വിദ്യാർഥികൾ ഭക്ഷണം കഴിക്കുവാൻ കൂടുതൽ സമയം ചിലവഴിക്കുന്നത് ഒഴിവാക്കുവാൻ സ്കൂൾ അധികൃതർ ഭക്ഷണമുറിയിലെ കസേരകൾ എടുത്തുമാറ്റി. ചൈനയിലെ ഹെനാൻ പ്രവശ്യയിലെ ഒരു സ്കൂൾ അധികൃതരാണ് ഇപ്പോൾ വിമർശനശരങ്ങൾ ഏറ്റുവാങ്ങുന്നത്. വേനലവധിക്കു ശേഷം സ്കൂളിൽ തിരികെയെത്തിയ വിദ്യാർഥികളോടാണ് സ്കൂൾ അധികൃതരുടെ ഈ ക്രൂരത. ഭക്ഷണ സമയത്തും അതിനു ശേഷവും വിദ്യാർഥികൾ ഇവിടെ ഇരുന്ന് സംസാരിച്ചു സമയം കളയുന്നത് ഒഴിവാക്കാനായാണ് കസേരകൾ മാറ്റിയതെന്നാണ് സ്കൂൾ അധികൃതരുടെ വിശദീകരണം. ഭക്ഷണം കഴിക്കുവാൻ വെറും പത്തു മിനിട്ടിന്റെ ആവശ്യമേ ഉള്ളുവെന്നാണ് സ്കൂൾ അധികൃതരുടെ വാദം. ചൈനയിലെ മുൻപന്തിയിൽ നിൽക്കുന്ന പല സ്കൂളുകളിലും ഇത്തരം പട്ടാളച്ചിട്ടകളാണ് നിലനിൽക്കുന്നത്. ഇവിടെ പുലർച്ചെ അഞ്ചരയ്ക്ക് ക്ലാസുകളും ആരംഭിക്കും. ഭക്ഷണമുറിയിലെ കസേരകൾ നീക്കം ചെയ്ത സംഭവം വൈറലായതിനെ തുടർന്ന് സ്കൂൾ അധികൃതരെ വിമർശിച്ച് നിരവധിയാളുകളാണ് രംഗത്തെത്തിയിരിക്കുന്നത്. ഇത്തരം പ്രവൃത്തികൾ കൂട്ടികളിൽ ഒരുവിധത്തിലും സ്വാധീനം ചെലുത്തില്ലന്നാണ് ഭൂരിഭാഗമാളുകളും അഭിപ്രായപ്പെടുന്നത്.
Read MoreCategory: NRI
പ്രായം തളർത്താത്ത വീര്യം; 95-ാം വയസിൽ സ്കൂബ ഡൈവ് റിക്കാർഡ് തിരുത്തി റേ വൂളി
ലണ്ടൻ: “പ്രായം തളർത്താത്ത പോരാട്ട വീര്യം’ എന്നത് ക്ലീഷെ ആണെങ്കിലും ഇവിടെയത് പറയാതിരിക്കാനാവില്ല. 95-ാം വയസിൽ സ്കൂബ ഡൈവ് ചെയ്താൽ അതിനെ ഇങ്ങനെയല്ലാതെ പിന്നെങ്ങനെയാണ് വിശേഷിപ്പിക്കുക?. അങ്ങനെ ഒരത്ഭുതം ഉണ്ടായത് ലണ്ടനിലാണ്. 95 കാരനായ റേ വൂളി എന്നയായാളാണ് സൈപ്രസ് തീരത്തെ മെഡിറ്ററേനിയൻ കടലിടുക്കിൽ സ്കൂബഡൈവ് നടത്തിയത്. കണക്കുകൾ പ്രകാരം ലോകത്തിലെ ഏറ്റവും പ്രായംചെന്ന സ്കൂബ ഡൈവറാണ് വൂളി. സ്വന്തം പേരിലുള്ള റിക്കാർഡ് തകർത്ത വൂളി 45 മിനിറ്റോളമാണ് വെള്ളത്തിനടിയിൽ ചെലവിട്ടത്. തനിക്ക് ഇപ്പോൾ കാര്യമായ ആരോഗ്യ പ്രശ്നങ്ങൾ ഒന്നും ഇല്ലെന്നും ആരോഗ്യസ്ഥിതി ഇങ്ങനെ തുടർന്നാൽ അടുത്ത വർഷം വീണ്ടും റിക്കാർഡ് തിരുത്തുന്ന പ്രകടനവുമായെത്തുമെന്നും പറഞ്ഞാണ് വൂളി മടങ്ങിയത്.
