നാദാപുരം: വിവാഹ യാത്രയ്ക്കിടയിൽ കാറിൽ സഞ്ചരിച്ച് അപകടകരമായ രീതിയിൽ റീൽസ് ചിത്രീകരിച്ച സംഭവത്തിൽ വരന്റെയും കാറിൽ സഞ്ചരിച്ച യുവാക്കൾക്കെതിരേയും വളയം പോലീസ് കേസെടുത്തു.കല്ലാച്ചി സ്വദേശി അർഷാദിനെതിരേയാണ് കേസെടുത്തത്. വിവാഹഘോഷ യാത്രയിൽ പങ്കെടുത്ത രണ്ട് വാഹനങ്ങൾ പോലീസ് കസ്റ്റഡിയിൽ എടുത്തിട്ടുണ്ട്. KL 38 K 5666 ഫോർച്ചൂണർ കാറുംKL 18 AC0026 ഇന്നോവയുമാണ് പോലീസ് കസ്റ്റഡിയിലെടുത്തത്. ഏഴ് വാഹനങ്ങൾ പോലീസ് തിരിച്ചറിഞ്ഞിട്ടുണ്ട്. വളയം പുളിയാവ് റോഡിൽ കഴിഞ്ഞ ഞായറാഴ്ചയാണ് സംഭവം. അശ്രദ്ധയോടെയും മനുഷ്യജീവനു ഭീഷണി ഉയർത്തുന്ന വിധത്തിൽ കാർ ഓടിച്ചതായും റോഡിൽ പടക്കം പൊട്ടിച്ച് വാഹനങ്ങൾക്കും പൊതുജനങ്ങൾക്കും മാർഗതടസം സൃഷ്ടിച്ചതായുമാണ് കേസ്. കല്ലാച്ചി ഇയ്യങ്കോടുനിന്ന് വളയം പുളിയാവിലേക്ക് പുറപ്പെട്ട വിവാഹ സംഘം വഴി നീളെ കാറുകളിലെ ഇരുവശത്തുമുള്ള വാതിലുകൾ തുറന്ന് അതിൽ ഇരുന്ന് യാത്ര ചെയ്തും ഇടക്ക് കാറിൽ നിന്നിറങ്ങി നടുറോഡിൽ പടക്കങ്ങൾ കൂട്ടമായിട്ട് പൊട്ടിച്ചും പൂത്തിരി കത്തിച്ച്…
Read MoreCategory: Loud Speaker
വയനാട് ഡിസിസി ട്രഷററുടെ ആത്മഹത്യ; ഐ.സി. ബാലകൃഷ്ണന് എംഎല്എയെ ചോദ്യം ചെയ്യും
കോഴിക്കോട്: വയനാട് ഡിസിസി ട്രഷറര് എന്.എം. വിജയന്റെ ആത്മഹത്യയുമായി ബന്ധപ്പെട്ട് പ്രതിചേര്ത്ത ഐ.സി. ബാലകൃഷ്ണന് എംഎല്എ ഇന്ന് ചോദ്യം ചെയ്യലിന് ഹാജരാകും. ബത്തേരി ഡിവൈഎസ്പി അബ്ദുല് ഷെരീഫിന്റെ നേതൃത്വത്തിലുള്ള സംഘമാണ് ചോദ്യം ചെയ്യുക. ആത്മഹത്യാപ്രേരണക്കുറ്റമാണ് ഐ.സി. ബാലകൃഷ്ണനെതിരേ ചുമത്തിയിരിക്കുന്നത്. ഇന്നു രാവിലെ നിയമസഭ സമ്മേളനത്തിന് ശേഷം ഐസി ബാലകൃഷ്ണന് വയനാട്ടിലേക്ക് എത്തുമെന്നാണ് അറിയിച്ചിട്ടുള്ളത്. അതിനു ശേഷം അന്വേഷണ സംഘത്തിന് മുന്നില് ഹാജരാകാനാണു നീക്കം. ഡിവൈഎസ്പി ഓഫീസില് വച്ചാകും ചോദ്യം ചെയ്യല്. അതിനുശേഷം അറസ്റ്റ് അടക്കമുള്ള നടപടികളിലേക്കു കടക്കും. എംഎല്എക്ക് കോടതി മുന്കൂര്ജാമ്യം അനുവദിച്ചിരുന്നു. ഇന്നലെ കേസിലെ മറ്റ് പ്രതികളായ ഡിസിസി പ്രസിഡന്റ് എന്ഡി അപ്പച്ചന്റെയും കെ.കെ. ഗോപിനാഥിന്റെയും അറസ്റ്റ് രേഖപ്പെടുത്തിയയശേഷം വിട്ടയച്ചിരുന്നു. ഇവര് രണ്ടുപേരും ചോദ്യം ചെയ്യലുമായി സഹകരിച്ചുവെന്നാണ് പോലീസ് പറയുന്നത്. മൂന്നു ദിവസമാണ് ഇവരെ ചോദ്യം ചെയ്തത്. ഗോപിനാഥന്റെ വീട്ടില് പരിശോധന ഉള്പ്പടെ നടത്തി.
