ലോകത്തിലെ ഏറ്റവും വലിയ ദുരന്തങ്ങളിലൊന്നായി വിശേഷിപ്പിക്കപ്പെടുന്നതാണ് ടൈറ്റാനിക്ക്. ടൈറ്റാനിക് എന്ന ഹോളിവുഡ് ചിത്രത്തിലൂടെയാണ് ഈ അപകടത്തിന്റെ ഭീകരമായ വ്യാപ്തി എല്ലാവരും മനസിലാക്കിയത്. ഇപ്പോൾ ടൈറ്റാനിക്ക് എന്ന പേര് വീണ്ടും വാർത്തകളിൽ നിറയുകയാണ്. കാരണം ഓട്ടിസം ബാധിച്ച ബ്രിഞ്ജർ കാൾ എന്ന കുട്ടി കളിപ്പാട്ടം ഉപയോഗിച്ച് നിർമിച്ച ലോകത്തിലെ ഏറ്റവും വലിയ ടൈറ്റാനിക് അമേരിക്കയിലെ യുഎസ് മ്യൂസിയത്തിൽ പ്രദർശനത്തിന് ഒരുങ്ങുകയാണ്. ആദ്യം 56,000 പ്ലാസ്റ്റിക് കളിപ്പാട്ടങ്ങളാണ് ബ്രിഞ്ജർ എട്ടുമീറ്റർ നീളമുള്ള തന്റെ കപ്പൽ നിർമിക്കുവാനായി ഉപയോഗിച്ചത്. എന്നാൽ നിർമാണം തുടർന്നുകൊണ്ടിരിക്കെ ടൈറ്റാനിക്കിന്റെ മുൻഭാഗം തകർന്നതിനെ തുടർന്ന് വീണ്ടും കളിപ്പാട്ടം വാങ്ങേണ്ടതായി വന്നു. അങ്ങനെ മൊത്തം 65,000കളിപ്പാട്ടങ്ങളാണ് തന്റെ ലക്ഷ്യം പൂർത്തികരിക്കുവാനായി പതിനഞ്ചുകാരനായ ബ്രിഞ്ജറിനു വേണ്ടിവന്നത്. ഇതിനു മുന്പ് ഐസ്ലൻഡ്, സ്വീഡൻ, നോർവേ, ജർമനി എന്നിവിടങ്ങളിൽ ബ്രിഞ്ജറിന്റെ ടൈറ്റാനിക് പ്രദർശിപ്പിച്ചിട്ടുണ്ട്. ഇപ്പോൾ അമേരിക്കയിലെ ടെന്നിസിയിലെ മ്യൂസിയത്തിൽ പ്രദർശിപ്പിക്കുവാനുള്ള തയാറെടുപ്പിലാണ് ബ്രിഞ്ജർ.
Read MoreCategory: NRI
നിർത്തിയിട്ടിരുന്ന കാർ കടത്തിയ വിരുതൻ കാറ്റ്; രസകരമായ വീഡിയോ
പാർക്കിംഗ് മേഖലയിൽ തന്റെ കാർ നിർത്തിയിട്ട് ആവശ്യത്തിനായി പോയതാണ് ചൈനയിലെ ക്വിംഗ്ഡോ സ്വദേശിയായ ഒരാൾ. എന്നാൽ അരമണിക്കൂറിനു ശേഷം തിരികെയെത്തിയപ്പോൾ അദ്ദേഹം താൻ നിർത്തിയിട്ടിരുന്നിടത്ത് കാർ കണ്ടില്ല. ആരെങ്കിലും കാർ മോഷ്ടിച്ചതാകാം എന്ന നിഗമനത്തിൽ എത്തിച്ചേർന്ന അദ്ദേഹം ഉടൻ തന്നെ പരാതിയുമായി പോലീസിനെ സമീപിച്ചു. തുടർന്ന് പോലീസെത്തി സമീപത്തെ സിസിടിവി ദൃശ്യങ്ങൾ പരിശോധിച്ചപ്പോഴാണ് യഥാർത്ഥ കള്ളനെ പിടികൂടിയത്. കാരണം മനുഷ്യന്മാരൊന്നുമായിരുന്നില്ല ആ കാർ അവിടെ നിന്നും മാറ്റിയതിനു പിന്നിൽ. പകരം അതിശക്തമായി വീശിയടിച്ച കാറ്റിന്റെ ശക്തിയിലാണ് ഈ കാർ പാർക്ക് ചെയ്തിരുന്നിടത്തു നിന്നും തനിയെ നിരങ്ങി പോയത്. ഏകദേശം അന്പത് മീറ്ററോളമാണ് കാർ നീങ്ങി പോയത്. ഇത്രെയും ദൂരം ഈ കാർ സഞ്ചരിച്ചുവെങ്കിലും മറ്റ് അപകടങ്ങളൊന്നുമുണ്ടായില്ല.
