കോഴിക്കോട്: മദ്യപിക്കുന്നതിനിടയില് എലിവിഷം ചേര്ത്ത ബീഫ് കഴിച്ച യുവാവ് അവശനായ സംഭവത്തില് ദുരൂഹത തുടരുന്നു. മദ്യപസംഘത്തില് ഉണ്ടായിരുന്ന ആറുപേരെ പോലീസ് ചോദ്യം ചെയ്തപ്പോള് മദ്യത്തിനൊപ്പം പഴങ്ങളാണു കഴിച്ചതെന്നായിരുന്നു ഇവര് പറഞ്ഞത്. മറ്റുള്ളവര്ക്ക് ശാരീരിക അസ്വാസ്ഥ്യങ്ങള് ഉണ്ടായിട്ടില്ല. ഇതോടെയാണ് ദുരൂഹത ഉയര്ന്നത്. കേസ് അന്വേഷിക്കുന്ന വടകര പോലീസ് ഭക്ഷണാവശിഷ്ടം ഫോറന്സിക് പരിശോധനയ്ക്കായി അയച്ചിരിക്കുകയാണ്. ഫോറന്സിക് പരിശോധനാ ഫലം കൂടി ലഭിച്ചാല് അന്വേഷണം എളുപ്പമാകുമെന്ന വിലയിരുത്തലിലാണ് സംഘം. കഴിഞ്ഞ ചൊവ്വാഴ്ചയാണ് സുഹൃത്ത് നല്കിയ എലിവിഷം ചേര്ത്ത ബീഫ് കഴിച്ചതായി വടകര വൈക്കിലിശേരി കുറിഞ്ഞാലിയോട് പോത്തുകണ്ടിമീത്തല് നിധീഷ് പോലീസില് പരാതി നല്കിയത്. സുഹൃത്ത് മുള്ളന്മഠത്തില് മഹേഷിനെതിരേയാണ് പരാതി നല്കിയിരുന്നത്. സംഭവത്തെ തുടര്ന്ന് ഇയാള്ക്കെതിരേ പോലീസ് കേസെടുത്തിരുന്നു. കോഴിക്കോട് മെഡിക്കല് കോളജില് ചികിത്സയിലുള്ള നിധീഷിന്റെ മൊഴി രേഖപ്പെടുത്തുകയും ചെയ്തു. മദ്യപിച്ചിരിക്കുന്നവര്ക്കിടയിലേക്ക് അവസാനമായി എത്തിയത് നിധീഷ് ആയിരുന്നുവെന്നാണ് സുഹൃത്തുക്കള് പോലീസിനോട് പറഞ്ഞത്. അതേസമയം സുഹൃത്തുക്കള്…
Read MoreCategory: Loud Speaker
നമ്മുടെ സംവിധാനങ്ങള് എത്രമാത്രം ദുര്ബമാണെന്നതിന്റെ തെളിവാണ് പത്തനംതിട്ടയില് ദളിത് പെണ്കുട്ടി നേരിട്ട കൊടിയ പീഡനം: വി. ഡി. സതീശൻ
പത്തനംതിട്ട: മനസാക്ഷിയെ ഞെട്ടിച്ച പത്തനംതിട്ട പീഡനക്കേസ് അന്വേഷണത്തിന് വനിത ഐപിഎസ് ഉദ്യോഗസ്ഥയുടെ നേതൃത്വത്തിലുള്ള എസ് ഐ ടി രൂപീകരിക്കണമെന്ന് പ്രതിപക്ഷ നേതാവ് വി. ഡി. സതീശൻ. അഞ്ച് വര്ഷത്തോളം പെണ്കുട്ടി പീഡനത്തിന് ഇരയായിട്ടും മാതാപിതാക്കളോ അധ്യാപകരോ സഹപാഠികളോ ഇക്കാര്യം അറിഞ്ഞില്ല എന്നത് കേരള സമൂഹത്തെ ഭയപ്പെടുത്തുന്നതാണ്. കുട്ടികളുടെ സുരക്ഷയില് സര്ക്കാര്തലത്തില് ജാഗരൂകമായ ഇടപെടല് അനിവാര്യമാണെന്ന് അദ്ദേഹം പറഞ്ഞു. ഈ സാഹചര്യത്തില് ഇനിയും പുറത്തു വരാത്ത കുറ്റകൃത്യങ്ങള് ഉണ്ടോയെന്നും പരിശോധിക്കപ്പെടേണ്ടതുണ്ട്. നമ്മുടെ സംവിധാനങ്ങള് എത്രമാത്രം ദുര്ബമാണെന്നതിന്റെ തെളിവ് കൂടിയാണ് പത്തനംതിട്ടയില് ദളിത് പെണ്കുട്ടി നേരിട്ട കൊടിയ പീഡനമെന്നും സതീശൻ കൂട്ടിച്ചേർത്തു.