Read Moreബേസ്മെന്റിൽ കെട്ടിക്കിടക്കുന്ന വെള്ളത്തിൽ പൊങ്ങിക്കിടക്കുന്ന നിലയിൽ ശരീരം: മുംബൈയിൽ അടച്ചിട്ട മാളിൽ യുവതിയുടെ മൃതദേഹം
മുംബൈ: അടച്ചിട്ട മാളിന്റെ ബേസ്മെന്റിൽ മുപ്പതുകാരിയുടെ മൃതദേഹം കണ്ടെത്തി. മുംബൈയിലെ ഭാണ്ഡൂപ്പിലുള്ള ഡ്രീം മാളിൽ മനീഷ ഗെയ്ക്വാദ് എന്ന യുവതിയെയാണു മരിച്ചനിലയിൽ കണ്ടെത്തിയത്. ബേസ്മെന്റിൽ കെട്ടിക്കിടക്കുന്ന വെള്ളത്തിൽ പൊങ്ങിക്കിടക്കുന്ന നിലയിലായിരുന്നു മൃതദേഹം. സ്വാഭാവിക മരണമാണോ കൊലപാതകമാണോ എന്നറിയാൻ പോസ്റ്റ്മോർട്ടം റിപ്പോർട്ട് ലഭിക്കണമെന്നു പോലീസ് പറഞ്ഞു. 2021ൽ കോവിഡ് കാലത്ത് 11 പേർ മരിച്ച തീപിടിത്തത്തെ തുടർന്ന് മാൾ അടച്ചിട്ടിരിക്കുകയായിരുന്നു.
Read Moreഡിജിറ്റൽ അറസ്റ്റിലെന്നു പറഞ്ഞ് ഐടി ജീവനക്കാരനിൽ നിന്ന് 11 കോടി തട്ടി; 3 പേർ പിടിയിൽ: 3.75 കോടി രൂപ തിരിച്ചുപിടിച്ചു
ബംഗളൂരു: ഐടി ജീവനക്കാരനെ ഒരു മാസത്തോളം ഡിജിറ്റൽ അറസ്റ്റിലാക്കി 11 കോടി രൂപ തട്ടിയെടുത്ത കേസിൽ മൂന്നു പേർ അറസ്റ്റിൽ. രണ്ടു ഗുജറാത്ത് സ്വദേശികളും ഒരു ഡൽഹി സ്വദേശിയുമാണു പിടിയിലായത്. ബംഗളൂരു സ്വദേശി കെ.എസ്. വിജയ്കുമാർ നൽകിയ പരാതിയിലാണു നടപടി. തട്ടിയെടുത്ത തുകയിൽ 3.75 കോടി രൂപ തിരിച്ചുപിടിച്ചു. ബാങ്ക് അക്കൗണ്ടുകൾ കേന്ദ്രീകരിച്ച് നടത്തിയ അന്വേഷണത്തിലാണു പ്രതികൾ പിടിയിലായത്. മുംബൈ പോലീസ് ഉദ്യോഗസ്ഥരെന്ന വ്യാജേനയാണു പ്രതികൾ വിജയ്കുമാറിനെ ബന്ധപ്പെട്ടത്. വിജയ്കുമാറിന്റെ രേഖകൾ ഉപയോഗിച്ച് ആറു കോടി രൂപയുടെ കള്ളപ്പണം വെളുപ്പിക്കൽ ഇടപാട് നടന്നതിനു കേസ് രജിസ്റ്റർ ചെയ്തതായും മുംബൈയിലേക്കു വരാനും ആവശ്യപ്പെട്ടു, വിസമ്മതിച്ചപ്പോൾ ഡിജിറ്റലായി അറസ്റ്റ് ചെയ്തതായി വിശ്വസിപ്പിച്ച് വെർച്വലായി ചോദ്യം ചെയ്ത് സുപ്രീംകോടതിയെന്ന പേരിൽ വ്യാജ കോടതി സജ്ജീകരിച്ച് വിചാരണ ചെയ്തു. ഇതിനിടെ പലതവണ പണം നൽകി. ഒരു മാസത്തിനുശേഷം കേസിനെക്കുറിച്ച് സംസാരിക്കാൻ വിജയ്കുമാർ ബംഗളൂരു…
Read Moreജനങ്ങൾ കഠിനാധ്വാനം ചെയ്യുന്നു, ലാഭം കൊയ്യുന്നത് മറ്റുള്ളവരും: കേന്ദ്രത്തിന്റെ സാന്പത്തികനയങ്ങൾക്കെതിരേ രാഹുൽ ഗാന്ധി
ന്യൂഡൽഹി: ജനങ്ങൾ കഠിനാധ്വാനം ചെയ്യുന്പോൾ അതിന്റെ ലാഭം കൊയ്യുന്നത് മറ്റുചിലരാണെന്ന് ലോക്സഭാ പ്രതിപക്ഷ നേതാവ് രാഹുൽ ഗാന്ധി. മോദി സർക്കാരിന്റെ സാന്പത്തിക പരിഷ്കരണത്തിന്റെ ഫലമായി സന്പദ്വ്യവസ്ഥയിൽ ഉത്പാദനമേഖലയുടെ പങ്ക് 60 വർഷത്തിനിടയിലെ ഏറ്റവും താഴ്ന്ന നിലയിലെത്തിയെന്നും രാഹുൽ കുറ്റപ്പെടുത്തി. തൊഴിലില്ലായ്മ വർധിച്ചു. കാർഷികമേഖലയിലെ തെറ്റായ നയങ്ങൾ കർഷകരെ കൂടുതൽ പ്രതിസന്ധിയിലാക്കി. അവർക്ക് ജീവിതത്തിന്റെ രണ്ടറ്റം കൂട്ടിമുട്ടിക്കാൻ കഴിയുന്നില്ലെന്നും രാഹുൽ വ്യക്തമാക്കി. ജിഎസ്ടി, ആദായ നികുതി തുടങ്ങിയവ ദരിദ്രരുടെയും ഇടത്തരം ജീവനക്കാരുടെയും ജീവിതം ദുഷ്കരമാക്കി. എന്നാൽ കോർപറേറ്റുകളുടെ വായ്പ സർക്കാർ എഴുതി ത്തള്ളുന്നതായും സമൂഹമാധ്യമമായ എക്സിലെ പോസ്റ്റിൽ രാഹുൽ ചൂണ്ടിക്കാട്ടി. കുതിച്ചുയരുന്ന പണപ്പെരുപ്പം വായ്പയെടുക്കാൻ സാധാരണക്കാരെ നിർബന്ധിതരാക്കുന്നു. സാന്പത്തിക അസമത്വമല്ല എല്ലാവർക്കും ഒരേതരത്തിൽ സാന്പത്തിക പുരോഗതി ഉണ്ടാകുന്പോഴാണ് യഥാർഥ വികസനം ഉണ്ടാകുന്നത്. വ്യവസായങ്ങൾക്ക് രാജ്യത്ത് ന്യായമായ അന്തരീക്ഷമുണ്ടാകണം. ന്യായമായ നികുതിസന്പ്രദായം ഉണ്ടാക്കിയെടുക്കണം. തൊഴിലാളികളുടെ വരുമാനം വർധിപ്പിക്കണം. എങ്കിൽ മാത്രമേ…
Read Moreസ്ത്രീധനം വാങ്ങില്ല, കൊടുക്കില്ല: പൊതുമേഖലാ, കോര്പറേഷന് ജീവനക്കാരും സത്യവാങ്മൂലം നല്കണം
കോഴിക്കോട്: സ്ത്രീധനം വാങ്ങുകയോ കൊടുക്കുകയോ ചെയ്തിട്ടില്ലെന്ന സത്യവാങ്മൂലം ഇനി പൊതുമേഖലാ, കോര്പറേഷന്, സ്വയംഭരണാവകാശ സ്ഥാപനങ്ങള്, ബോര്ഡുകള് എന്നിവിടങ്ങളിലെ ജീവനക്കാരും നല്കണം. സംസ്ഥാനത്തു സ്ത്രീധന നിരോധന നിയമം കര്ശനമായി നടപ്പാക്കുന്നതിന്റെ ഭാഗമായാണു നടപടി. ചീഫ് ഡൗറി പ്രൊഹിബിഷന് ഓഫീസറായ വനിതാ ശിശു വികസന വകുപ്പ് ഡയറക്ടറുടെ 2021ലെ ശിപാര്ശ പരിഗണിച്ച്, വിവാഹിതരാകുന്ന എല്ലാ സര്ക്കാര് ജീവനക്കാരും സ്ത്രീധനം വാങ്ങുകയോ കൊടുക്കുകയോ ചെയ്തിട്ടില്ലെന്ന സത്യവാങ്മൂലം മേലധിക്കാരികള്ക്കു നല്കണമെന്നു സര്ക്കാര് നേരത്തേ നിര്ദേശം നല്കിയിരുന്നു. ഡൗറി പ്രൊഹിബിഷന് ഓഫീസറുടെ ശിപാര്ശ സംസ്ഥാനമൊട്ടാകെ ബാധകമാണെന്നു ചൂണ്ടിക്കാട്ടിയാണു മറ്റു വിഭാഗം ജീവനക്കാര്ക്കും സ്ത്രീധന നിരോധന നിയമം ബാധകമാക്കിയത്. വിവാഹിതരാകുന്ന സര്ക്കാര് ജീവനക്കാരുടെ അച്ഛന്/ അമ്മ, ജീവിതപങ്കാളി, ജീവിത പങ്കാളിയുടെ അച്ഛന്/അമ്മ എന്നിവര് ഒപ്പിട്ട സത്യവാങ്മൂലമാണു മേലധികാരികള്ക്കു നല്കേണ്ടത്. സ്ത്രീധനം വാങ്ങുന്നതും കൊടുക്കുന്നതും വാങ്ങുന്നതിനും കൊടുക്കുന്നതിനും പ്രേരിപ്പിക്കുന്നതും ജാമ്യം ലഭിക്കാത്തതും തടവ്, പിഴ ശിക്ഷകള് ലഭിക്കാവുന്നതുമായ…
Read Moreഅധ്യക്ഷ പദവിയിൽ കടിച്ചുതൂങ്ങാനില്ല: നിയമസഭാ തെരഞ്ഞെടുപ്പിൽ മത്സരിക്കാൻ ആഗ്രഹമില്ല, പാർട്ടി പറഞ്ഞാൽ മത്സരിക്കും; കെ. സുധാകരൻ
കണ്ണൂർ: കെപിസിസി അധ്യക്ഷ പദവിയിൽ കടിച്ചുതൂങ്ങാനില്ലെന്ന് കെ. സുധാകരൻ. അധ്യക്ഷപദവി തനിക്ക് അലങ്കാരമല്ല. എഐസിസിക്ക് ആരേയും കെപിസിസി അധ്യക്ഷനാക്കാം. മുഖ്യമന്ത്രി സ്ഥാനം ഉൾപ്പെടെ ആഗ്രഹമില്ലെന്നും കെ. സുധാകരൻ മാധ്യമങ്ങളോടു പ്രതികരിച്ചു. തന്റെ സ്ഥാനം ജനങ്ങളുടെ മനസിലാണ്. നിയമസഭാ തെരഞ്ഞെടുപ്പിൽ മത്സരിക്കാൻ ആഗ്രഹമില്ല. പാർട്ടി പറഞ്ഞാൽ മത്സരിക്കും. കെപിസിസി അധ്യക്ഷനും പ്രതിപക്ഷ നേതാവും ഒരുമിച്ചു മാറണമെന്നില്ല. പാർട്ടിയിൽ നേതൃ മാറ്റ ചർച്ചയില്ലെന്നും യുക്തിസഹമായ തീരുമാനം എഐസിസിക്ക് എടുക്കാമെന്നും അദ്ദേഹം വ്യക്തമാക്കി. അതേസമയം, വയനാട് ഡിസിസി ട്രഷറർ എൻ.എം. വിജയന്റെ മരണവുമായി ബന്ധപ്പെട്ട് ചോദ്യംചെയ്യലിന് തനിക്ക് നോട്ടീസ് ലഭിച്ചിട്ടില്ലെന്നും കെ. സുധാകരൻ അറിയിച്ചു. അന്വേഷണവുമായി സഹകരിക്കും. ചോദ്യംചെയ്യലിന് വിളിപ്പിച്ചാല് അതിന് പിന്നില് രാഷ്ട്രീയമെന്ന് പറയേണ്ടിവരും. ബുധനാഴ്ച എന്.എം. വിജയന്റെ വീട് സന്ദര്ശിക്കുമെന്നും സുധാകരൻ കൂട്ടിച്ചേർത്തു. തന്റെ സാമ്പത്തിക ബാധ്യത വിശദീകരിച്ച് എൻ.എം. വിജയൻ നേരത്തെ രണ്ടുതവണ സുധാകരന് കത്തയച്ചിരുന്നു. ഇതുമായി…
