ബസ് സ്റ്റേഷനിലെ റോഡിനു നടുവിൽ അനധികൃതമായി പാർക്ക് ചെയ്ത കാർ ക്രെയിൻ ഉപയോഗിച്ച് സമീപത്തെ കെട്ടിടത്തിനു മുകളിൽ എടുത്തുവെയ്ക്കുന്നതിന്റെ ദൃശ്യങ്ങൾ സോഷ്യൽമീഡിയായിൽ വ്യാപകമായി പ്രചരിക്കുന്നു. ചൈനയിലെ ഹുബേയ് പ്രവശ്യയിലെ സിഷൂയിയിലാണ് സംഭവം. സമീപം നിന്നയൊരാളാണ് ഈ ദൃശ്യങ്ങൾ പകർത്തിയത്. ഉടമയെത്തി കാർ നിലത്തിറക്കിയോ എന്ന് വ്യക്തമല്ല. ഇതിനു മുന്പ് സമാനമായ സംഭവം ചൈനയിൽ നടന്നിരുന്നു. സെക്യൂരിറ്റി സ്റ്റേഷനുമുന്പിൽ പാർക്ക് ചെയ്ത ഒരു യുവതിയുടെ കാർ സെക്യൂരിറ്റി ഉദ്യോഗസ്ഥർ ക്രെയിൻ ഉപയോഗിച്ച് കെട്ടിടത്തിനു മുകളിലേക്ക് മാറ്റിയിരുന്നു. തുടർന്ന് ഇവർ അറിയിച്ചതനുസരിച്ചെത്തിയ പോലീസുദ്യോഗസ്ഥരാണ് ഈ കാർ നിലത്തിറക്കിയത്.
Read MoreCategory: NRI
വയസ് ഏഴ്, ജോലി ഡെലിവറി ബോയി; കണ്ണീരണിയിക്കും ഈ ബാലന്റെ ജീവിതം
ഡെലിവറി ബോയിയുടെ ജോലി ചെയ്യുന്ന ഏഴുവയസുകാരന്റെ കഥ സോഷ്യൽമീഡിയയെ കണ്ണീരണിയിക്കുന്നു. ചൈനയിലാണ് സംഭവം. ലീ എന്നാണ് ഈ മിടുക്കന്റെ പേര്. അച്ഛൻ മരിച്ചതോടെ അമ്മ മറ്റൊരാളെ വിവാഹം ചെയ്തു. പുതിയ ജീവിതം ആരംഭിച്ച അമ്മ അവഗണിച്ചതോടെ ലീ അനാഥനാകുകയായിരുന്നു. തുടർന്ന് മൂന്നാം വയസു മുതൽ ലീ അച്ഛന്റെ സുഹൃത്തിന്റെ സംരക്ഷണയിലാണ് വളർന്നത്. ഒരു ഡെലിവറി ബോയിയുടെ ജോലിയാണ് അദ്ദേഹം ചെയ്തിരുന്നത്. നാളുകൾ പിന്നിട്ടപ്പോൾ അദ്ദേഹം ജോലിക്കു പോകുന്പോൾ ലീയെ കൂടെ ഒപ്പം കൊണ്ടു പോകുമായിരുന്നു. ഈ ജോലി ഇഷ്ടപ്പെട്ട് തുടങ്ങിയ ലീ പിന്നീട് തനിയെ ജോലി ചെയ്യാൻ ആരംഭിക്കുകയായിരുന്നു. ദിവസം മുപ്പത് ഡെലിവറികൾ വരെ ലീ ചെയ്യും. ഈ കഥയറിഞ്ഞ ഒരാൾ ലീയുടെ ദൃശ്യങ്ങൾ പകർത്തി സോഷ്യൽമീഡിയായിൽ പങ്കുവെച്ചതിനെ തുടർന്ന് വൈറലാകുകയായിരുന്നു. ലീയുടെ അവസ്ഥയെ അപലപിച്ച് നിരവധിയാളുകളാണ് രംഗത്തെത്തിയിട്ടുള്ളത്. ഭൂരിഭാഗം രാജ്യങ്ങളിലും ബാല വേല നിരോധിച്ചിട്ടുണ്ടെങ്കിലും ലീ…