Read Moreഅറസ്റ്റ് സാധ്യത മുന്നിൽ കണ്ട് രാഹുൽ ഈശ്വർ: മുൻകൂർ ജാമ്യാപേക്ഷ നൽകി
കൊച്ചി : സാമൂഹ്യമാധ്യമങ്ങളിലൂടെ അപകീർത്തിപ്പെടുത്തിയെന്ന സിനിമാ താരം ഹണി റോസിന്റെ പരാതിയിൽ അറസ്റ്റ് സാധ്യത മുന്നിൽ കണ്ട് രാഹുൽ ഈശ്വർ മുൻകൂർ ജാമ്യാപേക്ഷ നൽകി. കേസെടുക്കുന്നതിൽ പോലീസ് നിയമോപദേശം തേടിയ വേളയിലാണ് ഹൈക്കോടതിയിൽ രാഹുൽ മുൻകൂർ ജാമ്യാപേക്ഷ നൽകിയത്. ഹർജി നാളെ പരിഗണിക്കും. സൈബർ ഇടങ്ങളിൽ തനിക്കെതിരേ രാഹുൽ ഈശ്വർ സംഘടിത ആക്രമണം നടത്തുന്നു എന്ന് ആരോപിച്ച് എറണാകുളം സെൻട്രൽ പോലീസിലാണ് ഹണി റോസ് പരാതി നൽകിയത്. രാഹുൽ ഈശ്വറിന്റെ നേതൃത്യത്തിൽ സംഘടിത സൈബർ ആക്രമണമാണെന്നും നടപടി വേണമെന്നുമാണ് ആവശ്യം. അതേസമയം, ബോബി ചെമ്മണ്ണൂരിന്റെ അറസ്റ്റിന് പിന്നാലെയാണ് ഹണിയെ വിമർശിച്ച് രാഹുൽ ഈശ്വർ രംഗത്തെത്തിയത്. താരത്തിന്റെ വസ്ത്രധാരമത്തെ ഉൾപ്പെടെ രാഹുൽ വിമർശിച്ചിരുന്നു.
