റാഞ്ചി: അന്വേഷണ ഏജൻസികളെ ഉപയോഗിച്ച് ബിജെപി ആരെയും ദ്രോഹിക്കില്ലെന്ന് കേന്ദ്ര മന്ത്രി ശിവരാജ് സിംഗ് ചൗഹാൻ. ബിജെപി അന്വേഷണ ഏജൻസികളെ ഉപയോഗിച്ച് പ്രതിപക്ഷ നേതാക്കളെ വേട്ടയാടുകയാണെന്ന് ജാർഖണ്ഡ് മുഖ്യമന്ത്രി ഹേമന്ത് സോറന്റെ പ്രസ്താവനയ്ക്കു മറുപടി പറയുകയായിരുന്നു ശിവരാജ് സിംഗ് ചൗഹാൻ. ചമ്പായി സോറനെ ഏതനും ദിവസത്തേക്ക് മുഖ്യമന്ത്രിയായി നിയമിച്ച് ജാർഖണ്ഡ് മുക്തി മോർച്ച അദ്ദേഹത്തെ ദ്രോഹിക്കുകയാണ്. കുറച്ചു ദിവസം കൂടി അദ്ദേഹം മുഖ്യമന്ത്രിയായി തുടർന്നിരുന്നെങ്കിൽ എന്തു സംഭവിക്കുമായിരുന്നു. ഒരു കുടുംബം മാത്രം ഭരിക്കാൻ അവർ ആഗ്രഹിക്കുകയാണെന്നും ഹേമന്ത് സോറനെ വിമർശിച്ചുകൊണ്ട് കേന്ദ്രമന്ത്രി പറഞ്ഞു. മൂന്നാം തവണയും അധികാരമേറ്റ മുഖ്യമന്ത്രി ഹേമന്ത് സോറന്റെ നേതൃത്വത്തിലുള്ള സർക്കാർ ജൂലൈ എട്ടിന് വിശ്വാസ വോട്ട് തേടും.
Read MoreCategory: Loud Speaker
രാഹുല് ഗാന്ധി ഹാത്രസിൽ; ആള്ദൈവത്തിന്റെ പേര് എഫ്ഐആറില് ഇല്ല
ന്യൂഡല്ഹി: ഉത്തർപ്രദേശിലെ ഹാത്രസില് കഴിഞ്ഞ ദിവസം തിക്കിലും തിരക്കിലുംപെട്ട് മരിച്ചവരുടെ കുടുംബാംഗങ്ങളെ ലോക്സഭാ പ്രതിപക്ഷ നേതാവ് രാഹുല് ഗാന്ധി സന്ദര്ശിച്ചു. ഇന്നു രാവിലെയാണ് രാഹുല് അലിഗഢിലെത്തി കുടുംബങ്ങളെ സന്ദർശിച്ചത്. തങ്ങള്ക്കാവശ്യമായ സഹായങ്ങള് ഉറപ്പാക്കുമെന്ന് രാഹുല് വാഗ്ദാനം ചെയ്തതായി മരിച്ചവരുടെ ബന്ധുക്കൾ പിന്നീട് പറഞ്ഞു. രാഹുലിന്റെ സന്ദര്ശനത്തോടനുബന്ധിച്ച് പ്രദേശത്ത് കനത്ത സുരക്ഷയാണ് ഏര്പ്പെടുത്തിയത്. ഭോലെ ബാബ എന്നറിയപ്പെടുന്ന സൂരജ് പാല് എന്ന ആള്ദൈവത്തിന്റെ പരിപാടിക്കിടെയുണ്ടായ തിക്കിലും തിരക്കിലുംപെട്ട് 121 പേര്ക്കാണു ജീവന് നഷ്ടപ്പെട്ടത്. പരിപാടിയുടെ വോളണ്ടിയര്മാരായ ആറ് പേരെ ഉത്തര്പ്രദേശ് പോലീസ് കസ്റ്റഡിയിലെടുത്തിട്ടുണ്ടെങ്കിലും