ബംഗളൂരു: കർണാടകയിൽ മോഷ്ടിച്ച ബസുമായി കടക്കാൻ ശ്രമിക്കവേ, ടോൾ അടയ്ക്കാൻ പണമില്ലാത്തതിനാൽ വാഹനം വഴിയിൽ ഉപേക്ഷിച്ചു കള്ളൻ കടന്നുകളഞ്ഞു. ബംഗളൂരു ചാമരാജനഗറിലെ എൽഐസി ഓഫീസിനു സമീപം പാർക്ക് ചെയ്തിരുന്ന വജ്ര എന്ന സ്വകാര്യ ബസാണ് തിങ്കളാഴ്ച പുലർച്ചെ ഒന്നോടെ മോഷണം പോയത്. ബസ് മോഷണം പോയതോടെ ബസ് ഓണേഴ്സ് അസോസിയേഷന്റെ വാട്സാപ് ഗ്രൂപ്പിലും വിവിധ സോഷ്യൽ മീഡിയകളിലും ബസിന്റെ ഫോട്ടോ സഹിതം ബസുടമ വിവരങ്ങൾ പങ്കുവച്ചിരുന്നു. അധികം വൈകാതെ ബംഗളൂരു ടോളിനു സമീപം ബസ് പാർക്ക് ചെയ്തിരിക്കുന്നതായി വിവരം ലഭിച്ചു. ടോൾ അടയ്ക്കാൻ പണമില്ലാത്തതിനെത്തുടർന്നു ടോൾബൂത്ത് ജീവനക്കാർ ചോദ്യം ചെയ്തപ്പോൾ പിടിക്കപ്പെടുമെന്ന പേടിയിൽ ബസിൽനിന്നിറങ്ങി മോഷ്ടാവ് സ്ഥലംവിടുകയായിരുന്നു. മോഷണത്തിന്റെയും വിവിധ റോഡുകളിലൂടെ ബസ് സഞ്ചരിക്കുന്നതിന്റെയും സിസിടിവി ദൃശ്യങ്ങൾ പോലീസിനു ലഭിച്ചിട്ടുണ്ട്. പ്രതിക്കായുള്ള അന്വേഷണം ഊർജിതമാക്കിയതായി പോലീസ് അറിയിച്ചു.
Read MoreCategory: Loud Speaker
മക്കളുടെ മുന്നിൽ യുവതിയെ ബലാത്സംഗം ചെയ്ത് ആസിഡ് ഒഴിച്ചു; അയൽവാസിയായ 28കാരൻ പിടിയിൽ
ദിസ്പുർ: അസമിലെ കച്ചാറിൽ വീട്ടിൽ അതിക്രമിച്ചു കയറി അയൽവാസിയായ യുവാവ് 30 വയസുകാരിയെ രണ്ടു കുട്ടികളുടെ മുന്നിൽ ബലാത്സംഗംചെയ്ത് ശരീരത്തിൽ ആസിഡ് ഒഴിച്ചു. ഇരുവരും തമ്മിൽ സംഭവത്തിനു മുൻപ് വാക്കുതർക്കമുണ്ടായെന്നും തുടർന്ന് യുവതിയുടെ ഭർത്താവ് ഇല്ലാത്ത സമയം നോക്കി 28 കാരനായ പ്രതി വീട്ടിൽ അതിക്രമിച്ചു കയറി ബലാത്സംഗം ചെയ്യുകയുമായിരുന്നുവെന്നു പോലീസ് പറഞ്ഞു. പീഡനത്തിനിരയായ യുവതിയുടെ ഭർത്താവ് വീട്ടിൽ തിരിച്ചെത്തിയപ്പോൾ ഭാര്യയുടെ വായും കൈയും കാലും ബന്ധിച്ച് നിലത്തുകിടക്കുന്നതാണ് കണ്ടത്. ശരീരത്തിൽ ആസിഡ് ഒഴിച്ചിരുന്നുവെന്നും പോലീസ് പറഞ്ഞു. സിൽചർ മെഡിക്കൽ കോളജ് ആശുപത്രിയിൽ പ്രവേശിപ്പിക്കപ്പെട്ട യുവതി അപകടനില തരണം ചെയ്തിട്ടില്ലെന്ന് ആശുപത്രി അധികൃതർ അറിയിച്ചു. പ്രതിക്കായി തെരച്ചിൽ തുടരുകയാണ്.
