ആഴ്ചയിലൊരു ദിവസം തന്റെ മുന്നിലെത്തുന്നവർക്കെല്ലാം ചോക്ലേറ്റ് നൽകുന്ന ഒരാളുണ്ട് അയോവയിൽ. ബോബ് വില്യംസ് എന്ന 93കാരൻ കഴിഞ്ഞ കുറേ വർഷങ്ങളായി ഈ പതിവ് തുടരുന്നു. അയൽക്കാരുടെ ഇടയിൽ കാൻഡിമാൻ എന്നാണ് ഇദ്ദേഹം അറിയപ്പെടുന്നത്. അപ്രതീക്ഷിതമായി ഒരു ചോക്ലേറ്റ് കിട്ടുന്പോൾ ആളുകളുടെ മുഖത്തുണ്ടാകുന്ന സന്തോഷം കാണാനാണ് താൻ ഇങ്ങനെ ചെയ്യുന്നതെന്ന് ബോബ് വില്യംസ് പറയുന്നു. ഇതുവരെ ആറായിരത്തിലധികം ചോക്ലേറ്റുകൾ വില്യംസ് വിതരണംചെയ്തു കഴിഞ്ഞു. എല്ലാ ശനിയാഴ്ചയും തന്റെ വീടിനടുത്തുള്ള ഒരു മധുരപലഹാര കടയിൽനിന്നാണ് വില്യംസ് ചോക്ലേറ്റുകൾ വാങ്ങുന്നത്. അവിടെനിന്ന് തന്നെ ആളുകൾക്ക് വിതരണം ചെയ്തു തുടങ്ങും. ചോക്ലേറ്റും വാങ്ങി നഗരവീഥിയിലൂടെ നടന്നാണ് വില്യംസ് വീട്ടിലേക്കു പോവുക. ഇങ്ങനെ പോകുന്പോൾ വഴിയിൽ കണ്ടുമുട്ടുന്നവർക്കെല്ലാം അദ്ദേഹം തന്റെ പക്കലുള്ള ചോക്ലേറ്റ് കൊടുക്കും.
Read MoreCategory: NRI
കുഞ്ഞിനു വൈദ്യപരിശോധന നടത്തിയില്ല: ഇന്ത്യൻ വംശജരായ ദമ്പതികൾ യുഎസിൽ അറസ്റ്റിൽ
ചെന്നൈ: ആറുമാസം പ്രായമായ കുഞ്ഞിനു വൈദ്യപരിശോധന നടത്തിയില്ലന്ന കുറ്റത്തിനു ഇന്ത്യൻ വംശജരായ ദമ്പതികൾ യുഎസിൽ അറസ്റ്റിൽ. ചെന്നൈ സ്വദേശികളായ പ്രകാശ് സേട്ടു- മാലാ പനീർസെൽവം ദമ്പതികളെയാണ് അറസ്റ്റ് ചെയ്തത്. ഇവരുടെ മകൾ ആറു മാസം പ്രായമുള്ള ഹിമിഷയ്ക്കു ഡോക്ടർമാർ നിശ്ചയിച്ച വൈദ്യപരിശോധന നടത്തിയില്ലെന്ന് ആരോപിച്ചായിരുന്നു അറസ്റ്റ്. ഫ്ലോറിഡയിലെ ബ്രോവാർഡ് കൗണ്ടിയിലെ ആശുപത്രിയിൽ കുട്ടിയുടെ കൈ നീരുവന്നു വീർത്തതിനെ തുടർന്ന് ചികിത്സയ്ക്കായി ദമ്പതികൾ എത്തിയിരുന്നു. എന്നാൽ കുട്ടിയുടെ ചികിത്സാ ചെലവ് താങ്ങാനാവില്ലെന്നു കാട്ടി ഇവർ മറ്റൊരു ആശുപത്രിയിൽ ചികിത്സ തേടി. ഇതിനെ തുടർന്ന് ആദ്യ ആശുപത്രിയിലെ അധികൃതർ ശിശുസംരക്ഷണ കേന്ദ്രത്തെ വിവരം അറിയിക്കുകയായിരുന്നു. കുട്ടിക്ക് ആവശ്യമായ വൈദ്യപരിശോധനകൾ നടത്തിയില്ലെന്നായിരുന്നു ആരോപണം. ദമ്പതികളെ പിന്നീട് ജാമ്യത്തിൽ വിട്ടു. എന്നിരുന്നാൽ തന്നെയും കുട്ടിയുടെയും ഇരട്ട സഹോദരന്റെയും സംരക്ഷണം ശിശുസംരക്ഷണ കേന്ദ്രം ഏറ്റെടുത്തിരിക്കുകയാണ്.
