കൊല്ലം: ഇന്റര്നെറ്റ് ഉപയോക്താക്കളുടെ എണ്ണത്തില് വൻ കുതിപ്പുമായി ഇന്ത്യ. 2025- ഓടെ ഉപയോക്താക്കളുടെ എണ്ണം 90 കോടി കടന്നേക്കുമെന്നാണ് പഠന റിപ്പോര്ട്ടുകള്. എണ്ണത്തിന്റെ കാര്യത്തിൽ ഗ്രാമീണ ഇന്ത്യയ്ക്കാണ് ആധിപത്യം. മുംബൈ ആസ്ഥാനമായ ഇന്റര്നെറ്റ് ആൻഡ് മൊബൈല് അസോസിയേഷന് ഓഫ് ഇന്ത്യയും (ഐഎഎംഎഐ) ഡിജിറ്റൽ വിപണി ഗവേഷണ സ്ഥാപനമായ കാന്താറും സംയുക്തമായി നടത്തിയ പഠന റിപ്പോര്ട്ട് പ്രകാരം ഇന്ത്യയില് ഇന്റര്നെറ്റ് ഉപയോക്താക്കളുടെ എണ്ണം ഈ വർഷം അതിവേഗം വര്ധിക്കുമെന്നാണ് വിലയിരുത്തൽ. വര്ഷാവര്ഷം എട്ട് ശതമാനത്തോളം വര്ധനയാണ് ഉപയോക്താക്കളുടെ എണ്ണത്തില് ഉണ്ടാകുന്നത്. കഴിഞ്ഞ വര്ഷം സജീവ ഇന്റര്നെറ്റ് ഉപയോക്താക്കളുടെ എണ്ണം 88.6 കോടിയിലെത്തിയിരുന്നു. ഇതില് 48.8 കോടി ഉപയോക്താക്കള് ഗ്രാമങ്ങളില് നിന്നുള്ളവരാണ്. ഇന്ത്യയിലെ ജനസംഖ്യയുടെ 60 ശതമാനത്തിന് മുകളിലാണ് ഇന്റര്നെറ്റ് ഉപയോക്താക്കളുടെ എണ്ണം. ഏറ്റവും ഒടുവിലത്തെ കണക്ക് അനുസരിച്ച് രാജ്യത്തെ ജനസംഖ്യ 145 കോടിയിൽ അധികമാണ്.ഇന്റര്നെറ്റ് ഉപയോക്താക്കളില് 98 ശതമാനവും…
Read MoreCategory: Loud Speaker
പഴയതു പോലെ പോരാ… പാർട്ടിയെ ശക്തിപ്പെടുത്താൻ കെപിസിസി മാർഗരേഖ; ലക്ഷ്യം തദ്ദേശ-നിയമസഭാ തെരഞ്ഞെടുപ്പുകൾ
തിരുവനന്തപുരം: തദ്ദേശസ്വയം ഭരണ തെരഞ്ഞെടുപ്പിന് മുന്നോടിയായി കോണ്ഗ്രസിനെ ശക്തിപ്പെടുത്താൻ കെപിസിസി മാർഗരേഖ പുറത്തിറക്കി. പാർട്ടിയുടെ സംസ്ഥാനത്തെ 282 ബ്ലോക്ക് കമ്മിറ്റികൾക്കാണ് ഒൻപത് പേജുള്ള മാർഗരേഖ അയച്ചിരിക്കുന്നത്. തദ്ദേശ സ്വയംഭരണ തെരഞ്ഞെടുപ്പിലും പിന്നാലെ അടുത്തവർഷം നടക്കുന്ന നിയമസഭ തെരഞ്ഞെടുപ്പിലും