പൂനെ: തനിക്കെതിരേ പരാതി പറഞ്ഞ സഹപാഠിയായ പെണ്കുട്ടിയെ ബലാത്സംഗംചെയ്ത് കൊലപ്പെടുത്താന് ഏഴാം ക്ലാസുകാരൻ 100 രൂപയ്ക്ക് ഒന്പതാം ക്ലാസുകാരന് ക്വട്ടേഷൻ നല്കിയതായി റിപ്പോർട്ട്. പൂനെയിലെ ഒരു സ്കൂളിലെ വിദ്യാർഥിയാണ് ക്വട്ടേഷൻ കൊടുത്തത്. പരീക്ഷാ മാര്ക്ക് ലിസ്റ്റുകളില് മാതാപിതാക്കളുടെ കള്ള ഒപ്പിട്ടത് സഹപാഠിയായ വിദ്യാര്ഥിനി അധ്യാപകരോട് പറഞ്ഞുകൊടുത്തതിന്റെ ദേഷ്യത്തിലാണ് വിദ്യാര്ഥി പണം വാഗ്ദാനം ചെയ്ത് കൊല നടത്താന് ആവശ്യപ്പെട്ടതെന്നു റിപ്പോര്ട്ടുകളിൽ പറയുന്നു. പണം ലഭിച്ച വിദ്യാര്ഥിതന്നെയാണ് വിവരം അധ്യാപകരോട് പറഞ്ഞത്. പെണ്കുട്ടിയുടെ പിതാവ് പരാതി നല്കിയതോടെയാണു സംഭവം പുറത്തറിഞ്ഞത്. സംഭവത്തിൽ എഫ്ഐആർ രജിസ്റ്റർ ചെയ്തതായി പോലീസ് അറിയിച്ചു.
Read MoreCategory: Loud Speaker
നൂറിലധികം ഗ്യാസ് സിലിണ്ടറുകൾ കയറ്റിയ ട്രക്കിനു തീപിടിച്ച് വൻസ്ഫോടനം: തീപിടിത്തത്തിന്റെ കാരണം വ്യക്തമല്ല
ന്യൂഡൽഹി: ഡൽഹിയിലെ ഗാസിയാബാദിൽ നൂറിലധികം ഗ്യാസ് സിലിണ്ടറുകൾ കയറ്റിവരികയായിരുന്ന ട്രക്കിനു തീപിടിച്ചു വൻ സ്ഫോടനം. താന ടീല മോഡ് ഏരിയയിലെ ഡൽഹി-വസീറാബാദ് റോഡിലെ ഭോപുര ചൗക്കിൽ ഇന്നു പുലർച്ചെയായിരുന്നു സംഭവം. സ്ഫോടനശബ്ദം മൂന്നു കിലോമീറ്റർ ദൂരെവരെ കേട്ടിരുന്നു. ഇതുവരെ ആളപായം റിപ്പോർട്ട് ചെയ്തിട്ടില്ല. ഒരു വീടിനും ഗോഡൗണിനും തീപിടിച്ചതായി റിപ്പോർട്ടുണ്ട്. സ്ഫോടനശബ്ദം ഭീതി പരത്തിയതോടെ ആശങ്കയിലായ നാട്ടുകാർ വീടുകളിൽനിന്നു പുറത്തിറങ്ങിയോടി. അഗ്നിരക്ഷാസേന ഉടൻ സ്ഥലത്തെത്തിയെങ്കിലും സിലിണ്ടറുകൾ പൊട്ടിത്തെറിക്കുന്നത് തുടരുന്നതിനാൽ രക്ഷാപ്രവർത്തനം വൈകി. തീ നിയന്ത്രണവിധേയമായതായി രക്ഷാപ്രവർത്തകർ പറഞ്ഞു. തീപിടിത്തത്തിന്റെ കാരണം വ്യക്തമല്ല. സംഭവത്തിൽ പോലീസ് അന്വേഷണം ആരംഭിച്ചു.