Read Moreഎന്തെങ്കിലും പറയാനുണ്ടോ? ട്രാഫിക് നിയമലംഘനത്തിന് പിടികൂടിയ യുവമിഥുനങ്ങളുടെ അഭ്യർഥന പോലീസ് കേട്ടു; ഒടുവില്…
മിയാമി (ഫ്ലോറിഡ): അമിത വേഗതയിൽ ട്രാഫിക് നിയമം കാറ്റിൽ പറത്തി പാഞ്ഞ കാറിനെ പിന്തുടർന്നു പിടികൂടിയ പോലീസിന്, കാർ യാത്രക്കാരായ യുവ മിഥുനങ്ങളുടെ അഭ്യർഥന കേട്ട് ആദ്യമൊന്നു പകച്ചുപോയി. ഫ്ളോറിഡ സംസ്ഥാനത്തെ മയാമിയിലാണ് സംഭവം. അമിത വേഗതയിൽ കാർ ഓടിച്ചതിനെ കുറിച്ചു എന്തെങ്കിലും പറയാനുണ്ടോ എന്ന പോലീസ് ഉദ്യോഗസ്ഥന്റെ ചോദ്യത്തിന് കെന്നത്ത് എന്ന യുവാവ് കാറിൽ നിന്നും പുറത്തിറങ്ങിയത് കൈയിൽ ഒരു വിവാഹ മോതിരവുമായിട്ടായിരുന്നു. തുടർന്നു മുട്ടിൻമേൽ നിന്നുകൊണ്ട് ഒരു അപേക്ഷ. കൂടെയുള്ള യുവതിയെ മോതിരം അണിയിച്ചു വിവാഹ നിശ്ചയം നടത്തുന്നതിന് എന്നെ സഹായിക്കണം. ചോദ്യം കേട്ടു പകച്ചു നിന്ന യുവതി സമ്മതിക്കാം എന്നു പറഞ്ഞതോടെ, യുവാവ് മോതിരം യുവതിയുടെ കൈവിരലിൽ അണിയിച്ചു. ഇതിനു സാക്ഷിയായി വാഹനം സ്റ്റോപ് ചെയ്ത പോലീസുകാരനും. ട്രാഫിക് നിയമലംഘനത്തിന് പിഴ നൽകേണ്ട പോലീസ് ഒടുവിൽ ഇരുവർക്കും വിവാഹാശംസകൾ നേർന്നാണ് വിട്ടയച്ചത്. മയാമി…
Read Moreകംബോഡിയയിലേക്കു പോരൂ…പാന്പിനും തേളിനുമൊപ്പം കാപ്പി കുടിക്കാം
കൂടെയിരുന്ന് കാപ്പികുടിക്കാൻ ആരും കൂട്ടില്ലാത്തവർക്ക് തികച്ചും വ്യത്യസ്തരായ ചില കൂട്ടുകാരെ നൽകുകയാണ് കംബോഡിയയുടെ തലസ്ഥാനമായ നോം പെന്നിലുള്ള ഒരു കഫേ. ഇവിടെയെത്തുന്നവർക്ക് ഭക്ഷണ മെനുവിന് പകരം കുറെ ഇഴജന്തുക്കളുടെ പേരെഴുതിയ ഒരു ലിസ്റ്റ് നൽകും. ഈ ലിസ്റ്റിൽനിന്ന് ആരുടെകൂടെയിരുന്ന് കാപ്പി കുടിക്കണം എന്നു കാപ്പികുടിക്കാൻ വരുന്നവർക്ക് തീരുമാനിക്കാം. കുടിക്കാൻ കാപ്പി മാത്രമേ കിട്ടുള്ളുവെങ്കിലും കൂടെ ഇരിക്കാൻ കുറെ അധികം ജീവികളെ ഇവിടെ കിട്ടും. പെരുന്പാന്പ് അടക്കമുള്ള വിവിധ ഇനം പാന്പുകൾ, ഓന്ത്, ഉടുന്പ്, ആമ, തേൾ, പല്ലി ഇങ്ങനെ പോകുന്നു അവയുടെ ലിസ്റ്റ്. കംബോഡിയൻ നഗരങ്ങൾ പ്രശസ്തമായ പൂച്ച കഫേകളിൽനിന്ന് പ്രചോദനമുൾക്കൊണ്ടാണ് ചീ റാറ്റി എന്ന വ്യവസായി ഒരു ഉരഗ കഫേ ഇവിടെ തുറന്നത്. ഇത്തരത്തിലുള്ള ലോകത്തിലെതന്നെ ആദ്യത്തെ സംരംഭമാണിത്. കഫേയ്ക്ക് മികച്ച പ്രതികരണമാണ് ആളുകളുടെ ഇടയിൽനിന്ന് ലഭിക്കുന്നതെന്ന് ചീ പറയുന്നു. ഉരഗങ്ങളോടുള്ള പേടിയുമായി ഇവിടെ എത്തുന്നവർ…
Read Moreഎന്നന്നേക്കുമായി വിടപറഞ്ഞത് എട്ടിനം പക്ഷികൾ
മനുഷ്യരുടെ കടന്നുകയറ്റവും ചൂഷണവും നിമിത്തം എട്ടിനം പക്ഷികൾക്ക് വംശനാശം നേരിട്ടുവെന്ന് സ്ഥിരീകരിച്ചു. 21-ാം നൂറ്റാണ്ടിൽ വംശനാശം സംഭവിച്ചെന്ന് ആദ്യമായി സ്ഥിരീകരിക്കുന്ന പക്ഷികളാണിവ. സ്പിക്സ് മക്കാവ്, അലാഗോസ് ഫോളിഗെ ഗ്ലീനർ, ക്രിപ്റ്റിക് ട്രീഹണ്ടർ, പെർണാംബുകോ പിഗ്മി ഒൗൾ, ബ്ലാക്ക് ഫേസ്ഡ് ഹണിക്രീപ്പർ, ഗ്ലൗകസ് മക്കാവ് തുടങ്ങിയ ഇനം പക്ഷികൾക്കാണ് വംശനാശം സംഭവിച്ചത്. എട്ടിനത്തിൽ അഞ്ചെണ്ണം വടക്കേ അമേരിക്കയിൽ കാണപ്പെടുന്നവയായിരുന്നു. വനനശീകരണമാണ് ഇവയുടെ വംശനാശത്തിനു കാരണമായത്. ബേർഡ് ലൈഫ് ഇന്റർനാഷണൽ നടത്തിയ പഠനത്തിലാണ് ഇവയെക്കുറിച്ച് പ്രതിപാദിച്ചിരിക്കുന്നത്. ഇന്റർനാഷണൽ യൂണിയൻ ഫോർ ദ കൺസർവേഷൻ നേച്ചറിന്റെ (ഐയുസിഎൻ) റെഡ് ലിസ്റ്റിൽ അതീവ അപകടാവസ്ഥയിൽ ഉൾപ്പെടുത്തിയിരുന്ന 51 ഇനം പക്ഷികളെ നിരീക്ഷിച്ചതിനുശേഷമാണ് എട്ടിനത്തിന് വംശനാശം സംഭവിച്ചതായി സ്ഥിരീകരിച്ചത്. സ്പിക്സ് മക്കാവ് തത്തയിനം – 2000നുശേഷം വനങ്ങളിൽ കണ്ടിട്ടില്ല. വളരെ കുറച്ചെണ്ണം യൂറോപ്പിൽ നിയന്ത്രിത സാഹചര്യത്തിലുണ്ട്. അലാഗോസ് ഫോളിഗെ ഗ്ലീനർ ചെറിയ പക്ഷി –…
Read Moreജൂഡി ഗാർലൻഡിന്റെ ചുവന്ന വൈരക്കല്ലുകള് പതിച്ച ചെരിപ്പുകൾ കണ്ടെടുത്തു
