കാർ മോഷണത്തിൽ സ്പെഷലൈസ് ചെയ്തിട്ടുള്ള കള്ളൻമാരെക്കുറിച്ച് കേട്ടിട്ടുണ്ടാകും. എന്നാൽ കാറിന്റെ കന്പനി ലോഗോ മാത്രം ഉൗരിക്കൊണ്ടുപോകുന്ന കള്ളൻമാരെക്കുറിച്ച് കേട്ടിട്ടുണ്ടോ?-അങ്ങനെയുമുണ്ട് കള്ളൻമാർ. അങ്ങു ചൈനയിലാണെന്ന് മാത്രം. 25 വയസുകാരനായ ഈ ബെൻസ് ലോഗോ കള്ളൻ ബെൻസ് കാറുകളിൽനിന്ന് ലോഗോ മോഷ്ടിക്കുക മാത്രമല്ല,അത് ഉൗരി മാറ്റുന്ന വീഡിയോ എടുത്ത് ചൈനീസ് സോഷ്യൽ നെറ്റ് വർക്കിംഗ് സൈറ്റായ ടിക് ടോക്കിൽ പോസ്റ്റ് ചെയ്യുകയും ചെയ്തു. ടിക് ടോക്കിൽ പ്രശസ്തനാകാനാണ് താൻ ഇങ്ങനെ ചെയ്തതെന്ന് പോലീസ് പിടിയിലായ യുവാവ് പറഞ്ഞു. മുന്പ് ഇയാളുടെ ടിക് ടോക്ക് പോസ്റ്റുകളൊന്നും ആരും ശ്രദ്ധിച്ചിരുന്നില്ലത്രേ. അതിൽ സങ്കടപ്പെട്ട് എങ്ങനെയെങ്കിലും പോസ്റ്റുകൾക്ക് ലൈക്ക് കൂട്ടാൻ ഇയാൾ തീരുമാനിച്ചു. ബെൻസ് കാറുകളുമായി ബന്ധപ്പെട്ട പോസ്റ്റുകൾക്ക് കൂടുതൽ ലൈക്കുകൾ കിട്ടുന്നുണ്ടെന്ന് മനസിലാക്കിയ യുവാവ് മറ്റുള്ളവരുടെ കാറുകളിൽനിന്ന് ഇവ ഉൗരിയെടുക്കുന്നതിന്റെ വീഡിയോ എടുക്കാൻ തീരുമാനിക്കുകയായിരുന്നു. ഇതുവരെ 12 കാറുകളുടെ ലോഗോയാണ് ഇയാൾ ഉൗരിയെടുത്തത്.…
Read MoreCategory: NRI
ഞാനാർക്കും പണം കൊടുത്തില്ല! നീലച്ചിത്രനടി വിവാദത്തിൽ മൗനം വെടിഞ്ഞ് ട്രംപ്;
വാഷിംഗ്ടണ്: അമേരിക്കൻ മുൻ പോണ് താരം സ്റ്റോമി ഡാനിയൽസിന് 1,30,000 ഡോളർ നൽകിയെന്ന ആരോപണം തെറ്റാണെന്ന് പ്രസിഡന്റ് ഡോണൾഡ് ട്രംപ്. 2016ലെ തെരഞ്ഞെടുപ്പിന് തൊട്ടു മുന്പ് അഭിഭാഷകൻ നടിക്ക് പണം നൽകിയ വിവരം അറിയുമോ എന്ന മാധ്യമപ്രവർത്തകരുടെ ചോദ്യത്തിന് ഇല്ല എന്ന മറുപടിയാണ് ട്രംപ് നൽകിയത്. ഇതു സംബന്ധിച്ച് കൂടുതൽ വിവരം ആവശ്യമെങ്കിൽ തന്റെ അറ്റോർണി മൈക്കൽ കോഹെനോട് ചോദിക്കണമെന്നും ട്രംപ് പറഞ്ഞു. സ്റ്റോമി ഡാനിയേലുമായി ബന്ധപ്പെട്ട ചോദ്യങ്ങളിൽ നിന്ന് ട്രംപ് ഒഴിഞ്ഞു മാറി. 