വെറും പത്ത് സെക്കൻഡുകൾ കൊണ്ട് പതിനഞ്ചു നിലയുള്ള കെട്ടിടം തകർന്നു നാമാവശേഷം ആകുന്നതിന്റെ ദൃശ്യങ്ങൾ നവമാധ്യമങ്ങളിൽ വ്യാപകമായി പ്രചരിക്കുന്നു. ചൈനയിലെ ചെൻഗ്ഡുവിലാണ് സംഭവം നടന്നത്. ഏകദേശം ഇരുപത് വർഷത്തോളം പഴക്കമുള്ള നൂറ്റിയന്പത് മീറ്റർ ഉയരമുള്ള ഈ കേട്ടിടത്തിന് കേടുപാടുകൾ കണ്ടെത്തിയതിനെ തുടർന്നാണ് അധികൃതർ തകർക്കുവാൻ തീരുമാനിച്ചത്. തുടർന്ന് കെട്ടിടത്തിലെയും പ്രദേശത്തെയും ആളുകളെ മാറ്റിയതിനു ശേഷം ബോംബ് വെച്ചു തകർക്കുകയായിരുന്നു. കെട്ടിടം തകർന്നതിനു ശേഷം ഈ പ്രദേശം മുഴുവൻ പൊടിപടലത്താൽ മൂടിയിരുന്നുവെങ്കിലും അധികൃതരുടെ സമയോചിതമായ ഇടപെടലിൽ എല്ലാം നിയന്ത്രണ വിധേയമാക്കുകയായിരുന്നു. Watch as Chinese workers in the city of Chengdu demolish a high-rise building in the blink of an eye pic.twitter.com/4n8Tbsbile — People’s Daily,China (@PDChina) March 29, 2018
Read MoreCategory: NRI
പിന്നാലെ ഓടിയെങ്കിലും..! പോലീസിന്റെ കണ്മുന്പിൽ നിന്നും സാഹസികമായി ജയിൽ ചാടുന്ന പ്രതി; സിസിടിവി ദൃശ്യങ്ങൾ പുറത്ത്
പോലീസിന്റെ പിടിയിൽ നിന്നും കുറ്റവാളി സാഹസികമായി രക്ഷപെടുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. അമേരിക്കയിലെ ഇന്ത്യാനയിലുള്ള ഒരു ജയിലിലാണ് സംഭവം നടന്നത്. ജയിലിലെ ഒരു മുറിയുടെ ഷട്ടർ തനിയെ ഉയരുന്പോൾ രണ്ട് കാറുകൾ അതിനുള്ളിലേക്ക് കയറി വരുന്നതാണ് ദൃശ്യങ്ങളിൽ ആദ്യം. കാറിനുള്ളിൽ നിന്നും രണ്ട് പോലീസുകാർ പുറത്തേക്ക് ഇറങ്ങി മുറിയുടെ ഒരു വശത്തേക്ക് മാറി നിന്നും സംസാരിച്ചുകൊണ്ടിരിക്കുന്പോൾ ഷട്ടർ തനിയെ താഴേക്ക് വന്ന് അടഞ്ഞുകൊണ്ടിരിക്കുകയായിരുന്നു. പെട്ടന്ന് ഒരു കാറിനുള്ളിലുണ്ടായിരുന്ന കുറ്റവാളി ഡോർ തുറന്ന് പുറത്തേക്ക് ഇറങ്ങി ഷട്ടർ പൂർണമായും അടയുന്നതിനും മുന്പേ പുറത്തേക്ക് ഇറങ്ങി രക്ഷപെടുകയായിരുന്നു. കുറ്റവാളി രക്ഷപെടുന്നത് കണ്ട് പോലീസുകാർ പിന്നാലെ ഓടിയെങ്കിലും അപ്പോഴേക്കും ഷട്ടർ പൂർണമായും അടഞ്ഞിരുന്നു. ഉടൻ തന്നെ പോലീസുകാർ ഷട്ടർ തുറന്ന് പ്രതിക്കായി ഓടിയെങ്കിലും നിരാശയായിരുന്നു ഫലം. പിന്നീട് നടത്തിയ ഉൗർജിതമായ തെരച്ചിലിനൊടുവിൽ രണ്ടു ദിവസങ്ങൾക്കവു ശേഷം പ്രതിയെ പോലീസ് പിടികൂടി. കെട്ടിടത്തിനുള്ളിൽ…