Read Moreമൈസൂരുവിൽ മലയാളി വസ്തു ബ്രോക്കർമാരെ മുഖംമൂടിസംഘം ആക്രമിച്ച് 1.5 ലക്ഷം കവർന്നു: കമുകിൻ തോട്ടം വാങ്ങുന്നതിന് മുൻകൂറായി നൽകാനുള്ള പണമാണു മോഷ്ടിച്ചതെന്ന് മൊഴി
മൈസൂരു: മൈസൂരുവിനു സമീപം മുഖംമൂടി ധരിച്ച ഏഴംഗ സംഘം കോഴിക്കോട് സ്വദേശികളായ വസ്തു ബ്രോക്കർമാരെ മർദിച്ച് 1.5 ലക്ഷം രൂപയും കാറുമായി കടന്നു. കൊടുവള്ളി സ്വദേശി മുഹമ്മദ് അഷ്റഫ് (45), സൂഫി എന്നിവരെയാണ് ആക്രമിച്ചത്. കാർ പിന്നീടു നാലു കിലോമീറ്റർ അകലെ റോഡരികിൽ ഉപേക്ഷിച്ച നിലയിൽ കണ്ടെത്തി. മൈസൂരു-മാനന്തവാടി റോഡിലെ ജയപുര ഹാരോഹള്ളിയിൽ ഇന്നലെ രാവിലെ 9.15നായിരുന്നു സംഭവം. കോഴിക്കോട്ടുനിന്ന് എച്ച്ഡി കോട്ടയിലേക്ക് വരികയായിരുന്ന കാറിനെ മൂന്നു കാറുകളിലായി പിന്തുടർന്ന സംഘം വഴിയിൽ തടഞ്ഞു നിർത്തി രണ്ടു പേരെയും വലിച്ചിറക്കി മർദിക്കുകയായിരുന്നു. വസ്തു ബ്രോക്കർമാരായ സൂഫിക്കും അഷ്റഫിനും ഹംപാപുര സർക്കാർ ആശുപത്രിയിൽ പ്രഥമശുശ്രൂഷ നൽകി. എച്ച്ഡി കോട്ടയിൽ കമുകിൻ തോട്ടം വാങ്ങുന്നതിന് മുൻകൂറായി നൽകാനുള്ള പണമാണു കവർന്നതെന്ന് കേസ് അന്വേഷിക്കുന്ന ജയപുര പോലീസിന് അഷ്റഫ് മൊഴി നൽകി. മൈസൂരു റൂറൽ ഡിവൈഎസ്പി രഘുവിന്റെ നേതൃത്വത്തിലുള്ള പോലീസ് സംഘം…
Read More‘ഒരുമിച്ചുള്ള സഹകരണത്തിന് കാത്തിരിക്കുന്നു’; ട്രംപിന് ആശംസകൾ നേർന്ന് നരേന്ദ്ര മോദി
ഡോണൾഡ് ട്രംപിന് ആശംസകൾ നേർന്ന് പ്രധാനമന്ത്രി നരേന്ദ്രമോദി. പ്രിയപ്പെട്ട സുഹൃത്ത് ഡോണൾഡ് ട്രംപ്, താങ്കളുടെ ചരിത്രപരമായ അമേരിക്കൻ പ്രസിഡന്റ് സ്ഥാനാരോഹണത്തിന് അഭിനന്ദനങ്ങൾ. താങ്കളോടൊത്തുള്ള സഹകരണത്തിന് കാത്തിരിക്കുന്നു എന്ന് മോദി പറഞ്ഞു. എക്സിലാണ് ട്രംപിന് ആശംസകൾ നേർന്ന് മോദി പോസ്റ്റ് പങ്കുവച്ചത്. ഇരു രാജ്യങ്ങളുടെയും