യാങ്കോണ്: മ്യാൻമാർ തീരക്കടലിനു സമീപം നാവികരില്ലാതെ അലഞ്ഞു തിരിഞ്ഞു നടന്നിരുന്ന ഭീമൻ കപ്പൽ കണ്ടെത്തി. സാം രത്ലുങ്കി പിബി 1600 എന്ന കപ്പലാണ് കണ്ടെത്തിയിരിക്കുന്നതെന്നും യാങ്കോണ് പോലീസ് അറിയിച്ചു. യാങ്കോണ് മേഖലയിലെ തുംഗ്വ ടൗണ്ഷിപ്പ് തീരത്തിനു സമീപമാണ് കപ്പൽ കണ്ടെത്തിയത്. മത്സ്യത്തൊഴിലാളികളാണ് കടലിലൂടെ ഇത്തരത്തിലൊരു കപ്പൽ അലഞ്ഞു തിരിഞ്ഞു നടക്കുന്നതായി പോലീസ് വിവരം നൽകിയത്. 2001ൽ നിർമിച്ചെന്നു കരുതപ്പെടുന്ന കപ്പലിന് 177 മീറ്റർ നീളമുണ്ട്. ഇന്തോനേഷ്യൻ കപ്പലാണോയെന്ന് സംശയിക്കുന്നതായി പോലീസ് വൃത്തങ്ങൾ അറിയിച്ചു. സംഭവത്തിൽ മ്യാൻമർ നാവികസേനയും അന്വേഷണം ആരംഭിച്ചു.
Read MoreCategory: NRI
രണ്ടുവര്ഷത്തെ പ്രവൃത്തിപരിചയം! യുഎഇയില് ബിഎസ്സി നഴ്സുമാര്ക്ക് അവസരം
യുഎഇയിലെ അജ്മാനിൽ തുംബെ എന്ന സ്വകാര്യ ആശുപത്രിയിലേക്ക് നഴ്സുമാരെ തെരഞ്ഞെടുക്കുന്നതിന് നോർക്ക റൂട്ട്സ് അപേക്ഷ ക്ഷണിച്ചു, ബിഎസ്സി നഴ്സിംഗ് യോഗ്യതയും രണ്ടുവർഷത്തെ പ്രവൃത്തിപരിചയവും ഉള്ള വനിതകൾക്ക് അപേക്ഷിക്കാം. കൊച്ചിയിൽ സെപ്റ്റംബർ 15നും ബംഗളൂരുവിൽ 16നും ന്യൂഡൽഹിയിൽ 17, 18 തിയതികളിലും ഇന്റർവ്യൂ നടക്കും. ആകെ ഒഴിവ് 50. പ്രായം 35ൽ താഴെ. അപേക്ഷ സ്വീകരിക്കുന്ന അവസാന തിയതി സെപ്റ്റംബർ അഞ്ച്. വിശദവിവരങ്ങൾക്ക് നോർക്ക റൂട്ട്സിന്റെ 24 മണിക്കൂർ കാൾ സെന്ററിൽ ബന്ധപ്പെടാം. ഫോണ്: 1800 425 3939, 04712 333339. വെബ്സൈറ്റ് www.norkarotos.nte
Read Moreപല ഗ്രാമങ്ങളും മുങ്ങി! മ്യാൻമറിൽ ഡാം തകർന്നു; അരലക്ഷം പേരെ ഒഴിപ്പിച്ചു
നേപിഡോ: സെൻട്രൽ മ്യാൻമറിൽ അണക്കെട്ടു തകർന്നുണ്ടായ വെള്ളപ്പാച്ചിലിൽ നിരവധി ഗ്രാമങ്ങൾ മുങ്ങുകയും കനത്ത നാശനഷ്ടം നേരിടുകയും ചെയ്തു.അന്പതിനായിരത്തോളം പേരെ സുരക്ഷിത മേഖലകളിലേക്ക് ഒഴിപ്പിച്ചുമാറ്റിയെന്ന് അധികൃതർ പറഞ്ഞു. ജീവാപായം ഉണ്ടായതായി റിപ്പോർട്ടില്ല.