്കുന്നു. അതേസമയം, നടനും രാഷ്ട്രീയക്കാരനുമായ വിജയ് രണ്ടാം സ്ഥാനം നേടിയതു സംസ്ഥാനത്ത് ഒരു രാഷ്ട്രീയ മാറ്റത്തിനു സാധ്യതയുണ്ടെന്ന സൂചനയാണു നൽകുന്നതെന്നും സർവേഫലം ചൂണ്ടിക്കാണിക്കുന്നു. തമിഴക വെട്രി കഴകം (ടിവികെ) മേധാവി വിജയ്ക്ക് 18 ശതമാനം വോട്ടുകൾ ലഭിച്ചു. പ്രതിപക്ഷ നേതാവും എഐഎഡിഎംകെ ജനറൽ സെക്രട്ടറിയുമായ എടപ്പാടി കെ. പളനിസ്വാമി 10 ശതമാനം പിന്തുണയോടെ മൂന്നാം സ്ഥാനത്തെത്തിയപ്പോൾ തമിഴ്നാട് ബിജെപി മേധാവി കെ. അണ്ണാമലൈ ഒന്പതു ശതമാനം വോട്ട് നേടി. സ്റ്റാലിന്റെ നേതൃത്വത്തോടുള്ള താത്പര്യമാണ് ഫലങ്ങൾ സൂചിപ്പിക്കുന്നത്. അദ്ദേഹത്തിന്റെ റേറ്റിംഗ് മറ്റുള്ളവരേക്കാൾ…
Read More‘പ്രായപരിധിയിൽ ഇളവ് കിട്ടുന്നവർക്കും പാർട്ടി ജനറൽ സെക്രട്ടറിയാകാം’: പ്രകാശ് കാരാട്ട്
ന്യൂഡൽഹി: സിപിഎം പാർട്ടി കോൺഗ്രസിൽ ഒന്നോ രണ്ടോ നേതാക്കൾക്കു മാത്രമായിരിക്കും പ്രായപരിധിയിൽ ഇളവ് ആലോചിക്കുകയെന്നു സിപിഎം പിബി കോഡിനേറ്റർ പ്രകാശ് കാരാട്ട്. പ്രായപരിധിയിൽ ഇളവു കിട്ടുന്നവർക്കും ജനറൽ സെക്രട്ടറിയാകാൻ തടസമില്ലെന്നും പിബിയിലെ ഏറ്റവും മുതിർന്ന അംഗംതന്നെ ജനറൽ സെക്രട്ടറിയാകണമെന്നില്ലെന്നും ഒരു മാധ്യമത്തോടു സംസാരിക്കവേ കാരാട്ട് വ്യക്തമാക്കി. ചർച്ചയിൽ ഉയരുന്ന നിർദേശം അനുസരിച്ചാകും ജനറൽ സെക്രട്ടറിയെ നിശ്ചയിക്കുക. കേന്ദ്രകമ്മിറ്റി 75 വയസ് പ്രായപരിധി നിലനിര്ത്തുമെന്ന് മാത്രമാണ് തീരുമാനിച്ചിട്ടുള്ളു. ഇത് കേന്ദ്ര കമ്മിറ്റിക്കാണ് കാലാകാലങ്ങളിൽ തീരുമാനിക്കാൻ കഴിയുന്നത്. ഒരിക്കൽ ഇളവ് നല്കിയാൽ അവർ സിസിയിലെ പൂർണ അംഗങ്ങളാണ്. അവർക്ക് ജനറൽ സെക്രട്ടറിയാകാൻ തടസമില്ല. ജനറൽ സെക്രട്ടറിയാകാൻ ഒരാൾക്കുള്ള യോഗ്യത സിസി അംഗമാകണം എന്നതു മാത്രമാണെന്നും പ്രകാശ് കാരാട്ട് പറഞ്ഞു.