Read Moreഅനധികൃത ഷെഡ്ഡ് പൊളിക്കാനെത്തിയ പോലീസുകാരെ ഭയപ്പെടുത്താൻ ആറുവയസ് പ്രായമുള്ള കുട്ടിയെ പിതാവ് വലിച്ചെറിഞ്ഞു
ചേരിയിൽ അനധികൃതമായി നിർമിച്ച ഷെഡ്ഡുകൾ നീക്കം ചെയ്യാൻ എത്തിയ അധികൃതരെ ഭയപ്പെടുത്താൻ ഷെഡ്ഡിനു മുകളിൽ കയറി നിന്ന് ആറുമാസം പ്രായമുള്ള കുട്ടിയെ വലിച്ച് എറിഞ്ഞ പിതാവ് അറസ്റ്റിൽ. താഴെ നിന്ന പോലീസുദ്യോഗസ്ഥർ കൃത്യമായി പിടിച്ചതിനാൽ കുട്ടിക്ക് ഒരു പോറൽ പോലും ഏറ്റിരുന്നില്ല. സൗത്ത് ആഫ്രിക്കയിലെ പോർട്ട്എലിസബത്തിലുള്ള ക്വാദ്വേസിയിലാണ് സംഭവം നടന്നത്. അനധികൃതമായി കെട്ടിപടുത്ത തൊണ്ണൂറ് ഷെഡ്ഡുകൾ പൊളിക്കാൻ അധികൃതരും പോലീസുമെത്തിയപ്പോൾ ഇവർക്കെതിരെ നടത്തിയ ലഹളയിൽ പങ്കെടുത്ത നൂറ്റിയന്പത് പേരിൽ ഒരാളായിരുന്നു മുപ്പത്തിയെട്ടുകാരനായ ഈ പിതാവ്. അധികൃതർ സമീപിച്ചപ്പോൾ അവരെ ഭീഷണപ്പെടുത്തിക്കൊണ്ട് ഇയാൾ കുട്ടിയുമായി വീടിനു മുകളിലേക്കു കയറുകയായിരുന്നു. പോലീസുകാരിൽ ഒരാൾ ഇയാളെ അനുനയിപ്പിക്കാൻ ശ്രമിച്ചുവെങ്കിലും ഇയാൾ വഴങ്ങിയില്ല. ഈ സമയം താഴെ നിൽക്കുകയായിരുന്ന സമരാനുകൂലികൾ കുട്ടിയെ എറിയൂ എന്ന് ആക്രോശിക്കുന്നുമുണ്ടായിരുന്നു. പെട്ടന്ന് ഇയാളെ പിടികൂടാൻ ഒരു പോലീസുദ്യോഗസ്ഥൻ പാഞ്ഞ് അടുക്കുന്പോൾ ഇയാൾ കൈയ്യിലിരുന്ന കുട്ടിയെ താഴേക്ക് വലിച്ചെറിയുകയായിരുന്നു.…
Read Moreപച്ചയ്ക്കു കത്തിയെരിയുന്ന മനുഷ്യൻ; വേൾഡ് പ്രസ് ഫോട്ടോ അവാർഡ് നേടിയ ആ ചിത്രത്തിനു പിന്നിൽ
2018ലെ വേൾഡ് പ്രസ് ഫോട്ടോ അവാർഡ് എഎഫ്പിയുടെ ഫോട്ടോഗ്രാഫറായ റൊണാൾഡൊ ഷെമിറ്റ് സ്വന്തമാക്കി. വെനസ്വല പ്രസിഡന്റ് നിക്കോളാസ് മഡൂറോയ്ക്കെതിരെ നടന്ന പ്രക്ഷോഭത്തിനിടെ ശരീരത്തിൽ തീപടരുന്പോഴും മുന്പോട്ട് കുതിക്കുന്ന പോരാളിയുടെ ചിത്രമാണ് ഈ അവാർഡ് അദ്ദേഹത്തിന് നേടിക്കൊടുത്തത്. കത്തുന്ന ഒരു രാജ്യത്തിന്റെ മുഴുവൻ ഭീകരതയും പ്രതിഫലിക്കുന്ന ചിത്രമാണിതെന്നാണ് അവാർഡ് നിർണയ സമിതി ഇതിനെപ്പറ്റി