Read Moreമഹാകുംഭമേളയിൽ ഭക്തർക്കുള്ള ഭക്ഷണത്തിൽ ചാരം കലക്കി: പോലീസുകാരന് സസ്പെൻഷൻ
പ്രയാഗ്രാജ്: മഹാകുംഭമേളയിൽ ഭക്തർക്കു വിതരണം ചെയ്യാനായി തയാറാക്കുന്ന ഭക്ഷണത്തിൽ ചാരം കലർത്തിയ സംഭവത്തിൽ പോലീസ് ഉദ്യോഗസ്ഥന് സസ്പെൻഷൻ. സൊറോണിലെ സ്റ്റേഷൻ ഹൗസ് ഓഫീസർ ബ്രിജേഷ് കുമാർ തിവാരിയെയാണ് സസ്പെൻഡ് ചെയ്തത്. പാകം ചെയ്തുകൊണ്ടിരുന്ന ഭക്ഷണത്തിൽ പോലീസ് ഉദ്യോഗസ്ഥൻ ചാരം കലർത്തുന്നതിന്റെ വീഡിയോ സമൂഹമാധ്യമങ്ങളിൽ വൈറലായിരുന്നു. എക്സിലാണ് വീഡിയോ പ്രത്യക്ഷപ്പെട്ടത്. സമാജ്വാദി പാർട്ടി അധ്യക്ഷൻ അഖിലേഷ് യാദവ് ഉൾപ്പെടെയുള്ളവർ വീഡിയോ പങ്കുവച്ചിരുന്നു. കുംഭമേളയ്ക്കെത്തുന്ന തീർഥാടകർക്കു സൗജന്യമോ മിതമായനിരക്കിലോ ഭക്ഷണം നൽകുന്നതിനായി നിരവധി കമ്യൂണിറ്റി കിച്ചണുകൾ പ്രയാഗ്രാജിൽ പ്രവർത്തിക്കുന്നുണ്ട്.
Read Moreകേന്ദ്ര ബജറ്റ് 2025-26; മധ്യവർഗത്തിന് തലടൽ; 12 ലക്ഷം വരെ ആദായനികുതിയില്ല; ബിൽ അടുത്തയാഴ്ച; ബിഹാറിന് വാരിക്കോരി
ന്യൂഡല്ഹി: മൂന്നാമത് നരേന്ദ്രമോദി സര്ക്കാരിന്റെ ആദ്യ സമ്പൂര്ണ ബജറ്റ് കേന്ദ്ര ധനമന്ത്രി നിര്മല സീതാരാമന് അവതരിപ്പിച്ചു. മഹാകുംഭമേള നടത്തിപ്പിലെ വീഴ്ചകള് ചൂണ്ടിക്കാട്ടിയുള്ള പ്രതിപക്ഷ പ്രതിഷേധത്തോടെയായിരുന്നു തുടക്കം. മോദി സര്ക്കാരിന്റെ വികസന നേട്ടങ്ങള് ചൂണ്ടിക്കാട്ടിയ ധനമന്ത്രി, ലോകത്ത് അതിവേഗം വളരുന്ന സമ്പദ് വ്യവസ്ഥയാണ് ഇന്ത്യയുടേതെന്ന് അവകാശപ്പെട്ടു. കഴിഞ്ഞ 10 വർഷത്തെ സർക്കാരിന്റെ വികസന പുരോഗതിയും പരിഷ്കാരങ്ങളും ആഗോള ശ്രദ്ധ ആകർഷിച്ചു. 2025-26 ലെ കേന്ദ്ര ബജറ്റിന്റെ ചുരുക്കപ്പേര് “ഗ്യാൻ’ എന്നാണ്. ദരിദ്രർ, യുവാക്കൾ, കർഷകർ, സ്ത്രീകൾ എന്നിവരെ കേന്ദ്രീകരിച്ച് വിശാലമായ പത്ത് മേഖലകളിലാണ് ഇത്തവണ ബജറ്റ് ഊന്നല് നല്കുന്നതെന്നു നിർമല പറഞ്ഞു. ഉയർന്നുവരുന്ന മധ്യവർഗം, വളർച്ച, അടിസ്ഥാന സൗകര്യങ്ങൾ എന്നിവയിലാണ് ബജറ്റ് പ്രധാനമായും ശ്രദ്ധ കേന്ദ്രീകരിക്കുന്നത്. സന്പൂർണ വികസനം സാക്ഷാത്കരിക്കാനുള്ള ഒരു സവിശേഷ അവസരമായി അടുത്ത അഞ്ച് വർഷം സർക്കാർ കാണുന്നു. മധ്യവർഗത്തെ തലോടിയുള്ള ബജ റ്റിൽ 12…