ഭൂരിപക്ഷം നേടി അധികാരത്തിലെത്താനുള്ള ശ്രമങ്ങൾക്ക് ഒറ്റക്കെട്ടായി എല്ലാവരും പ്രവർത്തിക്കണമെന്നാണ് കീഴ്ഘടകങ്ങൾക്ക് നൽകിയിരിക്കുന്ന നിർദേശം. ഉടൻതന്നെ അതിനുള്ള പ്രവർത്തനങ്ങൾ ആരംഭിക്കണമെന്നും മാർഗരേഖയിൽ പറയുന്നു. മറ്റ് പാർട്ടികളിലെ അസ്വസ്ഥരായി നിൽക്കുന്ന പ്രവർത്തകരെ കോണ്ഗ്രസിലേക്ക് കൊണ്ട് വരാനുള്ള ശ്രമങ്ങൾ നടത്തണമെന്നും ബൂത്ത് തലം മുതൽ മുകൾ തട്ട് വരെയുള്ള നേതാക്കൾ സോഷ്യൽ മീഡിയയിൽ സജീവമാകണമെന്നും പാർട്ടി ആശയങ്ങൾ പ്രചരിപ്പിക്കണമെന്നും മാർഗരേഖയിൽ പറയുന്നു. പാർട്ടിപരിപാടികളിൽ സജീവമല്ലാത്ത ഭാരവാഹികളുടെ പേര് വിവരങ്ങൾ നൽകാൻ അതാത് ജില്ലാ നേതൃത്വം കീഴ്ഘടകങ്ങൾക്ക് നിർദേശം നൽകണം. മേയ് മാസത്തിൽ ബൂത്ത് പ്രസിഡന്റുമാരെ പങ്കെടുപ്പിച്ച് മഹാപഞ്ചായത്ത് എന്ന പരിപാടി സംഘടിപ്പിക്കാനും കെപിസിസി…
Read Moreബെഡ് ഷീറ്റ് നൽകാനാണെന്ന് പറഞ്ഞ് മുറിയിൽ കടന്നു കൂടി: എൻജിനീയറിംഗ് വിദ്യാർഥിനിയെ പീഡിപ്പിച്ചു: ഹോസ്റ്റൽ ഉടമയുടെ ഡ്രൈവർ പിടിയിൽ
ഹൈദരാബാദ്: എൻജിനീയറിംഗ് വിദ്യാർഥിനിയെ സ്വകാര്യ ഹോസ്റ്റലിൽ പീഡിപ്പിച്ച സംഭവത്തിൽ ഹോസ്റ്റൽ ഉടമയുടെ ഡ്രൈവർ പിടിയിൽ. ഹൈദരാബാദിലാണ് സംഭവം. ഒന്നാം വർഷ വിദ്യാർഥിനി രാത്രി ഹോസ്റ്റൽ മുറിയിൽ തനിച്ചായിരുന്ന സമയത്താണു പീഡനം നടന്നത്. ബെഡ് ഷീറ്റ് നൽകാനെത്തിയതാണെന്ന് പറഞ്ഞ് ഇയാൾ മുറിയുടെ വാതിലിൽ തട്ടിവിളിക്കുകയും വാതിൽ തുറന്നപ്പോൾ മുറിയിലേക്ക് അതിക്രമിച്ച് കയറി പീഡിപ്പിക്കുകയുമായിരുന്നു. ഈ സമയം മറ്റ് വിദ്യാർഥികൾ അവരുടെ മുറിയിലായിരുന്നു. പെൺകുട്ടി നൽകിയ പരാതിയുടെ അടിസ്ഥാനത്തിലാണ് ഇബ്രാഹിംപട്ടണം പോലീസ് പ്രതിയെ പിടികൂടിയത്.