ഭോലെ ബാബയുടെ പേര് എഫ്ഐആറില് ഇല്ല. ആവശ്യമെങ്കില് ചോദ്യം ചെയ്യാമെന്ന നിലപാടിലാണ് പോലീസ്. ദുരന്തത്തിന് പിന്നാലെ ഒളിവില് പോലെ ഭോലെ ബാബയ്ക്കായി മെയിന്പുരിയിലെ ആശ്രമത്തില് ഉള്പ്പെടെ തെരച്ചില് നടത്തിയെങ്കിലും കണ്ടെത്താനായില്ലെന്നു പോലീസ് പറയുന്നു. പ്രധാന പ്രതി ദേവ്പ്രകാശ് മധുകറും ഒളിവിലാണ്. ഇയാളെ കണ്ടെത്തി നല്കുന്നവര്ക്ക്…
Read Moreഓടുന്നതിനിടെ കെഎസ്ആര്ടിസി ബസിന്റെ ടയറിന് തീപിടിച്ചു; ഒഴിവായത് വൻ ദുരന്തം; തീ പടരുന്നത് അറിയിച്ചിട്ടും ബസ് നിർത്തിയില്ലെന്ന് യാത്രക്കാർ
മുക്കം: എടവണ്ണ-കൊയിലാണ്ടി സംസ്ഥാന പാതയിലെ മുക്കം പോലീസ് സ്റ്റേഷന് സമീപം കെഎസ്ആര്ടിസി ബസിന്റെ ടയറിനു തീപിടിച്ചു. പോലീസും അഗ്നിരക്ഷാസേനയുമെത്തി തീ അണച്ചതിനാല് വന്ദുരന്തം ഒഴിവായി. താമരശേരിയില്നിന്ന് എറണാകുളത്തേക്ക് പോവുന്ന സൂപ്പര് ഫാസ്റ്റ് ബസിന്റെ പുറകിലെ ടയറിനാണ് തീപിടിച്ചത്. ബ്രേക്കിന്റെ ലൈനര് ജാമായതാണ് തീ പിടിക്കാന് കാരണം. താമരശേരിയില്നിന്നു പുറപ്പെട്ട ബസ് ഓമശേരി എത്തിയപ്പോള് പിറക് വശത്തുനിന്നും തീ പടരുന്നത് കണ്ട യാത്രക്കാര് കെഎസ്ആര്ടിസി ജീവനക്കാരെ അറിയിച്ചെങ്കിലും ബസ് നിര്ത്തിയില്ല. പിനീട് മുക്കം അഗസ്ത്യന്മുഴി ഫയര് സ്റ്റേഷന് മുമ്പില് എത്തിയപ്പോഴും പുക ഉയരുന്നത് കണ്ടു.അവിടെ നിര്ത്തി തീയണച്ചശേഷം വീണ്ടും യാത്ര തുടരുകയായിരുന്നു. പുകയുടെ കാരണം കണ്ടെത്തിയില്ല. മുക്കം പോലീസ് സ്റ്റേഷന് അടുത്ത് എത്തിയപ്പോള് വലിയതോതില് പുക ഉയര്ന്നതോടെയാണ് ബസ് നിര്ത്തിയതെന്ന് യാത്രക്കാര് പറഞ്ഞു. ഈ ബസിന് സ്ഥിരമായി കേടുപാട് സംഭവിച്ച് യാത്ര മുടങ്ങാറുണ്ടെന്ന് യാത്രക്കാര് പറഞ്ഞു. തീ പിടിത്തത്തെ…
Read Moreഏഴ് വര്ഷത്തെ ബന്ധം മതിയാക്കിയ കാമുകിയെ വെടിവച്ചശേഷം യുവാവ് ജീവനൊടുക്കി; സംഭവം ഗസ്റ്റ് ഹൗസിൽ മുറിയെടുത്തശേഷം
