പല്ലിന് വൃത്തിയില്ലെന്ന കാരണത്താൽ യുവതിയ മൊഴിചൊല്ലിയ ഭർത്താവിനെതിരെ കേസ്. ഹൈദരാബാദിലാണ് സംഭവം. എന്നാൽ സ്ത്രീധന തർക്കത്തെ തുടർന്നാണ് ഭർത്താവ് മൊഴിചൊല്ലിയതെന്നാണ് യുവതിയുടെ വാദം. റുക്സാന ബീഗം എന്നാണ് യുവതിയുടെ പേര്. സ്ത്രീധനത്തെ ചൊല്ലി ഭർത്താവ് മുസ്തഫയും അദ്ദേഹത്തിന്റെ ബന്ധുക്കളും തന്നെ നിരന്തരം പീഡിപ്പിക്കുകയാണെന്നാണ് റുക്സാന പറയുന്നത്. 2019 ജൂണിലാണ് ഇവരുടെ വിവാഹം നടന്നത്. വിവാഹത്തിന് മുൻപ് സ്ത്രീധനമായി വൻ തുകയാണ് മുസ്തഫയുടെ കുടുംബം ആവശ്യപ്പെട്ടത്. റുക്സാനയുടെ മാതാപിതാക്കൾ അതെല്ലാം നൽകിയിരുന്നു. എന്നാൽ വിവാഹത്തിന് ശേഷം മുസ്തഫയും കുടുംബാംഗങ്ങളും കൂടുതൽ പണവും സ്വർണവും ആവശ്യപ്പെട്ട് നിരന്തരം ബുദ്ധിമുട്ടിക്കുകയാണെന്നും തന്റെ സഹോദരന്റെ ബൈക്കുവരെ മുസ്തഫ സ്വന്തമാക്കിയെന്നും റുക്സാന പറയുന്നു. നിരന്തരമായ പീഡനങ്ങൾക്കൊടുവിൽ എന്റെ പല്ല് മോശമാണെന്നും അതുകൊണ്ട് തന്റെ കൂടെ ജീവിക്കുവാൻ സാധ്യമല്ലെന്നും പറയുകയും വീടിനുള്ളിൽ തന്നെ 15 ദിവസം പൂട്ടിയിടുകയും ചെയ്തുവെന്ന് റുക്സാന പറഞ്ഞു. ആരോഗ്യ സ്ഥിതി വളരെ…
Read MoreCategory: NRI
ഭീമൻ ഗർത്തത്തിൽ പതിച്ച് ബസ്; യാത്രക്കാരി രക്ഷപ്പെട്ടത് തലനാരിഴയ്ക്ക്
റോഡിൽ പ്രത്യക്ഷപ്പെട്ട ഭീമൻ ഗർത്തത്തിൽ പതിച്ച് ബസ്. അമേരിക്കയിലെ പെൻസിൽവാനിയയിലാണ് സംഭവം. ബസിന്റെ മുക്കാൽ ഭാഗവും ഗർത്തത്തിനുള്ളിൽ വീണിരുന്നു. 56കാരിയായ ഒരു സ്ത്രീ മാത്രമേ ബസിനുള്ളിൽ യാത്രക്കാരിയായി ഉണ്ടായിരുന്നുള്ളു. തലനാരിഴയ്ക്കാണ് ഇവർ രക്ഷപെട്ടത്. നിസാര പരിക്കുകളോടെ ഇവരെ സമീപത്തെ ആശുപത്രിയിൽ പ്രവേശിപ്പിച്ചിരിക്കുകയാണ്. ബസിന്റെ ഡ്രൈവർക്ക് പരിക്കുകളൊന്നുമില്ലെന്നാണ് റിപ്പോർട്ടുകൾ സൂചിപ്പിക്കുന്നത്.