Read Moreസിപിഎം ആലപ്പുഴ ജില്ലാ സമ്മേളനം നാളെ സമാപിക്കും: പിണറായിയെ പുകഴ്ത്തി, ഇപിയെ വിമർശിച്ച് സംഘടനാചർച്ച
ഹരിപ്പാട്: സിപിഎം ആലപ്പുഴ ജില്ലാ സമ്മേളനത്തിന്റെ സംഘടനാ ചർച്ചയിൽ മുഖ്യമന്ത്രി പിണറായി വിജയനെയും സർക്കാരിനെയും പുകഴ്ത്തിയ പ്രതിനിധികൾ മുൻ എൽഡിഎഫ് കൺവീനർ ഇ.പി. ജയരാജനെതിരേ രൂക്ഷ വിമർശനം ഉയർത്തി. ലോക്സഭാ തെരഞ്ഞെടുപ്പിന്റെ വോട്ടെടുപ്പുദിവസം ഇ.പി. ജയരാജൻ വാർത്താ സമ്മേളനം നടത്തിയത് പാർട്ടിയെ പ്രതിരോധത്തിലാക്കി. കണ്ണൂരിൽ ജില്ലാ പഞ്ചായത്ത് പ്രസിഡൻറ് പി.പി. ദിവ്യക്കെതിരെ ഉചിതമായ നടപടി സ്വീകരിച്ച പാർട്ടി പക്ഷേ, ബിജെപി നേതാവ് പ്രകാശ് ജാവദേക്കറുമായി ചായ സത്ക്കാരത്തിൽ പങ്കെടുത്ത ഇ.പി.ജയരാജനെതിരേ എന്തുകൊണ്ട് നടപടി സ്വീകരിച്ചില്ല എന്ന വിമർശനവും ഉയർത്തി. മുഖ്യമന്ത്രിയെയും കുടുംബത്തെയും വേട്ടയാടി സർക്കാരിനെ പ്രതിക്കൂട്ടിലാക്കാനുള്ള നീക്കങ്ങളെ പാർട്ടി ഒറ്റക്കെട്ടായി പ്രതിരോധിക്കണം. ലോക്സഭാ തെരഞ്ഞെടുപ്പിൽ ആലപ്പുഴ പാർലമെന്റ് മണ്ഡലത്തിലെ വോട്ട് ചോർച്ചയും ബിജെപിയിലേക്കുള്ള പ്രവർത്തകരുടെ കൊഴിഞ്ഞുപോക്കും ഗൗരവമായി കാണണം. ചില പോലീസ് ഉദ്യോഗസ്ഥരുടെ നടപടികൾ സർക്കാരിന്റെ പ്രതിച്ഛായ മോശമാക്കുകയാണെന്നും ഇത്തരക്കാർക്കെതിരേ കർശന നടപടി വേണമെന്നും പ്രതിനിധികൾ സംഘടനാ…
Read Moreബോചെയുടെ ജാമ്യനീക്കം തടയാന് പോലീസ്; ഹണിറോസിന്റെ മൊഴി വീണ്ടുമെടുക്കും
കൊച്ചി: ലൈംഗികാധിക്ഷേപം നടത്തിയെന്ന പരാതിയില് അറസ്റ്റിലായ വ്യവസായി ബോബി ചെമ്മണൂരിന്റെ ജാമ്യനീക്കം തടയാന് കടുത്ത നടപടികളുമായി പോലീസ്. നിലവില് റിമാന്ഡിലുള്ള ബോബി ചെമ്മണൂരിന്റെ ജാമ്യാപേക്ഷ ചൊവ്വാഴ്ച പരിഗണിക്കാനിരിക്കേയാണ് പോലീസ് നടപടികള് ശക്തമാക്കുന്നത്. ബോചെ നടത്തിയ മറ്റ് അശ്ലീല പരാമര്ശങ്ങള്കൂടി പരിശോധിക്കുകയാണ് പോലീസ് സംഘം. സമൂഹ മാധ്യമങ്ങള് വഴി നടത്തിയ അശ്ലീല പരാമര്ശ വീഡിയോകള് ജാമ്യത്തെ എതിര്ത്ത് കോടതിയില് ഹാജരാക്കും. ഇയാള് പലരോടും ഇത്തരത്തില് ദ്വയാര്ഥ പ്രയോഗങ്ങള് നടത്തിയതിന് യുട്യൂബ് ചാനലുകളില്പ്പെടെ തെളിവുണ്ടെന്ന് പോലീസ് പറയുന്നത്. ഇക്കാര്യം മുന്നിര്ത്തി ബോബി ചെമ്മണൂരിന്റെ ജാമ്യത്തെ എതിര്ക്കാനാണ് പോലീസിന്റെ ശ്രമം. മറ്റാരെങ്കിലും ഹണി റോസിന്റേതിന് സമാനമായ പരാതിയുമായി വന്നാല് എഫ്ഐആര് ഇട്ട് വേഗത്തില് നടപടിയുമായി മുന്നോട്ടു പോകാനാണ് പോലീസ് നീക്കം. ഭാരതീയ ന്യായ സംഹിതയിലെ സെക്ഷന് 75(1), 75(4), ഐ.