Read Moreപ്രസവ സമയം ആയിട്ടില്ല ഇനിയുമുണ്ട് മണിക്കൂറുകൾ: ഗർഭിണിയെ രണ്ടുതവണ തിരിച്ചയച്ചു; ഒടുവിൽ പ്രസവം വഴിയിൽ; നവജാത ശിശു മരിച്ചു
ഭോപ്പാൽ: ഗർഭിണിയായ യുവതിക്കു ചികിത്സ നിഷേധിച്ചതിനെത്തുടർന്ന് നവജാതശിശുവിനു ദാരുണാന്ത്യം. ഞായറാഴ്ച രാത്രിയിൽ മധ്യപ്രദേശ് സൈലാനയിലാണു സംഭവം. യുവതിയെ ആരോഗ്യകേന്ദ്രത്തിൽനിന്നു രണ്ടുതവണ തിരിച്ചയച്ചെന്നും പിന്നീട് വഴിയിൽ പ്രസവിച്ചശേഷം ഭർത്താവ് ആശുപത്രിയിലേക്കു കൊണ്ടുപോകുന്നതിനിടെയാണ് നവജാത ശിശു മരിച്ചതെന്നും പരാതിയിൽ പറയുന്നു. കൃഷ്ണ ഗ്വാല എന്ന യുവാവാണ് തന്റെ ഭാര്യ നീതുവിനെ കമ്യൂണിറ്റി ഹെൽത്ത് സെന്ററിലേക്ക് രണ്ടു തവണ കൊണ്ടുപോയത്. ആദ്യം കൊണ്ടു പോയപ്പോൾ പ്രസവസമയം ആയില്ലെന്നുപറഞ്ഞു തിരിച്ചയയ്ക്കുകയായിരുന്നു. പിന്നീട് പുലർച്ചെ ഒന്നിന് മണിക്ക് വീണ്ടും പ്രസവ വേദന വന്നതിനെത്തുടർന്ന് എത്തിയപ്പോഴും 15 മണിക്കൂർ കൂടി കഴിയുമെന്ന് പറഞ്ഞു തിരിച്ചയച്ചു. ദന്പതിമാർ ആശുപത്രിയിലേക്കു പോകുന്നതിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. പുലർച്ചെ മൂന്നിന് വഴിയിൽ വച്ചാണ് യുവതി പ്രസവിച്ചത്. ഇതേത്തുടർന്ന് നവജാത ശിശു മരിച്ചു. കുഞ്ഞിന്റെ മരണത്തിന് ഗ്വാല ആശുപത്രി മാനേജ്മെന്റിന്റെ ഗുരുതര പിഴവാണ് കാരണമെന്നും സബ് ഡിവിഷണൽ മജിസ്ട്രേറ്റ് പറഞ്ഞു.
Read Moreചികിത്സ തേടിയവരുടെ വിവരങ്ങള് നല്കാന് നോട്ടീസ്: ലഹരി വിമുക്തരുടെ പിന്നാലെ പോലീസ്; വിവാദം പുകയുന്നു
കോഴിക്കോട്: സംസ്ഥാനത്ത് മയക്കുമരുന്ന് ഉപയോഗവും അതിന്റെ പേരിലുള്ള കൊലപാതകങ്ങളും അക്രമങ്ങളും വര്ധിച്ചുവരുന്ന സാഹചര്യത്തില് ലഹരിവിമുക്ത ചികിത്സയ്ക്കു വിധേയരാകുന്നവരുടെ വിവരങ്ങള് പോലീസ് ശേഖരിക്കുന്നു. മാനസികാരോഗ്യ കേന്ദ്രങ്ങളില് ലഹരിയില്നിന്നു മോചിതരാകാന് ചികിത്സ തേടുന്നവരുടെ വിവരങ്ങള് ശേഖരിക്കാനുള്ള നീക്കത്തിലാണു പോലീസ്. രോഗികളുടെ പൂര്ണ വിവരങ്ങള് നല്കാന് ആവശ്യപ്പെട്ട് ഇത്തരം ചികിത്സാ കേന്ദ്രങ്ങള്ക്കു പോലീസ് നോട്ടീസ് നല്കിവരികയാണ്. പോലീസ് നടപടി വിവാദത്തിനു തിരികൊളുത്തിക്കഴിഞ്ഞു. ഇന്ത്യന് സൈക്യാട്രിക് സൊസൈറ്റി കേരള ഘടകം പോലീസ് നീക്കത്തിനെതിരേ രംഗത്തുവന്നു. ആശുപത്രികളില്നിന്നു ലഹരി വിമോചന ചികിത്സയ്ക്കു വിധേയരായവരുടെ പേര്, വയസ്, വിലാസം തുടങ്ങിയ വിവരങ്ങളാണു പോലീസ് ശേഖരിക്കുന്നത്. മെഡിക്കല് കോളജ്, ജില്ലാ ആശുപത്രികള്, താലൂക്ക് ആശുപത്രികള്, സ്വകാര്യ ചികിത്സാ കേന്ദ്രങ്ങള് എന്നിവിടങ്ങളില്നിന്നെല്ലാം പോലീസ് വിവരം തേടുന്നുണ്ട്. ചികിത്സയ്ക്ക് വിധേയരായവര്ക്കു മയക്കുമരുന്ന് എത്തിച്ചുകൊടുത്തവരുടെ വിവരങ്ങള് ശേഖരിച്ച് ലഹരിവേട്ട നടത്തുകയാണ് പോലീസിന്റെ ലക്ഷ്യമെങ്കിലും ഇത്തരം നീക്കം നിയമവിരുദ്ധമാണെന്നാണു സൈക്യാട്രിസ്റ്റുകള് പറയുന്നത്. 2017ലെ…
Read Moreകുഴൽനാടന്റേത് ഉണ്ടയില്ലാ വെടി; കോടതി തള്ളിയാലും കുഴൽനാടൻ മരിക്കുന്നതുവരെ ഇതുതന്നെ പറഞ്ഞുകൊണ്ടേയിരിക്കുമെന്ന് എം.വി. ഗോവിന്ദൻ
തളിപ്പറന്പ്: മാത്യു കുഴൽനാടന്റെ ഉണ്ടയില്ലാ വെടി ഹൈക്കോടതി അതിന്റെ ശരിയായ അർഥത്തിലെടുത്തു തള്ളിയെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ. മുഖ്യമന്ത്രി പിണറായി വിജയന്റെ മകൾ വീണയുടെ കമ്പനി ഉൾപ്പെട്ട മാസപ്പടി ആരോപണ കേസിൽ വിജിലൻസ് അന്വേഷണം വേണമെന്ന കുഴൽനാടന്റെ ആവശ്യം ഹൈക്കോടതി തള്ളിയ സാഹചര്യത്തിൽ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. യുഡിഎഫും ബിജെപിയും ഉൾപ്പെട്ട മഴവിൽ സഖ്യത്തിന്റെ ഒരു ആരോപണം കൂടിയാണ് ഇപ്പോൾ തകർന്നടിഞ്ഞത്. സർക്കാരിനും മുഖ്യമന്ത്രിക്കും മകൾ വീണയ്ക്കും എതിരേ പുകമറ സൃഷ്ടിക്കാനുള്ള ശ്രമമായിരുന്നു ഈ കേസ്. ഹൈക്കോടതി വിധി മാധ്യമങ്ങൾക്ക് കിട്ടിയ അടികൂടിയാണ്. തെളിവില്ലാതെ ആരെയും ശിക്ഷിക്കാനാവില്ല. തെളിവില്ല എന്നതു വസ്തുതാപരമായ കാര്യമാണ്. കോടതി തള്ളിയാലും കുഴൽനാടൻ മരിക്കുന്നതുവരെ ഇതുതന്നെ പറഞ്ഞുകൊണ്ടേയിരിക്കുമെന്നും എം.വി. ഗോവിന്ദൻ പറഞ്ഞു.
Read Moreഭൂകമ്പത്തില് ആശങ്ക; സാധ്യമായ എല്ലാ സഹായവും നല്കാന് ഇന്ത്യ തയാറെന്ന് പ്രധാനമന്ത്രി
ന്യൂഡല്ഹി: മ്യാന്മാറിനെയും തായ്ലൻഡിനെയും പിടിച്ചുകുലുക്കിയ ശക്തമായ ഭൂചലനത്തെ തുടർന്നുള്ള സ്ഥിതിഗതികളിൽ ആശങ്ക രേഖപ്പെടുത്തി പ്രധാനമന്ത്രി നരേന്ദ്ര മോദി. സാധ്യമായ എല്ലാ സഹായവും നല്കാന് ഇന്ത്യ തയാറാണെന്ന് സമൂഹമാധ്യമമായ എക്സില് പങ്കുവെച്ച പോസ്റ്റില് പ്രധാനമന്ത്രി പറഞ്ഞു. ‘മ്യാന്മറിലും തായ്ലന്ഡിലും ഉണ്ടായ ഭൂകമ്പത്തെത്തുടര്ന്നുള്ള സ്ഥിതിഗതികളില് ആശങ്കയുണ്ട്. എല്ലാവരുടെയും സുരക്ഷയ്ക്കും ക്ഷേമത്തിനും വേണ്ടി പ്രാർഥിക്കുന്നു. സാധ്യമായ എല്ലാ സഹായവും നല്കാന് ഇന്ത്യ തയാറാണ്. മ്യാന്മറിലും തായ്ന്ഡിലും സര്ക്കാരുകളുമായി ബന്ധന് വിദേശകാര്യ മന്ത്രാലയത്തോട് ആവശ്യപ്പെട്ടു.’ – മോദി കുറിച്ചു.