അന്തരിച്ച അമേരിക്കൻ നടിയും ഗായികയുമായ ജൂഡി ഗാർലൻഡിന്റെ ചുവന്ന വൈരക്കല്ലുകള് പതിച്ച ചെരിപ്പുകള് കണ്ടെടുത്തു. മിന്നസോട്ടയിലെ മ്യൂസിയത്തിൽ നിന്ന് 13 വർഷങ്ങൾക്ക് മുമ്പാണ് ഇവ മോഷണം പോയത്. 1939-ൽ പുറത്തിറങ്ങിയ ദി വിസാര്ഡ് ഓഫ് ഓസ് എന്ന ചിത്രത്തില് ജൂഡി ഗാര്ലാൻഡ് ഉപയോഗിച്ചിരുന്ന ചെരിപ്പുകളിലൊന്നാണിത്. 2005-ൽ മ്യൂസിയത്തിന്റെ ജനാല തകർത്താണ് കോടികള് വിലമതിക്കുന്ന ചെരുപ്പുകൾ മോഷ്ടിക്കപ്പെട്ടത്. ചെരുപ്പ് കണ്ടെത്തുന്നവർക്ക് ഒരു മില്യൺ ഡോളർ പാരിതോഷികം നൽകുമെന്ന് ഒരു ആരാധകൻ പ്രഖ്യാപിച്ചിരുന്നു. എന്നാൽ മോഷണം നടന്നിട്ട് പത്ത് വർഷമായിട്ടും ചെരുപ്പ് കണ്ടെടുക്കാൻ സാധിക്കാതിരുന്നതോടെ പ്രഖ്യാപനം പിൻവലിച്ചിരുന്നു. ചെരുപ്പ് കണ്ടെടുത്തതിനെ കുറിച്ച് കൂടുതൽ വിവരങ്ങൾ പുറത്തുവിട്ടിട്ടില്ല. കേസിൽ അന്വേഷണം നടക്കുകയാണെന്ന് എഫ്ബിഐ പ്രത്യേക ഏജന്റ് ഷോൺ സൻബോൺ പറഞ്ഞു.
Read Moreഎന്നാലും ആ കപ്പലുകൾ എവിടെനിന്നു വന്നു?
ഏകദേശം ഒരു വർഷം മുന്പ് ക്യുക് ബേർഡ് എന്ന സാറ്റലൈറ്റിൽനിന്നുള്ള ഭൂമിയുടെ ചിത്രങ്ങൾ പരിശോധിക്കുകയായിരുന്ന കാനഡയിൽ നിന്നുള്ള ഒരു സംഘം ശാസ്ത്രജ്ഞർ. കസാക്കിസ്ഥാനിലെ മരുഭൂമിയുടെ ആകാശദൃശ്യങ്ങൾ പരിശോധിക്കുന്നതിനിടയിൽ അവരൊരു കാഴ്ച കണ്ട് ഞെട്ടി. നീണ്ടുനിവർന്നു കിടക്കുന്ന ആ മണലാര്യണ്യത്തിന്റെ മധ്യഭാഗത്തായി നാലു കൂറ്റൻ കപ്പലുകൾ കിടക്കുന്നു. ചിത്രങ്ങൾ വീണ്ടും പരിശോധിച്ച് തങ്ങൾ കാണുന്നത് കപ്പലിന്റെ അവശിഷ്ടങ്ങൾതന്നെയാണെന്ന് ശാസ്ത്രജ്ഞർ ഉറപ്പുവരുത്തി. പക്ഷേ അപ്പോൾ വലിയൊരു ചോദ്യം ബാക്കി, ഇത്ര വലിയ മരുഭൂമിയുടെ നടുക്ക് ആരാണ് കപ്പലുകൾ നങ്കൂരമിട്ടത്. കപ്പലുകൾ കണ്ടെത്തിയ സ്ഥലത്തുനിന്നും 280മൈൽ അകലെമാത്രമാണ് കടലുള്ളത്. അരൽ എന്നാണ് ആ കടലിന്റെ പേര്. ആഴമുള്ള കടലുകളിൽ യാത്ര ചെയ്യാവുന്ന രീതിയിൽ രൂപകൽപ്പന ചെയ്തിരിക്കുന്ന ഈ കപ്പലുകൾ ആര് മരുഭൂമിക്കു നടുവിൽകൊണ്ടുപോയി വച്ചു എന്ന ചോദ്യം ചെറുതായൊന്നുമല്ല, ശാസ്ത്രലോകത്തെ കുഴക്കുന്നത്. കഴിഞ്ഞ ഒരു വർഷമായി ഈ ചോദ്യത്തിനുള്ള ഉത്തരം കണ്ടെത്താനുള്ള…