ടി ആക്ട് 67 എന്നിവയനുസരിച്ചാണ് ഹണി റോസ് നല്കിയ കേസുമായി ബന്ധപ്പെട്ട്…
Read Moreകുടുംബവഴക്ക്: ഭർത്താവ് ജീവനൊടുക്കിയതിനു പിന്നാലെ യുവതി തൂങ്ങിമരിച്ചു
ന്യൂഡൽഹി: കുടുംബവഴക്കിനെത്തുടർന്ന് ഉത്തർപ്രദേശ് ഗാസിയാബാദിൽനിന്നു വീടുവിട്ട യുവതി ഭർത്താവു ജീവനൊടുക്കിയ വാർത്തയറിഞ്ഞയുടൻ തൂങ്ങിമരിച്ചു. വടക്കുകിഴക്കൻ ഡൽഹിയിലെ ലോണി റൗണ്ട് എബൗട്ടിനടുത്തുള്ള വൈദ്യുതി പോസ്റ്റിൽ ആണ് യുവതി തൂങ്ങിമരിച്ചത്. ഗാസിയാബാദിലെ ലോനി ബോർഡർ ഏരിയയിൽ താമസിച്ചിരുന്ന വിജയ് പ്രതാപ് ചൗഹാൻ (32), ഭാര്യ ശിവാനി (28) എന്നിവരാണു മരിച്ചത്. ദമ്പതികൾക്ക് ഒരു വയസുള്ള പെൺകുഞ്ഞുണ്ട്. ദാമ്പത്യജീവിതത്തിൽ അസ്വാരസ്യങ്ങൾ ഉണ്ടായിരുന്നുവെന്നു പോലീസ് പറഞ്ഞു. വെള്ളിയാഴ്ച വൈകുന്നേരം ഇരുവരും തമ്മിൽ രൂക്ഷമായ തർക്കമുണ്ടായി. തുടർന്ന് ശിവാനി വീടുവിട്ട് വടക്കുകിഴക്കൻ ഡൽഹിയിലേക്കു പോകുകയായിരുന്നു. ദന്പതികൾ തമ്മിലുണ്ടായ വഴക്കിനെക്കുറിച്ചറിഞ്ഞ ബന്ധു വീട്ടിലെത്തിയപ്പോൾ വിജയ്യെ തൂങ്ങിമരിച്ചനിലയിൽ കണ്ടെത്തുകയായിരുന്നു. വിജയ്യുടെ അമ്മായി ഉടൻ തന്നെ സംഭവം ശിവാനിയെ അറിയിച്ചു. വാർത്ത അറിഞ്ഞയുടൻ വൈദ്യുതിത്തൂണിൽ ശിവാനി തൂങ്ങിമരിക്കുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.
Read Moreതോക്കിൽനിന്ന് അബദ്ധത്തിൽ വെടിയേറ്റ് ആംആദ്മി എംഎൽഎ മരിച്ചു: അന്വേഷണം ആരംഭിച്ച് പോലീസ്
ലുധിയാന: പഞ്ചാബിൽ തോക്ക് വൃത്തിയാക്കുന്നതിനിടെ അബദ്ധത്തിൽ വെടിയേറ്റ് ആംആദ്മി എംഎൽഎ മരിച്ചു. ലുധിയാന എംഎൽഎ ഗുർപ്രീത് ഗോഗിയാണു മരിച്ചത്. ഇന്നലെ അർധരാത്രി വീടിനുള്ളിൽവച്ചാണ് വെടിയേറ്റത്. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അബദ്ധത്തിൽ തോക്കിൽനിന്നു വെടിയേറ്റതാണെന്നാണു കുടുംബാംഗങ്ങൾ പറഞ്ഞതായി പോലീസ് അറിയിച്ചു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. 2022 ൽ ആണ് ഗുർപ്രീത് ഗോഗി എഎപിയിൽ ചേർന്നത്.
