ബംഗളൂരു: കർണാടകയിൽ 1,600 ടൺ വെളുത്തസ്വർണം എന്നറിയപ്പെടുന്ന ലിഥിയം നിക്ഷേപം കണ്ടെത്തി. ഭാവിയില് ഇന്ത്യന് സാമ്പത്തിക രംഗത്തിനു മുതല്ക്കൂട്ടാകുന്ന ലോഹനിക്ഷേപം കണ്ടെത്തിയതു മാണ്ഡ്യ ജില്ലയിലെ മാർലഗല്ലയിലാണ്. അറ്റോമിക് ഡയറക്ടറേറ്റ് ഫോര് എക്സ്പ്ലൊറേഷന് ആന്ഡ് റിസര്ച്ച് ആണ് വൻനിക്ഷേപം കണ്ടെത്തിയത്. ലിഥിയം ഭാവിയിലേക്കുള്ള ഏറ്റവും മൂല്യമുള്ള ലോഹങ്ങളിലൊന്നായാണു കണക്കാക്കുന്നത്. ഇലക്ട്രിക് വാഹനങ്ങളുടെ ബാറ്ററിയിലെ പ്രധാന ഘടകങ്ങളിലൊന്ന് ലിഥിയം ആണ്. വാഹന ബാക്ടറിയില് മാത്രമല്ല, ലാപ്ടോപ്, മൊബൈല് തുടങ്ങിയ ഇലക്ട്രോണിക്സ് സംവിധാനങ്ങളുടെ ബാറ്ററിയിലും ലിഥിയം ഉപയോഗിക്കപ്പെടുന്നു. ഗ്ലാസ്, സിറാമിക്സ് വിപണിയിലും ഇതിന്റെ ആവശ്യങ്ങളുണ്ട്. ലോകത്തെ ഏറ്റവും വലിയ ലിഥിയം ഉത്പാദനരാജ്യം ചിലിയാണ്. ലോകത്തെ ലിഥിയം ഉത്പാദനത്തിന്റെ 35 ശതമാനവും ഈ രാജ്യത്തുനിന്നാണ്. ചിലിയിലും ബൊളീവിയയിലും അര്ജന്റീനയിലുമായി പരന്നു കിടക്കുന്ന ഉപ്പുനിലങ്ങളിലാണ് ലിഥിയം നിക്ഷേപമുള്ളത്. ലോകത്തു ലിഥിയത്തിന്റെ ക്ഷാമം അടുത്ത വർഷത്തോടെ ഉടലെടുക്കാൻ സാധ്യതയുണ്ടെന്നാണ് വിദഗ്ധര് പറയുന്നത്.
Read MoreCategory: Loud Speaker
വയനാട് ഉരുൾപൊട്ടൽ ; സൂചിപ്പാറ കേന്ദ്രീകരിച്ച് തെരച്ചില്; ചാലിയാറില് പരിശോധനയ്ക്ക് ഹെലികോപ്റ്ററും
കല്പ്പറ്റ: ചൂരല്മലയെയും മുണ്ടക്കൈയെയും പിടിച്ചുകുലുക്കിയ ഉരുള്പൊട്ടലുണ്ടായിട്ട് ഇന്ന് എട്ടുദിവസം. ഒരാഴ്ച പിന്നിടുമ്പോഴും തെരച്ചില് തുടരുകയാണ്. സൂചിപ്പാറയിലെ സൺറൈസ് വാലി കേന്ദ്രീകരിച്ചാണ് ഇന്നു തെരച്ചില് നടക്കുന്നത്. വനംവകുപ്പ് ഉദ്യോഗസ്ഥരും പോലീസും ഫയർഫോഴ്സും എന്ഡിആർഎഫും അടങ്ങുന്ന സംഘമാണ് തെരച്ചിലിനു നേതൃത്വം നല്കുന്നത്. പരിശീലനം നേടിയ രണ്ട് വനംവകുപ്പ് ഉദ്യോഗസ്ഥരും ആറ് സൈനികരും അടങ്ങുന്ന സംഘം