2006ൽ നവേദയിൽ വച്ച് നടന്ന ഗോൾഫ് ടൂർണമെൻറിനിടെ ട്രംപ് തന്നെ ലൈംഗികമായി ചൂഷണം ചെയ്തുവെന്നായിരുന്നു സ്റ്റോമി ഡാനിയൽസ് ആദ്യം ഉന്നയിച്ച ആരോപണം. ഒരു മാഗസിന് നല്കിയ അഭിമുഖത്തിലായിരുന്നു സ്റ്റോമിയുടെ വെളിപ്പെടുത്തൽ. ഇത് സംബന്ധിച്ച വിവരങ്ങൾ പുറത്ത് പറയാതിരിക്കുന്നതിന് തനിക്ക് പണം നൽകിയെന്നും ഇതിനായി ഉണ്ടാക്കിയ കരാർ പ്രകാരം 13,000 ഡോളറാണ് തനിക്ക്…
Read Moreപ്രണയിനികൾക്കുവേണ്ടി ഒരു പോസ്റ്റോഫീസ്! ഇതുവഴി ഒരുമിച്ചു ജീവിതം തുടങ്ങിയവര് നിരവധി; കഥ ഇങ്ങനെ…
ന്യൂയോർക്ക്: പ്രണയിനികൾക്കുവേണ്ടി മാത്രം പ്രവർത്തിക്കുന്ന ഒരു പോസ്റ്റോഫീസ്. എവിടെയാണന്നല്ലേ… അങ്ങ് ജർമനിയിൽ. ഇത്തരത്തിൽ ലോകത്ത് തുറന്നിട്ടുള്ള ഒരേ ഒരു പോസ്റ്റോഫീസും ഇതു തന്നെ. ആഗ്രഹിക്കുന്ന പങ്കാളിയെ കണ്ടെത്താൻ വരമരുളുന്ന ഒരു ഓക്ക് മരത്തെ ചുറ്റിപ്പറ്റിയാണ് ഈ പോസ്റ്റോഫീസ് പ്രവർത്തിക്കുന്നത്. കഥ ഇങ്ങനെ: നൂറ്റണ്ടുകളുടെ പഴക്കമുള്ള ഈ ഓക്ക്മരത്തിനു പറയാൻ പ്രണയത്തിന്റെ നൂറു കഥകളാണുള്ളത്. 1891-ൽ മിന്ന എന്ന പെണ്കുട്ടിയും വിഹെൽമ എന്ന യുവാവും തമ്മിലുള്ള പ്രണയത്തിനു സാക്ഷിയായതോടെയാണ് ഈ മരം ലോകജനശ്രദ്ധ നേടിയത്. അവരുടെ പ്രണയലേഖനങ്ങൾ ഒളിപ്പിച്ചുവച്ചിരുന്ന ഈ മരത്തിന്റെ ചുവട്ടിൽ വച്ചാണ് എല്ലാ എതിർപ്പുകളെയും അവഗണിച്ച് അവർ വിവാഹിതരായത്. ഇയുറ്റിനിലെ ഈ ഓക് വൃക്ഷം അതോടെ പ്രണയസാഫല്യത്തിന്റെ കേന്ദ്രമായി. നൂറ്റാണ്ടുകളായി ഈ പതിവു തുടർന്നതോടെ, വർഷങ്ങൾക്കു മുന്പ് ജർമൻ പോസ്റ്റൽ വകുപ്പ് മരത്തിനു പോസ്റ്റൽ കോഡ് സഹിതമുള്ള മേൽവിലാസം നൽകി ഒരു പോസ്റ്റ്മാനെ നിയമിച്ചു. ഇമെയ്ലും…
Read Moreകാറിൽ രണ്ടു കുട്ടികളുടെ ജഡം; 20 വയസുള്ള മാതാവ് അറസ്റ്റിൽ