ഒരുമിച്ചുള്ള പ്രവര്ത്തനങ്ങൾ ഭാവിയിലും തുടരാൻ ഞാൻ ആഗ്രിക്കുന്നു. രണ്ട് രാജ്യങ്ങൾക്കും നേട്ടമുണ്ടാക്കാനും, ഒരു പുതു ലോകത്തിന് രൂപം നൽകാനും ഞാൻ ആഗ്രിക്കുന്നു. വിജയകരമായ മറ്റൊരു ഭരണകാലം ഉണ്ടാകട്ടെയെന്ന് ആശംസിക്കുന്നു’ എന്ന് മോദി കുറിച്ചു. അതേസമയം,അമേരിക്കയ്ക്ക് സുവർണ യുഗപ്പിറവി പ്രഖ്യാപിച്ച് ഡോണൾഡ് ട്രംപ് 47-ാമത് പ്രസിഡന്റായി സ്ഥാനമേറ്റു. ഇന്നലെ അമേരിക്കൻ സമയം ഉച്ചയ്ക്ക് 12ന് (ഇന്ത്യൻ സമയം രാത്രി 10.30) വാഷിംഗ്ടൺ ഡിസിയിലെ യുഎസ് കാപിറ്റോളിൽ നടന്ന ഹ്രസ്വവും പ്രൗഢഗംഭീരവുമായ ചടങ്ങിൽ വിവിധ വിദേശരാജ്യത്തലവന്മാർ, അമേരിക്കയുടെ മുൻ പ്രസിഡന്റുമാർ, വ്യവസായ പ്രമുഖർ, ട്രംപ് ഭരണത്തിലെ…
Read Moreഏവർക്കും പാഠപുസ്തകം ആണ് കെ.എം. മാണിയുടെ രാഷ്ട്രീയ ജീവിതം: റോഷി അഗസ്റ്റിൻ
തിരുവനന്തപുരം: അടിസ്ഥാന ജനവിഭാഗങ്ങളുടെ ക്ഷേമവും കരുതലും സർക്കാർ ബജറ്റുകളുടെ മുൻഗണനാ വിഷയങ്ങളാക്കിയതാണ് ഭരണാധികാരി എന്ന നിലയിൽ കെ.എം. മാണിയെ വേർതിരിച്ചു നിർത്തുന്നതെന്ന് മന്ത്രി റോഷി അഗസ്റ്റിൻ. ഫെബ്രുവരിയിൽ കോട്ടയത്ത് നടക്കുന്ന യൂത്ത് കോണ്ക്ലേവിന് മുന്നോടിയായി തിരുവനന്തപുരത്ത് നടന്ന മാണിയും സംസ്ഥാന ബജറ്റുകളുമെന്ന ശില്പശാല ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. നിരാലംബരായ ആളുകൾക്ക് ക്ഷേമപെൻഷൻ എന്ന ആശയം ഇന്ത്യയിൽ ആദ്യമായി അവതരിപ്പിക്കുകയും നടപ്പാക്കുകയും ചെയ്ത ധനകാര്യ മന്ത്രിയായിരുന്നു കെ. എം. മാണി. ജനാധിപത്യം മേഖലയിൽ പ്രവർത്തിക്കുന്ന ഏവർക്കും പാഠപുസ്തകം ആണ് കെ.എം. മാണിയുടെ രാഷ്ട്രീയ ജീവിതം എന്നും റോഷി അഗസ്റ്റിൻ ചൂണ്ടിക്കാട്ടി. കോണ്ക്ലേവിന്റെ ഓണ്ലൈൻ രജിസ്ട്രഷൻ ഉദ്ഘാടനം. ചീഫ് വിപ്പ് ഡോ. എൻ ജയരാജ് നിർവഹിച്ചു. യൂത്ത്ഫ്രണ്ട്-എം സംസ്ഥാന പ്രസിഡന്റ് സിറിയക് ചാഴികാടൻ അധ്യക്ഷത വഹിച്ച യോഗത്തിൽ എംഎൽഎമാരായ ജോബ് മൈക്കിൾ, സെബാസ്റ്റ്യൻ കുളത്തിങ്കൽ, പ്രമോദ് നാരായണ് കേരള…
Read More