Read Moreസ്വകാര്യദൃശ്യങ്ങൾ പ്രചരിപ്പിക്കുമെന്ന് ഭീഷണിപ്പെടുത്തി അമ്മാവൻ ഹോട്ടൽ മുറിയിലേക്ക് വിളിച്ചു വരുത്തി: 24കാരി ജീവനൊടുക്കി
ബംഗളൂരു: സ്വകാര്യദൃശ്യങ്ങൾ പ്രചരിപ്പിക്കുമെന്ന അമ്മാവന്റെയും അമ്മായിയുടെയും ഭീഷണിയെത്തുടർന്ന് യുവതി പെട്രോൾ ഒഴിച്ച് തീകൊളുത്തി ജീവനൊടുക്കി. കർണാടകയിലെ ബംഗളൂരുവിലാണു സംഭവം. 24കാരിയായ ടെക്കിയാണ് ആത്മത്യചെയ്തത്. സംഭവത്തിൽ പ്രധാന പ്രതിയായ അമ്മാവനെ പോലീസ് അറസ്റ്റ് ചെയ്തു. കുന്ദഹള്ളി മെട്രോ സ്റ്റേഷനു സമീപമുള്ള ഹോട്ടൽ മുറിയിലാണ് യുവതി ജീവനൊടുക്കിയത്. സ്വകാര്യദൃശ്യങ്ങൾ പ്രചരിപ്പിക്കുമെന്നു പറഞ്ഞ് ഭീഷണിപ്പെടുത്തി അമ്മാവൻ യുവതിയെ ഹോട്ടലിലേക്കു വിളിച്ചുവരുത്തുകയായിരുന്നു. ഹോട്ടൽ മുറിയിലെത്തിയ യുവതി കൈയിൽ കരുതിയിരുന്ന പെട്രോൾ ഒഴിച്ച് തീ കൊളുത്തി. ഗുരുതരമായി പരിക്കേറ്റ യുവതിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. അമ്മാവന്റെ കൈയിലുണ്ടായിരുന്ന പെൻഡ്രൈവ് പോലീസ് പിടിച്ചെടുത്തിട്ടുണ്ട്. കഴിഞ്ഞ ആറു വർഷമായി അമ്മാവനും അമ്മായിക്കുമൊപ്പമാണ് മകൾ താമസിച്ചിരുന്നതെന്ന് യുവതിയുടെ അമ്മ പറഞ്ഞു.
Read Moreപതിനാറുകാരിയെ ഒളിച്ചോടാന് സഹായിച്ചെന്നാരോപിച്ച് സ്ത്രീയെ നഗ്നയാക്കി മര്ദിച്ചു
പെനുകൊണ്ട (ആന്ധ): പതിനാറുകാരിയെ ഒളിച്ചോടാന് സഹായിച്ചെന്നാരോപിച്ച് യുവതിയെ നഗ്നയാക്കി മർദിക്കുകയും മുടി മുറിക്കുകയും ചെയ്തു. ആന്ധ്രാപ്രദേശിലെ ശ്രീ സത്യസായി ജില്ലയിൽ ഇന്നലെയാണു സംഭവം. പെൺകുട്ടിയുടെ ബന്ധുക്കളാണ് അതിക്രമം കാട്ടിയത്. ഒരാഴ്ച മുമ്പ് 16കാരി അതേഗ്രാമത്തിലെ യുവാവിനൊപ്പം ഒളിച്ചോടിയിരുന്നു. പിന്നീട് പോലീസ് പെണ്കുട്ടിയെ കണ്ടെത്തി മാതാപിതാക്കൾക്കു കൈമാറി. തുടർന്ന് ഒളിച്ചോടാന് സഹായിച്ചെന്നാരോപിച്ച് പെൺകുട്ടിയുടെ മാതാപിതാക്കളും പതിനൊന്നു ബന്ധുക്കളും ആരോപണ വിധേയയായ സ്ത്രീയുടെ വീട്ടിൽ അതിക്രമിച്ചു കയറി മര്ദിക്കുകയും വസ്ത്രങ്ങള് വലിച്ചുകീറുകയും മുടി മുറിച്ചുകളയുകയുമായിരുന്നു. സംഭവമറിഞ്ഞെത്തിയ നാട്ടുകാരാണ് യുവതിയെ പെനുകൊണ്ട സർക്കാർ ആശുപത്രിയില് എത്തിച്ചത്. മര്ദനത്തിനിരയായ സ്ത്രീയുടെ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്തിട്ടുണ്ടെന്ന് പോലീസ് പറഞ്ഞു.