Read Moreപൂസായ വിമാനയാത്രക്കാരൻ സഹയാത്രികയുടെ സീറ്റിൽ മൂത്രമൊഴിച്ചു; അന്വേഷണത്തിനു നിർദേശം
ന്യൂഡൽഹി: ന്യുയോർക്കിൽനിന്നു ഡൽഹിയിലേക്കുള്ള എയർ ഇന്ത്യ വിമാനത്തിൽ മദ്യപിച്ചു ലക്കുകെട്ട യാത്രക്കാരൻ യാത്രക്കാരിയുടെ സീറ്റിൽ മൂത്രമൊഴിച്ചതായി പരാതി. രാത്രി ഭക്ഷണം കഴിഞ്ഞ ശേഷം ഇയാൾ സഹയാത്രികയുടെ സീറ്റിൽ മൂത്രമൊഴിച്ചുവെന്നാണു പരാതി. സംഭവത്തെക്കുറിച്ച് റിപ്പോർട്ട് നൽകാൻ എയർ ഇന്ത്യയോടു വ്യോമയാന മന്ത്രാലയം നിർദേശിച്ചു.യാത്രക്കാർക്കു നേരിട്ട ബുദ്ധിമുട്ടിൽ ഖേദിക്കുകയാണെന്നു കാട്ടി എയർ ഇന്ത്യ പത്രക്കുറിപ്പ് ഇറക്കുകയും ചെയ്തു. വ്യാഴാഴ്ച ഡൽഹിയിലേക്കു വന്ന എഎൽ 102 നന്പർ വിമാനത്തിലാണ് സംഭവം. വനിതാ യാത്രക്കാരിയുടെ മകളായ ഇന്ദ്രാണി ഘോഷ് എന്ന യുവതി അമ്മയ്ക്കുണ്ടായ ദുരനുഭവം ട്വിറ്ററിലൂടെ പരസ്യപ്പെടുത്തുകയായിരുന്നു. ഇതേത്തുടർന്നാണു കേന്ദ്ര വ്യോമയാന മന്ത്രാലയം അന്വേഷണത്തിന് ഉത്തരവിട്ടത്.
Read Moreപതിമൂന്നുകാരിയെ കാറിന് പിന്നിൽ കെട്ടിയിട്ട് പിതാവിന്റെ സാഹസികയാത്ര; ഒടുവില്…
പതിമൂന്നുകാരിയായ മകളെ കാറിനു പുറകിൽ കെട്ടിയിട്ട് കാറോടിച്ച പിതാവ് അറസ്റ്റിൽ. തുർക്കിയിലാണ് സംഭവം. പുറകെ വന്ന വാഹനത്തിലുണ്ടായിരുന്ന യാത്രികരിലൊരാൾ പകർത്തിയ ദൃശ്യങ്ങൾ സോഷ്യൽമീഡിയയിൽ വൈറലായതിനെ തുടർന്നാണ് പോലീസ് പിതാവിനെ അറസ്റ്റ് ചെയ്തത്. ഏകദേശം നാനൂറ് മീറ്റർ വാഹനം സഞ്ചരിച്ചതിനുശേഷമാണ് കുട്ടിയെ മോചിപ്പിക്കുവാൻ പിതാവ് തയാറായത്. എന്തു കാരണത്തത്താലാണ് അദ്ദേഹം കുട്ടിയെ കാറിനു പിന്നിൽ കെട്ടിയിട്ടന്നുള്ളത് അവ്യക്തമാണ്.