എസ്കെഎംജെ ഗ്രൗണ്ടിൽനിന്ന് എയര് ലിഫ്റ്റിംഗിലൂടെ ദുരന്തസ്ഥലത്ത് എത്തിച്ചേരുകയായിരുന്നു. രാവിലെ ഒമ്പതോടെതന്നെ പരിശോധന ആരംഭിച്ചു. സൂചിപ്പാറ വെള്ളച്ചാട്ടംമുതൽ പോത്തുകൽവരെയുള്ള തെരച്ചില് സാഹസികത ഏറിയതാണെന്നാണ് ഉദ്യോഗസ്ഥര് പറയുന്നത്. മൂന്ന് വെള്ളച്ചാട്ടങ്ങൾ കടന്നുവേണം പോത്തുകല്ലിലെത്താൻ. മൃതദേഹങ്ങൾ കണ്ടെത്തിയാൽ ചുമന്ന് പുറത്തെത്തിക്കാൻ കഴിയാത്തതിനാൽ എയർലിഫ്റ്റ് ചെയ്യേണ്ടിവരും.ചാലിയാറിന്റെ വിവിധ മേഖലകളിൽ വ്യോമസേനയുടെ ഹെലികോപ്റ്റർ സംവിധാനം ഉപയോഗിച്ചു പരിശോധന നടത്തുന്നുണ്ട്. ചാലിയാറിന്റെ ഒരു ഭാഗം മാത്രമാണ് നേരത്തെ പരിശോധിക്കാൻ കഴിഞ്ഞിട്ടുള്ളത്. ഇന്നലെ മൃതദേഹം കണ്ടെത്തിയ ചൂരൽമലയിലെയും മുണ്ടക്കൈയിലെയും വിവിധ പ്രദേശങ്ങളിലും പരിശോധന തുടരും.ഉരുള്പൊട്ടലില്…
Read Moreകോഴിയാണോ മുട്ടയാണോ ആദ്യമുണ്ടായത്? കൂട്ടുകാർ തമ്മിൽ അടിപിടി, ഒരാൾ മറ്റൊരാളെ വെട്ടിക്കൊന്നു
കോഴിയാണോ മുട്ടയാണോ ആദ്യമുണ്ടായത്?കാലാകാലങ്ങളായി നമ്മൾ ചോദിക്കുന്ന ചോദ്യമാണിത്. ഇതിനെച്ചൊല്ലി പലയിടങ്ങളിലും ചർച്ചകൾ വരെ ഉണ്ടായിട്ടുണ്ട്. കൂട്ടുകാരുമായി പലവിധ തർക്കങ്ങൾക്കും ഈ ചോദ്യം കാരണമായിട്ടുണ്ട്. എന്തായാലും, ഈ ചോദ്യത്തിന് പിന്നാലെയുണ്ടായ തർക്കത്തിൽ യുവാവിന് ജീവൻ നഷ്ടപ്പെട്ട വാർത്തയാണ് പുറത്ത് വരുന്നത്. തെക്കുകിഴക്കൻ സുലവേസി പ്രവിശ്യയിലെ മുന റീജൻസിയിലാണ് സംഭവം. സുഹൃത്തുക്കളായ കാദിർ മർകസും ഡിആറും തമ്മിൽ കോഴിയേയും കോഴി മുട്ടയേയും കുറിച്ച് തർക്കം ഉണ്ടാവുകയായിരുന്നു. ഒടുവിൽ തർക്കം കലുഷിതമാകുമെന്ന് മനസിലായതോടെ കാദിർ വഴക്കിന് താനില്ലന്നും പറഞ്ഞ് ഡിആറിനോട് യാത്ര പറഞ്ഞ് വീട്ടിലേക്ക് പുറപ്പെട്ടു. പക്ഷേ ഡിആർ കാദിറിനെ പിന്തുടരുകയും ഇന്തോനേഷ്യയിലെ ഒരു പരമ്പരാഗത ആയുധമുപയോഗിച്ച് ഇയാളെ വെട്ടുകയും ചെയ്തു. കണ്ടുനിന്നവർ കാദിറിനെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. പിന്നാലെ, ഡിആറിനെ പോലീസ് അറസ്റ്റ് ചെയ്തു. തർക്ക സമയത്ത് ഇരുവരും നന്നായി മദ്യപിച്ചിരുന്നു അത് പിന്നീട് ദുരന്തത്തിൽ കലാശിക്കുകയായിരുന്നു എന്ന്…