Read Moreഒമ്പതുകാരിയെ പിടികൂടിയ മുതലയെ തിരിച്ച് ആക്രമിച്ച് കൂട്ടുകാരി; ഒടുവിൽ…
മരണത്തെ മുന്നിൽ നിന്നും സുഹൃത്തിനെ രക്ഷിക്കുവാൻ മുതലയെ ആക്രമിച്ച് കൊച്ചുകുട്ടി. സിംബാവയിലാണ് സംഭവം. സുഹൃത്തുക്കൾക്കൊപ്പം നീന്തിക്കൊണ്ടിരിക്കുന്നതിനിടെയാണ് ഒമ്പത് വയസുകാരിയായ ലതോയയെ മുതല ആക്രമിച്ചത്. ലതോയയുടെ കരച്ചിൽ കേട്ട് ഇവിടെയെത്തിയ കൂട്ടുകാരി റബേക്ക എന്ത് ചെയ്യണമെന്ന് അറിയാതെ പകച്ചു പോയി. ഈ സമയം കുട്ടിയുടെ കൈയിലും കാലിലും പിടികൂടിയ മുതല കുട്ടിയെ വലിച്ചിഴച്ചു കൊണ്ട് പോകുകയായിരുന്നു. രണ്ടാമതൊന്ന് ചിന്തിക്കുവാൻ തയാറാകാതിരുന്ന റബേക്ക മുതലയെ ആക്രമിക്കുവാൻ ആരംഭിച്ചു. കുട്ടിയുടെ മേലുള്ള പിടിവിടുന്നതു വരെ മുതലയുടെ കണ്ണിലാണ് റബേക്ക ആക്രമിച്ചത്. വേദന സഹിക്കവയ്യാതെ മുതല ലതോയയിൻ മേലുള്ള പിടിവിട്ടു. ഈ സമയം റബേക്ക കൂട്ടുകാരിയുമായി സ്ഥലത്തു നിന്നും രക്ഷപെടുകയായിരുന്നു. ആക്രമണത്തിൽ പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചിരിക്കുകയാണ്. റബേക്കയ്ക്ക് പരിക്കുകളൊന്നും സംഭവിച്ചിട്ടില്ല.
Read Moreപെണ്ണഴകിന്റെ പൊതുമാനദണ്ഡങ്ങൾ തിരുത്തിക്കുറിച്ചു! ലണ്ടൻ മോഡലിംഗിൽ ഉയരങ്ങൾ കീഴടക്കി സഞ്ജുന
ലണ്ടൻ : മോഡലിംഗിലും ഫാഷൻ ഡിസൈനിംഗിലും നിലവിലുള്ള മുൻധാരണകളെല്ലാം കാറ്റിൽപറത്തി ലണ്ടനിൽ മോഡലിംഗ് രംഗത്ത് താരത്തിളക്കവുമായി രാജ്യാന്തരപ്രശസ്തിയുടെ നിറവിലാണ് മലയാളിയായ സഞ്ജുന. മനോഹരമായ ശരീരരൂപഘടനയും നിറപ്പൊലിമയുമുള്ള യുവസുന്ദരികൾക്കു മാത്രമേ മികച്ച മോഡലുകളാവാൻ സാധിക്കൂ എന്ന പൊതുധാരണയെ തകിടം മറിച്ചുകൊണ്ടായിരുന്നു അണിയാരത്തുകാരി സഞ്ജുന മഡോണക്കെണ്ടിയുടെ അവിശ്വനീയമായ ഈ മുന്നേറ്റം. ഉടലഴകിനൊത്ത വെളുത്തനിറം ,തൊലിമിനുപ്പ് ,ഉയരം ,തൂക്കം ,വണ്ണം ,ഒപ്പം കണ്ണഴക് ,മുടി ,നടത്തം ഇതിനെല്ലാം പുറമെ നല്ല കാമറ സെൻസ് തുടങ്ങി മോഡലിംഗ് രംഗത്ത് നിലനിന്നുവരുന്ന പെണ്ണഴകിന്റെ പൊതുമാനദണ്ഡങ്ങൾ തിരുത്തിക്കുറിച്ചും മറികടന്നും ലണ്ടനിലെ മോഡലിംഗ് പ്രഫഷണൽ രംഗത്ത് പ്രശസ്തിയുടെ കൊടുമുടിയിൽ എത്തിനിൽക്കുകയാണ് സഞ്ജുന എന്ന ഗ്രാമീണസുന്ദരി. ഫാഷനെക്കുറിച്ചുള്ള വ്യക്തമായ ധാരണകളോ അവഗാഹമോ, സിനിമാ പശ്ചാത്തലമോ ഒന്നുംതന്നെ മുൻപരിചയമുള്ളതായി സഞ്ജുനക്ക് അവകാശപ്പെടാനില്ല. പ്രശസ്ഥ ബ്രിട്ടീഷ് ഡിസൈനർ ചാർലീസ് ഫ്രെഡറിക് വർത്ത് അരനൂറ്റാണ്ടിന് മുമ്പ് അദ്ദേഹത്തിന്റെ ഭാര്യ മേരി അഗസ്റ്റിൻ വെർനറ്റ്…