കോൽക്കത്ത: ഏഴു വര്ഷം നീണ്ട ബന്ധം അവസാനിപ്പിച്ച പങ്കാളിക്കുനേരേ വെടിയുതിർത്തശേഷം യുവാവ് ആത്മഹത്യ ചെയ്തു. കോൽക്കത്തയിലെ ലേക്ക് ഗാർഡൻസ് ഏരിയയിലെ ഗസ്റ്റ് ഹൗസിൽ പകൽ സമയത്തായിരുന്നു സംഭവം. പശ്ചിമ ബംഗാളിലെ സൗത്ത് 24 പർഗാനാസ് ജില്ലയിലെ ബഡ്ജ് ബഡ്ജിലെ താമസക്കാരനായ രാകേഷ് കുമാർ ഷായാണു മരിച്ചത്. ഇതേ നാട്ടുകാരിയായ പങ്കാളി നിക്കു കുമാരി ദുബെയ്ക്കു വെടിയേറ്റു. ബുധനാഴ്ച ഉച്ചയോടെ ഇരുവരും ഒരുമിച്ചാണു കോൽക്കത്തയിലെ ഗസ്റ്റ് ഹൗസിൽ എത്തിയത്. വൈകിട്ട് നാലരയോടെ അവരുടെ മുറിയിൽനിന്നു വെടിയൊച്ച മുഴങ്ങി. രാകേഷ് തന്റെ കാലിൽ വെടിയുതിര്ത്തുവെന്ന് പറഞ്ഞ് നിക്കു റിസപ്ഷനിലേക്ക് ഓടിയെത്തി. റിസപ്ഷനിസ്റ്റുകൾ നിക്കുവിനെ രക്ഷിക്കാനുള്ള ശ്രമങ്ങൾ നടത്തുമ്പോഴാണ് മറ്റൊരു വെടിയൊച്ച കേട്ടത്. ജീവനക്കാർ മുറിയിലേക്ക് ഓടിയെത്തിയപ്പോൾ രക്തത്തിൽ കുളിച്ച് കിടക്കുന്ന രാകേഷിനെയാണ് കണ്ടത്. താമസിയാതെ മരണം സംഭവിച്ചു. നിക്കുവിനെ ആശുപത്രിയിൽ പ്രവേശിപ്പിച്ചു. കഴിഞ്ഞ ഏഴ് വർഷത്തോളം നിക്കുവും രാകേഷും ഒന്നിച്ചായിരുന്നുവെന്നു പോലീസ്…
Read More‘സുധാകര കൂടോത്രത്തിൽ കോൺഗ്രസിൽ അനിഷ്ടം’; ഡി.കെയുടെ കൂടോത്രം കണ്ടെത്തിയതും കേരളത്തിലെ മന്ത്രവാദി; ഏർപ്പാടാക്കിയത് കോൺഗ്രസ് നേതാവ്
കണ്ണൂര്: കര്ണാടക ഉപമുഖ്യമന്ത്രിയും പിസിസി പ്രസിഡന്റുമായ ഡി.കെ. ശിവകുമാറിനെതിരേ മൃഗബലിയും ഗൂഢപൂജയും കണ്ണൂർ ജില്ലയിലെ പ്രമുഖ ക്ഷേത്രത്തിനു സമീപം നടന്നെന്ന് കണ്ടെത്തിയതും കേരളത്തിൽനിന്നുള്ള മന്ത്രവാദി. കേരളത്തിലെ പ്രമുഖ കോൺഗ്രസ് നേതാവാണ് ഡി.