സുപ്പീരിയർ (അരിസോണ) : പത്തുമാസവും രണ്ടു വയസും പ്രായമുള്ള രണ്ടു കുട്ടികളുടെ ജഡം കാർ സീറ്റിൽ കണ്ടെത്തിയതിനെ തുടർന്നു ഇവരുടെ മാതാവും 20 വയസുള്ള ബ്രിട്ടണി വെലസ്ക്യൂസിനെ പോലീസ് അറസ്റ്റ് ചെയ്തു. യുവതിക്കെതിരെ ഇരട്ട കൊലപാതകത്തിന് കേസെടുത്തതായി പിനൽകൗണ്ടി ഷെറിഫ് ഓഫീസ് അറിയിച്ചു. മാർച്ച് 26 തിങ്കളാഴ്ച രാത്രി വൈകിട്ടാണ് കുട്ടികളുടെ മൃതദേഹം കാർ സീറ്റിൽ ബെൽറ്റിട്ട നിലയിൽ കണ്ടെത്തിയതെന്നു മാർച്ച് 27 ചൊവ്വാഴ്ച ഷെറിഫ് ഓഫീസ് അറിയിച്ചു. ബ്രിട്ടണിക്ക് രണ്ടു മില്യണ് ഡോളറിന്റെ ജാമ്യം അനുവദിച്ചു. ഇവരുടെ വീട്ടിൽ നിന്നും ഇതിനു മുന്പ് കുട്ടികളെ പീഡിപ്പിച്ചതായി യാതൊരു പരാതിയും സിപിഎസിന് ലഭിച്ചിട്ടില്ലെന്നും കുട്ടികളുടെ മരണകാരണം ഓട്ടോപ്സിക്കുശേഷം മാത്രമേ വ്യക്തമാകുകയുള്ളൂ എന്നും ഷെറിഫ് പറഞ്ഞു. 17 വയസിൽ വിവാഹിതയായ ബ്രിട്ടണിയുടെ ഭർത്താവ് കഴിഞ്ഞ ജൂണിൽ മയക്കുമരുന്നു അമിതമായി കഴിച്ചതിനെ തുടർന്ന് മരിച്ചിരുന്നു. റിപ്പോർട്ട്: പി.പി.ചെറിയാൻ
Read Moreഅത്യപൂര്വമായ ഒരു വിവാഹം! വിവാഹ വാര്ത്ത അറിഞ്ഞ സിറ്റി അധികൃതര് ആകെ അങ്കലാപ്പില്
ഫോർട്ട് മയേഴ്സ് (ഫ്ളോറിഡ): അത്യപൂർവമായ ഒരു വിവാഹത്തിനാണ് ഫ്ളോറിഡയിലെ ഫോർട്ട് മയേഴ്സിലെ ഫാമിലി പാർക്ക് സാക്ഷ്യം വഹിച്ചത്. വിവാഹത്തിന് വധു വെള്ള വസ്ത്രങ്ങളണിഞ്ഞു ഒരുങ്ങിവന്നപ്പോൾ, വരൻ ഇതിനെല്ലാം മൂകസാക്ഷിയായി പടർന്നുപന്തലിച്ചു നിൽക്കുന്ന അത്തിമരമാണ്. ഇനിയും സംഭവം എന്താണെന്നറിയേണ്ട? നൂറു വർഷം പഴക്കമുള്ള ഫിക്കസ് ട്രീയെ (അത്തി മരം) വെട്ടി നശിപ്പിക്കാതിരിക്കുന്നതിനു കേരണ് ഹൂപ്പർ എന്ന പ്രകൃതി സ്നേഹി കണ്ടെത്തിയ ഏക മാർഗമാണ് വൃക്ഷത്തെ വിവാഹം കഴിക്കുക എന്നത്. നൂറു വർഷം പഴക്കവും 8000 ചതുരശ്ര മീറ്ററിൽ വ്യാപിച്ചു കിടക്കുന്ന വൃക്ഷം അടിവേരുകളോടുകൂടി മുറിച്ചുമാറ്റുന്നതിനു 13,000 ഡോളറിനു സിറ്റി പബ്ലിക് വർക്സ് ഡിപ്പാർട്ട്മെന്റ് കരാർ നൽകി. ഇതിനെതിരെ പ്രതിഷേധം ശക്തമാക്കിയിട്ടും തീരുമാനത്തിൽ നിന്നും പുറകോട്ടു പോകാൻ അധികൃതർ തയാറാകാതിരുന്നതിനെ തുടർന്നു മാർച്ച് 27 ന് അന്പതോളം പേരെ സാക്ഷി നിർത്തി കേരണ്, ഫിക്കസ് മരത്തെ വിവാഹം ചെയ്തത്. ഫ്രണ്ട്…