Read Moreമൂക്കിനു ശസ്ത്രക്രിയ: അധോലോക കുറ്റവാളി ഛോട്ടാ രാജനെ എയിംസിൽ പ്രവേശിപ്പിച്ചു
ന്യൂഡൽഹി: തിഹാർ ജയിലിൽ കഴിയുന്ന അധോലോക കുറ്റവാളി ഛോട്ടാ രാജനെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ (എയിംസ്) പ്രവേശിപ്പിച്ചു. ഇഎൻടിയുമായി ബന്ധപ്പെട്ട ചികിത്സയ്ക്കാണ് എയിംസിലെത്തിച്ചതെന്നും ശസ്ത്രക്രിയ നടത്തിയേക്കുമെന്നും റിപ്പോർട്ടുണ്ട്. ഇഎൻടി വിഭാഗത്തിനു കീഴിലുള്ള വാർഡിലാണ് ഇയാളെ പ്രവേശിപ്പിച്ചിരിക്കുന്നതെന്ന് ആശുപത്രി വൃത്തങ്ങൾ അറിയിച്ചു. എയിംസിൽ പോലീസ് സുരക്ഷ വർധിപ്പിച്ചിട്ടുണ്ട്. ഹോട്ടലുടമ ജയാ ഷെട്ടിയെ കൊലപ്പെടുത്തിയ കേസിൽ ജീവപര്യന്തം ശിക്ഷ ലഭിച്ച രാജന് ബോംബെ ഹൈക്കോടതി ജാമ്യം അനുവദിച്ചെങ്കിലും മറ്റു കേസുകളിലെ ശിക്ഷ അനുഭവിക്കുന്നതിനാൽ ജയിലിൽനിന്നു പുറത്തിറങ്ങാനായിരുന്നില്ല. 2015ൽ ഇന്തൊനീഷ്യയിൽനിന്നു പിടികൂടി ഇന്ത്യയിലെത്തിച്ച് അറസ്റ്റ് ചെയ്ത ഛോട്ടാ രാജന്റെ കേസുകളുടെ അന്വേഷണം സിബിഐ ഏറ്റെടുത്തിരുന്നു. മുൻപ് കോടതിയിലെത്തിയ മിക്ക കേസുകളിലും ഇയാൾ കുറ്റവിമുക്തനാക്കപ്പെടുകയോ ജാമ്യം അനുവദിക്കപ്പെടുകയോ ചെയ്തിട്ടുണ്ട്.