കെ. ശിവകുമാറിന് മന്ത്രവാദിയെ ഏർപ്പാടാക്കിയതെന്നും പറയുന്നു. ഇദ്ദേഹത്തിന്റെ നേതൃത്വത്തിൽ നടത്തിയ പൂജയിലാണ് മൃഗബലിയും ഗൂഢപൂജയും കണ്ണൂരിലെ ഒരു പ്രമുഖ ക്ഷേത്രത്തിൽ ശിവകുമാറിനെതിരേ നടന്നതായി കണ്ടെത്തിയത്. അന്ന് ശിവകുമാർ കേരളത്തെക്കുറിച്ചു നടത്തിയ ആരോപണം കേരളത്തിലെ കോൺഗ്രസ് നേതാക്കൾ അപ്പാടെ തള്ളിയിരുന്നു. കേരളം ഇങ്ങനെയുള്ള അന്ധവിശ്വാസങ്ങളുടെ നാടല്ലെന്നായിരുന്നു അന്ന് കോൺഗ്രസ് നേതാക്കളുടെ പ്രതികരണം. അതിനിടെ കെപിസിസി പ്രസിഡന്റും എംപിയുമായ കെ. സുധാകരനെതിരേ അജ്ഞാതർ കൂടോത്രം നടത്തിയെന്ന ആരോപണവും കൂടോത്രവസ്തുക്കൾ പുറത്തെടുക്കുന്ന ദൃശ്യങ്ങളും കോൺഗ്രസിനെ പ്രതിസന്ധിയിലാക്കിയിരിക്കുകയാണ്. കണ്ണൂർ നടാലിലെ കെ. സുധാകരന്റെ വീട്ടുപറന്പിലെ വിവിധയിടങ്ങളിൽനിന്നായി കൂടോത്രമെന്ന നിഗൂഢപൂജ ചെയ്ത് കുഴിച്ചിട്ട ചില വസ്തുക്കൾ കുഴിച്ചെടുത്തതായി സുധാകരൻ തന്നെ സമ്മതിച്ചു. ഇതു…
Read Moreകലയുടെ കൊലപാതകം: അനിലിനെ നാട്ടിലെത്തിക്കും; പ്രതികളുടെ ചോദ്യംചെയ്യൽ തുടരുന്നു; മൃതദേഹം ടാങ്കിൽ നിന്ന് മാറ്റി സംസ്കരിച്ചിരിക്കാമെന്ന് പോലീസ്
മാന്നാർ: മാന്നാറിലെ കൊലപാതകത്തിൽ കലയുടെ മൃതദേഹം ടാങ്കിൽ നിന്നും മാറ്റിയിട്ടുണ്ടാവാമെന്ന് പോലീസിനു സംശയം. എല്ലാവരും പോയശേഷം മൃതദേഹം മറ്റൊരിടത്തു സംസ്കരിച്ചിരിക്കാമെന്നാണ് പോലീസ് നിഗമനം. കലയെ വലിയ പെരുമ്പുഴ പാലത്തിൽ കൊലപ്പെടുത്തിയ ശേഷം നദിയിൽ തള്ളുവാനായിരുന്നു പദ്ധതി.എന്നാൽ അന്നത്തെ സാഹചര്യം അതിന് ഒത്ത് വരാഞ്ഞതിനാലാണ് നേരെ വീട്ടിലേക്കു കൊണ്ടുപോയത്. തുടർന്നു കസ്റ്റഡിയിലുളള പ്രതികളായ പ്രമോദ്, ജിനു, സോമൻ എന്നിവരുമായി ചേർന്നു സെപ്റ്റിക് ടാങ്കിൽ തള്ളുകയായിരുന്നു.