Read Moreകെണിവച്ചത് പുലിയെ കുടുക്കാൻ; വീണതാകട്ടെ മനുഷ്യനും: സംഭവം ഗുണ്ടൽപേട്ടിൽ
ഗുണ്ടൽപേട്ട്: കേരള-കർണാടക അതിർത്തിയിലുള്ള ഗുണ്ടൽപേട്ടിൽ പുലിക്ക് വച്ച കെണിയിൽ മനുഷ്യൻ കുടുങ്ങി. ഗുണ്ടൽപേട്ടിലെ പദഗുരു ഗ്രാമത്തിൽ ഇന്നലെ വൈകിട്ടായിരുന്നു സംഭവം. തൊട്ടടുത്തുള്ള ഗ്രാമത്തിൽനിന്നു വന്ന ഹനുമന്തയ്യ എന്നയാൾ ആടിനെ കെട്ടിയിട്ടിരുന്ന കൂട്ടിലേക്ക് അറിയാതെ കയറുകയായിരുന്നു. കെണിയുടെ വാതിൽ അടഞ്ഞതോടെ ആറ് മണിക്കൂർ ഇയാൾ ഇതിനകത്ത് കുടുങ്ങി. പുലിയെ കുടുക്കാൻ കൂട് സ്ഥാപിച്ച സ്ഥലത്ത് പശുക്കളെ മേച്ച് വന്ന നാട്ടുകാരാണ് ഹനുമന്തയ്യ കൂട്ടിൽ കിടക്കുന്നത് കണ്ടത്. തുടർന്ന് ഇവർ വനംവകുപ്പ് ഉദ്യോഗസ്ഥരെ വിവരമറിയിച്ചു. പിന്നാലെ ഉദ്യോഗസ്ഥർ എത്തി കെണി തുറന്ന് ഹനുമന്തയ്യയെ പുറത്തിറക്കി ഗ്രാമത്തിലെത്തിച്ചു.
Read Moreപേരുവിവര പട്ടികയിൽ ക്രമക്കേടുകൾ കണ്ടെത്തി: 29 സ്കൂളുകൾക്ക് സിബിഎസ്ഇ നോട്ടീസ്
ന്യൂഡൽഹി: പേരുവിവര പട്ടികയിൽ ക്രമക്കേടുകൾ കണ്ടെത്തുകയും അക്കാഡമിക്-അടിസ്ഥാന മാനദണ്ഡങ്ങൾ പാലിക്കുന്നതിൽ വീഴ്ചവരുത്തുകയും ചെയ്ത ഡൽഹിയിലെയും അഞ്ചു സംസ്ഥാനങ്ങളിലെയും 29 സ്കൂളുകൾക്ക് കാരണം കാണിക്കൽ നോട്ടീസ് നൽകിയതായി സെൻട്രൽ ബോർഡ് ഓഫ് സെക്കൻഡറി എഡ്യൂക്കേഷൻ (സിബിഎസ്ഇ) അറിയിച്ചു. സ്കൂളുകളിൽ നടത്തിയ അപ്രതീക്ഷിത പരിശോധനകൾക്കുശേഷമാണ് നോട്ടീസ് നൽകിയത്. ഡിസംബർ 18ന് ഡൽഹിയിലും 19ന് ബംഗളൂരു (കർണാടക), പട്ന (ബിഹാർ), ബിലാസ്പുർ (ഛത്തീസ്ഗഡ്), വാരണാസി (ഉത്തർപ്രദേശ്), അഹമ്മദാബാദ് (ഗുജറാത്ത്) എന്നിവിടങ്ങളിലുമാണു പരിശോധന നടന്നത്. രാജ്യത്തെ പ്രമുഖ വിദ്യാലയങ്ങളും ഇതിൽ ഉൾപ്പെടുന്നു. സിബിഎസ്ഇയുടെ അഫിലിയേഷൻ നിയമാവലിയുടെ ലംഘനങ്ങളും പരിശോധനയിൽ കണ്ടെത്തിയതായി സിബിഎസ്ഇ പ്രസ്താവനയിൽ പറഞ്ഞു. മുപ്പതു ദിവസത്തിനകം മറുപടി നൽകണമെന്ന നിർദേശത്തോടെയാണു നോട്ടീസ് നൽകിയിരിക്കുന്നത്.