Read More‘യമുനാനദിയിലെ വെള്ളം കുടിക്കാൻ തയാറാണൊ’? കേജരിവാളിനെ വെല്ലുവിളിച്ച് രാഹുൽ ഗാന്ധി
ന്യൂഡൽഹി: യമുനാനദിയെ മാലിന്യവിമുക്തമാക്കി നദിയിൽ കുളിക്കുമെന്നും യമുനയിലെ വെള്ളം കുടിക്കുമെന്നും അഞ്ചുവർഷം മുൻപ് അവകാശവാദം മുഴക്കിയ ആംആദ്മി പാർട്ടി നേതാവും ഡൽഹി മുൻ മുഖ്യമന്ത്രിയുമായ അരവിന്ദ് കേജരിവാൾ നാളിതുവരെ യമുനാനദിയുടെ പരിസരത്ത് പോലും വന്നിട്ടില്ലെന്നു കോൺഗ്രസ് നേതാവ് രാഹുൽ ഗാന്ധി. “ഞാൻ വെല്ലുവിളിക്കുകയാണ്, കേജരിവാൾ യമുനാനദിയിലെ ജലം കുടിക്കണം. പൊതുജനങ്ങൾക്ക് മലിനജലം കുടിക്കാൻ നൽകിയിട്ട് കോടികൾ മുടക്കി പണിത വസതിയിൽ ഫിൽറ്റേർഡ് വെള്ളമാണ് കേജരിവാൾ കുടിക്കുന്നത്’ രാഹുൽ പറഞ്ഞു. എഎപിയുടേത് കോർപറേറ്റ് സർക്കാരാണെന്നും കേജരിവാൾ നൽകുന്നതെല്ലാം പൊള്ളയായ വാഗ്ദാനങ്ങളാണെന്നും ഇക്കാര്യത്തിൽ കേജരിവാളും നരേന്ദ്രമോദിയും ഒരുപോലെയാണെന്നും രാഹുൽഗാന്ധി പറഞ്ഞു. നിയമസഭാ തെരഞ്ഞെടുപ്പ് പ്രചാരണം കലാശക്കൊട്ടിലേക്കു നീങ്ങുന്നതിനിടെയാണ് രാഹുൽഗാന്ധിയുടെ കടന്നാക്രമണം.
Read Moreചെന്താമര പോലീസ് പിടിയിലായത് വിശന്നുവലഞ്ഞ അവസ്ഥയിൽ; സ്റ്റേഷനിലെത്തിയപ്പോൾ ആവശ്യപ്പെട്ടത് ചോറും ചിക്കനും; വിശപ്പകറ്റാൻ പോലീസ് നൽകിയത് മറ്റൊന്ന്…
പാലക്കാട്: വിശന്നുവലഞ്ഞ അവസ്ഥയിലാണ് ചെന്താമര പോലീസിന്റെ പിടിയിലായത്. സ്റ്റേഷനില് എത്തിച്ച ഉടന് വിശക്കുന്നെന്നും ചോറും ചിക്കനും വേണമെന്നുമായിരുന്നു പ്രതിയുടെ ആവശ്യം. എന്നാല് പോലീസ് ഇഡ്ഡലിയാണ് നല്കിയത്. തത്കാലം ഇതുകൊണ്ട് തൃപ്തിപ്പെടാനായിരുന്നു പോലീസിന്റെ നിര്ദേശം. ആര്ത്തിയോടെ കൂസലില്ലാതെയാണ് പ്രതി ഭക്ഷണം കഴിച്ചത്. 2019ല് സുധാകരന്റെ ഭാര്യ സജിതയെ കൊന്നശേഷം കാണാതായ ചെന്താമരയെ തൊട്ടടുത്ത ദിവസംതന്നെ പോലീസ് പിടികൂടിയെങ്കിലും ഇരട്ടക്കൊലപാതകത്തിനു ശേഷം മുങ്ങിയ ഇയാളെ കണ്ടെത്താന് പോലീസ് കഷ്ടപ്പെട്ടു. തമിഴ്നാട്ടിലും ഇയാള് ജോലി ചെയ്ത മറ്റിടങ്ങളിലുമെല്ലാം പരിശോധന നടത്തിയ പോലീസ് പ്രദേശത്തെ കുളങ്ങളും കിണറുകളും