Read Moreകള്ളനെ കൈയോടെ പിടിക്കും! ഇവിടെ കള്ളിമുള്ച്ചെടികളിലും ചിപ്പ്
നാൽപ്പത് അടി ഉയരത്തിൽ വളരുന്ന കള്ളിമുൾച്ചെടികൾക്ക് പ്രശസ്തമാണ് അരിസോണയിലെ സഗുവാറോ ദേശീയ ഉദ്യാനം. നൂറുകണക്കിന് ആളുകളാണ് ഇവിടെ ഒരുക്കിയിരിക്കുന്ന അതിവിശാലമായ കള്ളിമുൾച്ചെടികളുടെ ഉദ്യാനം കാണാൻ എത്തുന്നത്. കള്ളിമുൾച്ചെടികളുടെ മനോഹാരിത കണ്ട് ഇഷ്ടപ്പെട്ട് അവ ഒടിച്ചുകൊണ്ടും മോഷ്ടിച്ചുകൊണ്ടും പോകുന്നവർ ഇവിടത്തെ സുരക്ഷാ ജീവനക്കാരുടെ സ്ഥിരം തലവേദനയാണ്. ഇവർ പഠിച്ച പണി പതിനെട്ടും നോക്കിയിട്ടും മോഷണം തടയാൻ പറ്റുന്നില്ല. അതുകൊണ്ട് പുതിയൊരു വിദ്യ പരീക്ഷിക്കുകയാണ് ദേശീയ ഉദ്യാന അധികൃതർ. ഇവിടെ പരിപാലിക്കപ്പെട്ടിരിക്കുന്ന കള്ളിമുൾച്ചെടികളിലെല്ലാം രഹസ്യചിപ്പുകൾ സ്ഥാപിച്ചു കഴിഞ്ഞു. ഈ ചിപ്പിൽനിന്ന് കിട്ടുന്ന വിവരങ്ങൾ അനുസരിച്ച് കള്ളിമുൾച്ചെടികൾ എവിടെയുണ്ടെന്ന് കൃത്യമായി കണ്ടെത്താനാകും. ഇങ്ങനെ ലഭിക്കുന്ന വിവരം അനുസരിച്ച് ആരെങ്കിലും മോഷ്ടിച്ചുകൊണ്ടുപോയാലും കള്ളനെ കൈയോടെ പിടിക്കാനാകുമെന്നാണ് അധികൃതരുടെ വിശ്വാസം.
Read Moreസ്വന്തം രൂപത്തിലും ലോലിപോപ്
ലോലിപോപ് വായിൽവച്ച് നുണയാൻ എല്ലാവർക്കും ഇഷ്ടമാണ്. പലനിറത്തിലും മണത്തിലും വലുപ്പത്തിലും രുചിയിലും രൂപത്തിലുമൊക്കെയുള്ള ലോലിപോപ്പുകൾ ഇന്ന് കടകളിൽ ലഭിക്കും. ഈ ലോലിപോപ്പിന് സ്വന്തം രൂപമാണെങ്കിലോ?അതും ഇപ്പോൾ സാധ്യമാണ്. പക്ഷെ ലണ്ടൻവരെ ചെല്ലണമെന്നു മാത്രം. ബ്രിട്ടീഷ് ഓണ്ലൈൻ റീട്ടൈലറായ ഫയർഫോക്സാണ് ഉപയോക്താക്കൾ ആവശ്യപ്പെടുന്ന രൂപത്തിലുള്ള ലോലിപോപ്പുകൾ ഉണ്ടാക്കി തരുന്നത്.സ്വന്തം രൂപം നുണയണമെന്ന് ആഗ്രഹിക്കുന്നയാർക്കും ഇത് പരീക്ഷിക്കാം. 3,600 രൂപയാണ് ഒരു ലോലിപോപ്പിന്റെ വില. സ്വന്തം രൂപത്തിലുള്ള ലോലിപോപ്പ് ഉണ്ടാക്കാനാഗ്രഹിക്കുന്നവർ ആദ്യം തങ്ങളുടെ ഫോട്ടോ ഓണ്ലൈനായി സമർപ്പിക്കണം. പത്തു ദിവസത്തിനകം നമുക്ക് ഇഷ്ടമുള്ള പഴത്തിന്റെ രുചിയിൽ ലോലിപോപ്പ് ഉണ്ടാക്കിത്തരും.