Read Moreഅമ്മയാകുന്നതിൽ റിക്കാർഡിട്ട് ഒരു കടൽപ്പക്ഷി
അമ്മയാകുന്നതിന് പ്രായമൊന്നും ഒരു തടസമേ അല്ലെന്ന് തെളിയിച്ചിരിക്കുകയാണ് ആൽബട്രോസ് എന്നയിനം കടൽപ്പക്ഷി. 67 വയസ് പ്രായമുള്ള വിസ്ഡം എന്ന ആൽബട്രോസ് പക്ഷി മുട്ടയിട്ട് കഴിഞ്ഞ ദിവസം കുഞ്ഞിനെ വിരിയിച്ചെടുത്തപ്പോൾ പക്ഷിലോകത്തെ ഏറ്റവും പ്രായമേറിയ അമ്മ എന്ന റിക്കാർഡ് ആ അമ്മയ്ക്ക് സ്വന്തം. അമേരിക്കൻ ഫിഷ് ആൻഡ് വൈൽഡ് ലൈഫ് സർവീസസിന്റെ നിരീക്ഷണത്തിന് കീഴിൽ കഴിയുന്ന പക്ഷിയാണിത്. കഴിഞ്ഞ വർഷം ഡിസംബറിലാണ് വിസ്ഡം മുട്ടയിട്ടത്. രണ്ടു മാസത്തിന് ശേഷം മുട്ടവിരിഞ്ഞ് ആരോഗ്യമുള്ള ഒരു കുഞ്ഞ് ആൽബട്രോസ് പുറത്തുവരുകയായിരുന്നു.അഞ്ചു മാസം അമ്മയെ ആശ്രയിച്ച് കൂട്ടിൽ കഴിഞ്ഞതിനുശേഷം മാത്രമെ ഈ കുഞ്ഞ് സ്വന്തം കാലിൽനിൽക്കാൻ തുടങ്ങു. 1950ലാണ് ഈ ആൽബട്രോസ് പക്ഷി ആദ്യമായി മുട്ടയിട്ടത്. പിന്നീട് 30 കുഞ്ഞുങ്ങളുടെയും കൂടി അമ്മയായി വിസ്ഡം. രണ്ടു വർഷം കൂടുന്പോഴാണ് ആൽബട്രോസ് പക്ഷികൾ സാധാരണയായി മുട്ടയിടുന്നത്. എന്നാൽ വിസ്ഡമാകട്ടെ 2006 മുതൽ എല്ലാ വർഷവും…
Read Moreസാന്താക്ലോസിന്റെ ചിത്രം ആലേഖനം ചെയ്ത മോതിരത്തിനു പഴക്കം 700 വർഷം
സാന്താക്ലോസിന്റെ ചിത്രം ആലേഖനം ചെയ്ത 700 വർഷം പഴക്കമുള്ള മോതിരം കണ്ടെത്തി. തെക്കൻ ഇസ്രായേലിലെ ഒരു പുരാതന പൂന്തോട്ടത്തിൽ നടക്കുന്ന ഗവേഷണങ്ങൾക്കിടയിലാണ് ഈ അപൂർവമോതിരം കണ്ടെത്തിയത്. വെങ്കലത്തിൽ തീർത്തിരിക്കുന്ന ഈ മോതിരത്തിൽ വിശുദ്ധ നിക്കോളാസിനൊപ്പം അദ്ദേഹത്തിന്റെ ഒരു സഹായിയുടെ ചിത്രവും കൊത്തിവച്ചിട്ടുണ്ട്. 700 വർഷങ്ങൾക്കു മുന്പ് ഇസ്രയേൽ സന്ദർശിക്കാനെത്തിയ ഏതെങ്കിലും തീർഥാടകന്റെയാകാം ഈ മോതിരം എന്നാണ് ഗവേഷകർ പറയുന്നത്. യാത്രികരുടെ മധ്യസ്ഥനാണ് സാന്താക്ലോസ് എന്നറിയപ്പെടുന്ന വിശുദ്ധ നിക്കോളാസ്. ആദ്യമായാണ് വിശുദ്ധ നിക്കോളാസിന്റെ രൂപം ആലേഖനം ചെയ്ത ഒരു മോതിരം ഇസ്രായേലിൽനിന്ന് ലഭിക്കുന്നത്.