വരെ അരിച്ചുപെറുക്കിയിരുന്നു. പോത്തുണ്ടി വനമേഖലയിലും തെരച്ചില് നടത്തി. തണ്ടര്ബോള്ട്ട് ഉള്പ്പെടെ നൂറിലേറെപേര് വരുന്ന സംഘമാണ് ചെന്താമരയ്ക്കായി തെരച്ചില് നടത്തിയത്. കൊല്ലങ്കോട്ടുനിന്ന് അഗ്നിരക്ഷാ സേനയുടെ സ്കൂബാ ടീം തിരുത്തംപാടം മേഖലയിലെ കുളം, പുഴ, വെള്ളക്കെട്ടുകള്, പാറമടകള് എന്നിവ പരിശോധിച്ചു. ചെന്താമരയുടെ മുറിയില്നിന്നു വിഷക്കുപ്പി കണ്ടെടുത്ത പശ്ചാത്തലത്തില്…
Read More‘കൊലയാളി സംഘത്തെ പുറത്താക്കൂ കോൺഗ്രസിനെ രക്ഷിക്കൂ’; വയനാട് ഡിസിസി ഓഫീസിന് മുന്നിൽ പോസ്റ്റർ
കൽപ്പറ്റ: ഡിസിസി ട്രഷററായിരുന്ന എൻ.എം. വിജയൻ ജീവനൊടുക്കിയ സംഭവത്തിൽ നേതാക്കളെ വിമർശിച്ച് വയനാട് ഡിസിസി ഓഫീസിൽ പോസ്റ്ററുകൾ. ഡിസിസി പ്രസിഡന്റ് എൻ.ഡി. അപ്പച്ചനും ടി. സിദ്ദിഖ് എംഎൽഎയ്ക്കുമെതിരേയാണ് പോസ്റ്ററുകൾ. “കൊലയാളി സംഘത്തെ പുറത്താക്കൂ കോൺഗ്രസിനെ രക്ഷിക്കൂ’ എന്നതാണ് പോസ്റ്ററുകളിൽ പറയുന്നത്. അതേസമയം പോലീസ് രജിസ്റ്റര് ചെയ്ത കേസിലെ ഒന്നാം പ്രതി ഐ.സി. ബാലകൃഷ്ണൻ എംഎൽഎക്കെതിരേ പോസ്റ്ററിൽ പരാമർശം ഇല്ല. അഴിമതിയും മതവെറിയും കൊണ്ടുനടക്കുന്ന ഡിസിസി പ്രസിഡന്റ് ഈ പാർട്ടിയുടെ അന്തകൻ, ഡിസിസി ഓഫീസിൽ പോലീസ് കയറിനിരങ്ങുന്നു, പാപം പേറുന്ന അപ്പച്ചനെ പാർട്ടിയിൽ വേണ്ട’-എന്നൊ ക്കെയാണ് പോസ്റ്ററിലുള്ളത്. ‘സേവ് കോണ്ഗ്രസ്’ എന്ന പേരിലാണ് പോസ്റ്റർ പതിച്ചിരിക്കുന്നത്. ഐ.സി. ബാലകൃഷ്ണനു പുറമേ എൻ.ഡി. അപ്പച്ചൻ, കെ.കെ. ഗോപിനാഥൻ എന്നിവരാണ് കേസിലെ രണ്ടും മൂന്നും പ്രതികൾ. ഇവരെ മൂന്നുപേരെയും പോലീസ് ചോദ്യം ചെയ്തു ജാമ്യത്തില് വിട്ടിരുന്നു. വിവാദം കോണ്ഗ്രസിനാകെ നാണക്കേടായ സാഹചര്യത്തില്…
Read Moreകോഴിക്കോട് മെഡി. കോളജില്; നാലു വയസുകാരിക്കു കൈവിരലിനു പകരം നാവിനു ശസ്ത്രക്രിയ: ഡോക്ടറെ വിചാരണ ചെയ്യും
