സൗദി അറേബ്യയിൽ സഹപ്രവർത്തകയ്ക്കൊപ്പം ഭക്ഷണം കഴിക്കുന്നതിന്റെ വീഡിയോ സാമൂഹ്യമധ്യമങ്ങളിൽ പങ്കുവച്ച ഈജിപ്ത് വംശജനായ യുവാവിനെ അറസ്റ്റു ചെയ്തു. ഇവിടെ ഒരു ഹോട്ടലിലെ ജീവനക്കാരാണ് ഇരുവരും. ഇവർ തങ്ങൾ ചിരിച്ചുല്ലസിച്ച് പ്രഭാത ഭക്ഷണം കഴിക്കുന്നതിന്റെ ദൃശ്യങ്ങൾ പകർത്തി സോഷ്യൽമീഡിയയിൽ പങ്കുവെച്ചിരുന്നു. പർദ്ദയായിരുന്നു യുവതിയുടെ വേഷം. എന്നാൽ ഈ വീഡിയോ വൈറലായതിനെ തുടർന്ന് അധികൃതർ ഈ യുവാവിനെ അറസ്റ്റ് ചെയ്യുകയായിരുന്നു. സൗദിയിൽ, ജോലി സ്ഥലങ്ങളിലും ഭക്ഷണം കഴിക്കുന്ന സ്ഥലങ്ങളിലും സ്ത്രീകൾക്കും പുരുഷന്മാർക്കുമായി പ്രത്യേകം സ്ഥലങ്ങളാണുള്ളത്. ഇത് കർശനമായ നിയമവുമാണ്. ഇത് ലംഘിച്ചെന്ന കുറ്റമാണ് യുവാവിനെതിരെ ചുമത്തിയിരിക്കുന്നത്. ഈ നിയമലംഘനത്തിൽ യുവാവ് ചെയ്ത കുറ്റത്തിന് തുല്യപങ്കാളിത്തം യുവതിക്കുമുണ്ടെന്നും അതുകൊണ്ട് യുവതിക്കുമെതിരെ കേസ് സ്വീകരിക്കണമെന്നും ആളുകൾ അഭിപ്രായപ്പെടുന്നുണ്ട്.
Read MoreCategory: NRI
ഇരുപത് പാമ്പുകളുമായി വിമാനയാത്ര; ഒടുവിൽ പിടിവീണു
ജർമനിയിൽ നിന്നും റഷ്യയിലേക്ക് വിമാനത്തിൽ യാത്ര ചെയ്തയാളുടെ ബാഗിൽ നിന്നും കണ്ടെടുത്തത് ജീവനുള്ള ഇരുപത് പാമ്പുകളെ. കൈവശമുണ്ടായിരുന്ന ബാഗിലാണ് അദ്ദേഹം ഈ പാമ്പുകളെ സൂക്ഷിച്ചിരുന്നത്. ജർമനിയിലെ ഡുസൽഡോർഫ് വിമാനത്താവളത്തിൽ നിന്നുമാണ് അദ്ദേഹം പാമ്പുകളുമായി യാത്ര ആരംഭിച്ചത്. ഇവിടെ നിന്നും കുഴപ്പമൊന്നുമില്ലാതെ യാത്ര തുടർന്നെങ്കിലും മോസ്കോയിലെ വിമാനത്താവളത്തിലെത്തിയപ്പോൾ അദ്ദേഹത്തിനു മേൽ പിടിവീഴുകയായിരുന്നു. ജർമനിയിലുള്ള ഒരു കടയിൽ നിന്നുമാണ് പാമ്പുകളെ വാങ്ങിയതെന്ന് ചോദ്യം ചെയ്യലിൽ അദ്ദേഹം സമ്മതിച്ചു. പാമ്പുകളെ കൈവശം വയ്ക്കുവാനുള്ള അനുമതി അദ്ദേഹത്തിനുണ്ടായിരുന്നുവെങ്കിലും മറ്റൊരു രാജ്യത്തേക്കു ഇവയെ കൊണ്ടുപോകുവാനുള്ള അനുമതി ഇല്ലായിരുന്നുവെന്നാണ് കരുതുന്നത്.