Read Moreചെവി വേദന! ആശുപത്രിയിലെത്തിയ ആളുടെ ചെവിയിൽ നിന്നും കണ്ടെത്തിയത് ചിലന്തിയും ചിലന്തി വലയും
ചെവി വേദനയുമായി ആശുപത്രിയിലെത്തിയയാളുടെ ചെവിക്കുള്ളിൽ ചിലന്തി വല. ചൈനയിലെ ലിയോണിംഗ് പ്രവശ്യയിലെ ഡാലിയാനിലുള്ള ഡാലിയാൻ സെൻട്രൽ ആശുപത്രിയിലാണ് തന്റെ ചെവിയിൽ അസ്വസ്തത തോന്നുന്നുവെന്ന് പറഞ്ഞ് അറുപതുകാരനായ ഒരാൾ ചികിത്സയ്ക്ക് എത്തിയത്. വിശദമായ പരിശോധനയ്ക്കൊടുവിലാണ് ചെവിയിൽ കയറിപ്പറ്റിയ ചിലന്തി ഇതിനുള്ളിൽ വല നിർമിച്ചിരിക്കുന്നുവെന്ന് ഡോക്ടർമാർ കണ്ടുപിടിച്ചത്. ചെവിക്കുള്ളിൽ പ്രാണിയോ മറ്റെന്തങ്കിലും കയറികൂടിയതാകാമെന്ന് ഡോക്ടർമാർ കരുതിയെങ്കിലും ഒരു ചിലന്തി കയറുമെന്ന് ഡോക്ടർമാർ ഒരിക്കലും കരുതിയിരുന്നില്ല. ആദ്യമൊക്കെ അസ്വസ്ത തോന്നിയിരുന്നുവെങ്കിലും ഞാനത് കാര്യമാക്കിയിരുന്നില്ലെന്നാണ് ചികിത്സ തേടിയെത്തിയയാൾ പറഞ്ഞത്. എന്നാൽ ചെവിയിലെ പ്രശ്നം അസഹനീയമായതിനെ തുടർന്നാണ് അദ്ദേഹം ആശുപത്രിയിൽ എത്തിയത്. ദീർഘനേരത്തെ പരിശ്രമത്തിനൊടുവിലാണ് ചിലന്തിയെ ചെവിക്കുള്ളിൽ നിന്നും പുറത്തെടുക്കുവാനായത്. അദ്ദേഹത്തിന്റെ ചെവിക്ക് ഒരുവിധത്തിലുമുള്ള കുഴപ്പമില്ലെന്ന് ചികിത്സനടത്തിയ ഡോക്ടർ വ്യക്തമാക്കി. പ്രാണി പോലുള്ള ജീവികൾ ചെവിക്കുള്ളിൽ വീണതിനെ തുടർന്ന് നിരവധിയാളുകൾ ചികിത്സ തേടി ആശുപത്രിയിൽ എത്താറുണ്ടെങ്കിലും ആദ്യമായാണ് ഒരാളുടെ ചെവിയിൽ നിന്നും ചിലന്തിയെ കണ്ടെത്തുന്നതെന്ന്…
Read Moreനിൽപ്പുസമരം അവസാനിപ്പിച്ച് നീർനായ കടലിലേക്ക് മടങ്ങി
അമേരിക്കയിലെ അലാസ്കയിൽ കടലിൽനിന്ന് കയറി വന്ന നീർനായ നാലുദിവസത്തെ നിൽപ്പുസമരം അവസാനിപ്പിച്ച് കടലിലേക്കുതന്നെ മടങ്ങി. കഴിഞ്ഞ വെള്ളിയാഴ്ചയാണ് കടൽക്കരയിൽനിന്ന് കിലോമീറ്ററുകൾ മാറി ഒരു മരത്തിന്റെ ചുവട്ടിൽ നീർനായ നിൽക്കുന്നത് പ്രദേശവാസികൾ കണ്ടത്. ഇവർ ഈ വിവരം ഉടൻതന്നെ അധികൃതരെ അറിയിച്ചു. മൃഗസംരക്ഷണ വിഭാഗത്തിലെ ഉദ്യോഗസ്ഥരെത്തി നീർനായയെ കടലിലേക്ക് തിരിച്ചയയ്ക്കാൻ ശ്രമിച്ചെങ്കിലും നാലുദിവസമായി നീർനായ നിന്ന നിൽപ്പ് തുടരുകയായിരുന്നു.