Read Moreഅതിവേഗം കുതിക്കാൻ ദുബായിക്ക് ഹൈപ്പർലൂപ്പ്
ദുബായ് റോഡ് ആൻഡ് ട്രാൻസ്പോർട്ട് അഥോറിറ്റി (ആർടിഎ) ഹൈപ്പർലൂപ്പ് ഡിസൈൻ അവതരിപ്പിച്ചു. ഇത് സർവീസ് ആരംഭിക്കുന്നതിലൂടെ ദുബായിൽനിന്ന് അബുദാബിയിലെത്താൻ 12 മിനിറ്റ് മാത്രമേ വേണ്ടിവരൂ. ഇരു വശങ്ങളിലേക്കുമായി ഒരു മണിക്കൂറിൽ 10,000 പേർക്ക് യാത്രചെയ്യാൻ ഇതിലൂടെ കഴിയും.
Read Moreആദിമമനുഷ്യരുടെ കരവിരുതിന്റെ സാക്ഷ്യപത്രം! പഴമയുടെ കഥ പറയുന്ന മണ്പാത്രം
ആദിമമനുഷ്യരുടെ കരവിരുതിന്റെ സാക്ഷ്യപത്രമായി ചൈനയിൽ ഒരു മണ്പാത്രം. 6000 വർഷം പഴക്കമുള്ള മണ്പാത്രമാണ് ചൈനീസ് ഗവേഷകർ കണ്ടെത്തിയത്. നവീനശിലായുഗത്തിൽ ചൈനയിലുണ്ടായിരുന്ന യാംഗ്ഷാവോ സംസ്കാരത്തിലേതാണ് മണ്പാത്രമെന്നാണ് ശാസ്ത്രജ്ഞരുടെ വിലയിരുത്തൽ. മണ്ണും വെള്ളവും കുഴച്ച് നിർമിച്ചിരിക്കുന്ന പാത്രം തീയിൽ ചുട്ടാണ് ഉറപ്പുവരുത്തിയിരിക്കുന്നത്.
Read Moreബിഎസ്സി നഴ്സുമാർക്ക് അവസരം
കോട്ടയം: സൗദി അറേബ്യയിലെ ഡോ. സോളിമാൻ ഫകീഹ് ആശുപത്രിയിൽ നേഴ്സ് തസ്തികയിലേക്കു നോർക്ക റൂട്ട്സ് മുഖേന അപേക്ഷിക്കാം. ബിഎസ്സി നഴ്സിംഗ് പാസായ വനിതകൾക്കാണ് അവസരം. നിലവിൽ സൗദി അറേബ്യൻ ആരോഗ്യ മന്ത്രാലയം നൽകുന്ന വേതനമായ 4300 സൗദി റിയാൽ ആണ് ശന്പളം. 26, 27, 28 തീയതികളിൽ കൊച്ചിയിലെ ലേ മെറിഡിയൻ ഹോട്ടലിൽ അഭിമുഖം നടക്കും. കൂടുതൽ വിവരങ്ങൾക്കും അപേക്ഷ അയയ്ക്കുന്നതിനും www.norka roots.net. ടോൾ ഫ്രീ നന്പർ: 1800 425 3939.
Read Moreടീച്ചർ ഇനി മിസ് ടൂറിസം അംബാസഡർ!