Read Moreഅതിബുദ്ധി ആപത്തായി; കാമുകിയെ പറ്റിക്കാൻ നോക്കിയയാൾക്ക് കിട്ടിയത് എട്ടിന്റെ പണി
പ്രണയിനിക്ക് കാമുകന്മാർ വിശേഷപ്പെട്ട പല സമ്മാനങ്ങളും നൽകാറുണ്ട്. എന്നാൽ അത്തരമൊരു സമ്മാനം നൽകുവാനൊരുങ്ങി എട്ടിന്റെ പണി ലഭിച്ചയാളുടെ കഥയാണ് ഏറെ ചർച്ച ചെയ്യപ്പെടുന്നത്. ചൈനയിലെ ചെങ്ക്ഡു സ്വദേശിയായ ഒരാൾക്കാണ് ഈ അമളി പറ്റിയത്. വിലകൂടിയ ഒരു പുതിയ കാർ വാങ്ങി നൽകാമെന്നാണ് ഇയാൾ കാമുകിക്ക് വാക്കു നൽകിയത്. എന്നാൽ അദ്ദേഹത്തിന്റെ കൈയ്യിൽ ഇതിനുള്ള പണം മുഴുവനും ഇല്ലായിരുന്നു. ഇതിനായി അദ്ദേഹം ഒരു മാർഗവും മനസിൽ കണ്ടിരുന്നു. കാമുകിക്ക് വാക്ക് നൽകിയ ദിവസം അദ്ദേഹം അവരെയും രണ്ട് സഹോദരൻമാരെയും കൂട്ടി കാർ ഷോറൂമിലെത്തി. ഇവിടെ എത്തിയപ്പോൾ അദ്ദേഹം കാമുകിയോട് പറഞ്ഞു. പണം പൂർണമായും എന്റെ കൈവശമില്ല. നിങ്ങൾ അൽപ്പ സമയം കാത്ത് ഇരിക്കു ഞാൻ പണവുമായി ഉടൻ എത്താമെന്ന്. ഉടൻ തന്നെ ഇവിടെ നിന്നും പോയ അദ്ദേഹം സമീപത്തുള്ള ഒരു കടയിൽ നിന്നും ഒരു കത്തി വാങ്ങി. അതിനുശേഷം…
Read Moreനെഞ്ചിനുള്ളിൽ കമ്പി കുത്തിയിറങ്ങിയയാൾ ശാന്തനായി മൊബൈൽ ഫോണ് ഉപയോഗിക്കുന്നു; അമ്പരപ്പിക്കുന്ന ദൃശ്യങ്ങൾ പുറത്ത്
വാഹനാപകടത്തെ തുടർന്ന് നെഞ്ചിനുള്ളിലേക്ക് കമ്പി തുളച്ചുകയറിയയാൾ ശാന്തനായി മൊബൈൽ ഫോണ് ഉപയോഗിക്കുന്നതിന്റെ അമ്പരപ്പിക്കുന്ന ദൃശ്യങ്ങൾ പുറത്ത്. ചൈനയിലെ ലിയാണോയിംഗ് പ്രവശ്യയിലെ ലിയോയാംഗിലാണ് സംഭവം നടന്നത്. അപകടത്തെ തുടർന്ന് പതിമൂന്ന് അടി നീളമുള്ള കമ്പി, കാറിന്റെ മുൻവശത്തെ ഗ്ലാസ് തകർത്ത് ഡ്രൈവർ സീറ്റിലിരുന്ന അദ്ദേഹത്തിന്റെ നെഞ്ചിലേക്ക് കുത്തികയറി മറുവശത്ത് എത്തുകയായിരുന്നു. കാറിനുള്ളിൽ നിന്നും പുറത്തിറങ്ങാനാകാതെ കുടുങ്ങിയ അദ്ദേഹം മനോധൈര്യം നഷ്ടപ്പെടാതെ മൊബൈൽ ഫോണ് ഉപയോഗിക്കുകയായിരുന്നു. അൽപ്പ സമയത്തിനുള്ളിൽ തന്നെ ഇവിടെ എത്തിയ രക്ഷാപ്രവർത്തകർ കട്ടർ ഉപയോഗിച്ച് കമ്പി മുറിച്ചു മാറ്റിയതിനു ശേഷമാണ് അദ്ദേഹത്തെ കാറിനുള്ളിൽ നിന്നും പുറത്തിറക്കിയത്. പിന്നീട് ആശുപത്രിയിൽ പ്രവേശിപ്പിക്കുകയും ചെയ്തു.