Read Moreപുക പരിശോധനാ കേന്ദ്രത്തിലെ പരിഷ്കരണങ്ങൾ; വലഞ്ഞ് വാഹന ഉടമകള്; ടെസ്റ്റില് പരാജയപ്പെട്ടാലും ഉടമകളില്നിന്നു പണം വാങ്ങുന്നു
കോട്ടയം: പുക പരിശോധനാ കേന്ദ്രത്തിന്റെ പരിഷ്ക്കരണ നടപടികളില് വലഞ്ഞ് വാഹന ഉടമകള്. ഭാരത് സ്റ്റേജ് ബിഎസ് നാല്, ആറ് വിഭാഗങ്ങളില് വരുന്ന പെട്രോള് വാഹനങ്ങളുടെ മലിനീകരണം വിലയിരുത്തുന്നതിനായി ലാംഡ ടെസ്റ്റ് നിര്ബന്ധമാക്കിയതിനു പിന്നാലെയാണ് പുക പരിശോധനയില് നൂറുകണക്കിനു വാഹനങ്ങള് പരാജയപ്പെട്ടത്. മുന്പ് ലാംഡ ടെസ്റ്റ് സംസ്ഥാനത്ത് കര്ശനമായിരുന്നില്ല. എന്നാല്, രണ്ടു മാസം മുമ്പ് കേന്ദ്ര സർക്കാർ ഇക്കാര്യത്തില് ശക്തമായ നിലപാട് സ്വീകരിച്ചു തുടങ്ങിയതോടെയാണ് ടെസ്റ്റില് പരാജയപ്പെടുന്ന വാഹനങ്ങളുടെ എണ്ണം കൂടിയത്. ജില്ലയില് പുക പരിശോധനയില് പരാജയപ്പെടുന്ന വാഹനങ്ങളുടെ എണ്ണം 10 മുതല് 25 ശതമാനം വരെയാണ്. അഞ്ചു വര്ഷത്തിനുമേല് പഴക്കമുള്ള മിക്കവാഹനങ്ങള്ക്കും പുതിയ പരിശോധനാരീതി തിരിച്ചടിയാണ്. ടെസ്റ്റില് പരാജയപ്പെട്ടാലും പുക പരിശോധന കേന്ദ്രങ്ങൾ ഉടമകളില്നിന്നു പണം വാങ്ങുന്നുണ്ട്. സര്ട്ടിഫിക്കറ്റ് പ്രിന്റ് ചെയ്തു ലഭിക്കുമ്പോഴാകും പലപ്പോഴും പരാജയപ്പെട്ട കാര്യം അറിയുക. സാങ്കേതിക പ്രശ്നങ്ങള് പരിഹരിച്ചു വീണ്ടും ടെസ്റ്റ് നടത്തി…
Read Moreപ്രളയത്തില് തകര്ന്ന കൂട്ടിക്കല്; ഇളങ്കാട് പാലം നിര്മാണം വൈകുന്നു; ദുരിതക്കയത്തിൽ മലയോര ജനത