കോഴിക്കോട്: കോഴിക്കോട് ഗവ. മെഡിക്കല് കോളജ് ആശുപത്രിയില് അവയവംമാറി ശസ്ത്രക്രിയ നടത്തിയ സംഭവത്തില് ഡോക്ടറെ വിചാരണ ചെയ്യാന് സര്ക്കാര് അനുമതി. കോഴിക്കോട് മെഡിക്കല് കോളജ് മാതൃ-ശിശു സംരക്ഷണ കേന്ദ്രം പീഡിയാട്രിക് സര്ജറി വിഭാഗത്തിലെ അഡീഷണല് പ്രഫസര് ഡോ. ബിജോണ് ജോണ്സനെ വിചാരണ ചെയ്യാനാണ് അനുമതി. കോഴിക്കോട് മെഡിക്കല് കോളജ് പോലീസ് രജിസ്റ്റര് ചെയ്ത കേസിലെ പ്രതിയാണ് ഡോ. ബിജോണ് ജോണ്സന്. ശസ്ത്രക്രിയാ വിവാദത്തില് പോലീസിന്റെ റിപ്പോര്ട്ടും ആരോഗ്യവകുപ്പുതല അന്വേഷണത്തിന്റെ റിപ്പോര്ട്ടും പരിഗണിച്ച് സിആര്പിസി സെക്ഷന് 197 പ്രകാരമാണ് ഡോക്ടറെ വിചാരണ ചെയ്യാന് അനുമതി നല്കിയത്. കോഴിക്കോട് ചെറുവണ്ണൂര് മധുരവനം സ്വദേശിയായ നാലു വയസുകാരിക്കു കഴിഞ്ഞ വര്ഷം മേയ് 16നാണ് മെഡിക്കല് കോളജ് മാതൃശിശു സംരക്ഷണകേന്ദ്രത്തില് ശസ്ത്രക്രിയ നടത്തിയത്. കുഞ്ഞിന്റെ കൈയിലെ ആറാം വിരലിനു ശസ്ത്രക്രിയ നടത്താനാണ് ആശുപത്രിയില് എത്തിയത്. ഓപ്പറേഷന് തിയറ്ററില്നിന്നു വാര്ഡിലേക്കു മാറ്റിയപ്പോള് കുട്ടിയുടെ വായില്…
Read Moreമഹാകുംഭമേളയിൽ തിരക്കിൽപ്പെട്ട് 15 മരണം, നിരവധി പേർക്ക് പരിക്ക്; അമൃത് സ്നാനത്തിനിടെ ഇന്നു പുലർച്ചെയായിരുന്നു ദുരന്തം
പ്രയാഗ്രാജ്(യുപി): പ്രയാഗ് രാജിൽ മഹാകുംഭമേളയ്ക്കിടെ തിക്കിലും തിരക്കിലുംപെട്ട് 15 മരണം. നിരവധി പേർക്കു പരിക്കേറ്റു. മഹാകുംഭമേളയിലെ വിശേഷദിവസമായ മൗനി അമാവാസി ദിനത്തോടനുബന്ധിച്ചു നടന്ന അമൃത് സ്നാനത്തിനിടെ ഇന്നു പുലർച്ചെയായിരുന്നു ദുരന്തം. ബാരിക്കേഡുകൾ തകർത്തു ജനക്കൂട്ടം മുന്നോട്ടു കുതിച്ചതാണ് അപകടത്തിനിടയാക്കിയത്. തിരക്കിനിടെ ബോധരഹിതരായി വീണവർക്ക് മറ്റുള്ളവരുടെ ചവിട്ടേൽക്കുകയായിരുന്നു.പരിക്കേറ്റവരെ ഉടൻ ആശുപത്രികളിൽ എത്തിച്ചെങ്കിലും 15 പേരുടെ മരണം സ്ഥിരീകരിച്ചു. പരിക്കേറ്റ മറ്റുള്ളവർ കുംഭമേള മൈതാനത്തെ ആശുപത്രിയിലും ബെയ്ലി ആശുപത്രിയിലും സ്വരൂപ് റാണി മെഡിക്കൽ കോളജിലുമായി ചികിത്സയിലാണ്. സംഭവസ്ഥലത്ത് ദുരന്തത്തിൽപ്പെട്ടവരുടെ ബാഗുകളും വസ്ത്രങ്ങളും ചിതറിക്കിടക്കുകയാണ്. ഒട്ടേറെപ്പേരെ കാണാതായിട്ടുണ്ട്. കുംഭമേളയിലെ വിശേഷദിനത്തിൽ ഒരു കോടിയോളം പേർ എത്തിയിരുന്നതായാണ് അനൗദ്യോഗിക കണക്ക്.