Read Moreമോദിയുടെ മഹാകുംഭമേള സന്ദർശനം മാറ്റിവച്ചു
ന്യൂഡൽഹി: ഉത്തർപ്രദേശിലെ പ്രയാഗ്രാജിൽ നടക്കുന്ന മഹാകുംഭമേളയിൽ പ്രധാനമന്ത്രി നരേന്ദ്ര മോദി ഫെബ്രുവരി അഞ്ചിന് സ്നാനത്തിൽ പങ്കെടുക്കാനിരുന്നത് മാറ്റിവച്ചു. മറ്റേതെങ്കിലും ദിവസമായിരിക്കും മോദി സ്നാനത്തിന് എത്തുന്നതെന്നാണു വിവരം. എന്നാൽ ഇതുസംബന്ധിച്ച് ഔദ്യോഗിക വിവരങ്ങളൊന്നും പുറത്തുവന്നിട്ടില്ല. പ്രയാഗ്രാജിലെ തിക്കിലും തിരക്കിലുംപെട്ട് 30 പേർ മരിക്കുകയും 60 പേർക്ക് പരിക്കേൽക്കുകയും ചെയ്ത സാഹചര്യത്തിൽ ഫെബ്രുവരി 3, 12, 26 തീയതികളിലെ പ്രത്യേക സ്നാന ദിനങ്ങളിൽ ജനക്കൂട്ടത്തെ നിയന്ത്രിക്കുന്നതിനും ഭക്തരുടെ സുരക്ഷ ഉറപ്പാക്കുന്നതിനുമുള്ള ശ്രമങ്ങൾ ഭരണകൂടം ഊർജിതമാക്കിയിട്ടുണ്ട്. വിഐപി പ്രോട്ടോക്കോൾ ഒഴിവാക്കി. ഇന്നലെവരെയുള്ള കണക്കനുസരിച്ച് 29.64 കോടിയിലധികം ഭക്തരാണ് സ്നാനം ചെയ്തത്.
Read More‘നവകേരള’ വീണ്ടും കട്ടപ്പുറത്ത്: അറ്റകുറ്റപ്പണിക്കായി ബസ് ബംഗളൂരുവിൽ
കോഴിക്കോട്: മുഖ്യമന്ത്രി പിണറായി വിജയനും മന്ത്രിമാരും സഞ്ചരിച്ച നവകേരള ബസ് വീണ്ടും തകരാറയതിനെത്തുടര്ന്ന് സര്വീസ് നിര്ത്തി. കോഴിക്കോട് -ബംഗളൂരു റൂട്ടില് കെഎസ്ആര്ടിസി ഗരുഡ പ്രീമിയം സര്വീസായി നടത്തിയിരുന്ന ബസ് കഴിഞ്ഞ അഞ്ചുദിവസമായി സര്വീസ് നിര്ത്തിവച്ചിരിക്കുകയാണ്. ബംഗളൂരുവില് ഭാരത്ബെന്സിന്റെ വര്ക്ക് ഷോപ്പിലാണ് നിലവില് ബസുള്ളത്. ഓട്ടോമാറ്റിക് ഡോര് തകരാര്, ഡിക്കി തുറക്കുന്നതിലുള്ള ബുദ്ധിമുട്ട്, ബാത്ത്റൂമില് നിന്നു ദുര്ഗന്ധം പുറത്തേക്ക് വമിക്കല് തുടങ്ങിയ പ്രശ്നങ്ങള് കാരണമാണ് സര്വീസ് നിര്ത്തി അറ്റകുറ്റപ്പണിക്കയച്ചത്. ഈ മാസം ഒന്നുമുതല് സര്വിസ് പുനരാരംഭിച്ച ബസിന്റെ ട്രിപ്പുകളെല്ലാം ഹൗസ്ഫുൾ ആയിരുന്നു. രാവിലെ 8.25 നാണ് കോഴിക്കോട്ടുനിന്ന് പുറപ്പെട്ടിരുന്നത്. രാത്രി 10.25 ന് തിരിച്ച് കോഴിക്കോട്ടേക്കും സര്വീസ് നടത്തി. ജിഎസ്ടി അടക്കം 968 രൂപയാണ് റിസര്വേഷന് ചാര്ജ്. 2023-ലെ പിണറായിയുടെ നവകേരള യാത്രയ്ക്കുശേഷം ആഡംബര ബസ് ഏറെക്കാലം വെറുതെകിടന്നിരുന്നു. 2024 മേയ് അഞ്ചുമുതല് ബംഗളൂരുവിലേക്ക് സര്വീസ് ആരംഭിച്ചു. എന്നാല്…