മുണ്ടക്കയം: പ്രളയത്തില് തകര്ന്ന കൂട്ടിക്കല് പഞ്ചായത്തിലെ ഇളങ്കാട് പാലത്തിന്റെ നിര്മാണം വൈകുന്നത് മലയോര ജനതയെ ദുരിതത്തിലാക്കുന്നു. 2021 ഒക്ടോബര് 16നുണ്ടായ പ്രളയത്തില് കൂട്ടിക്കല്, മുണ്ടക്കയം, കൊക്കയാര് പഞ്ചായത്തുകളിലായി നിരവധി പാലങ്ങളും റോഡുകളും ഒലിച്ചുപോയിരുന്നു. റോഡുകളുടെ പണി യുദ്ധകാല അടിസ്ഥാനത്തില് പൂര്ത്തിയായെങ്കിലും പാലങ്ങളുടെ നിര്മാണം ഇപ്പോഴും ഇഴയുകയാണ്. കോട്ടയം-ഇടുക്കി ജില്ലകളെ ബന്ധിപ്പിക്കുന്ന ഏന്തായാര് ഈസ്റ്റ് പാലത്തിന്റെ നിര്മാണം പുരോഗമിക്കുകയാണ്. മ്ലാക്കര പാലത്തിന്റെ നിര്മാണം പൂര്ത്തിയാക്കി പാലം തുറന്നു കൊടുത്തിരുന്നു. അതേസമയം വല്യേന്ത, മ്ലാക്കര, ഇളങ്കാട് ടോപ്പ് തുടങ്ങിയ മേഖലയിലെ ജനങ്ങളുടെ ആശ്രയമായിരുന്ന ഇളങ്കാട് ടൗണിലെ പാലത്തിന്റെ നിര്മാണം വൈകുന്നത് പ്രദേശവാസികളെ ദുരിതത്തിലാക്കുകയാണ്. പ്രളയത്തില് തകര്ന്ന കലുങ്കിനുപകരം പുതിയ പാലം നിര്മിക്കാന് 70 ലക്ഷം രൂപ അനുവദിച്ച നിര്മാണപ്രവര്ത്തനങ്ങള് ആരംഭിച്ചിരുന്നു. എന്നാല്, നിര്മാണം ആരംഭിച്ചതിനുശേഷമുണ്ടായ സാങ്കേതിക പ്രശ്നങ്ങളെത്തുടര്ന്നു പാലം പണി താത്കാലികമായി നിര്ത്തിവയ്ക്കുകയും പോരായ്മകള് പരിഹരിച്ച് നിര്മാണം വീണ്ടും ആരംഭിച്ചെങ്കിലും…
Read Moreകല്യാണമൊന്നുമായില്ലേ… നിരന്തരം ചോദിച്ചുകൊണ്ടിരുന്ന അയൽക്കാരനെ യുവാവ് തലയ്ക്കടിച്ച് കൊലപ്പെടുത്തി
സുമാത്ര: നാട്ടിലെ യുവാക്കൾ ഏറ്റവും കൂടുതൽ കേട്ടു മടുക്കുന്ന കാര്യങ്ങളാണ് ജോലി ആയില്ലേ കല്യാണം ആയില്ലേ എന്ന ചോദ്യം. ഇനിയിപ്പോ ഇത് രണ്ടും കിട്ടി കഴിഞ്ഞാൽ അടുത്തതാണ് കുട്ടികളായില്ലേ എന്നത്. ഇൻഡോഷ്യയിലെ വടക്കൻ സുമാത്രയിലെ സൗത്ത് തപനുലി മേഖലയിൽ നിന്നുളള യുവാവിന്റെ വാർത്തയാണ് ഇപ്പോൾ പുറത്ത് വരുന്നത്. വിവാഹം ഒന്നും ആയില്ല എന്ന ചോദ്യം കേട്ട് മടുത്ത പാർലിന്ദുഗൻ സിരേഗർ എന്ന 45കാരൻ അയൽവാസിയെ കൊലപ്പെടുത്തി. 