യാങ്കോൺ, മണ്ഡലയ്, നേ പിഡോ നഗരങ്ങളെ ബന്ധിപ്പിക്കുന്ന പ്രധാന ഹൈവേയിലും വെള്ളം കയറി. ബുധനാഴ്ച പുലർച്ചെയാണ് സ്വാർ ജലസേചന അണക്കെട്ടിന്റെ സ്പിൽവേ തകർന്ന് വെള്ളം കുത്തിയൊഴുകി സമീപത്തെ രണ്ടു ഗ്രാമങ്ങളെ മുക്കിയത്. സ്വാർ പട്ടണത്തിലും വെള്ളം കയറി. യാങ്കോൺ-മണ്ഡലയ് ഹൈവേയിലെ സ്വാർ പ്രദേശത്തെ പാലം അധികൃതർ അടച്ചു. മറ്റു നിരവധി ചെറു ഗ്രാമങ്ങളിലും പ്രളയമുണ്ടായി. 8100 ഹെക്ടറിലെ ജലസേചനം ലക്ഷ്യമാക്കി 2004ലാണ് ഈ ഡാം നിർമിച്ചത്. ഡാമിന്റെ സുരക്ഷയിൽ സമീപവാസികൾ ആശങ്ക പ്രകടിപ്പിച്ചിരുന്നു. ഇതെത്തുടർന്ന് അധികൃതർ പരിശോധന നടത്തി സുരക്ഷിതമാണെന്ന് ഉറപ്പുവരുത്തി ദിവസങ്ങൾക്കകമാണ് അപകടമുണ്ടായത്. തിങ്കളാഴ്ചയും ഇറിഗേഷൻ ഉദ്യോഗസ്ഥർ ഡാം സന്ദർശിച്ചിരുന്നുവെന്ന് അലിൻ പത്രം റിപ്പോർട്ടു ചെയ്തു.…
Read Moreഅപകടത്തിനു ശേഷം അഞ്ചു വയസുകാരിയുമായി ബൈക്ക് സഞ്ചരിച്ചത് 200 മീറ്റർ; ഞെട്ടിക്കുന്ന ദൃശ്യങ്ങൾ
അമിത വേഗത്തിലെത്തിയ ബൈക്ക് സ്കൂട്ടറിൽ ഇടിച്ചുണ്ടായ അപകടത്തിൽ നിന്നും അഞ്ചു വയസുകാരി അത്ഭുതകരമായി രക്ഷപെട്ടു. യുവാവും യുവതിയും അഞ്ചു വയസുകാരിയായ ഒരു കുട്ടിയുമാണ് ബൈക്കിൽ സഞ്ചരിച്ചത്. ഇടിയുടെ ആഘാതത്തിൽ യുവാവും യുവതിയും തെറിച്ചു വീണെങ്കിലും കുട്ടിയുമായി ഈ ബൈക്ക് അൽപ്പ ദൂരം സഞ്ചരിച്ചത് ഏവരെയും ഞെട്ടിച്ചു. ബംഗളൂരുവിലെ തുമകുരു റോഡിലാണ് അപകടം നടന്നത്. മറിഞ്ഞു വീഴാതിരുന്ന ബൈക്ക്, പെട്രോൾ ടാങ്കിനു മുകളിലിരുന്ന കുട്ടിയുമായി മുമ്പോട്ടു പോകുകയായിരുന്നു. ഏകദേശം 200 മീറ്റർ മുമ്പിലേക്കു പോയ ബൈക്ക് സമീപത്തെ പുൽത്തകിടിയിലേക്കു മറിയുകയും ചെയ്തു. പുൽത്തകിടിയിലേക്കു വീണതു കാരണം നിസാര പരിക്കുകളോടെ കുട്ടി രക്ഷപെട്ടു. എന്നാൽ വീണയുടനെ ബൈക്ക് ഓടിച്ചിരുന്നയാൾ ഈ യുവതിയെയും കുട്ടിയെയും ഉപേക്ഷിച്ച് കടന്നു കളഞ്ഞതായി ദൃസാക്ഷികൾ പറഞ്ഞു.