Read Moreശരീരത്തിൽ തറച്ച വെടിയുണ്ടകളുമായി യുവാവ് രണ്ടു മൈൽ നടന്ന് ആശുപത്രിയിൽ
ഫിലഡൽഫിയ: മാരക പ്രഹരശേഷിയുള്ള ഓട്ടോമാറ്റിക് റൈഫിളിൽ നിന്നും പാഞ്ഞുവന്ന 16 വെടിയുണ്ടകൾ ശരീരത്തിൽ തറച്ചിട്ടും നിലത്തുവീണ യുവാവ് അവിടെ നിന്നും എഴുന്നേറ്റ് രണ്ടു മൈൽ ദൂരെയുള്ള ആശുപത്രിയിലെ അത്യാഹിത വിഭാഗത്തിൽ എത്തിയ സംഭവം വൈദ്യശാസ്ത്രത്തേയും ഡോക്ടർമാരെയും ഒരുപോലെ ഞെട്ടിച്ചിരിക്കുകയാണ്. വെള്ളിയാഴ്ച രാവിലെയാണ് സംഭവം. ഫിലഡൽഫിയ കെൻസിംഗ്ടൺ പരിസരത്തു വച്ചായിരുന്നു ഇരുപത്തേഴുകാരന് വെടിയേറ്റത്. ഇടത്തെ ഇടുപ്പെല്ല്, നെഞ്ച്, ഷോൾഡർ, കഴുത്ത്, കൈകൾ എന്നിവിടങ്ങളിലാണ് വെടിയുണ്ടകള് തറച്ചതെന്ന് ഫിലഡൽഫിയ പോലീസ് വ്യക്തമാക്കി. ടെംപിൾ യൂണിവേഴ്സിറ്റി ഹോസ്പിറ്റലിൽ കഴിയുന്ന യുവാവ് ഗുരുതരാവസ്ഥയിലാണെങ്കിലും അപകടനില തരണം ചെയ്തതായി പോലീസ് അറിയിച്ചു.സംഭവം നടന്ന സ്ഥലത്തു നിന്നും 23 ഷെല്ലുകൾ ലഭിച്ചതായും വെടിവച്ചുവെന്നു സംശയിക്കുന്ന വ്യക്തി അവിടെ നിന്നും കാറിൽ കയറി രക്ഷപ്പെട്ടതായും പോലീസ് അറിയിച്ചു. പ്രതിക്കായി തിരച്ചിൽ തുടരുകയാണ്. സമീപ പ്രദേശങ്ങളിലുള്ള കാമറകൾ പോലീസ് പരിശോധിച്ചുവരുന്നു. റിപ്പോർട്ട്: പി.പി. ചെറിയാൻ
Read Moreസമുദ്രപോരിൽ മുങ്ങിയ ജാപ്പനീസ് കപ്പലുകളെ 77 വർഷത്തിനു ശേഷം കണ്ടെത്തി
രണ്ടാംലോകമഹായുദ്ധത്തിൽ യുഎസുമായുള്ള “ബാറ്റിൽ ഓഫ് മിഡ്വേ’ സമുദ്രപോരിൽ മുങ്ങിയ രണ്ട് ജാപ്പനീസ് വിമാനവാഹിനിയുദ്ധക്കപ്പലുകളുടെ അവശിഷ്ടം ഗവേഷകർ കണ്ടെത്തി. നോർത്ത് പസഫിക് സമുദ്രത്തിൽ 18,000 അടി താഴ്ചയിൽ പെട്രെൽ എന്ന കപ്പൽ ഉപയോഗിച്ചുള്ള തെരച്ചിലിലാണ് 77 വർഷം പഴക്കമേറിയ കപ്പലുകളുടെ അവശിഷ്ടങ്ങൾ ലഭിച്ചത്. കാഗ എന്ന കപ്പൽ കഴിഞ്ഞയാഴ്ചയും അകാഗി എന്ന മറ്റൊരു കപ്പൽ ഞായറാഴ്ചയും കണ്ടെത്തി. 1942ൽ മിഡ്വേ അറ്റോൾവടക്കൻ ശാന്തസമുദ്രത്തിലെ മിഡ്വേ അറ്റോൾ ദ്വീപുകൾ പിടിച്ചെടുക്കാൻ പുറപ്പെട്ട ഏഴുകപ്പലുകളാണ് യാത്രമധ്യേ മുങ്ങിതാണത്. ലോകത്തെ ഏറ്റവുംവലിയ സംരക്ഷിത സമുദ്രമേഖലയായ പപാഹാനോമൊക്വാകീ മറൈൻ നാഷണൽ സ്മാരകമേഖലയിൽ നിന്നാണ് ഇവയിൽ രണ്ടു കപ്പലുകൾ കണ്ടെത്തിയത്. മൈക്രോസോഫ്റ്റ് സഹസ്ഥാപകനും മനുഷ്യസ്നേഹിയുമായ പോൾ ജി. അലന്റെ നേതൃത്വത്തിലുള്ള ഗവേഷക സംഘമാണ് കപ്പലിന്റെ അവശിഷ്ടങ്ങൾ കണ്ടെത്തിയത്. 