60 കാരനായ അസ്ഗിം ഇരിയാന്റോയെയാണ് ഇയാൾ കൊലപ്പെടുത്തിയത്. യുവാവിനെ എപ്പോൾ കണ്ടാലും അയൽവാസിക്ക് വിവാഹക്കാര്യത്തെ കുറിച്ച് മാത്രമേ ചോദിക്കാനുള്ളു. ഇത് മാനസികമായി യുവാവിനെ തളർത്തി. ഇതോടെ ഇയാൾക്ക് അയൽവാസിയോട് പകയും വൈരാഗ്യവുമായി. പരിഹാസത്തിൽ മനം നൊന്ത് യുവായ് അയൽവാസിയെ തടിക്കഷ്ണം ഉപയോഗിച്ച് ആക്രമിക്കുകയായിരുന്നു. പ്രദേശവാസികൾ ഓടിവന്ന് യുവാവിനെ തടയുകയും അയൽവാസിയെ ആശുപത്രിയിൽ പ്രവേശിപ്പിക്കുകയും ചെയ്തു. എന്നാൽ തലയ്ക്ക ഗുരുതരമായി പരിക്കേറ്റതിനാൽ…
Read Moreകുന്തവും കുടച്ചക്രവുമൊന്നുമല്ല..! എല്ഡിഎഫ് സര്ക്കാരിന്റെ പ്രഖ്യാപിത ലക്ഷ്യം തുറന്ന് പറഞ്ഞ് മന്ത്രി സജി ചെറിയാൻ
കായംകുളം: കേരളത്തില് ഭവനരഹിതരായ മുഴുവന് ആളുകള്ക്കും വീടുകള് നിര്മിച്ചു നല്കുകയാണ് എല്ഡിഎഫ് സര്ക്കാരിന്റെ പ്രഖ്യാപിത ലക്ഷ്യമെന്ന് സാംസ്കാരിക ഫിഷറീസ് മന്ത്രി സജി ചെറിയാന്. സിപിഎം മുതുകുളം ലോക്കല് കമ്മിറ്റി മുന് ദേശീയ ഗുസ്തിതാരം കൃഷ്ണപ്രിയയ്ക്ക് ബഹുജന പങ്കാളിത്തത്തോടെ നിര്മിച്ചു നല്കിയ സ്നേഹവീടിന്റെ താക്കോല്കൈമാറ്റം നിര്വഹിച്ചു സംസാരിക്കുകയായിരുന്നു അദ്ദേഹം. കേരളത്തില് ഭവനരഹിതരുടെ എണ്ണം ആദ്യത്തെ സര്വേയില് ഏഴുലക്ഷമായിരുന്നു. ലൈഫ് മിഷന് വഴിയും പട്ടികജാതി വകുപ്പിന്റെയും ഫിഷറീസ് വകുപ്പിന്റെ പുനര്ഗേഹം പദ്ധതി വഴിയും അഞ്ചുലക്ഷത്തോളം വീടുകള് സര്ക്കാര് നിര്മിച്ചു കഴിഞ്ഞു. സര്ക്കാര് ചെയ്യുന്നതുകൂടാതെ സന്നദ്ധ സംഘടനകള് ആയിരക്കണക്കിന് വീടുകള് നിര്മിച്ചു നല്കി. രണ്ടാം പിണറായി സര്ക്കാര് വന്നതിന് ശേഷം എടുത്ത കണക്ക് പ്രകാരം വാസയോഗ്യമായ വിടുകള് ഏഴുലക്ഷത്തോളം വേണം. ഈ സര്ക്കാര് ഒരു ലക്ഷം വീട് ടാര്ജെറ്റിട്ട് നിര്മാണം നടത്തിവരുന്നു. കൂടാതെ നിരവധി ഫ്ളാറ്റുകളുടെയും നിര്മാണം നടക്കുന്നു. സാമ്പത്തിക പ്രതിസന്ധിക്കിടയിലും…