Read Moreഇവിടെ മഞ്ഞിനു നിറം വെള്ളയല്ല, ഓറഞ്ച്
ഓറഞ്ച് നിറത്തിലുള്ള മഞ്ഞിൽ പുതഞ്ഞ് കിഴക്കൻ യൂറോപ്പ്. ഉക്രയിൻ, ബൾഗേറിയ, റഷ്യ, റുമേനിയ എന്നിവിടങ്ങളിലാണ് കൂടുതലായും ഓറഞ്ച് മഞ്ഞുവീഴ്ച ദൃശ്യമാകുന്നത്. സഹാറ മരുഭൂമിയിൽനിന്നുള്ള മണൽക്കാറ്റിനെത്തുടർന്ന് അന്തരീക്ഷത്തിലെ ഉപരിപാളികളിലെത്തിയ മണൽത്തരികളും പൂന്പൊടിയുമൊക്കെയാണ് മഞ്ഞിന്റെ ഓറഞ്ച് നിറത്തിനു കാരണമെന്നാണ് ശാസ്ത്രജ്ഞരുടെ വിലയിരുത്തൽ. 2007ൽ സൈബീരിയയിലും ഓറഞ്ച് നിറത്തിൽ മഞ്ഞുവീഴ്ചയുണ്ടായിരുന്നു.
Read Moreശാസ്ത്ര ലോകത്തെ ഞെട്ടിച്ച് മനുഷ്യ മുഖത്തോട് രൂപസാദൃശ്യമുള്ള കുരങ്ങ്
മനുഷ്യമുഖത്തോട് രൂപ സാദൃശ്യമുള്ള കുരങ്ങ് സോഷ്യൽമീഡിയായുടെ ശ്രദ്ധ നേടിയെടുക്കുന്നു. ചൈനയിലെ ടിയാൻജിൻ മൃഗശാലയിൽ നിന്നുമുള്ളതാണ് ഈ വീഡിയോ. ചൈനീസ് സാമൂഹ്യമാധ്യമമായ വെയ്ബോയിലാണ് ഈ കുരങ്ങിന്റെ ദൃശ്യങ്ങൾ പ്രചരിച്ചത്. മനുഷ്യൻ ചെയ്യുന്നതു പോലെ മുഖം ചലിപ്പിക്കുകയും നോക്കുകയും മറ്റുമാണ് ഈ കുരങ്ങ് ചെയ്യുന്നത്. ഈ കുരങ്ങിന്റെ പ്രായം പതിനെട്ട് വയസ് ആണ്. ഇത്തരത്തിലുള്ള കുരങ്ങുകൾ അമേരിക്കയിലും ഉണ്ട്. മാത്രമല്ല അമിതമായ ബുദ്ധിയുള്ളതാണ് ഇത്തരം വിഭാഗത്തിൽപ്പെട്ട കുരങ്ങുകൾ എന്ന് നാഷണൽ ജിയോഗ്രഫിക് റിപ്പോർട്ട് ചെയ്യുന്നു.