Read Moreഅവിശ്വസനീയം ഈ രക്ഷപ്പെടൽ; മരണത്തിൽ നിന്നും തലനാരിഴയ്ക്ക് രക്ഷപെട്ട് പത്തു വയസുകാരൻ
“”ഞാൻ ഇപ്പോഴും ജീവനോടെയുണ്ടല്ലേ…” അമേരിക്കയിലെ കാൻസസിലുള്ള സേവ്യർ കണ്ണിംഗാം എന്ന പത്തു വയസുകാരൻ തന്റെ ദേഹത്ത് പലകുറി സ്പർശിച്ചും നുള്ളിനോക്കിയുമൊക്കെയാണ് തനിക്ക് ജീവനുണ്ടെന്നുറപ്പിക്കുന്നത്. സേവ്യർ നേരിട്ട അപകടത്തിന്റെ ആഴമറിഞ്ഞാൽ ആർക്കായാലും അതേ സംശയംതോന്നിപ്പോകും… അത്രമാത്രം അവിശ്വസനീയമായ രക്ഷപ്പെടലിലൂടെയാണ് സേവ്യറിന് ജീവൻ തിരിച്ചുകിട്ടിയിരിക്കുന്നത്. കഴിഞ്ഞ ശനിയാഴ്ച നടന്ന ആ സംഭവം ഇങ്ങനെ കൂട്ടുകാരോടൊത്തു കളിക്കുന്നതിനിടെയാണ് ഏറുമാടത്തിലേക്കുള്ള ഗോവണിയിൽനിന്നു സേവ്യർ താഴേക്കു വീഴുന്നത്. അറ്റം കൂർത്ത കന്പിയിലേക്കായിരുന്നു ആ വീഴ്ച. സേവ്യറിന്റെ കവിളിലൂടെ കയറിയ കന്പി തലയോട് തകർത്ത് ആഴത്തിൽ തറഞ്ഞു. എങ്കിലും സേവ്യറിന് എഴുന്നേൽക്കാനായി. മുഖത്ത് തറഞ്ഞ കന്പിയുമായി അവൻ വീട്ടിലേക്കോടി. അമ്മ ഗബ്രിയേൽ മില്ലർ, ഒരു നിമിഷംപോലും പാഴാക്കാതെ സേവ്യറുമായി ആശുപത്രിയിലേക്ക് കുതിച്ചു. എന്നാൽ, മികച്ച സർജന്മാരില്ലാത്തതിനാൽ അദ്യമെത്തിയ രണ്ട് ആശുപത്രികളിലും സേവ്യറിനു ചികിത്സ ലഭിച്ചില്ല. ഒടുവിൽ കാൻസസിലെ യൂണിവേഴ്സിറ്റി ആശുപത്രിയാണ് അവർക്ക് അഭയമായത്. തുടർന്ന് എക്സ്…
Read Moreപ്രസിഡന്റിന് ഇഷ്ടപ്പെട്ടില്ല; ഇനി വിമാനത്തിൽ കശുവണ്ടി നല്കില്ലെന്ന് വിമാനക്കമ്പനി
ഇനിമുതൽ തങ്ങളുടെ വിമാനങ്ങളിൽ കശുവണ്ടി നല്കില്ലെന്നു ശ്രീലങ്കൻ എയർലൈൻസ് പ്രഖ്യാപിച്ചു. ബിസിനസ് ക്ലാസിൽ വിതരണം ചെയ്യുന്ന കശുവണ്ടി നായ്ക്കൾ പോലും കഴിക്കില്ലെന്ന് ശ്രീലങ്കൻ പ്രസിഡന്റ് മൈത്രിപാല സിരിസേന പറഞ്ഞതാണ് വിമാനക്കന്പനിയെ ഇത്തരത്തിലൊരു നടപടിയെടുക്കാൻ പ്രേരിപ്പിച്ചത്. കാഠ്മണ്ഡുവിൽനിന്ന് കൊളംബോയിലേക്കുള്ള യാത്രാമധ്യേയാണ് സിരിസേനയ്ക്ക് കശുവണ്ടി കഴിക്കാൻ ലഭിച്ചത്. എന്നാൽ, നിലവാരമില്ലാത്തവയും ഭക്ഷണയോഗ്യമല്ലാത്തവയുമായിരുന്നു അതെന്ന് അദ്ദേഹം ആരോപിച്ചു. നിലവാരമില്ലാത്ത കശുവണ്ടി വാങ്ങിയത് ആരാണെന്ന് തനിക്കറിയണമെന്നും അദ്ദേഹം കർഷകരുടെ യോഗത്തിൽ പറഞ്ഞു. നിലവിൽ ശ്രീലങ്കൻ എയർലൈൻസ് ബിസിനസ് ക്ലാസുകളിൽ മാത്രമായിരുന്നു കശുവണ്ടി നല്കിയിരുന്നത്. ദുബായ് ആസ്ഥാനമായുള്ള കന്പനിയാണ് ഇത് വിതരണം ചെയ്തിരുന്നത്.