Read Moreസൂക്ഷിക്കണം… രണ്ടു ദിവസങ്ങളിൽ ഇടിമിന്നലിന് സാധ്യതയുണ്ട്; ഭിന്നശേഷിക്കാർക്കായി യൂട്യൂബിൽ സുരക്ഷ മാർഗനിർദ്ദേശങ്ങളുണ്ടെന്ന് കാലാവസ്ഥ വകുപ്പ്
തൃശൂർ: വരുന്ന രണ്ടു ദിവസം ഇടിമിന്നലിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ജാഗ്രത പാലിക്കണമെന്നും അധികൃതർ നിർദ്ദേശിച്ചിട്ടുണ്ട്. പൊതുജനങ്ങൾക്ക് സ്ഥിരമായി കൊടുക്കുന്ന മുന്നറിയിപ്പ് നിർദ്ദേശങ്ങൾ ഇത്തവണയും നൽകിയിട്ടുണ്ട്. കൂടാതെ ഭിന്നശേഷിക്കാർക്കായി യൂട്യൂബിൽ സുരക്ഷ മാർഗനിർദ്ദേശങ്ങൾ ആംഗ്യഭാഷയിലും നൽകുന്നുണ്ട്. https://www.youtube.com/watch?v=So1uMkDyzd4 എന്ന ലിങ്കിൽ ക്ലിക്ക് ചെയ്താൽ യൂ ട്യൂബ് വീഡിയോ കാണാനാകും.ഇടിമിന്നൽ സാധ്യത മനസ്സിലാക്കാൻ കേന്ദ്ര കാലാവസ്ഥ വകുപ്പ് തയ്യാറാക്കിയിട്ടുള്ള “ദാമിനി’ എന്ന മൊബൈൽ ആപ്ലിക്കേഷൻ ഇപ്പോൾ നിരവധി പേർ ഡൗണ്ലോഡ് ചെയ്ത് ഉപയോഗിക്കുന്നുണ്ട്. https://play.google.com/store/apps/details?id=com.lightening.live.damini&hl=en_IN എന്ന ലിങ്കിൽ നിന്ന് ദാമിനി ആപ് ഡൗണ്ലോഡ് ചെയ്ത് ഉപയോഗിക്കാവുന്നതാണ്.
Read Moreമുണ്ടക്കൈ ഉരുൾപൊട്ടൽ ദുരന്തത്തിൽ മരണം 387; കണ്ടെത്താനുള്ളത് 180 പേരെ; തെരച്ചിൽ ചെറുസംഘങ്ങലായി തിരിഞ്ഞ്
കല്പ്പറ്റ: സംസ്ഥാനത്തെ നടുക്കിയ മുണ്ടക്കൈ ഉരുൾപൊട്ടലിൽ മരണം 387 ആയി. ഇതിൽ 172 പേരെയാണ് ഇതുവരെ തിരിച്ചറിഞ്ഞിട്ടുള്ളത്. ഇനിയും 180 പേരെ കണ്ടെത്താനുണ്ട്. ഇവർക്കായുള്ള തെരച്ചിൽ ഇന്നും തുടരും. അതേസമയം ചൂരൽമലയിലേക്ക് തെരച്ചിലിനായി പോകുന്നവരുടെ എണ്ണത്തിൽ നിയന്ത്രണം ഏർപ്പെടുത്തിയിട്ടുണ്ട്. എണ്ണം കൂടുന്നത് തിരിച്ചടിയാകുമെന്ന് വിലയിരുത്തിയാണ് നടപടി. ഇവിടത്തെ ഭൂപ്രകൃതിവച്ച് മണ്ണിടിച്ചിലുണ്ടായാല് ഒഴിഞ്ഞുമാറാന് ഏറെ ബുദ്ധിമുട്ടാണ്. രക്ഷാ പ്രവര്ത്തകരുടെ എണ്ണം കുറച്ച് ചെറുസംഘങ്ങളാക്കാനാണ് തീരുമാനം. മഴകനക്കാനുള്ള സാധ്യതയുള്ളതിനാല് കൂടുതല് സുരക്ഷാ ക്രമീകരണങ്ങളോടെയായിരിക്കും തെരച്ചില് നടത്തുക. മഴയില് മലയുടെ മുകള് ഭാഗത്തുള്ള മണ്ണ് ഇടിയാനുള്ള സാധ്യതയും ഉണ്ട്. പലയിടത്തും മുട്ടോളം മണ്ണും കുന്നുകൂടി കിടക്കുന്നുണ്ട്. 