Read Moreകാഷ്മീരിൽ നിന്നുള്ള ആദ്യ മുസ്ലിം വനിതാ പൈലറ്റായി ഇറാം ഹബീബ്
ജമ്മു കാഷ്മീരിൽ നിന്നുള്ള ആദ്യ മുസ്ലിം വനിതാ പൈലറ്റായി ചരിത്രം സൃഷ്ടിച്ച് 33 വയസുകാരി ഇറാം ഹബീബ്. സെപ്റ്റംബർ മുതൽ ഇന്ഡിഗോയിൽ ഇറാം ഹബീബ് വിമാനങ്ങള് പറത്തും. കാഷ്മീരിൽ നിന്നുള്ള മൂന്നാമത്തെ വനിതാ പൈലറ്റാണ് ഇറാം ഹബീബ്. 2016-ൽ കാഷ്മീരി പണ്ഡിറ്റായ തൻവി റെയ്ന എയർ ഇന്ത്യയിൽ പൈലറ്റായി വിമാനം പറത്തിയിരുന്നു. കഴിഞ്ഞ വർഷം ഏപ്രിലിൽ കാഷ്മീർ സ്വദേശിയായ ആയിഷ അസീസ് രാജ്യത്തെ ഏറ്റവും പ്രായം കുറഞ്ഞ സ്റ്റുഡന്റ് പൈലറ്റായി ചരിത്രം സൃഷ്ടിച്ചിരുന്നു. ഇവർക്ക് ശേഷമാണ് കാഷ്മീരിലെ മുസ്ലിം വിഭാഗത്തിൽ നിന്നുള്ള ഇറാം ഹബീബും വിമാനം പറത്താനൊരുങ്ങുന്നത്. പൈലറ്റാകാനെത്തിയ തനൊരു കാഷ്മീരി മുസ്ലിമാണെന്ന് അറിഞ്ഞപ്പോൾ എല്ലാവരും ആശ്ചര്യപ്പെട്ടിരുന്നു. പക്ഷേ തന്റെ ലക്ഷ്യത്തെ കൈവരിക്കാനുള്ള ആഗ്രഹവുമായി മുന്നോട്ടു പോയെന്നും ഇറാം ഹബീബ് പറഞ്ഞു. 2016ൽ യുഎസിൽ നിന്ന് പരിശീലനം പൂർത്തിയാക്കിയ ഇറാം ഡൽഹിയിൽ വാണിജ്യ പൈലറ്റ് ലൈസന്സിനുള്ള ക്ലാസുകൾ…
Read Moreദുബായ് ഭരണാധികാരിയുടെ മകൾ വിവാഹത്തിനൊരുങ്ങുന്നു
യുഎഇ പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തുമിന്റെ മകൾ ഷെയ്ഖ മറിയം വിവാഹിതയാകുന്നു. ഷെയ്ഖ് ഖാലിദ് ബിൻ മുഹമ്മദ് ബിൻ ഹംദാൻ ആൽ നഹ്യാനാണ് വരൻ. ഓഗസ്റ്റ് ഇരുപത്തിനാലിനായിരുന്നു ഇരുവരുടെയും വിവാഹ നിശ്ചയം നടന്നത്. വിവാഹവാർത്ത പുറത്തായതോടെ വരനും വധുവിനും ആശംസകളർപ്പിച്ച് പ്രമുഖരടക്കം നിരവധിയാളുകളാണ് രംഗത്തെത്തിയിരിക്കുന്നത്. വിവാഹം എവിടെ വച്ചാകും നടക്കുകയെന്നത് അവ്യക്തമാണ്.
Read Moreആട് ഒരു ഭീകരജീവിയല്ല! ആടുകൾക്ക് ഇഷ്ടം ചിരിക്കുന്ന മുഖങ്ങൾ
ഒന്നുമറിയാത്ത മിണ്ടാപ്രാണി എന്നമട്ടിലുള്ള വിശേഷണങ്ങൾ ആടുകൾക്കു നല്കുന്നത് ഇനി സൂക്ഷിച്ചു വേണം. കാരണം, ആടുകൾ ഒന്നുമറിയാത്തവരല്ല. മനുഷ്യരുടെ മുഖഭാവങ്ങൾ മനസിലാക്കാനും അതിനോട് പ്രതികരിക്കാനുമുള്ള കഴിവ് ആടുകൾക്കുണ്ടെന്നു കണ്ടെത്തിയിരിക്കുകയാണ് ശാസ്ത്രജ്ഞർ. ലണ്ടനിലെ ക്യൂൻ മേരി സർവകലാശാലയുടെ ആഭിമുഖ്യത്തിൽ നടന്ന പഠനത്തിലാണ് ആടുകൾക്ക് മനുഷ്യരുടെ വികാരപ്രകടനങ്ങൾ തിരിച്ചറിയാൻ കഴിയുമെന്നു വെളിവായത്. മുഖത്ത് ദേഷ്യം പ്രകടിപ്പിക്കുന്നവരോട് ഇടപഴകാൻ ആടുകൾക്കു മടിയാണെന്നും ചിരിക്കുന്ന മുഖങ്ങളാണ് അവ ഇഷ്ടപ്പെടുന്നതെന്നും പഠനത്തിനു നേതൃത്വം കൊടുത്ത അലൻ മക് ഇലിഗൊട്ട് പറഞ്ഞു. വിവിധ രാജ്യങ്ങളിൽനിന്നുള്ള 20 ആടുകളെയാണ് പഠനത്തിനായി ശാസ്ത്രജ്ഞർ ഉപയോഗിച്ചത്. ഒരേ വ്യക്തിയുടെ ദേഷ്യമുള്ള മുഖത്തിന്റെയും ചിരിക്കുന്ന മുഖത്തിന്റെയും ചിത്രങ്ങൾ ആടുകളുടെ മുന്നിൽ പ്രദർശിപ്പിച്ചായിരുന്നു ആദ്യഘട്ട പഠനം. ആടുകളെല്ലാംതന്നെ ദേഷ്യംനിറഞ്ഞ മുഖചിത്രത്തിൽനിന്ന് അകലം പാലിക്കുന്നതായും ചിരിക്കുന്ന മുഖചിത്രത്തിനടുത്തെത്തി സന്തോഷപൂർവം പെരുമാറുന്നതായും ഈ പഠനത്തിലൂടെ കണ്ടെത്തി. അപരിചിതരായ ആളുകളെ ആടുകൾക്കിടയിലേക്കയച്ചു നടത്തിയ പരീക്ഷണങ്ങളിലും അവയ്ക്ക് സന്തോഷവാന്മാരോടാണ് താത്പര്യമെന്നു…
Read Moreഅസാധാരണമായ കഴിവ്! കാൽപാദങ്ങൾ 180 ഡിഗ്രി തിരിച്ച് ലോകത്തെ ഞെട്ടിക്കുന്നയാൾ
കാൽ പാദങ്ങൾ 180 ഡിഗ്രി പിന്നിലേക്കു തിരിച്ച് വാർത്തകളിൽ ഇടം നേടുകയാണ് മിഷിഗണ് സ്വദേശിയായ മോസെസ് ലാൻഹം. അസാധാരണമായ കഴിവുള്ള ഈ അമ്പത്തിയേഴുകാരനെ സുഹൃത്തുക്കൾ വിശേഷിപ്പിക്കുന്നത് മിസ്റ്റർ പ്ലാസ്റ്റിക്ക് എന്നാണ്. പതിനാല് വയസുള്ളപ്പോൾ ജിമ്മിൽ വച്ച് ഒരു കയറിൽ പിടിച്ചു കയറുകയായിരുന്ന മോസെസ്, പിടുത്തം നഷ്ടമായി തറയിൽ വീണു. ഈ വീഴ്ച്ച മുതലാണ് അദ്ദേഹത്തിന് ഈ അസാധാരണമായ കഴിവ് ലഭിച്ചത്. സാധാരണ അവസ്ഥയിൽ മുമ്പോട്ട് ഇരിക്കുന്ന കാൽപാദം അതേ പോലെ പിന്നിലേക്ക് അദ്ദേഹം തിരിക്കുമ്പോൾ കാണുന്നവരിൽ ഞെട്ടലുണ്ടാക്കുമെന്ന് ഉറപ്പാണ്. ഇപ്രകാരം ചെയ്യുമ്പോൾ യാതൊരു വിധത്തിലുമുള്ള വേദനയും എനിക്ക് അനുഭവപ്പെടാറില്ലെന്നാണ് മോസെസ് പറയുന്നത്. കാൽപ്പാദങ്ങൾ തിരിച്ച് എല്ലാവരെയും ഞെട്ടിക്കുന്നതാണ് മോസെസിന്റെ വിനോദം. രണ്ട് ലോക റിക്കാർഡുകളാണ് മോസെസ് സ്വന്തമാക്കിയിരിക്കുന്നത്. എന്നാൽ നിലവിൽ പിന്നിലേക്ക് ഏറ്റവും അധികം വേഗത്തിൽ നടക്കുന്നയാൾ എന്ന റിക്കാർഡ് മാത്രമേ മോസെസിന് സ്വന്തമായുള്ളു.
Read More