പരാമർശിച്ചത്. സർക്കാരിനെതിരെ 2017ൽ നടന്ന പ്രക്ഷോഭത്തിനിടെ ഇരുപത്തിയെട്ടുകാരനായ വിക്ടർ സലാസറും സംഘാംഗങ്ങളും ഒരു പോലീസ് ബൈക്ക് തകർക്കുന്നതിനിടെയാണ് ബൈക്കിന്റെ പെട്രോൾ ടാങ്ക് പൊട്ടിത്തെറിച്ച് വിക്ടറിന്റെ ശരീരത്തിൽ തീപടർന്നത്. മാസ്ക് ധരിച്ചിരുന്നതിനാൽ അദ്ദേഹത്തിന്റെ മുഖത്ത് പരിക്കില്ല. പ്രക്ഷോഭത്തിന്റെ ചിത്രങ്ങൾ പകർത്തുന്നതിനിടെ വലിയൊരു പൊട്ടിത്തെറിയുടെ ശബ്ദം കേട്ട് തിരിഞ്ഞു നോക്കുന്പോഴാണ് ശരീരം നിറയെ പടർന്ന തീയുമായി വിക്ടർ ഓടുന്ന ദൃശ്യം റൊണാൾഡൊയുടെ കണ്ണിൽപ്പെട്ടത്. ഒട്ടം സമയം കളയാതെ അദ്ദേഹം ഈ ചിത്രം പകർത്തുകയും ചെയ്തു. ക്ലാസിക്കൽ ചിത്രമാണിതെന്നാണ്…
Read Moreമോഷ്ടിക്കാനെത്തിയവരെ പഞ്ഞിക്കിട്ട് സ്ക്വുരൽ കുരങ്ങുകൾ
തങ്ങളെ മോഷ്ടിക്കാനെത്തിയ കള്ളന്മാരേ അടിച്ചോടിച്ച് സ്ക്വുരൽ കുരങ്ങുകൾ. ന്യൂസിലൻഡിലെ വെല്ലിംഗ്ടണ് മൃഗശാലയിലാണ് സംഭവം. വിപണിയിൽ വലിയ വിലയുള്ളവയാണ് ഈ ഇനം കുരങ്ങുകൾ. രാത്രിയിൽ മൃഗശാലയിലെത്തിയ മോഷണസംഘം കൂടു പൊളിച്ച് ഒരു കുരങ്ങിനെ കൈക്കലാക്കിയതോടെ ബാക്കിയുള്ളവ ചീറിയടുക്കുകയായിരുന്നു. കന്പിവടിയുൾപ്പെടയുള്ള ആയുധങ്ങൾകൊണ്ട് കള്ളന്മാർ ചെറുത്തെങ്കിലും വാനരശൗര്യത്തിനുമുന്നിൽ പിടിച്ചുനിൽക്കാനായില്ല. കൈക്കലാക്കിയ കുരങ്ങിനെ തിരികെ കൂട്ടിലിട്ടതോടെയാണ് വാനരസേന ആക്രമണം അവസാനിപ്പിച്ചത്. മൃഗശാല അധികൃതർ സംഭവമറിഞ്ഞത് പിറ്റേന്നാണ്. കൂടു തകർന്നത് ശ്രദ്ധയിൽപ്പെട്ടപ്പോൾ കുരങ്ങുകൾ രക്ഷപ്പെട്ടെന്നായിരുന്നു ആദ്യം കരുതിയത്. എന്നാൽ, എല്ലാവരെയും കൂടിനുള്ളിൽത്തന്നെ കണ്ടെത്തി. ചില കുരങ്ങുകൾക്ക് പരിക്കേറ്റിരുന്നു. സിസിടിവി ദൃശ്യങ്ങളിൽനിന്നാണ് എന്താണ് സംഭവിച്ചതെന്ന് തിരിച്ചറിഞ്ഞത്. പരിക്കേറ്റ കുരങ്ങുകൾ ഇപ്പോൾ ചികിത്സയിലാണ്. ആരുടെയും പരിക്ക് സാരമുള്ളതല്ല. മനുഷ്യരോടു തീരെ ഇണക്കം പ്രകടിപ്പിക്കാത്ത സ്കുരൽ കുരങ്ങുകൾ കൂട്ടമായി ജീവിക്കാൻ ഇഷ്ടപ്പെടുന്നവയാണ്.