Read Moreരണ്ടു സുരക്ഷാ ഉദ്യോഗസ്ഥരെ വെടിവച്ചു കൊന്ന് എടിഎം കൊള്ളയടിച്ച പ്രതികളെ സാഹസികമായി പിടികൂടി: സംഭവം കർണാടകയിലെ ബിദറിൽ
ബംഗളൂരു: കർണാടകയിലെ ബിദറിൽ രണ്ടു സുരക്ഷാ ഉദ്യോഗസ്ഥരെ വെടിവച്ചു കൊന്ന് എടിഎം കൊള്ള നടത്തിയ രണ്ടു പ്രതികളെയും കർണാടക പോലീസ് സാഹസികമായി പിടികൂടി. ഹൈദരാബാദിൽനിന്നാണ് ഇരുവരും പിടിയിലായത്. അറസ്റ്റ് ചെയ്യാനെത്തിയ പോലീസിനുനേരേ പ്രതികൾ വെടിയുതിർത്തതോടെ പോലീസും തിരിച്ചു വെടിവച്ചു. ഇതിൽ ഒരു പ്രതിക്ക് പരിക്കേറ്റിട്ടുണ്ട്. ബിദറിലെ ജില്ലാ ഹെഡ് ക്വാർട്ടേഴ്സിലുള്ള സ്റ്റേറ്റ് ബാങ്ക് ഓഫ് ഇന്ത്യയുടെ എടിഎമ്മിലാണ് ഇന്നലെ രാവിലെ 11 ഓടെ വൻ കൊള്ള നടന്നത്. ബാങ്കിന്റെ തൊട്ടടുത്തുതന്നെയുള്ള എടിഎമ്മാണിത്. ബ്രാഞ്ചിൽനിന്ന് 93 ലക്ഷം രൂപ എടിഎമ്മിൽ നിറയ്ക്കാൻ കൊണ്ടുവന്ന സമയത്താണ് ബൈക്കിലെത്തിയ രണ്ട് പേർ ആക്രമണം നടത്തിയത്. സെക്യൂരിറ്റി ഗാർഡുകളെ വെടിവച്ച് വീഴ്ത്തിയശേഷം പണവുമായി രക്ഷപ്പെടുകയായിരുന്നു. ഗിരി വെങ്കിടേഷ്, ശിവകുമാർ എന്നിവരാണു മരിച്ച സുരക്ഷാ ഉദ്യോഗസ്ഥർ. രക്ഷപ്പെട്ട പ്രതികൾ ഹൈദരാബാദിലെ അഫ്സൽ ഗഞ്ജിലുള്ള ഒരു ട്രാവൽ ഓഫീസിൽ ഒളിച്ചിരിക്കുകയായിരുന്നു. ഇവരുടെ ലൊക്കേഷൻ മനസിലാക്കി പോലീസ്…
Read Moreറിപ്പബ്ലിക് ദിനാഘോഷം: ഇന്തോനേഷ്യൻ പ്രസിഡന്റ് മുഖ്യാതിഥിയാകും
ന്യൂഡൽഹി: 76 -ാം റിപ്പബ്ലിക് ദിനാഘോഷത്തിൽ ഇന്തോനേഷ്യൻ പ്രസിഡന്റ് പ്രബോവോ സുബിയാന്തോ മുഖ്യാതിഥിയാകുമെന്ന് കേന്ദ്ര സർക്കാർ അറിയിച്ചു. ജനുവരി 25ന് അദ്ദേഹം ഇന്ത്യയിൽ എത്തും. രാഷ്ട്രപതി ഭവനിൽ നടക്കുന്ന അറ്റ് ഹോം വിരുന്നിലും സുബിയാന്തോ പങ്കെടുക്കും. പ്രസിഡന്റായി ചുമതലേയറ്റശേഷമുള്ള സുബിയാന്തോയുടെ ആദ്യ ഇന്ത്യാ സന്ദർശനമാണിത്. 2020 ൽ ഇന്തോനേഷ്യയുടെ പ്രതിരോധമന്ത്രിയായിരിക്കെ സുബിയാന്തോ ഡൽഹി സന്ദർശിച്ചിരുന്നു. പ്രധാനമന്ത്രി നരേന്ദ്ര മോദിയടക്കമുള്ള നേതാക്കളുമായി സുബിയാന്തോ കൂടിക്കാഴ്ച നടത്തും. റിപ്പബ്ലിക് ദിനം ആഘോഷമാക്കാനുള്ള തയാറെടുപ്പുകളെല്ലാം അന്തിമഘട്ടത്തിലാണെന്നു കേന്ദ്ര സർക്കാർ വൃത്തങ്ങൾ വ്യക്തമാക്കി.
Read Moreസെയ്ഫ് അലി ഖാന് കുത്തേറ്റ സംഭവം: അക്രമി എല്ലാം അറിയുന്നയാൾ? ജീവനക്കാരെ ചോദ്യം ചെയ്യുന്നു
മുംബൈ: ബോളിവുഡ് നടൻ സെയ്ഫ് അലി ഖാനെ മുംബൈയിലെ ബാന്ദ്രയിലുള്ള ഹൈറൈസ് അപ്പാർട്ട്മെന്റില് അതിക്രമിച്ചു കയറി മാരകമായി കുത്തിപ്പരിക്കേൽപ്പിച്ച സംഭവത്തിൽ ഉത്തരം കിട്ടാത്ത ചോദ്യങ്ങൾ പോലീസിനെ കുഴയ്ക്കുന്നു. ആക്രമണശേഷം രക്ഷപ്പെട്ട പ്രതിയെ ഇതുവരെ പിടികൂടാനാവാത്തതും പോലീസിനു കടുത്ത വെല്ലുവിളിയായി. അക്രമിയുടെ സിസിടിവി ചിത്രം പോലീസ് പുറത്തുവിട്ടിട്ടുണ്ട്. 12 നിലകളുള്ള അപ്പാർട്ട്മെന്റിലെ 11ാം നിലയിലായിരുന്നു സെയ്ഫ് അലി ഖാനും കുടുംബവും താമസിച്ചിരുന്നത്. വലിയ സുരക്ഷാസംവിധാനങ്ങളും കാവൽക്കാരുള്ള അപ്പാർട്ട്മെന്റിൽ അക്രമിക്ക് എങ്ങനെ കടക്കാനായെന്നതാണു പ്രധാന ചോദ്യം. ഉള്ളിൽ കടന്ന അക്രമി കൃത്യമായി ആദ്യം കുട്ടികളുടെ മുറിയിലാണു പ്രവേശിച്ചത്. കെട്ടിടത്തെക്കുറിച്ച് നല്ല ധാരണയുള്ളയാളാണ് ആക്രമി എന്ന് ഇതു തെളിയിക്കുന്നു. അക്രമി ഫയർ എസ്കേപ്പ് വഴിയാണ് കെട്ടിടത്തില് കയറിയതും രക്ഷപ്പെട്ടതും എന്നാണു നിഗമനം. ആകെ ഒരു സിസിടിവിയില് മാത്രമാണ് ആക്രമിയുടെ ദൃശ്യം പതിഞ്ഞത്. കെട്ടിടത്തിലെ സിസിടിവി സംവിധാനംപോലും ആക്രമിക്ക് പരിചിതമായിരുന്നോ എന്ന സംശയവും…
Read More