Read Moreഏവരെയും അന്പരപ്പിച്ച അത്ഭുതം ! തല അറത്തതിനു ശേഷവും ഒരാഴ്ച്ചയിലധികമായി ജീവിച്ചിരിക്കുന്ന കോഴി ; വീഡിയോ വൈറലാകുന്നു
തല അറത്തതിനു ശേഷവും ഒരാഴ്ച്ചയിലധികമായി ജീവിച്ചിരിക്കുന്ന കോഴി അത്ഭുതമാകുന്നു. തായ്ലൻഡിലെ റച്ചബൂരി പ്രവശ്യയിലാണ് ഏവരെയും അന്പരപ്പിച്ച അത്ഭുതം നടക്കുന്നത്. സംഭവമറിഞ്ഞെത്തിയ കുറച്ച് സന്ന്യാസിമാർ ഏറ്റെടുത്ത ഈ കോഴിക്ക് സിറിഞ്ചിലൂടെ അവർ ഭക്ഷണം നൽകിക്കൊണ്ടിരിക്കുകയാണ്. മുറിവിൽ അണുബാധ പിടിപെടാതിരിക്കുവാനായി അവർ മരുന്നും നൽകുന്നുണ്ട്. നൊപ്പൊംഗ് തിത്താമോ എന്നയാൾ ഈ കോഴിയുടെ ചിത്രമുൾപ്പടെ സോഷ്യൽമീഡിയായിൽ പങ്കുവെച്ചതിനെ തുടർന്ന് സംഭവം വൈറലായി മാറുകയാണ്. ഏതെങ്കിലും മൃഗത്തിന്റെ ആക്രമണത്തിലാകാം കോഴിക്ക് തല നഷ്ടപ്പെട്ടതെന്നാണ് കരുതുന്നത്. തല പോയെങ്കിലും വെറുതെ ഇരുന്നു വിശ്രമിക്കാതെ നടക്കുന്നുമുണ്ട് ഈ കോഴി. ഇതിനു മുന്പും സമാനമായ സംഭവം ഉണ്ടായിട്ടുണ്ട്. 1945നും 1947നും ഇടയിൽ തലയില്ലാതെ കോഴി ജീവിച്ചിരുന്നു എന്ന് റിപ്പോർട്ട് ചെയ്തിട്ടുണ്ട്. ഏകദേശം പതിനെട്ട് മാസത്തോളം ഈ കോഴി ജീവിച്ചിരുന്നുവെന്നാണ് റിപ്പോർട്ടുകൾ സൂചിപ്പിക്കുന്നത്.
Read Moreമനപൂര്വ്വം വരുത്തിവെച്ച അപകടം! ദൈവവിശ്വാസം പരീക്ഷിക്കാന് കുട്ടികളുമായി യുവതി കാര് കോണ്ക്രീറ്റ് തൂണിലേക്ക് ഇടിച്ചു കയറ്റി; വീഡിയോ വൈറലാകുന്നു
ദൈവത്തിൽ വിശ്വാസമുണ്ടെങ്കിൽ എത്ര വലിയ അപകടത്തിൽ നിന്നും അദ്ദേഹം നമ്മളെ രക്ഷിക്കുമെന്ന് തെളിയിക്കാൻ കുട്ടികളെയുമിരുത്തി കാർ കോണ്ക്രീറ്റ് തൂണിൽ ഇടിപ്പിച്ച വീട്ടമ്മ പോലീസ് പിടിയിൽ. ജോർജിയ സ്വദേശിയായ ബക്കാരി വാരെണ് എന്ന ഇരുപത്തിയഞ്ചുകാരിയാണ് സ്വന്തം ജീവനും കുട്ടികളുടെ ജീവനും അപകടത്തിലാക്കി ദൈവ വിശ്വാസം പരീക്ഷിച്ചത്. അഞ്ചും ഏഴും വയസുള്ള കുട്ടികളായിരുന്നു ഇവർക്കൊപ്പം കാറിനുള്ളിൽ ഉണ്ടായിരുന്നത്. അപകടത്തിനു ശേഷം പോലീസെത്തി ഇവരെ കസ്റ്റഡിയിൽ എടുത്തിരുന്നു. തുടർന്നു നടത്തിയ ചോദ്യം ചെയ്യലിലാണ് അപകടം മനപൂർവ്വം വരുത്തിവെച്ചതാണെന്നും ദൈവത്തിൽ വിശ്വാസം ഉണ്ടെങ്കിൽ എത്ര വലിയ അപകടമുണ്ടായാലും അദ്ദേഹം നമ്മളെ രക്ഷിക്കുമെന്ന് കുട്ടികളെ മനസിലാക്കി നൽകുന്നതിനുമാണ് താൻ വാഹനം കോണ്ക്രീറ്റ് തൂണിൽ ഇടിപ്പിച്ചതെന്നുമായിരുന്നു ഇവർ പറഞ്ഞത്. അപകടത്തിൽ കുട്ടികൾക്കും ഇവർക്കും പരിക്കേറ്റിട്ടില്ല. ഇവരിപ്പോൾ പോലീസ് കസ്റ്റഡിയിൽ ആണ്. കുട്ടികൾ ഇപ്പോൾ മുത്തശന്റെയും മുത്തശിയുടെയും സംരക്ഷണയിൽ ആണ്.
Read Moreനൂറ്റിയഞ്ച് ആടുകളെ കൊന്നു! സിംഹത്തെ കുന്ത മുനയില് കോര്ത്ത ആട്ടിടയന്
താൻ വളർത്തുന്ന നൂറ്റിയഞ്ച് ആടുകളെ കൊന്ന രണ്ടു സിംഹങ്ങളിലൊന്നിനെ ആട്ടിടയൻ കുത്തിക്കൊന്നു. കെനിയയിലെ മാസായ് മാറ ദേശിയ പാർക്കിനു സമീപമാണ് സംഭവം. പൂലർച്ചെ നാലിനാണ് കയൂകോ ഒലെയ് കാസ്മയ് എന്നയാൾ കൂടിനുള്ളിൽ നിന്നും ആടുകളുടെ കരച്ചിൽ കേട്ട് എഴുന്നേറ്റത്. കൂടിനുള്ളിൽ എത്തിയ അദ്ദേഹം കണ്ടത് അതിനുള്ളിൽ നിൽക്കുന്ന ഒരു ആണ് സിംഹത്തെയും പെണ് സിംഹത്തെയുമായിരുന്നു. കണ്ട മാത്രയിൽ തന്നെ പെണ്സിംഹം അദ്ദേഹത്തിനു നേരെ തിരിയുകയായിരുന്നു. പേടിച്ചു പോയെങ്കിലും മനസാന്നിധ്യം വീണ്ടെടുത്ത അദ്ദേഹം തന്റെ കൈയ്യിലിരുന്ന കുന്തം ഉപയോഗിച്ച് സിംഹത്തെ ആക്രമിക്കുകയായിരുന്നു. അൽപ്പ നേരത്തെ പോരാട്ടത്തിനൊടുവിൽ പെൺ സിംഹം കൊല്ലപ്പെട്ടു. ഈ സമയം ആണ് സിംഹം ഇരുട്ടിലേക്ക് ഓടിയൊളിക്കുകയും ചെയ്തു. ഏകദേശം പത്ത് ലക്ഷത്തോളം കെനിയൻ രൂപയുടെ നഷ്ടം ഇദ്ദേഹത്തിനുണ്ടായെന്നാണ് റിപ്പോർട്ട്. സംഭവത്തെക്കുറിച്ച് വിശദമായി അന്വേഷിച്ചതിനു ശേഷം കയൂകോയ്ക്ക് നഷ്ടപരിഹാരം നൽകുമെന്ന് വന്യജീവി വകുപ്പ് അറിയിച്ചു. മാത്രമല്ല സിംഹത്തെ…
Read Moreപണിപാളി! വിശപ്പടക്കാൻ ഷൂ വിഴുങ്ങിയ പെരുന്പാന്പിന് ശസ്ത്രക്രീയ