Read Moreസൂക്ഷിച്ചാൽ ദുഃഖിക്കേണ്ട..! തടി കൂടിയാൽ ബുദ്ധികുറയുമെന്ന്…
ശരീരഭാരം ക്രമാതീതമായി വർധിക്കുന്നത് ബുദ്ധിനിലവാരത്തെ ബാധിക്കുമെന്ന്. യുഎസിലെ പ്രിൻസ്റ്റൺ യൂണിവേഴ്സിറ്റി ഗവേഷകൻ എലികളിൽ നടത്തിയ പഠനത്തിലാണ് ഈ നിഗമനത്തിലെത്തിയത്. കുറച്ച് എലികൾക്ക് 12 ആഴ്ച കൊഴുപ്പുകൂടിയ ഭക്ഷണം നല്കിയാണ് പഠനം നടത്തിയത്. ഈ സമയംകൊണ്ട് എലികളുടെ ഭാരം 40 ശതമാനം വർധിച്ചു. ഇവയുടെ ബുദ്ധിയിലും കുറവുണ്ടായി. കെണിയിൽനിന്നു രക്ഷപ്പെടുന്നതിനും വസ്തുക്കളുടെ സ്ഥാനം ഓർമിക്കുന്നതിനുമുള്ള കഴിവ് എലികൾക്ക് കുറഞ്ഞു. ശരീരഭാരം വർധിച്ചപ്പോൾ തലച്ചോറിലെ ഓർമ, പഠനശേഷി എന്നിവയുമായി ബന്ധപ്പെട്ട നാഡീകോശങ്ങൾക്കുണ്ടായ തകരാറാണ് ബുദ്ധിക്കുറവിനു കാരണമെന്നും ഗവേഷകർ കണ്ടെത്തി. പഠനഫലം ജേർണൽ ഓഫ് ന്യൂറോസയൻസിൽ പ്രസിദ്ധീക രിച്ചിട്ടുണ്ട്. അതേസമയം എലികളിലേതിനു സമാനമായ മാറ്റം മനുഷ്യരിൽ ഉണ്ടാകുമോയെന്ന കാര്യത്തിൽ വ്യക്തതയില്ല. ഇതിന് കൂടുതൽ പഠനങ്ങൾ നടത്തണം.