Read Moreന്യൂസിലാൻഡ് വനിതാ മന്ത്രി പ്രസവത്തിനായി ആശുപത്രിയിലെത്തിയത് സൈക്കിളിൽ; അമ്പരപ്പോടെ ലോകം
ന്യൂസിലാൻഡിലെ വനിതാ മന്ത്രി പ്രസവത്തിനായി ആശുപത്രിയിലെത്തിയ വാഹനം കണ്ട് അമ്പരക്കുകയാണ് ലോകം മുഴുവൻ. ആശുപത്രിയിലേക്ക് ഗർഭിണികളെ എത്തിക്കാൻ ആംബുലൻസും കാറും ഉപയോഗിക്കുമ്പോൾ ഇവർ സ്വയം സൈക്കിൾ ചവിട്ടിയാണ് എത്തിയത്. വനിതാ ക്ഷേമവും ഗതാഗത വകുപ്പ് സഹമന്ത്രിസ്ഥാനവും കൈകാര്യം ചെയ്യുന്ന ഇവരുടെ പേര് ജൂലി ആൻ സെന്റർ എന്നാണ്. വീട്ടിൽ നിന്നും ഒരു കിലോമീറ്റർ അകലയുള്ള ഓക്ലാൻഡ് സിറ്റി ഹോസ്പിറ്റലിലേക്കാണ് ഇവർ സൈക്കിളിൽ എത്തിയത്. സഹായികളുമായി വരാൻ കാറിൽ സ്ഥലമില്ലാത്തതിനാലാണ് താൻ സൈക്കിൾ തെരഞ്ഞെടുത്തത്. ഒപ്പം ഭർത്താവുമുണ്ടായിരുന്നു. ഈ യാത്ര എനിക്ക് വളരെ നല്ല മാനസികാവസ്ഥ സമ്മാനിച്ചുവെന്നും ജൂലി പറഞ്ഞു. അടുത്തിടെ ന്യൂസിലാൻഡ് പ്രധാനമന്ത്രി ജസീന്ത ആൻഡേഴ്സണ് കുഞ്ഞിന് ജന്മം നൽകി അധികം വൈകാതെ തന്നെ ജോലിയിൽ തിരികെ പ്രവേശിച്ചത് വാർത്താ പ്രധാന്യം നേടിയിരുന്നു.
Read Moreപ്രളയക്കെടുതിയിൽ താങ്ങായി പ്രവാസികൾ; ദുരിതാശ്വാസ സാമഗ്രികൾ കൂടുതൽ എത്തുന്നു
കൊണ്ടോട്ടി: ബക്രീദ്-ഓണം ആഘോഷത്തിനു കുടുംബങ്ങൾക്കു നൽകാൻ വസ്ത്രങ്ങൾ വാങ്ങുന്നതിലേക്കാളേറെ പ്രളയത്തിൽ അകപ്പെട്ട പ്രദേശങ്ങളിലേക്ക് അവശ്യസാധനങ്ങളെത്തിക്കുകയാണ് പ്രവാസികൾ. നേരിട്ടു കൊണ്ടുവരുന്നതോടൊപ്പം വിമാനം നിറയെ സാധനങ്ങൾ യുഎഇയിൽ നിന്നു ദുരിതാശ്വാസ സാമഗ്രികളുമായി കരിപ്പൂരിൽ വിഷൻ എയർ കാർഗോ വിമാനവുമെത്തി. അബൂദാബിയിലെ യൂണിവേഴ്സൽ ഹോസ്പിറ്റൽ സ്ഥാപകൻ ഡോ.ഷബീർ നെല്ലിക്കോടിന്റെ നേതൃത്വത്തിൽ ശേഖരിച്ച 14 ടണ് മെഡിക്കൽ, വസ്ത്രങ്ങൾ, ഭക്ഷ്യസാധനങ്ങളാണ് കരിപ്പൂരിൽ എത്തിച്ചത്. പ്രളയംദുരിതം ഏറെ നേരിട്ട ചെങ്ങന്നൂർ, ആലുവ, വയനാട് എന്നിവിടങ്ങളിൽ വിതരണം ചെയ്യാനാണ് ഇവ കൊണ്ടുവന്നത്. കൊച്ചി കേന്ദ്രമായി പ്രവർത്തിക്കുന്ന അഭിഭാഷകരുടെ കൂട്ടായ്മക്കും കോഴിക്കോട് ട്രോമാകയറിനും ഇവ കൈമാറും. നാല് ദിവസം കൊണ്ടാണ് ആശുപത്രി അധികൃതർ ശേഖരിച്ച സാധനങ്ങളാണ്. കരിപ്പൂരിലെ കസ്റ്റംസ് നടപടികൾ പൂർത്തിയായതിനു ശേഷം ബന്ധപ്പെട്ട ഏജൻസികൾക്ക് സാധനങ്ങൾ കൈമാറും. ചൊവാഴ്ച രാത്രിയാണ് വിഷൻ എയർ കാർഗോ വിമാനം അബൂദാബിയിൽ നിന്നു കാറാച്ചി വഴി ബുധനാഴ്ച രാവിലെയാണ് കരിപ്പൂരിലെത്തിയത്.…