Read Moreദ്വയാര്ഥ പ്രയോഗം നടത്തി; റിപ്പോര്ട്ടര് ചാനലിനെതിരേ കേസെടുത്ത് ബാലാവകാശ കമ്മീഷന്
തിരുവനന്തപുരം: കലോത്സവ റിപ്പോര്ട്ടിംഗിനിടെ ദ്വയാര്ഥ പ്രയോഗം നടത്തി. റിപ്പോര്ട്ടര് ചാനലിനെതിരേ കേസെടുത്ത് ബാലാവകാശ കമ്മീഷന്. തിരുവനന്തപുരത്ത് നടന്ന സംസ്ഥാന സ്കൂള് കലോത്സവത്തിനിടെയാണ് സംഭവം. ഒപ്പനയില് മണവാട്ടിയായ ഒരു കുട്ടിയോട് ഷാബാസ് എന്ന റിപ്പോര്ട്ടര് ദ്വയാര്ഥ പ്രയോഗത്തോടെ സംസാരിച്ചെന്നാണ് കേസ്. ഇതേ തുടര്ന്ന് നടത്തിയ വാര്ത്താ അവതരണത്തില് അരുണ് കുമാര് സഭ്യമല്ലാത്ത ഭാഷയില് ദ്വയാര്ഥ പ്രയോഗത്തോടെ സംസാരിച്ചെന്നും ബാലാവകാശ കമ്മീഷന് വ്യക്തമാക്കി. ഇതിന്റെ ദൃശ്യങ്ങള് സമൂഹമാധ്യമങ്ങളില് പ്രചരിച്ചതോടെ സംസ്ഥാന മനുഷ്യാവകാശ കമ്മീഷന് ചെയര്മാന് കെ.വി. മനോജ് കുമാറാണ് സ്വമേധയാ കേസെടുത്തത്. തിരുവനന്തപുരം ജില്ലാ പോലീസ് മേധാവിയോടും റിപ്പോര്ട്ടര് ചാനല് മേധാവിയോടും കമ്മീഷന് റിപ്പോര്ട്ട് തേടിയിട്ടുണ്ട്.
Read Moreറിയല് എസ്റ്റേറ്റ് ബിസിനസുകാരന്റെ തിരോധാനം: ഡ്രൈവറെയും ഭാര്യയെയും കാണാതായി; അപ്രത്യക്ഷമായത് ക്രൈംബ്രാഞ്ച് നോട്ടീസിനു പിന്നാലെ
കോഴിക്കോട്: കാണാതായ റിയല് എസ്റ്റേറ്റ് ബിസിനസുകാരന് കോഴിക്കോട് എരമംഗലം ആട്ടൂര് ഹൗസില് മുഹമ്മദ് ആട്ടൂരിന്റെ (മാമി) ഡ്രൈവറെയും ഭാര്യയെയും കാണാതായി. കോഴിക്കോട് എലത്തൂര് പ്രണവം ഹൗസില് രജിത്കുമാര് (45), ഭാര്യ സുഷാര (35) എന്നിവരെയാണ് കാണാതായത്. മാമി തിരോധാന കേസില് പ്രത്യേക അന്വേഷണ സംഘം മാസങ്ങള്ക്കുമുമ്പ് രജിത്കുമാറിന്റെ മൊഴി രേഖപ്പെടുത്തിയിരുന്നു. ഇപ്പോള് കേസ് അന്വേഷിക്കുന്ന ക്രൈംബ്രാഞ്ച് സംഘത്തിനുമുമ്പാകെ ഹാരാകുന്നതിനുവേണ്ടി ഇയാള്ക്ക് നോട്ടീസ് നല്കിയിരുന്നു. ഇതിനിടയിലാണ് കാണാതായത്. കോഴിക്കോട് കെഎസ്ആര്ടിസി ബസ് ടെര്മിനലിനു സമീപത്തെ സ്വകാര്യ ടൂറിസ്റ്റ് ഹോമില് മുറിയെടുത്ത ഇരുവരും ഇന്നലെ രാവിലെ മുറി ഒഴിഞ്ഞതായി നടക്കാവ് പോലീസില് ബന്ധുക്കള് നല്കിയ പരാതിയില് പറയുന്നു. പിന്നീട് വീട്ടില് തിരിച്ചെത്തിയില്ല. ഇതേതുടര്ന്നാണ് രാത്രി വൈകി പോലീസ് സ്റ്റേഷനില് പരാതി നല്കിയത്. പോലീസ് കേസെടുത്ത് തെരച്ചില് ആരംഭിച്ചു. 2023 ഓഗസ്റ്റ് 21നാണ് മുഹമ്മദ് ആട്ടൂരിനെ കാണാതായത്. കോഴിക്കോട് വൈഎംസിഎ ക്രോസ്…
Read More