Read Moreയാത്രക്കാരുടെ ശ്രദ്ധയ്ക്ക്…! ഇനി വിമാനത്തിലും മയങ്ങാം, വീട്ടിലെന്നപോലെ..
അമ്മയുടെ മാറിലെ ചൂടേറ്റു കിടന്നുറങ്ങാൻ കൊച്ചുകുട്ടികൾക്കു സൗകര്യമൊരുക്കി എയർ ന്യൂസിലൻഡ് വിമാനക്കന്പനി. സ്കൈ കൗച്ച് എന്ന പേരിൽ കന്പനി അവതരിപ്പിച്ചിരിക്കുന്ന സീറ്റിംഗ് സംവിധാനത്തിൽ കുഞ്ഞുങ്ങൾക്കും അമ്മമാർക്കും ഒരുമിച്ച് കിടന്നുറങ്ങാനാകും. ഉറക്കം കൂടുതൽ സുഖകരമാക്കാൻ തലയിണകളും കന്പനി നല്കുന്നുണ്ട്. അമ്മയ്ക്കും കുട്ടിക്കും മാത്രമല്ല ദന്പതികൾക്കും ഈ സംവിധാനമൊരുക്കുന്നുണ്ട്. അന്യയാത്രക്കാർക്ക് ഈ സീറ്റുകളുള്ള ഭാഗത്തേക്കു പ്രവേശനവുമുണ്ടായിരിക്കില്ല. വിമാനത്തിൽ കിടന്നുപോകാൻ ആഗ്രഹിക്കുന്നവർ മുൻകൂട്ടി ഇക്കാര്യം അറിയിക്കണമെന്നുമാത്രം.
Read Moreഇടേണ്ടിടത്ത് ഇട്ടില്ലേൽ ചെരുപ്പ് തനിയെ പാർക്ക് ചെയ്യും; കിടിലൻ ചെരുപ്പുമായി നിസാൻ
ഓഫീസുകൾക്കും ആരാധനാലയങ്ങൾക്കും മുന്നിൽ അലക്ഷ്യമായി ഊരിയിടുന്ന ചെരുപ്പുകൾ പലപ്പോഴും പലരെയും അലോരസപ്പെടുത്തുന്നുണ്ട്. ചെരിപ്പുകൾ വയ്ക്കാൻ പ്രത്യേക സ്ഥലമുണ്ടെങ്കിൽ പോലും അത് ഉപയോഗിക്കാൻ പലർക്കും സൗകര്യവുമില്ല. അതുകൊണ്ടുതന്നെയാണ് ഇത്തരത്തിലൊരു ആശയം മുന്നോട്ടുവയ്ക്കാൻ ജാപ്പനീസ് കമ്പനിയായ നിസാനു തോന്നിയത്. സെൽഫ് പാർക്കിംഗ് സംവിധാനമുള്ള ചെരുപ്പാണ് കമ്പനി മുന്നോട്ടുവയ്ക്കുന്നത്. ഉപയോഗിക്കാത്ത സാഹചര്യങ്ങളിൽ ചെരുപ്പ് തനിയെ നിശ്ചിത സ്ഥലത്ത് പാർക്ക് ചെയ്യും. എവിടെയാണ് ചെരുപ്പുകൾ പാർക്ക് ചെയ്യണമെന്നത് മുൻകൂട്ടി സെറ്റ് ചെയ്യാനുമാകും. ചെരുപ്പിൽ ഘടിപ്പിച്ചിരിക്കുന്ന മോട്ടോറും ചക്രങ്ങളും സെൻസറുമാണ് ഇതിനു സഹായകമാകുന്നത്. കാമറയാണ് ഇതിനായി ചെരുപ്പിനെ പ്രാപ്തമാക്കുന്നത്. ചെരുപ്പുകളിൽ മാത്രമല്ല ചെറിയ മേശകളിലും കസേരകളിലും ഈ സംവിധാനം പ്രയോജനപ്പെടുത്താനാകുമെന്ന് നിസാൻ അറിയിച്ചു. സെൽഫ് ഡ്രൈവിംഗ് സംവിധാനമുള്ള കാറുകൾക്ക് പ്രചാരം നല്കുന്നതിനാണ് സെൽഫ് പാർക്കിംഗ് ചെരുപ്പുകൾ വികസിപ്പിച്ചതെന്നാണ് കമ്പനി അവകാശപ്പെടുന്നത്.