ഒടുവിൽ മറ്റുമാർഗങ്ങളൊന്നുമില്ലെന്ന് മനസിലാക്കിയ ഉദ്യോഗസ്ഥർ മയക്കുവെടിവച്ച് വീഴ്ത്തിയ ശേഷം നീർനായയെ എടുത്ത് കടൽക്കരയിൽക്കൊണ്ടുപോയി കിടത്തി. മയക്കത്തിൽനിന്ന് ഉണർന്ന നീർനായ ഭാഗ്യത്തിന് നേരെ കടലിലേക്കു പോവുകയായിരുന്നു. കടലിൽ മാലിന്യങ്ങൾ കുന്നുകൂടുന്നതിൽ പ്രതിഷേധിച്ചായിരിക്കാം നീർനായയുടെ നിൽപ്പുസമരമെന്ന് പ്രദേശവാസികൾ പറഞ്ഞു.
Read Moreമന്ദാകിനി നദിക്കരയിൽ വൻ തടാകം രൂപംകൊള്ളുന്നു; ഭീഷണിയെന്നു മുന്നറിയിപ്പ്
ഉത്തരാഖണ്ഡിലെ നിധി താഴ് വരയിൽ മന്ദാകിനി നദിയുടെ വൃഷ്ടിപ്രദേശത്ത് വൻ തടാകം രൂപംകൊള്ളുന്നു. ഉപഗ്രഹചിത്രങ്ങളാണ് ഇതു സംബന്ധിച്ചു സൂചന നൽകുന്നത്. തടാകത്തിന്റെ വിസ്തൃതി കൂടി വരികയാണെന്നും വെള്ളം ഒഴുകിപ്പോയില്ലെങ്കിൽ അത് ദൂരവ്യാപകമായ പ്രത്യാഘാതങ്ങൾ സൃഷ്ടിക്കുമെന്നും മുന്നറിയിപ്പുണ്ട്. ധോളി ഗംഗ, മന്ദാകിനി നദികളുടെ വൃഷ്ടിപ്രദേശത്ത് വെസ്റ്റേണ് കാമെറ്റ്, റെയ്കാന്ദ ഹിമാനികൾക്ക് നടുവിലാണ് തടാകം രൂപംകൊള്ളുന്നതെന്ന് ഉത്തരാഖണ്ഡ് സ്പേസ് ആപ്ലിക്കേഷൻ സെന്റർ(യുഎസ്എസി) ഡയറക്ടർ ഡോ.എം.പി.എസ്.ബിഷ്ത് വ്യക്തമാക്കി. ഇതു സംബന്ധിച്ച റിപ്പോർട്ട് യുഎസ്എസി സർക്കാരിനു കൈമാറി. ഹിമാലയൻ ഭൂമിശാസ്ത്രം സംബന്ധിച്ചു പഠിക്കുന്ന വാഡിയ ഇൻസ്റ്റിറ്റ്യൂട്ട് തടാകരൂപീകരണം സംബന്ധിച്ചു കൂടുതൽ പരിശോധന നടത്തണമെന്നും യുഎസ്എസി സർക്കാരിനോടു നിർദേശിച്ചു. 2001 മുതൽ നിലനിൽക്കുന്ന തടാകം വർഷങ്ങളായി ചുരുങ്ങിയിട്ടില്ല. ഇത്തരം തടാകങ്ങൾ രൂപീകരിക്കുന്നത് സ്വാഭാവികമാണെങ്കിലും വെള്ളം വൻതോതിൽ കെട്ടിനിൽക്കുന്നത് അപകടകരമാണെന്ന് വാഡിയ ഇൻസ്റ്റിറ്റ്യൂട്ട് പ്രതിനിധി അറിയിച്ചു.
Read More