Read Moreഅഭ്യാസം കഴിഞ്ഞില്ലേ, വാ… ഇനി ജയിലിൽ കിടക്കാം
റഷ്യൻ സ്പൈഡർമാൻ എന്നറിയപ്പെടുന്ന പാവൽ ഗോഗുലാൻ സാഹസികവിനോദപ്രവർത്തനങ്ങളിലൂടെയാണ് ലോകശ്രദ്ധ നേടിയത്. കെട്ടിടങ്ങളുടെ മുകളിൽ യാതൊരു സുരക്ഷാസംവിധാനങ്ങളുമില്ലാതെ വലിഞ്ഞുകയറുകയാണ് കക്ഷിയുടെ ഇഷ്ടവിനോദം. കഴിഞ്ഞ ദിവസം ലാറ്റിനമേരിക്കൻ രാജ്യമായ കൊളംബിയയിലെ മെഡലിനിലുള്ള 12 നില കെട്ടിടത്തിൽ കക്ഷി ഒന്നു കയറി. സുരക്ഷാമാർഗങ്ങൾ സ്വീകരിക്കാതെയായിരുന്നു ഈ പ്രകടനം. കേവലം പത്തു മിനിറ്റുകൊണ്ട് കെട്ടിടത്തിനു മുകളിൽ എത്തിയപ്പോൾ പാവലിനെ കാത്ത് പോലീസുണ്ടായിരുന്നു. സുരക്ഷാ സംവിധാനങ്ങൾ ഇല്ലാതെ അപകടകരമാംവിധത്തിൽ കെട്ടിടത്തിൽ കയറിയതിന് പാവൽ അറസ്റ്റിലായി. ലാറ്റിനമേരിക്കയിൽ കയറാൻ പറ്റിയ ഒരു കെട്ടിടം കണ്ടെത്തുന്നതിനായി 36 മാസമാണ് പാവൽ തെരഞ്ഞുനടന്നത്.
Read Moreവാൾനി എക്സ്റ്റൻഷൻ: കടലിലുള്ള ലോകത്തിലെ ഏറ്റവും വലിയ കാറ്റാടിപ്പാടം
വീശിയടിക്കുന്ന കടൽക്കാറ്റിൽ ചുറ്റിത്തിരിയുന്ന 102 കാറ്റാടിയന്ത്രങ്ങൾക്കൊപ്പം 87 എണ്ണംകൂടി ചേർത്തപ്പോൾ വാൾനി എക്സ്റ്റൻഷൻ ലോകത്തിൽ കടലിലുള്ള കാറ്റാടിപ്പാടങ്ങളിൽ വലുപ്പത്തിൽ ഒന്നാമതെത്തി. ഐറിഷ് കടലിൽ 145 ചതുരശ്ര കിലോമീറ്റർ വിസ്തീർണത്തിൽ വ്യാപിച്ചുകിടക്കുന്ന കാറ്റാടിപ്പാടമാണിത്. കാറ്റാടിയന്ത്രങ്ങൾ തമ്മിലുള്ള അകലം 190 മീറ്റർ. 659 മെഗാവാട്ടിന്റെ ഈ പദ്ധതിക്ക് ആറു ലക്ഷം വീടുകളിൽ വൈദ്യുതിയെത്തിക്കാൻ കഴിയും. ലണ്ടനിലെ തേംസ് എസ്റ്ററിയെ മറികടന്നാണ് വാൾനി എക്സ്റ്റൻഷൻ ഒന്നാം സ്ഥാനത്തെത്തിയത്. ഗ്രീൻ എനർജിക്ക് പ്രാധാന്യം നല്കുന്ന സ്ഥാപനമായ ഒസ്റ്റഡാണ് വാൾനി എക്സ്റ്റൻഷന്റെ ഉടമ.
Read Moreചൈനയിലുണ്ട്, ഒരു ടൈം മെഷീൻ
ഭൂതകാലത്തേക്കോ ഭാവികാലത്തേക്കോ സഞ്ചരിക്കാനുള്ള അവസരം ലഭിച്ചാൽ ആരും വേണ്ടെന്നു വയ്ക്കാനിടയില്ല. അത്തരം സാഹചര്യങ്ങളൊരുക്കുന്ന ടൈം മെഷീൻ പോലുള്ള സംവിധാനങ്ങൾ കഥകളിലും സിനിമകളിലും പ്രമേയമായിട്ടുമുണ്ട്. ചൈനയിലെ ഷാങ്ഹായിൽ അടുത്തിടെ പ്രവർത്തനമാരംഭിച്ച റസ്റ്ററന്റ് ഒരു ടൈം മെഷീന്റെ അനുഭവം നല്കും. റസ്റ്ററന്റിലെ സത്കാര മുറികൾ പ്രത്യേക എൽഇഡി ലൈറ്റുകളോടുകൂടിയാണ് സജ്ജീകരിച്ചിരിക്കുന്നത്. ഒരു ഡിജിറ്റൽ മുറിയുടെ അനുഭവം നല്കുംവിധത്തിലാണ് റസ്റ്ററന്റിന്റെ ഗ്ലാസ് ഭിത്തികൾ പ്രകാശിക്കുന്നത്.