12 സോണുകളിലായി 50 പേര് വീതമുള്ള സംഘങ്ങളാണ് തെരച്ചില് നടത്തുന്നത്. കാണാതായവർക്കായി ചാലിയാർ പുഴയില് ഇന്ന് രാവിലെ എട്ടോടെ തെരച്ചില് ആരംഭിച്ചു. ഇന്നലെ രണ്ട് മൃതദേഹങ്ങളാണ് ചാലിയാറില് നന്നും ലഭിച്ചത്. ഒരു പുരുഷന്റെ പകുതി…
Read Moreമൂന്ന് ദിവസം മുറിയിൽ പൂട്ടിയിട്ടു; പേന മോഷ്ടിച്ചെന്ന് ആരോപിച്ച് മൂന്നാം ക്ലാസുകാരന് അധ്യാപകന്റെ ക്രൂര മർദനം
ബംഗളൂരു: പേന മോഷ്ടിച്ചെന്ന് ആരോപിച്ച് മൂന്നാം ക്ലാസുകാരനെ ക്രൂരമായി മർദിച്ചു. കർണാടകയിലെ റായ്ച്ചൂർ ആശ്രമത്തിലാണ് സംഭവം. തരുൺ കുമാർ എന്ന കുട്ടിയെയാണ് പേന മോഷ്ടിച്ചെന്ന് ആരോപിച്ച് ക്രൂരമായി മർദിച്ചത്. കുട്ടിയുടെ ബന്ധുക്കള് നല്കിയ പരാതിയില് ആശ്രമത്തിന്റെ ചാര്ജുള്ള വേണുഗോപാലും കൂട്ടാളികളുമാണ് കുട്ടിയെ മര്ദിച്ചതെന്ന് പറയുന്നുണ്ട്. കളിച്ചുകൊണ്ടിരിക്കുന്നതിനിടെ മറ്റ് കുട്ടികൾ തരുൺ പേന മോഷ്ടിത്തെന്ന് ആരോപിക്കുകയായിരുന്നു. തുടർന്ന് അധ്യാപകനും മുതിര്ന്ന കുട്ടികളും തന്നെ വിറക് കൊണ്ട് തല്ലിയെന്നും അത് ഒടിഞ്ഞപ്പോള് ബാറ്റ് കൊണ്ടായിരുന്നു മര്ദിച്ചതെന്നും കുട്ടി പറഞ്ഞു. കുട്ടിയുടെ ശരീരത്തിൽ മുറിവുകളുണ്ട്. ഇതിനു പുറമേ യാഗ്ദീറിലെ റെയില്വേ സ്റ്റേഷനില് ഭിക്ഷ യാചിക്കാന് കൊണ്ടുപോവുകയും എന്നാല് പണമൊന്നും ലഭിച്ചില്ലെന്നും ആശ്രമത്തിലെ മുറിയില് മൂന്ന് ദിവസം പൂട്ടിയിട്ടെന്നും തരുണ് പറഞ്ഞു. ഗുരുതരമായി പരിക്കേറ്റ കുട്ടിയുടെ കണ്ണുകള് വീര്ത്ത നിലയിലാണ്. കുട്ടി ഇപ്പോള് ആശുപത്രിയില് ചികില്സയിലാണ്. തരുണിനെയും പത്തുവയസുകാരനായ മൂത്ത സഹോദരനേയും സാമ്പത്തികമായി…
Read More