Read Moreവടിയും കുന്തവുമായി നാട്ടുകാരെത്തി : ബിഹാറിൽ കോൺഗ്രസ് എംപിയെ ആള്ക്കൂട്ടം ആക്രമിച്ചു
പട്ന: ബിഹാറിൽ കോൺഗ്രസ് എംപിയെ ആള്ക്കൂട്ടം ആക്രമിച്ചു. സസാറാമിൽനിന്നുള്ള എംപി മനോജ് കുമാർ ആണ് ആക്രമണത്തിനിരയായത്. തലയ്ക്കു സാരമായി പരിക്കേറ്റ എംപിയെ ആശുപത്രിയിലേക്കു മാറ്റി. എംപിയുടെ വാഹനവ്യൂഹത്തിലെ വാഹനം നാട്ടുകാരനെ തട്ടിയെന്നാരോപിച്ചാണ് ആക്രമിച്ചതെന്നാണു റിപ്പോർട്ട്. പിഎ അടക്കം പോലീസുകാരും നാട്ടുകാരും തമ്മിലുണ്ടായ തർക്കത്തിന് പിന്നാലെയായിരുന്നു ആക്രമണം. തര്ക്കത്തിനിടെ ഗ്രാമവാസികളെ എംപി സമാധാനിപ്പിച്ചെങ്കിലും വടിയും കുന്തവുമായി മടങ്ങിയെത്തി എംപിയെയും അനുയായികളെയും ആക്രമിക്കുകയായിരുന്നുവെന്നു കൈമൂർ എസ്പി ഹരിമോഹൻ ശുക്ല പറഞ്ഞു. കുമാറിന്റെ സഹോദരനെയും ഗ്രാമവാസികൾ മർദിച്ചതായി എസ്പി പറഞ്ഞു. പ്രാദേശിക സ്കൂൾ മാനേജ്മെന്റും നാട്ടുകാരും തമ്മിലുള്ള തര്ക്കം പരിഹരിക്കാൻ നാഥുപ്ർ ഗ്രാമത്തിലേക്ക് എംപി പോകുന്പോഴായിരുന്നു സംഭവം. എംപിയുടെ സഹോദരൻ മൃത്യുഞ്ജയ് ഭാരതിയാണ് സ്വകാര്യ സ്കൂൾ നടത്തുന്നത്. സംഭവത്തിൽ ഇരുവിഭാഗവും പരാതി നൽകി.
Read Moreസംസ്ഥാനത്ത് സ്വര്ണക്കുതിപ്പ് തുടരുന്നു; പവന് 61,840 രൂപ
കൊച്ചി: സംസ്ഥാനത്ത് സ്വര്ണ കുതിപ്പ് തുടരുന്നു. ഇന്ന് പവന് ഗ്രാമിന് 120 രൂപയും പവന് 960 രൂപയും വര്ധിച്ച് സ്വര്ണവില സര്വകാല റിക്കാര്ഡിലാണ്. ഇതോടെ സ്വര്ണവില ഗ്രാമിന് 7,730 രൂപയും പവന് 61,840 രൂപയുമായി. ഇന്നലെ രേഖപ്പെടുത്തിയ സര്വകാല റിക്കാര്ഡായ ഗ്രാമിന് 7,610 രൂപ, പവന് 60,880 രൂപ എന്ന ബോര്ഡ് റേറ്റാണ് ഇന്ന് ഭേദിക്കപ്പെട്ടത്. 18 കാരറ്റ് സ്വര്ണത്തിന് ഗ്രാമിന് 100 രൂപ വര്ധിച്ച് 6,385 രൂപയായി. അന്താരാഷ്ട്ര സ്വര്ണവില 2796 ഡോളറിലായി സര്വകാല റിക്കാര്ഡിലാണ്. രൂപയുടെ വിനിമയ നിരക്ക് 86.60 ആണ്. ഏറ്റവും ദുര്ബലമായ അവസ്ഥയിലാണ്. ഈ നില തുടരുകയും, കേന്ദ്ര ബജറ്റില് രണ്ട് ശതമാനം ഇറക്കുമതി ചുങ്കം കൂട്ടുകയും ചെയ്താല് സ്വര്ണവില ഗ്രാമിന് 8,000 രൂപയ്ക്ക് അടുത്ത് എത്താം.