Read Moreസ്ത്രീകൾക്ക് വിമാനം പറത്താം; 24 മണിക്കൂറിനുള്ളിൽ 1000 അപേക്ഷകർ
സൗദി വനിതകൾക്ക് വിമാനം പറത്താനും അവസരം. സൗദിയിലെ റിയാദ് ആസ്ഥാനമാക്കി പ്രവർത്തിക്കുന്ന ഫ്ലൈനസ് എന്ന വിമാനക്കന്പനിയാണ് കോ-പൈലറ്റുമാരുടെയും ഫ്ലൈറ്റ് അറ്റൻഡർമാരുടെയും ഒഴിവിലേക്ക് സൗദി വനികളെ ക്ഷണിച്ചിരിക്കുന്നത്. തങ്ങൾ പരസ്യം നല്കി 24 മണിക്കൂറിനുള്ളിൽത്തന്നെ 1000 സൗദി വനിതകൾ സഹപൈലറ്റ് ആകാൻ താത്പര്യം പ്രകടിപ്പിച്ച് അപേക്ഷ അയച്ചതായി ഫ്ലൈനസ് വക്താവ് അറിയിച്ചു. സൗദിയിലെ വ്യോമയാന മേഖലയിൽ ജോലി ചെയ്യാൻ സൗദി വനിതകൾക്ക് നിയമപ്രകാരം വിലക്കൊന്നുമില്ലെങ്കിലും രാജ്യത്തെ വിമാനക്കന്പനികളിൽ ഒന്നിൽപ്പോലും ഇവർ ജോലിചെയ്യുന്നില്ല.
Read Moreഇതൊരു ഒന്നൊന്നര ജോലിയാണേ… താത്പര്യമുണ്ടെങ്കിൽ വരാം
ടിവി കാണാൻ മിക്ക ആളുകൾക്കും ഇഷ്ടമാണ്. വെറുതേ ടിവിയും കണ്ടുകൊണ്ടിരിക്കുന്നവരോട് മറ്റു ജോലിയൊന്നുമില്ലേയെന്ന് ആളുകൾ ചോദിക്കാറുമുണ്ട്. എന്നാൽ ടിവി കാണുന്നതുതന്നെ ഒരു ജോലിയാക്കാനുള്ള അവസരമൊരുക്കുകയാണ് HowToWatch.com എന്ന വെബ്സൈറ്റ്. ഒരു മാസം 100 മണിക്കൂർ ജോലി ചെയ്താൽ ഇവർ 2000 ഡോളർ ശന്പളമായി നൽകും. ഏഴു പ്രധാന ടിവി സ്ട്രീമിംഗ് പ്ലാറ്റ്ഫോമുകളിലെ പരിപാടികളാണ് ജോലി ലഭിക്കേണ്ടയാൾ കാണേണ്ടത്. മുൻകൂട്ടി നിർദേശിക്കപ്പെട്ട പരിപാടികൾ കണ്ട് അവയെ വിലയിരുത്താനും ഇയാൾക്കാകണം. സമൂഹമാധ്യമങ്ങൾ ഉപയോഗിക്കുന്നവരെയും ചാനലുകളിലെ പ്രോഗ്രാമുകൾ കൃത്യമായി വിലയിരുത്താൻ കഴിയുന്നവരെയുമാണ് വെബ്സൈറ്റ് ജോലിക്കായി പരിഗണിക്കുക. ടിവി കാണൽ ജോലി നേടാൻ താത്പര്യമുള്ളവർക്ക് ഒക്ടോബർ നാലുവരെ വെബ്സൈറ്റിൽ അപേക്ഷ നൽകാൻ അവസരമുണ്ട്.
Read More