Read Moreബഹുനില കെട്ടിടത്തിന്റെ ഏഴാം നിലയിൽ കുടുങ്ങിയ ഏഴുവയസുകാരനെ സാഹസികമായി രക്ഷിച്ച് പിതാവ്
മക്കളുടെ സൂപ്പർഹീറോ എന്നും അച്ഛനാണ്. ഇപ്പൊഴിത ബഹുനില കെട്ടിടത്തിന്റെ ഏഴാം നിലയിൽ കുടുങ്ങിയ ഏഴു വയസുകാരനെ പിതാവ് സാഹസികമായി രക്ഷിക്കുന്നതിന്റെ ചോരമരവിക്കുന്ന ദൃശ്യങ്ങൾ സോഷ്യൽമീഡിയയിൽ വ്യാപകമായി പ്രചരിക്കുന്നു. ചൈനയിലെ ഗുവാംഗ്ഡോംഗ് പ്രവശ്യയിലെ ഫോഷനിലാണ് സംഭവം. വീടിനുള്ളിൽ കള്ളന്മാർ കയറിയെന്ന ഭയത്താലാണ് ഏഴുവയസുകാരനായ ഈ കുട്ടി ജനാലയിലൂടെ കെട്ടിടത്തിന്റെ പുറത്തെക്ക് ഇറങ്ങിയത്. ഇവിടെയുള്ള ഗ്രില്ലിൽ തൂങ്ങി കിടന്ന കുട്ടി പിന്നീട് തിരികെ കയറുവാൻ അസാധ്യമായ വിധം കുടുങ്ങി പോകുകയായിരുന്നു. സംഭവം കണ്ട പിതാവ് ഉടൻ തന്നെ ജനാലയിൽ കൂടി ഇറങ്ങി ഗ്രില്ലിൽ തൂങ്ങി കുട്ടിയുടെ അടുക്കലേക്ക് ചെന്നതിനു ശേഷം സുരക്ഷിതമായി കുട്ടിയെ മുറിക്കുള്ളിൽ എത്തിക്കുകയായിരുന്നു. സമീപമുണ്ടായിരുന്നവരിലൊരാൾ പകർത്തിയ ദൃശ്യങ്ങൾ സാമൂഹ്യമാധ്യമങ്ങളിൽ പങ്കുവച്ചതിനെ തുടർന്ന് ഈ പിതാവിന്റെ ധൈര്യത്തെ വാനോളം പുകഴ്ത്തി ധാരാളമാളുകളാണ് രംഗത്തെത്തിയിരിക്കുന്നത്.
Read Moreകൊതുകു വലയ്ക്കുള്ളിൽ രണ്ടു കുട്ടികൾക്കൊപ്പം ഉറങ്ങിയത് പുലിക്കുട്ടി; രക്ഷയായി വീട്ടമ്മ
കുട്ടികൾക്കൊപ്പം കട്ടിലിൽ കിടന്നുറങ്ങിയത് പുലിക്കുട്ടി. മഹാരാഷ്ട്രയിലെ നാസിക്കിലാണ് സംഭവം. കട്ടിലിൽ വിരിച്ച കൊതുകുവലയ്ക്കുള്ളിൽ കുട്ടികൾക്കൊപ്പം ഉറങ്ങിയ മൂന്നു മാസം പ്രായമുള്ള പുലിയെ ഗ്രഹനാഥയാണ് ആദ്യം കണ്ടത്. സംഭവം കണ്ട് ഞെട്ടിയ ഇവർ ശബ്ദമുണ്ടാക്കാതെ കുട്ടികളെ ഇരുവരെയും മുറിയിൽ നിന്നും പുറത്തിറക്കിയതിനു ശേഷം അയൽവാസികളെ വിവരമറിയിക്കുകയായിരുന്നു. സംഭവമറിഞ്ഞെത്തിയ വനംവകുപ്പ് ഉദ്യോഗസ്ഥരാണ് പുലിയെ പിടികൂടിയത്. പുലിയെ പിന്നീട് സുരക്ഷിത സ്ഥലത്തേക്കു മാറ്റുകയായിരുന്നു. കിണറ്റിൽ വീണതിനെ തുടർന്ന് ഒരുമാസം മുമ്പ് തങ്ങൾ രക്ഷിച്ച അതേ പുലിക്കുട്ടിയാണ് ഇതെന്ന് ഫോറസ്റ്റ് അധികൃതർ സ്ഥിരീകരിച്ചു.