Read Moreപൈലറ്റ് ചിറകില്ലാതെ പറന്നു; കോക്പിറ്റിൽ കയറി പോലീസ് പോക്കി
സ്റ്റുട്ട്ഗാർട്ട്: വിമാനം ചിറകുവിരിച്ച് പറന്നുയരുന്നതിനു മുമ്പെ പൈലറ്റ് ചിറകില്ലാതെ പറന്നുയർന്നു. കോക്പിറ്റിലൂടെ നിലത്തുറയ്ക്കാത്ത കാലുമായി വേച്ചുവേച്ചു നടന്ന പൈലറ്റിനെ ജർമൻ പോലീസ് അറസ്റ്റ് ചെയ്തു. ജർമനിയിലെ സ്റ്റുട്ട്ഗാർട്ട് വിമാനത്താവളത്തിലായിരുന്നു സംഭവം. വെള്ളിയാഴ്ച സ്റ്റുട്ട്ഗാർട്ടിൽനിന്നും ലിസ്ബണിലേക്കുള്ള വിമാനത്തിന്റെ പൈലറ്റാണ് അറസ്റ്റിലായത്. നാൽപതുകാരനായ സഹപൈലറ്റ് അമിതമായി മദ്യപിച്ചാണ് വിമാനത്തിൽ എത്തിയത്. ഇയാൾക്ക് ശരിയായി നടക്കാൻപോലും കഴിയില്ലായിരുന്നു. ഇതോടെ യാത്രക്കാർ പോലീസിനെ വിവരം അറിയിക്കുകയായിരുന്നു. ജർമൻ പോലീസ് വിമാനത്തിനുള്ളിൽ കടന്ന് പറക്കുന്നതിനു മുമ്പ് പറന്നുതുടങ്ങിയ കക്ഷിയെ നിലത്തിറക്കി. ഇയാളുടെ ലൈസൻസ് അധികൃതർ സസ്പെൻഡ് ചെയ്യുകയും 10,000 യൂറോ പിഴ ചുമത്തുകയും ചെയ്തു. സംഭവത്തെ തുടർന്ന് 106 യാത്രക്കാരുമായി പറന്നുയരാനിരുന്ന വിമാനം റദ്ദാക്കി.
Read Moreആ അസ്ഥികൂടം ഒരു പെണ്കുഞ്ഞിന്റേത്
15 വർഷം മുന്പാണ് ചിലിയിലെ ഒരു ഖനിയിൽനിന്ന് മമ്മിയായ ഒരു മനുഷ്യരൂപം അവിടത്തെ തൊഴിലാളികൾക്ക് ലഭിക്കുന്നത്. മനുഷ്യശരീരത്തോട് ഏറെ സാമ്യമുണ്ടായിരുന്ന ആ രൂപം സ്പെയിനിൽനിന്നെത്തിയ ഒരു സഞ്ചാരിക്ക് അവർ വിറ്റു. പിന്നീട് നിരവധി ടെലിവിഷൻ പരിപാടികളിലൂടെ അദ്ദേഹം ആ രൂപത്തെ ലോകത്തിനുമുന്പിൽ കാണിച്ചു. ആറ്റ എന്ന് പേരിട്ട ആ രൂപം ഭൂമിയിൽ എത്തിയ ഏതോ അന്യഗ്രഹജീവിയുടേതാണെന്ന് അദ്ദേഹം വാദിച്ചു. വർഷങ്ങൾക്ക് ശേഷം അമേരിക്കയിലെ കലിഫോർണിയയിലുള്ള ഒരുകൂട്ടം ശാസ്ത്രജ്ഞൻമാർ ആ രൂപത്തെ ക്കുറിച്ച് കൂടുതൽ പഠിച്ചു. ആ മമ്മിയിൽനിന്ന് ശേഖരിച്ച ഡിഎൻഎ സാന്പിളുകളുടെ പരിശോധന ഫലം കഴിഞ്ഞ ദിവസം പുറത്തുവന്നു. ഉടമസ്ഥൻ കരുതിയതുപോലെ അത് അന്യഗ്രഹജീവിയുടെ മമ്മിയൊന്നുമായിരുന്നില്ല. ഗർഭസ്ഥാവസ്ഥയിൽത്തന്നെ മരിച്ചതോ അല്ലെങ്കിൽ ജനിച്ച ഉടനെ മരിച്ചതോ ആയ ഒരു പെണ്കുഞ്ഞിന്റെ ശരീരമായിരുന്നു അത്. അജ്ഞാതമായ ഏതോ പരിവർത്തനത്തിന്റെ പരിണിതഫലമാണ് ആറിഞ്ചു മാത്രം നീളമുള്ള ആ മമ്മിയെന്ന് ഗവേഷകർ പറയുന്നു.…
Read Moreമരണം നിരോധിച്ചിരിക്കുന്ന ഗ്രാമം !