എന്നാൽ ഇവർ പോയ ശേഷം കലയുടെ മൃതദേഹം ഇവിടെ നിന്നും മാറ്റിയിരിക്കാമെന്നാണ് അന്വേഷണ ഉദ്യോഗസ്ഥരുടെ ഇപ്പോഴത്തെ നിഗമനം. പോലീസിന്റെ സഹായി സോമൻ ടാങ്കിൽനിന്നും ശരീരാവശിഷ്ടങ്ങൾ കണ്ടെത്തിയതായും ശരീരം നശിപ്പിക്കാൻ രാസലായനി ഉപയോഗിച്ചതായും ഇയാൾ പറഞ്ഞിരുന്നു. എന്നാൽ, ഫോറൻസിക് ഉദ്യോഗസ്ഥർ ഇതു വിശ്വാസത്തിൽ എടുത്തില്ല. ടാങ്കിൽ നിന്നും ലഭിച്ചതു ഫോറൻസിക് പരിശോധനക്കായി അയച്ചിരിക്കുകയാണ്. എന്നാൽ കാര്യമായ ഒന്നും ലഭിക്കാഞ്ഞതാണ് മൃതദേഹം പിന്നീട് ഇവിടെ നിന്നും മാറ്റിയതായി…
Read Moreപ്ലസ് വൺ പ്രവേശനത്തിൽ പ്രതിസന്ധി തുടരുന്നു; മലപ്പുറത്ത് ഇനിയും വേണം പതിനായിരം സീറ്റ്
മലപ്പുറം: പ്ലസ് വൺ പ്രവേശനത്തിനുള്ള സപ്ലിമെന്ററി അലോട്ട്മെന്റ് വിശദാംശങ്ങൾ പുറത്തുവന്നപ്പോൾ മലപ്പുറത്ത് ഇനിയും സീറ്റ് വേണ്ടത് 16881 പേർക്കാണ്. ഇപ്പോൾ മലപ്പുറത്ത് ബാക്കിയുള്ളത് 6937 സീറ്റുകളാണ്. അതായത് പതിനായിരത്തോളം സീറ്റുകൾ ഇനിയും കണ്ടെത്തണം. ആകെ 7000ത്തോളം പേർക്കാണ് സീറ്റ് വേണ്ടിവരിക എന്നായിരുന്നു വിദ്യാഭ്യാസ മന്ത്രി ആവർത്തിച്ച് പറഞ്ഞിരുന്നത്. അപേക്ഷകരുടെ എണ്ണം നോക്കി കൂടുതൽ താത്ക്കാലിക ബാച്ചുകള് അനുവദിക്കുമെന്നും സർക്കാർ പറഞ്ഞിരുന്നു. പക്ഷേ എല്ലാവർക്കും സീറ്റ് കിട്ടുമോയെന്ന ആശങ്ക ബാക്കിയാണ്.
Read Moreബിഹാറിൽ മൂന്ന് പാലങ്ങൾ കൂടി തകർന്നു; 15 ദിവസത്തിനിടെ തകർന്നത് ഒൻപത് പാലങ്ങൾ
പട്ന: ബിഹാറിൽ മൂന്നു പാലങ്ങൾ കൂടി തകർന്നു. കനത്ത മഴ തുടരുന്ന സംസ്ഥാനത്ത് കഴിഞ്ഞ 15 ദിവസത്തിനിടെയുണ്ടാകുന്ന ഒൻപതാമത്തെ സംഭവമാണിത്. സരൺ, സിവാൻ ജില്ലകളിലാണ് മൂന്ന് പാലങ്ങൾ തകർന്നത്. ആളപായമൊന്നും റിപ്പോർട്ട് ചെയ്തിട്ടില്ല. സംസ്ഥാനത്തെ പഴയ പാലങ്ങളുടെ സർവേ ഉടൻ നടത്താനും അടിയന്തര അറ്റകുറ്റപ്പണികൾ ആവശ്യമുള്ളവ കണ്ടെത്താനും മുഖ്യമന്ത്രി നിതീഷ് കുമാർ റോഡ് നിർമാണ വകുപ്പിനും റൂറൽ വർക്സ് വകുപ്പിനും നിർദേശം നൽകി. ശക്തമായ അഴിമതി ആരോപണങ്ങളുമായി പ്രതിപക്ഷം രംഗത്തുണ്ട്.