ഷൂ വിഴുങ്ങിയ പാന്പിനെ ശസ്ത്രക്രീയയിലൂടെ സുഖപ്പെടുത്തി. ഓസ്ട്രേലിയായിലെ മൗണ്ട് ഒമ്മാനെയ് സ്വദേശിയായ ഒരു പാന്പ് പിടുത്തക്കാരനാണ് ഷൂ വിഴുങ്ങിയ നിലയിൽ ഒരു പാന്പുമായി മൃഗഡോക്ടറുടെ അടുക്കൽ എത്തിയത്. ഇവിടെയുള്ള ഒരാളുടെ വീട്ടിനുള്ളിൽ നിന്നുമാണ് ഈ പാന്പിനെ പിടികൂടിയത്. തുടർന്ന് ഇവർ അറിയിച്ചതിനെ തുടർന്ന് എത്തിയ ഒരാൾ പാന്പിനെ പിടികൂടുകയായിരുന്നു. പിന്നീടാണ് പാന്പിനെ കണ്ടെത്തിയ സ്ഥലത്ത് ഇട്ടിരുന്ന ഒരു ജോഡി ചെരുപ്പുകളിലൊന്ന് കാണാതായതായി വീട്ടുടമസ്ഥൻ മനസിലാക്കിയത്. തുടർന്ന് പാന്പിനെ നീരീക്ഷിച്ചപ്പോൾ പാന്പ് ചെരിപ്പ് വിഴുങ്ങിയതായി എല്ലാവർക്കും മനസിലായി. പിന്നീട് മൃഗാശുപത്രിയിൽ പാന്പിനെ എത്തിച്ചതിനു ശേഷം നടത്തിയ ശസ്ത്രക്രീയയിലാണ് ഷൂ പുറത്തെടുക്കാനായത്. രണ്ടു ദിവസത്തിനുള്ളിൽ പാന്പ് സുഖം പ്രാപിക്കുമെന്ന് ശസ്ത്രക്രീയ നടത്തിയ ഡോക്ടർ അറിയിച്ചു.
Read Moreവര്ഷങ്ങള് വെള്ളത്തിനടിയില് കിടന്നെങ്കിലും… മൂന്ന് വർഷങ്ങൾക്കു മുന്പ് കാണാതായ കാമറ കടലിൽ നിന്നും ലഭിച്ചപ്പോൾ…
മൂന്ന് വർഷങ്ങൾക്കു മുന്പ് കാണാതായ കാമറ കടൽ തീരത്തു നിന്നും ലഭിച്ചു. തായ്വാനിലെ ഒരു കടൽ തീരത്തു നിന്നുമാണ് ഇവിടെയെത്തിയ ഒരു പറ്റം കുട്ടികൾക്ക്് കടൽ ജീവികളും മറ്റും നിറയെ പൊതിഞ്ഞ നിലയിൽ കാമറ ലഭിച്ചത്. രണ്ടു വർഷത്തോളം വെള്ളത്തിൽ കിടന്നുവെങ്കിലും ഈ കാമറ ഇപ്പോഴും പ്രവർത്തിക്കുന്നുണ്ടെന്നുള്ളതാണ് ഏവർക്കും അത്ഭുതമാകുന്നത്. വിദ്യാർഥികളിലൊരാൾ കാമറയുടെ ഉടമയെ കണ്ടെത്താൻ കാമറയിലുണ്ടായിരുന്ന ചിത്രമുൾപ്പടെ ഫേസ്ബുക്കിൽ പങ്കുവെച്ചതിനെ തുടർന്ന് ഇത് വൈറലാകുകയായിരുന്നു. ജപ്പാൻ സ്വദേശിനിയായിരുന്ന ഒരാളുടേതായിരുന്നു ഈ കാമറ. മൂന്ന് വർഷങ്ങൾക്കു മുന്പ് സ്കൂബ ഡൈവ് ചെയ്യുന്നതിനിടെയാണ് അദ്ദേഹത്തിന് ഈ കാമറ നഷ്ടമായത്. ജൂണിൽ തായ്വാനിൽ എത്തി ഈ കാമറ തിരികെ മേടിക്കുവാനാണ് അദ്ദേഹത്തിന്റെ പദ്ധതി.
Read More