അപകടത്തെത്തുടർന്നു തുടർസ്നാനം നിർത്തിവച്ചു. സംഗമത്തിൽ മുങ്ങിക്കുളിച്ചശേഷം സ്ഥലം ഒഴിയണമെന്ന് ഭക്തരോട് അധികൃതർ അഭ്യർഥിച്ചു. കുംഭമേളയിലെ സാഹചര്യം പ്രധാനമന്ത്രി നരേന്ദ്ര മോദി വിലയിരുത്തി. ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെ ബന്ധപ്പെട്ട അദ്ദേഹം രക്ഷാപ്രവർത്തനവും ചികിത്സയും…
Read Moreവ്യാജമദ്യം തടയാൻ പുതിയ നീക്കവുമായി ബെവ്കോ; മദ്യക്കുപ്പികളിൽ പുതിയ ഹോളോഗ്രാം പതിപ്പിക്കാൻ ബെവ്കോ
തിരുവനന്തപുരം: വ്യാജമദ്യം തടയാൻ പുതിയ നീക്കവുമായി ബെവ്കോ. മദ്യക്കുപ്പികളിൽ പുതിയ ഹോളോഗ്രാം പതിക്കാനാണ് തീരുമാനം. കൃത്യമായ കണക്കുകൾ സൂക്ഷിക്കാനും അനധികൃത വില്പന തടയാനും ഇതുവഴി കഴിയും. നിലവിൽ ബെവ്കോയിലൂടെ വിതരണം ചെയ്യുന്ന മദ്യക്കുപ്പികളിൽ ഹോളോഗ്രാം സ്റ്റിക്കറുകൾ ഉണ്ടെങ്കിലും അവ ഫലപ്രദമല്ല. ഇത്തരം ഹോളോഗ്രാമുകളുടെ വ്യാജനും ഇറങ്ങുന്നുണ്ടെന്നതിനാലാണ് ഇനി മുതൽ പുതിയ ഹോളോഗ്രാം പതിക്കുന്നത്. ബെവ്കോയിലൂടെ വിൽക്കുന്ന മദ്യകുപ്പികളിൽ ഏപ്രിൽ ഒന്നുമുതലാണ് പുതിയ ഹോളോ ഗ്രാം പതിക്കുക.മദ്യവിതരണക്കാരെ സംബന്ധിച്ച കാര്യങ്ങളും വെയർഹൗസിന്റെ വിവരങ്ങളും എല്ലാം പുതിയ ഹോളോ ഗ്രാം സ്റ്റിക്കർ സ്കാൻ ചെയ്താൽ അറിയാൻ സാധിക്കും. കുപ്പിയുടെ അടപ്പിൽ പതിക്കുന്ന ഹോളോ ഗ്രാം പൊട്ടിച്ചാൽ മദ്യക്കുപ്പിയുടെ അടപ്പും തുറക്കുമെന്നതിനാൽ ഹോളോഗ്രാം മാറ്റി വ്യാജഹോളോഗ്രാം പതിപ്പിക്കാൻ സാധിക്കില്ല. കൂടാതെ പുതിയ ഹോളോഗ്രാം വഴി മദ്യവിതരണം സംബന്ധിച്ച കൃത്യമായ കണക്കുകള് സൂക്ഷിക്കാനും കഴിയും. മദ്യക്കുപ്പികള് വെയർഹൗസിലെത്തിച്ചശേഷമാണ് അടപ്പിന് മുകളിൽ ഹോളോഗ്രാം സ്റ്റിക്കർ…
Read Moreതൊഴിലുറപ്പ് വേതനം 400 രൂപയാക്കണം: 15 ദിവസത്തിനുള്ളിൽ കൂലി നൽകണം; താമസിച്ചാൽ നഷ്ടപരിഹാരം കൊടുക്കണം; കോണ്ഗ്രസ്