1942ൽ ജൂൺ നാലിനാണ് നാലു ദിവസം നീണ്ടു നിന്ന ‘ബാറ്റിൽ ഓഫ് മിഡ്വേ’ ആരംഭിക്കുന്നത്. ജപ്പാൻ പേൾ…
Read Moreലോകത്തിലെ ഏറ്റവും വിലയേറിയ ചോക്ലേറ്റ് വിപണിയിൽ
ലോകത്തിലെ ഏറ്റവും വിലയേറിയ ചോക്ലേറ്റ് വിപണിയിലെത്തി. പ്രമുഖ കമ്പനിയായ ഐടിസിയുടെ പ്രീമിയം ചോക്ലേറ്റ് ബ്രാൻഡായ ഫാബെല്ലെ എക്സ്ക്വിസിറ്റ് നിർമിക്കുന്ന ഈ ചോക്ലേറ്റിന് ഒരു കിലോയ്ക്ക് വില 4.3 ലക്ഷം രൂപയാണ്. ഏറ്റവും വിലയേറിയ ചോക്ലേറ്റ് എന്ന നിലയിൽ ഈ ചോക്ലേറ്റ് ഇതിനോടകം തന്നെ ഗിന്നസ് റിക്കാർഡിൽ ഇടം നേടിയിട്ടുണ്ട്. ഓർഡർ അനുസരിച്ച് ബുധനാഴ്ച മുതലാണ് ഈ ചോക്ലേറ്റ് ലഭിക്കുക. കൈകൊണ്ട് തടിയിൽ നിർമിച്ച പെട്ടിക്കുള്ളിലാണ് ചോക്ലേറ്റ് ലഭിക്കുക. ഈ ബോക്സിനുള്ളിൽ കരങ്ങൾക്കൊണ്ട് നിർമിച്ച 15 ചോക്ലേറ്റുകളാണുള്ളത്. 15 ഗ്രാമാണ് ഓരോ ചോക്ലേറ്റ് കക്ഷണങ്ങളുടെയും ഭാരം. ലോകത്തിലെ അതിമികച്ച കൊക്കോയം മറ്റും ചേർത്ത് നിർമിക്കുന്ന ഈ ചോക്ലേറ്റിലൂടെ ലോകോത്തര നിലവാരത്തിലുള്ള ചോക്ലേറ്റ് ബ്രാൻഡ് ഉണ്ടാക്കുവാനാണ് ഐടിസിയുടെ ശ്രമം.
Read Moreപാറ്റയെ തുരത്താൻ തീയിട്ടു; ജീവൻ തിരികെ കിട്ടിയത് ഭാഗ്യത്തിന്
പാറ്റയെ കൊല്ലാൻ തീയിട്ട ഗൃഹനാഥന് സംഭവിച്ച അബദ്ധമാണ് നവമാധ്യമങ്ങളിൽ ഞെട്ടൽ സമ്മാനിക്കുന്നത്. ബ്രസീലിലാണ് സംഭവം. വീടിന്റെ സമീപത്തുള്ള ചെറിയൊരു കുഴിയിലാണ് പാറ്റാകൾ കൂട്ടമായി കിടന്നിരുന്നത്. ഇവയെ പെട്രോൾ ഒഴിച്ച് തീ വച്ച് നശിപ്പിക്കുവാനായിരുന്നു ഇദ്ദേഹത്തിന്റെ ശ്രമം. പാറ്റകൾ കിടക്കുന്ന സ്ഥലത്ത് പെട്രോൾ ഒഴിച്ച ഇദ്ദേഹം തീപ്പെട്ടി ഉരച്ച് അവിടേക്ക് ഇട്ടു. രണ്ട് പ്രാവശ്യം തീകൊളുത്തിയെങ്കിലും അത് വിജയിച്ചില്ല. പിന്നീട് മൂന്നാമതൊരു പ്രാവശ്യം കൂടെ തീപ്പെട്ടി ഉരച്ച് ഇവിടേക്ക് ഇട്ടപ്പോൾ വലിയ ശബ്ദത്തോടെ പൊട്ടിത്തെറിക്കുകയായിരുന്നു. ഇദ്ദേഹത്തിന്റെ സമീപം നിന്ന വളർത്തു നായ പേടിച്ചരണ്ട് ഓടുന്നതും വീഡിയോയിൽ കാണാം. വീടിന് സമീപത്തെ സിസിടിവിയിൽ പതിഞ്ഞ ദൃശ്യങ്ങൾ സോഷ്യൽമീഡിയയിൽ വൈറലായി മാറുകയാണ്.