Read Moreഎന്നെ നോക്കേണ്ട, ഞാൻ നന്നാവൂലാ; എയർ ഇന്ത്യയുടെ മിക്ക വിമാനങ്ങളും കട്ടപ്പുറത്ത്
പൊതുമേഖല വിമാനക്കന്പനിയായ എയർ ഇന്ത്യ സ്വാതന്ത്ര്യദിനം പ്രമാണിച്ച് ആഭ്യന്തര-അന്താരാഷ്ട്ര സർവീസുകൾക്ക് 45 ശതമാനം വരെ ഇളവുകൾ പ്രഖ്യാപിച്ചത് തിങ്കളാഴ്ചയാണ്. ഇതിനു പിന്നാലെ എയർ ഇന്ത്യ വിമാനങ്ങളുടെ ശോചനീയാവസ്ഥ ചൂണ്ടിക്കാണിച്ച് പൈലറ്റുമാരുടെ സംഘടന രംഗത്തെത്തി. എയർ ഇന്ത്യയുടെ എയർബസ് എ321 വിമാനങ്ങളിൽ 40 ശതമാനവും വേണ്ടത്ര പരിപാലനം ഇല്ലാത്തതിനാൽ കട്ടപ്പുറത്താണെന്നാണ് ഇന്ത്യൻ കൊമേഴ്സ്യൽ പൈലറ്റ്സ് അസോസിയേഷൻ (ഐസിപിഎ) എയർ ഇന്ത്യയുടെ ചെയർമാന് അയച്ച കത്തിൽ പറയുന്നത്. സ്പെയർ പാർട്സുകളുടെ ലഭ്യതക്കുറവ്, ആലോചനയില്ലായ്മ, ഏകോപനമില്ലായ്മ, സാന്പത്തികപ്രതിസന്ധി തുടങ്ങിയവ മൂലം എയർ ഇന്ത്യാ വിമാനങ്ങളുടെ പരിപാലനം കൃത്യമായി നടക്കുന്നില്ലെന്ന് ഐസിപിഎ ജനറൽ സെക്രട്ടറി ദീപാങ്കർ ഗുപ്ത പറഞ്ഞു. പ്രധാനമായും എയർബസ് എ321 വിമാനങ്ങളാണ് സർവീസിന് യോഗ്യമല്ലാത്ത അവസ്ഥയിലായിരിക്കുന്നത്. എയർഇന്ത്യയുടെ ഉടമസ്ഥതയിലുള്ള 20 എയർബസ് എ321 വിമാനങ്ങളിൽ 12 എണ്ണം മാത്രമേ ഇപ്പോൾ സർവീസ് നടത്തുന്നുള്ളൂ. കാര്യമായ ശ്രദ്ധയുണ്ടായില്ലെങ്കിൽ ഈ വിമാനങ്ങളുടെ അവസ്ഥയും…
Read Moreവെള്ളപ്പൊക്കം: ഗൾഫിലേക്ക് അമിത ചാർജ് ഈടാക്കുന്ന വിമാന കന്പനികൾക്കെതിരെ നടപടി
തിരുവനന്തപുരം: വെള്ളപ്പൊക്കത്തെ തുടർന്നു നെടുന്പാശേരി വിമാനത്താവളം അടച്ചതോടെ മറ്റു വിമാനത്താവളങ്ങൾ വഴി ഗൾഫിലേക്ക് പോകുന്നവരിൽനിന്ന് അമിത ചാർജ് ഈടാക്കുന്ന വിമാന കന്പനികൾക്കെതിരെ നടപടി. കേന്ദ്ര വ്യോമയാന മന്ത്രി സുരേഷ് പ്രഭുവാണ് ഇക്കാര്യം വ്യക്തമാക്കിയത്. നെടുന്പാശേരി വിമാനത്താവളം അടച്ചതിനെ തുടർന്നു ബംഗളൂരുവിൽ നിന്നും മറ്റും ഗള്ഫിലേക്ക് പോകുന്നവരിൽനിന്നും അമിത ചാര്ജ് ഈടാക്കുന്ന കാര്യം സംസ്ഥാനം കേന്ദ്രമന്ത്രിയുടെ ശ്രദ്ധയിൽപ്പെടുത്തിയിരുന്നു. കൊച്ചി വിമാനത്താവളം അടയ്ക്കുന്നതിന് മുൻപുള്ള നിരക്കേ ഈടാക്കാവൂ എന്ന് വിമാന കമ്പനികള്ക്ക് നിര്ദേശം നല്കിയതായി വ്യോമയാന മന്ത്രാലയം അറിയിച്ചു.
Read More