Read Moreപാക് ഭീകരന് ഇന്ത്യന് പാസ്പോര്ട്ട്: റിട്ട. പോലീസുകാരനെതിരേയുള്ള നടപടി തുടരും
കോഴിക്കോട്: പാക്കിസ്ഥാൻ ഭീകരന് ഇന്ത്യന് പാസ്പോര്ട്ട് നല്കാന് സഹായകരമായ നടപടി സ്വീകരിച്ചുവെന്നു കണ്ടെത്തിയതിനെ തുടര്ന്ന് വകുപ്പുതല അച്ചടക്ക നടപടി നേരിടുന്ന റിട്ട. പോലീസുകാരന് സമര്പ്പിച്ച പുനഃപരിശോധനാ ഹര്ജി ആഭ്യന്തര വകുപ്പ് തള്ളി. മലപ്പുറം ജില്ലാ പാസ്പോര്ട്ട് സെല്ലില് ജോലി ചെയ്തിരുന്ന എസ് സിപിഒ എം. അലവി, തന്റെ പെന്ഷനില്നിന്നു മൂന്നു വര്ഷത്തേക്ക് 500 രൂപ വീതം കുറവുവരുത്താനുള്ള സര്ക്കാര് തീരുമാനം ചോദ്യം ചെയ്താണ് പുനഃപരിശോധനാ ഹര്ജി നല്കിയത്. അലവി ഉന്നയിച്ച വാദങ്ങളൊന്നും നിലനില്ക്കുന്നതല്ലെന്നും ഗുരുതരമായ കൃത്യവിലോപമാണ് അലവിയുടെ ഭാഗത്തു നിന്നുമുണ്ടായതെന്നും ചൂണ്ടിക്കാട്ടിയാണ് അദ്ദേഹത്തിനെതിരേയുള്ള വകുപ്പുതല അച്ചടക്ക നടപടി തുടരാന് ആഭ്യന്തര വകുപ്പ് തീരുമാനിച്ചത്. 2006 ജൂണ് 12ന് മുഹമ്മദ്, നടുവത്തില് ഹൗസ്, കാവന്നൂര് പി.ഒ.,അരീക്കോട് എന്ന മേല്വിലാസത്തില് സമര്പ്പിച്ച ഇന്ത്യന് പാസ്പോര്ട്ടിനുള്ള അപേക്ഷ അലവി സ്വീകരിക്കുകയും പ്രാരംഭ നടപടികള് സ്വീകരിക്കുകയും റിപ്പോര്ട്ട് ജില്ലാ സ്പെഷല് ബ്രാഞ്ച് ഓഫീസില്…
Read Moreമദ്യപന്മാരുടെ ചങ്കുപൊട്ടും! നാലു വര്ഷത്തിനുള്ളില് എക്സൈസ് ഒഴുക്കിക്കളഞ്ഞത് അഞ്ചുലക്ഷം ലിറ്റർ മദ്യം
കോഴിക്കോട്: മദ്യപാനികളുടെ നെഞ്ചുതകര്ക്കുന്നതാണ് എക്സൈസ് പുറത്തുവിട്ടിരിക്കുന്ന കണക്കുകള്. കഴിഞ്ഞ നാലു വര്ഷത്തിനുള്ളില് സംസ്ഥാനത്ത് എക്സൈസ് അധികൃതര് പിടികൂടി നശിപ്പിച്ചു കളഞ്ഞത് അഞ്ച് ലക്ഷത്തോളം ലിറ്റര് മദ്യമാണ്. സ്പിരിറ്റ്, ചാരായം, ഇന്ത്യന് നിർമിത വിദേശമദ്യം, അരിഷ്ടം, ബിയര്, കള്ള്, അന്യസംസ്ഥാന മദ്യം, വൈന് എന്നീ ഇനങ്ങളിലാണ് ഇത്രയേറെ അളവില് ലഹരി പിടികൂടിയത്. 2021 മുതല് 2024 ഡിസംബര് 31 വരെയുള്ള കാലയളവിലെ കണക്കാണിത്. പിടികൂടുന്ന മദ്യം നടപടി ക്രമങ്ങള് പൂര്ത്തിയാക്കി നശിപ്പിച്ചു കളയുകയും സ്പിരിറ്റ് സര്ക്കാരിലേക്ക് മുതല്ക്കൂട്ടുകയുമാണ് ചെയ്യുന്നത്. 78,534.05 ലിറ്റര് സ്പിരിറ്റ്, 22,932.865 ലിറ്റര് ചാരായം,1,89,667.55 ലിറ്റര് ഇന്ത്യന് നിർമിത വിദേശമദ്യം, 12,12297.60 ലിറ്റര് വാഷ്, 10,796.675 ലിറ്റര് അരിഷ്ടം, 9,2111.33 ലിറ്റര് ബിയര്, 64,165.99 ലിറ്റര് കള്ള്, 58,940.76 ലിറ്റര് അന്യസംസ്ഥാന മദ്യം, 11,215.95 ലിറ്റര് അനധികൃത മദ്യം, 15,505.625 ലിറ്റര് വൈന് എന്നിവയാണ് നാലുവര്ഷ…
Read More