Read Moreമൗഗ്ലിമാൻ പറയുന്നു: മനുഷ്യർക്കൊപ്പമുള്ള ജീവിതം മടുത്തു, ചെന്നായ്ക്കൂട്ടത്തിലേക്കു മടങ്ങണം
ഇത്തരം ചിന്തകൾ ജംഗിൾബുക്ക് പോലുള്ള സാങ്കല്പിക കഥകളിൽ മാത്രം കണ്ടിട്ടുള്ളതെങ്കിൽ സ്പെയിനിലെ മാർക്കോസ് റോഡ്രിഗസ് പന്റോജ എന്ന എഴുപത്തിരണ്ടുകാരന്റെ ജീവിതം വ്യത്യസ്തമാണ്. 12 വർഷം ജംഗിൾബുക്കിലെ മൗഗ്ലിയെപ്പോലെ ചെന്നായ്ക്കൾ വളർത്തിയതാണ് ഇദ്ദേഹത്തെ. ഏഴാം വയസിൽ സ്പെയിനിലെ സിയറ മൊറീന മലനിരകളിൽവച്ചാണ് മാർക്കോസിനെ ചെന്നായ്ക്കൾക്കു ലഭിക്കുന്നത്. 12 വർഷങ്ങൾക്കുശേഷം 19-ാം വയസിൽ കണ്ടെത്തുന്പോൾ നഗ്നപാദനായി ഭാഗികമായി നഗ്നത മറച്ച് ജീവിച്ച സ്ഥിതിയിലായിരുന്നു. മൃഗങ്ങളേപ്പോലെ മുരണ്ട് മാത്രമായിരുന്നു ആശയവിനിമയം നടത്തിയിരുന്നത്. ഇതിനുശേഷം സാധാരണജീവിതത്തിലേക്കു മടക്കിക്കൊണ്ടുവരികയായിരുന്നു. വവ്വാലുകളും പാന്പുകളും നിറഞ്ഞ ഗുഹയിൽ താമസിച്ചിരുന്ന കാലഘട്ടമായിരുന്നു ജീവിത്തിൽ ഏറ്റവും സന്തോഷം നിറഞ്ഞിരുന്നതെന്ന് സ്പെയിലെ മൗഗ്ലി എന്നറിയപ്പെടുന്ന അദ്ദേഹം പറയുന്നു. പ്രായമായെങ്കിലും ഇപ്പോഴും മൃഗങ്ങളുടെ ശബ്ദങ്ങളും ചേഷ്ടകളും പുറപ്പെടുവിക്കാൻ കഴിയുന്നതിനൊപ്പം അവയോട് ആശയവിനിമയം നടത്താനും അദ്ദേഹത്തിനു കഴിയുന്നുണ്ട്. എന്നാൽ, സമൂഹം ഇപ്പോഴും തന്നെ അംഗീകരിക്കാൻ കൂട്ടാക്കുന്നില്ലെന്നതാണ് അദ്ദേഹത്തെ കാട്ടിലേക്കു മടങ്ങിപ്പോകാൻ പ്രേരിപ്പിക്കുന്നത്. ഗലീഷിയയിൽ ഒരു…
Read Moreപ്രകൃതി ഒരു അദ്ഭുതമാണ്! വിഡ്ഢിദിനത്തിൽ രണ്ടുകോടി പേരെ കബളിപ്പിച്ച് ഒരു ചിത്രം
“പ്രകൃതി ഒരു അദ്ഭുതമാണ്. വെള്ളം തേടിയുള്ള യാത്രയിൽ ക്ഷീണിച്ചവശനായ സിംഹക്കുട്ടിയെ തുന്പിക്കൈയിൽ ഇരുത്തി നടന്നുനീങ്ങുന്ന ആഫ്രിക്കൻ ആന. സമീപത്ത് സിംഹക്കുട്ടിയുടെ അമ്മയും. ഇവർ മൂവരും മൂന്നു കിലോമീറ്റർ സഞ്ചരിച്ചശേഷമാണ് നീർച്ചാൽ കണ്ടെത്തിയത്. ദക്ഷിണാഫ്രിക്കയിലെ ക്രൂഗർ ദേശീയോദ്യാനത്തിൽനിന്ന് എന്റെ സുഹൃത്തുക്കളായ വനപാലകരാണ് ഈ അത്യാപൂർവ ചിത്രം കാമറയിൽ പകർത്തിയത്”- ഫ്രാൻസ്വാ ലോട്ടറിംഗ് എന്ന നമീബിയൻ സ്വദേശി ഫേസ്ബുക്കിൽ ഈ കുറിപ്പോടെ പോസ്റ്റ് ചെയ്ത ചിത്രമാണിത്. ചിത്രം പോസ്റ്റ് ചെയ്ത് മണിക്കൂറുകൾക്കകം വൈറലായി. ഒരു ലക്ഷത്തോളം പേർ ഇത് ഷെയർ ചെയ്തു. ലോകത്തിന്റെ പല കോണുകളിൽനിന്നുമുള്ള പ്രമുഖർ ചിത്രത്തിനു കമന്റും പാസാക്കി. ഇതോടെ ചിത്രത്തെക്കുറിച്ചുള്ള ചർച്ചകളും ഉയർന്നു. മൃഗങ്ങളുടെ സഹജീവികളോടുള്ള സ്നേഹം മനുഷ്യർ കണ്ടുപഠിക്കണമെന്നുള്ള ആശയം ചിലർ പങ്കുവച്ചു. ചിത്രത്തിന്റെ ആധികാരികത ചോദ്യംചെയ്തവരും വിരളമല്ല. കഥകളിൽ ആനയും സിംഹവും സുഹൃത്തുക്കളായേക്കാം. എന്നാൽ, വനത്തിൽ ഇതിന് ഒരു സാധ്യതയുമില്ല. പ്രത്യേകിച്ച് ഒരു…
Read Moreശസ്ത്രക്രിയക്കെത്തിയ യുവതിയെ ഡോക്ടർമാർ ജീവനോടെ എംബാം ചെയ്തു
ശസ്ത്രക്രിയക്കായി ആശുപത്രിയിലെത്തിയ യുവതിയെ ഡോക്ടർമാർ ജീവനോടെ എംബാം ചെയ്തു. റഷ്യയിലെ വോൾഗ ഫെഡറലിലുള്ള യൂലിനോസ്ക് ആശുപത്രിയിലാണ് ഡോക്ടർമാരുടെ അശ്രദ്ധ കാരണം ഒരു യുവതിക്ക് ജീവൻ നഷ്ടപ്പെട്ടത്. അണ്ഡാശയത്തിലെ മുഴ നീക്കം ചെയ്യുവാനാണ് ഇരുപത്തിയേഴുകാരിയായ എക്കാത്തറീന ഫെദ്യേവയെ ആശുപത്രിയിൽ എത്തിച്ചത്. എന്നാൽ മരുന്നായി സലൈൻ ലായനി നൽകുന്നതിനു പകരം മൃതദേഹങ്ങൾ എംബാം ചെയ്യുന്ന ഫോർമാലിൻ ലായനി നൽകിയതാണ് അപകടത്തിനു കാരണമായത്. തങ്ങൾക്കു പറ്റിയ കൈയ്യബദ്ധം മനസിലാക്കിയ ഡോക്ടർമാർ ഉടൻ തന്നെ ഇവരുടെ വയർ വൃത്തിയാക്കാൻ ശ്രമിച്ചുവെങ്കിലും എല്ലാവരെയും നിരാശരാക്കി എക്കാത്തറീന മരണത്തിനു കീഴടങ്ങുകയായിരുന്നു. ശസ്ത്രക്രിയക്കു ശേഷം അവൾ കണ്ണു തുറന്നിരുന്നു എന്നാൽ വിഷത്തെ പുറന്തള്ളാൻ അവളുടെ ശരീരത്തിനായില്ല. ഡോക്ടർമാർ ജീവനോടെ എംബാം ചെയ്യുകയായിരുന്നുവെന്നും എക്കാത്തറീനയുടെ ഭർത്തൃമാതാവ് പറഞ്ഞു. സംഭവം ലോകമെന്പാടും ചർച്ച ചെയ്യപ്പെട്ടതോടെ സർക്കാർ അന്വേഷണത്തിന് ഉത്തരവിട്ടിട്ടുണ്ട്. മാത്രമല്ല സംഭവത്തിന് ഉത്തരവാദികളായ ഡോക്ടർമാരെയും ജീവനക്കാരെയും ആശുപത്രി അധികൃതർ ജോലിയിൽ…
Read More