Read Moreകാണാതായ പിഡബ്ല്യുഡി എൻജിനീയർ കനാലിൽ മരിച്ചനിലയിൽ
ലക്നോ: ഉത്തർപ്രദേശിൽ രണ്ടു ദിവസമായി കാണാതായ പൊതുമരാമത്ത് വകുപ്പ് (പിഡബ്ല്യുഡി) എൻജിനീയറെ മരിച്ചനിലയിൽ കനാലിൽ കണ്ടെത്തി. പൊതുമരാമത്ത് വകുപ്പിലെ അസിസ്റ്റന്റ് എൻജിനീയർ വിവേക് കുമാർ സോണിയാണു മരിച്ചത്. സോണിയെ കാണാതായതായി ഭാര്യ ചൊവ്വാഴ്ച ആഷിയാന പോലീസ് സ്റ്റേഷനിൽ പരാതി നൽകിയിരുന്നു. തുടർന്നു നടത്തിയ അന്വേഷണത്തിലാണ് അദ്ദേഹത്തെ മരിച്ചനിലയിൽ കണ്ടെത്തിയത്. നിയമപരമായ നടപടിക്രമങ്ങൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിന് അയച്ചു. പോസ്റ്റ്മോർട്ടം റിപ്പോർട്ടിന്റെ അടിസ്ഥാനത്തിൽ തുടർനടപടികൾ സ്വീകരിക്കുമെന്ന് പോലീസ് പറഞ്ഞു.
Read Moreവിദ്യാര്ഥിനിയുടെ നഗ്നചിത്രം പ്രചരിപ്പിച്ചു: കായികാധ്യാപകന് അറസ്റ്റില്
തിരുവമ്പാടി (കോഴിക്കോട്): വിദ്യാര്ഥിനിയുടെ നഗ്നചിത്രം പ്രചരിപ്പിച്ച കേസില് മറ്റൊരു അധ്യാപകന് കൂടി അറസ്റ്റില്. കോഴിക്കോട് പുല്ലൂരാംപാറ സ്വദേശി കെ.ആര്. സുജിത്തി(27) നെയാണ് തിരുവമ്പാടി സ്റ്റേഷന് ഇന്സ്പെക്ടര് കെ. പ്രജീഷ് അറസ്റ്റ് ചെയ്തത്. പ്രതിയെ താമരശേരി ജുഡീഷ്യല് മജിസ്ട്രേറ്റ് കോടതി റിമാന്ഡ് ചെയ്തു. വിദ്യാര്ഥിനിയുടെ നഗ്നചിത്രം പലര്ക്കും അയച്ചു കൊടുക്കുമെന്ന് ഭീഷണിപ്പെടുത്തിയതായുള്ള പരാതിയില് മലപ്പുറത്തെ സ്കൂളിലെ കായികാധ്യാപകനും പുല്ലൂരാംപാറ സ്വദേശിയുമായ ഒരാളെ നേരത്തെ പോലീസ് അറസ്റ്റ് ചെയ്തിരുന്നു. ഇയാള്ക്ക് കോടതി പിന്നീട് ജാമ്യം അനുവദിച്ചു. ഇയാളുടെ കൂടെ ജോലി ചെയ്തിരുന്ന സഹപരിശീലകനാണ് ഇപ്പോള് അറസ്റ്റിലായ സുജിത്. വിദ്യാര്ഥിനിയുടെ നഗ്നചിത്രം സുജിത് മറ്റൊരു അധ്യാപകന് അയച്ചുകൊടുത്തുവെന്ന് കണ്ടെത്തിയതിനെത്തുടര്ന്നാണ് അറസ്റ്റ്. കേസുമായി ബന്ധപ്പെട്ട് മൊൈബല് ഫോണ് സൈബര് സെല്ലിന്റെ സഹായത്തോടെ പോലീസ് പരിശോധിച്ചിരുന്നു. പെണ്കുട്ടിയുടെ അമ്മ നല്കിയ പരാതിയിലാണ് പോലീസ് നടപടി. കേസുമായി ബന്ധപ്പെട്ട് അധ്യാപകർ ഉൾപ്പെടെ മറ്റു ചിലർ കൂടി…
Read More