ജനനവും മരണവുമൊന്നും മനുഷ്യന്റെ കൈയിലൊതുങ്ങുന്ന കാര്യമല്ലെന്നാണ് പറയാറ്. എന്നാൽ മരിക്കുന്നത് നിയമപരമായി നിരോധിച്ചിരിക്കുന്ന ഒരു ഗ്രാമമുണ്ട് ഈ ഭൂമിയിൽ.നോർവെയിലെ ലോങ്യെർബൈൻ എന്ന ദ്വീപിലാണ് മരണം നിരോധിച്ചിരിക്കുന്നത്. ജോണ് ലോങ്യെർ എന്ന അമേരിക്കക്കാരനാണ് 1906ൽ ഇവിടേക്ക് ആളുകളെ കൊണ്ടുവരുന്നത്. 500 തൊഴിലാളികളുമായി അദ്ദേഹം അന്ന് ഇവിടെയൊരു ഖനി തുറന്നു. പിന്നീട് ഈ തൊഴിലാളികളിൽ ചിലർ ഇവിടെ സ്ഥിരതാമസമാക്കുകയും ഇതൊരു ഗ്രാമമായി വളരുകയും ചെയ്തു. ഇപ്പോൾ 2000മാണ് ഇവിടത്തെ ജനസംഖ്യ. ഈ ചെറിയ ഗ്രാമത്തിൽ ആകെ ഒരു ശ്മശാനമെയുള്ളു. എന്നാൽ 70 വർഷം മുന്പ് ഇവിടെ മൃതദേഹം അടക്കം ചെയ്യുന്നത് അവസാനിപ്പിച്ചു. ഈ പ്രദേശത്തെ കനത്ത തണുപ്പുകാരണം മുന്പ് അടക്കം ചെയ്യപ്പെട്ട മൃതദേഹങ്ങൾ അഴുകുന്നില്ല എന്നതായിരുന്നു ഇതിനു കാരണം. ഇപ്പോഴും ഇതുതന്നെയാണ് അവസ്ഥ. ഒരാൾ ജനിച്ചതും വളർന്നതുമെല്ലാം ലോങ്യെർബൈനിലാണെങ്കിലും ആ നാട്ടിൽവച്ച് മരിക്കാൻ അനുവാദമില്ല. മരണാസന്നരായവരെ ഇവിടെനിന്ന് അടുത്തുള്ള ഗ്രാമത്തിലേക്കു…
Read Moreഅടിച്ചുമാറ്റൽ ഭീഷണി! ബിയർ ഗ്ലാസുകളിൽ അലാം പിടിപ്പിച്ച് ബാറുടമ
ബൽജിയത്തിലുള്ള”ബിയർ വാൾ’ ബാർ കുടിയന്മാരുടെ ഇഷ്ടകേന്ദ്രമാണ്. ബിയറുകളിലെ വൈവിധ്യമാണ് ഇവിടത്തെ പ്രത്യേകത. എന്നാൽ കഴിഞ്ഞ കുറച്ചുനാളുകളായി ഈ ബാർ ഒരു പ്രതിസന്ധിയിൽഅകപ്പെട്ടിരിക്കുകയാണ്. മറ്റൊന്നുമല്ല, ബാറിലെ ബിയർ ഗ്ലാസുകൾ മോഷണം പോകുന്നു. പ്രത്യകമായി ഡിസൈൻ ചെയ്തു നിർമിച്ച ഗ്ലാസുകൾ ബിയർ കുടിക്കാനെത്തു ന്നവർ അടിച്ചുമാറ്റുകയാണത്രേ… പ്രതിമാസം 200 ഗ്ലാസുകളാണ് ഇങ്ങനെ മോഷ്ടിക്കപ്പെടുന്നതെന്ന് ബാറുടമ ഫിലിപ് മേസ് പറയുന്നു. എന്തായാലും കക്ഷിതന്നെ പ്രതിസന്ധിക്കൊരു പരിഹാരം കണ്ടിരിക്കയാണിപ്പോൾ. ടെക് വിദഗ്ധരുടെ സഹായത്തോടെ ബിയർ ഗ്ലാസുകളിലെല്ലാം അലാം സെൻസർ ഘടിപ്പിച്ചു.ഗ്ലാസുമായി ആരെങ്കിലും ബാർ വിട്ടാൽ അലാം മുഴങ്ങും. പുതിയ സംവിധാനമെത്തിയിട്ട് ഏതാനുംദിവസങ്ങളേ ആയിട്ടുള്ളൂവെന്നും ഇതിനുശേഷം ആരും ഇതേവരെ ഗ്ലാസ് അടിച്ചുമാറ്റാൻ ശ്രമിച്ചിട്ടില്ലെന്നും ഫിലിപ് മേസ് പറഞ്ഞു.
Read More