ന്യൂഡൽഹി: ബജറ്റിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ വേതനം 400 രൂപയായി വർധിപ്പിക്കണമെന്ന് എഐസിസി ജനറൽ സെക്രട്ടറി ജയ്റാം രമേശ് ആവശ്യപ്പെട്ടു. തൊഴിലുറപ്പ് പദ്ധതിയിലെ വേതനപരിഷ്കാരത്തെക്കുറിച്ച് വിലയിരുത്താൻ സമിതി രൂപീകരിക്കണമെന്നും ആധാർ അധിഷ്ഠിത പേമെന്റ് സംവിധാനം നിർബന്ധമാക്കരുതെന്നും ആവശ്യപ്പെട്ടു. ജനുവരിയിലെ കണക്കനുസരിച്ച് 9.31 കോടി പേർ പദ്ധതിയുടെ ഭാഗമാണ്. ജിഡിപിയുടെ വിഹിതമെന്ന നിലയ്ക്ക് തൊഴിലുറപ്പ് പദ്ധതിക്ക് നൽകുന്ന തുക 2024-25ൽ 0.26 ശതമാനമായി കുറച്ചു. ജിഡിപിയുടെ 1.7 ശതമാനം നീക്കിവയ്ക്കണമെന്നാണു ലോക ബാങ്ക് ശിപാർശ. തൊഴിലുറപ്പ് പദ്ധതിയുടെ വേതനം 15 ദിവസത്തിനുള്ളിൽ നൽകണമെന്നും താമസിച്ചാൽ നഷ്ടപരിഹാരം നൽകണമെന്നും ജയ്റാം രമേശ് ആവശ്യപ്പെട്ടു.
Read Moreസത്യം ചെരിപ്പിടുമ്പോഴേക്കും നുണ ലോകം ചുറ്റി സഞ്ചരിച്ചിരിക്കും: വ്യാജ പരാതികളില് തകരുന്നത് ഇരകളാകുന്നവരുടെ ജീവിതമെന്ന് ഹൈക്കോടതി
കൊച്ചി: വ്യാജ പരാതികളില് തകരുന്നത് ഇരകളാകുന്നവരുടെ ജീവിതമാണെന്ന് ഹൈക്കോടതി. ചാലക്കുടിയിലെ ബ്യൂട്ടി പാര്ലര് ഉടമ ഷീല സണ്ണിയെ വ്യാജ മയക്കുമരുന്നു കേസില് കുടുക്കിയ സംഭവത്തില് ഒളിവിലുള്ള പ്രതി തൃപ്പൂണിത്തുറ എരൂര് സ്വദേശി എം.എന്. നാരായണദാസിന്റെ മുന്കൂര് ജാമ്യം തള്ളിയ ഉത്തരവിലാണ് ജസ്റ്റീസ് പി.വി. കുഞ്ഞിക്കൃഷ്ണന്റെ നിരീക്ഷണം. “സത്യം ചെരിപ്പിടുമ്പോഴേക്കും നുണ ലോകം ചുറ്റി സഞ്ചരിച്ചിരിക്കും എന്ന മാര്ക്സിന്റെ വാക്കുകൾ ഉദ്ധരിച്ചാണ് പ്രതിയുടെ മുന്കൂര് ജാമ്യാപേക്ഷ കോടതി തള്ളിയത്. പ്രതി ഏഴു ദിവസത്തിനകം കീഴടങ്ങണം. കേസിലെ ഗൂഢാലോചന അന്വേഷിക്കാന് പോലീസ് രൂപീകരിക്കുന്ന പ്രത്യേക സംഘം മൂന്നു മാസത്തിനകം അന്തിമറിപ്പോര്ട്ട് സമര്പ്പിക്കണം. കുറ്റം തെളിഞ്ഞാല് നാലു മാസത്തിനകം വിചാരണ പൂര്ത്തിയാക്കണമെന്നും കോടതി നിര്ദേശിച്ചു. നാരായണദാസ് നല്കിയ രഹസ്യവിവരമനുസരിച്ചാണ് ഷീലയെ അറസ്റ്റ് ചെയ്തതെന്ന് എക്സൈസ് ഇന്സ്പെക്ടര് വെളിപ്പെടുത്തിയിരുന്നു. തുടര്ന്ന് വ്യാജ പരാതി നല്കിയതിന് ഇയാളെ പ്രതിയാക്കി കേസെടുക്കുകയായിരുന്നു. വ്യാജപരാതി ഉന്നയിക്കുന്നവര് അതിന്റെ…
Read More