Read Moreമദ്യപിച്ചതിനാൽ കോളജിൽ കയറ്റാൻ വിസമ്മതിച്ചു; സുരക്ഷാ ജീവനക്കാരനെ വിദ്യാർഥി കുത്തിക്കൊന്നു
ബംഗളൂരു: മദ്യപിച്ച് കോളജിൽ പ്രവേശിക്കുന്നത് തടഞ്ഞ സെക്യൂരിറ്റി ജീവനക്കാരനെ വിദ്യാർഥി കുത്തിക്കൊന്നു. ബുധനാഴ്ച ഉച്ചകഴിഞ്ഞ് ബംഗളൂരു അമൃതഹള്ളിയിലെ സിന്ധി കോളജിലാണ് സംഭവം. സെക്യൂരിറ്റി ഗാർഡായ ജയ് കിഷോർ റായ് (52) ആണു കൊല്ലപ്പെട്ടത്. സുഹൃത്തുക്കളോടൊപ്പം മദ്യപിച്ചനിലയിൽ എത്തിയ ഭാർഗവ് എന്ന വിദ്യാർഥിയാണ് കൊല നടത്തിയതെന്നു പോലീസ് പറഞ്ഞു. കോളജിൽ ഫെസ്റ്റ് നടന്നുകൊണ്ടിരിക്കുന്നതിനിടെയാണു ഭാർഗവിനും കൂട്ടുകാർക്കും സെക്യൂരിറ്റി ഗാർഡ് പ്രവേശനം നിഷേധിച്ചത്. തർക്കത്തെത്തുടർന്ന് ഭാർഗവ് അടുത്തുള്ള കടയിൽ പോയി കത്തി വാങ്ങി റായിയുടെ നെഞ്ചിൽ കുത്തുകയായിരുന്നുവെന്നു പറയുന്നു. സുരക്ഷാ ജീവനക്കാരൻ സംഭവസ്ഥലത്തുതന്നെ മരിച്ചു. പ്രതിയെ പിന്നീട് പിടികൂടി.
Read Moreകാമ്പസുകളിൽ കൊല്ലപ്പെട്ടത് 35 എസ്എഫ്ഐ പ്രവർത്തകർ; കെഎസ്യുവിന് ഇത്തരം ചരിത്രം പറയാനുണ്ടോ? ഡിവൈഎഫ്ഐക്കാർ ചെയ്തത് രക്ഷപ്രവർത്തനം തന്നെയെന്ന് ആവർത്തിച്ച് മുഖ്യമന്ത്രി
തിരുവനന്തപുരം: കാമ്പസുകളിൽ സംഘർഷം ഉണ്ടാകുന്പോൾ ഒരു വിദ്യാർഥി പ്രസ്ഥാനത്തെ താറടിച്ച് കാണിക്കുന്ന പ്രതിപക്ഷ നിലപാട് ശരിയല്ലെന്ന് മുഖ്യമന്ത്രി പിണറായി വിജയൻ നിയമസഭയിൽ പറഞ്ഞു. 35 എസ്എഫ്ഐ പ്രവർത്തകർ കാമ്പസുകളിൽ കൊല്ലപ്പെട്ടിട്ടുണ്ട്. കെഎസ് യു നടത്തിയ അക്രമങ്ങളെ ചെറുത്താണ് എസ്എഫ്ഐ വളർന്നത്. തെറ്റുണ്ടെങ്കിൽ തിരുത്തുന്ന ശൈലിയാണ് എസ്എഫ്ഐക്ക് ഉള്ളതെന്നും മുഖ്യമന്ത്രി. നവകേരള സദസ്സിൽ ബസിന് നേരെ പാഞ്ഞടുത്തവരെ രക്ഷിക്കുന്ന രക്ഷാപ്രവർത്തനമാണ് ഡിവൈഎഫ്ഐക്കാർ ചെയ്തതെന്ന കാര്യത്തിൽ ഇപ്പോഴും ഉറച്ച് നിൽക്കുകയാണ്. താൻ കണ്ട കാര്യമാണ് പറഞ്ഞതെന്നും അദ്ദേഹം സഭയിൽ പറഞ്ഞു. പ്രതിപക്ഷത്തിന്റെ അടിയന്തര പ്രമേയ നോട്ടീസിന് മറുപടിയായാണ് അദ്ദേഹം ഇക്കാര്യം വ്യക്തമാക്കിയത്. മുഖ്യമന്ത്രിയുടെ മറുപടിയെ തുടർന്ന് സ്പീക്കർ പ്രതിപക്ഷത്തിന്റെ അടിയന്തര പ്രമേയ നോട്ടീസ് തള്ളുകയായിരുന്നു.
Read More