Read Moreകാറപകടം തുണച്ചു; പിഞ്ച് കുഞ്ഞ് ഉൾപ്പടെ കാൽ നടയാത്രികർ രക്ഷപെട്ടത് തലനാരിഴയ്ക്ക്
വാഹനാപകടങ്ങൾ ദുരന്തമാണ് എപ്പോഴും സമ്മാനിക്കുക. എന്നാൽ അടുത്തിടെയുണ്ടായ അപകടം കണ്ട് ആശ്വസിക്കുകയാണ് ഏവരും. കാരണം ഈ അപകടത്തെ തുടർന്ന് തലനാരിഴയ്ക്ക് രക്ഷപെട്ടത് മൂന്ന് പേരാണ്. അരിസോണയിലെ ഫീനിക്സിലാണ് സംഭവം. പിഞ്ചു കുഞ്ഞിനെ സ്ട്രോളറിലിരുത്തി ഉന്തിക്കൊണ്ട് യുവതിയും ഒരു കാൽ നടക്കാരനും റോഡ് മുറിച്ച് കടക്കുവാൻ ശ്രമിക്കുന്നതിനിടെയാണ് അപകടം നടന്നത്. ഇവർ റോഡ് മുറിച്ച് കടക്കുന്നതിനിടെ സിഗ്നൽ തെറ്റിച്ച് ഒരു കാർ ഇവർക്ക് നേരെ പാഞ്ഞു വന്നു. ഇതേ സമയം മറ്റൊരു ദിശയിൽ നിന്ന് വേറൊരു കാറും ഇവിടേക്ക് പാഞ്ഞെത്തി. സിഗ്നൽ തെറ്റിച്ച് എത്തിയ കാറിൽ രണ്ടാമതെത്തിയ കാർ പെട്ടന്ന് ഇടിച്ചു. അതുകൊണ്ട് റോഡ് മുറിച്ചു കടന്നവർ അപകടത്തിൽ നിന്നും തലനാരിഴയ്ക്ക് രക്ഷപെടുകയായിരുന്നു. ലഹരിയിലായിരുന്ന ഒരാളാണ് സിഗ്നൽ തെറ്റിച്ച് വാഹനം ഓടിച്ചതെന്ന് പോലീസ് അറിയിച്ചു. ഇയാളെ പോലീസ് അറസ്റ്റ് ചെയ്തു. സമീപത്തെ സിസിടിവിയിൽ പതിഞ്ഞ ദൃശ്യങ്ങൾ പോലീസാണ് പുറത്തുവിട്ടത്.
Read Moreസർക്കസ് കൂടാരത്തിനുള്ളിൽ പരിശീലകനെ ആക്രമിച്ച് കരടി; പരിഭ്രാന്തരായി കാണികൾ
സർക്കസ് പരിപാടിക്കിടെ പരിശീലകനെ കരടി ആക്രമിക്കുന്നതിന്റെ അമ്പരപ്പിക്കുന്ന ദൃശ്യങ്ങൾ പുറത്ത്. റഷ്യയിലെ കരേലിയ പ്രവശ്യയിൽ നിന്നുമാണ് ഏറെ ഞെട്ടിപ്പിക്കുന്ന ദൃശ്യങ്ങൾ പുറത്ത് വന്നിരിക്കുന്നത്. നിരവധി കാണികളുടെ സാന്നിധ്യത്തിൽ പരിശീലകർ കരടിയുമായുള്ള പരിപാടി അവതരിപ്പിച്ചുകൊണ്ടിരിക്കുന്നതിനിടെ പെട്ടന്ന് കരടി അക്രമാസക്തമാകുകയായിരുന്നു. പരിശീലകനെ തള്ളി നിലത്തിട്ട കരടി അയാളുടെ ശരീരത്ത് കയറിയിരുന്ന് ആക്രമിക്കുകയായിരുന്നു. സമീപമുണ്ടായിരുന്ന മറ്റൊരു പരിശീലകൻ കരടിയെ ചവിട്ടി മാറ്റുവാൻ ശ്രമിക്കുന്നുണ്ടായിരുന്നു. പരിഭ്രാന്തരായ കാണികൾ പേടിച്ച് ഇവിടെനിന്നും പോകുവാൻ തിരക്കുകൂട്ടുകയും ചെയ്തു. പരിശീലകന് ഗുരുതരമായ പരിക്കേറ്റിട്ടുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.
Read More