ജപ്പാന്റെ ടൂറിസം അംബാസിഡറായി അധ്യാപിക തെരഞ്ഞെടുക്കപ്പെട്ടു. റെയിക ഓടക എന്ന മുപ്പത്തെട്ടുകാരിയാണ് മത്സരത്തിനൊടുവിൽ കിരീടമണിഞ്ഞത്. കഴിഞ്ഞവർഷവും റെയിക ഇതേ കിരീടത്തിനായി മത്സരിച്ചിരുന്നെങ്കിലും അവസാന റൗണ്ടിൽ പുറത്താകുകയായിരുന്നു. ഇക്കുറി പിഴവുകളടച്ചുള്ള പരിശീലനത്തിനുശേഷം മത്സരിക്കാനെത്തിയ റെയിക എതിരാളികളെ നിഷ്പ്രയാസം പരാജയപ്പെടുത്തി. ടൂറിസം അംബാസഡർ കിരീടമണിഞ്ഞതോടെ ജപ്പാനിൽ നടക്കുന്ന വിവിധ സൗന്ദര്യ മത്സരങ്ങളുടെ നടത്തിപ്പ് ചുമതല ഇനി റെയികയ്ക്കാണ്. എന്നാൽ, തന്റെ അധ്യാപന ജോലി ഇതിനായി ഉപേക്ഷിക്കില്ലെന്നാണ് കുട്ടികളുടെ പ്രിയപ്പെട്ട ടീച്ചർ പറയുന്നത്.
Read Moreസിട്ക സ്പുറസ്! ലോകത്തെ ഏറ്റവും ഒറ്റപ്പെട്ട വൃക്ഷം
ന്യൂസിലൻഡിന്റെ തെക്കേ അറ്റത്തെ കാംബൽ ദീപിൽ ഒരു മരമുണ്ട്; സിട്ക സ്പുറസ്. ആ ദ്വീപിൽ ആകെയുള്ള വൃക്ഷം. ഗിന്നസ് ബുക്ക് ഓഫ് റിക്കാർഡ്സ് പ്രകാരം ലോകത്തെ ഏറ്റവും ഒറ്റപ്പെട്ട വൃക്ഷം എന്ന പെരുമയോടെയാണ് വൃക്ഷത്തിന്റെ നിൽപ്. എന്നാൽ, 100 വർഷത്തിലേറെയായി ഏകാന്തതയുടെ ദുഃഖം പേറുന്നതിനാലാകാം പെരുമയ്ക്കൊത്ത തലയെടുപ്പൊന്നും സിട്ക വൃക്ഷത്തിനില്ല. സ്നേഹം കിട്ടാതെ വളർന്നവനെപ്പോലെ മുരടിച്ചങ്ങനെ നില്ക്കുന്നു. കൊടുങ്കാറ്റ്, മഴ തുടങ്ങിയ പ്രതികൂല കാലാവസ്ഥകളാണു കാംബൽ ദ്വീപിനെ മരങ്ങൾക്ക് അനുയോജ്യമല്ലാതാക്കുന്നതെന്നാണ് ശാസ്ത്രജ്ഞർ പറയുന്നത്. എന്നാൽ, ചെറുചെടികളും കുറ്റിച്ചെടികളുമൊക്കെ ദ്വീപിൽ തഴച്ചുവളരുന്നുണ്ട്. എങ്ങനെയാണ് സിട്ക സ്പുറസ് മാത്രം ദ്വീപിലെ പ്രതികൂല കാലാവസ്ഥയെ അതിജീവിക്കുന്നതെന്ന കാര്യത്തിൽ ശാസ്ത്രജ്ഞർക്ക് ഇപ്പോഴും വ്യക്തതയില്ല. ന്യൂസിലൻഡിലെ ഗവർണറായിരുന്ന ലോർഡ് റാൻഫുർലി 1901ൽ നട്ടുവളർത്തിയതാണ് ഈ വൃക്ഷമെന്നാണ് പരക്കെയുള്ള വിശ്വാസം.
Read Moreജനിച്ചുവീണ പന്നിക്കുഞ്ഞിന് തുന്പിക്കൈ; അന്പരന്ന് പ്രദേശവാസികൾ
ആനയുടെ മുഖസാദൃശ്യവുമായി ജനിച്ച പന്നിക്കുഞ്ഞിന്റെ ദൃശ്യങ്ങൾ ഏവരെയും അന്പരപ്പിക്കുന്നു. തായ്ലൻഡിലെ നാക്കോണ് പാനോം പ്രവിശ്യയിലാണ് സംഭവം. ആനയുടെ തുന്പിക്കൈക്കു സമാനമായി പന്നിക്കുഞ്ഞിന്റെ നെറ്റിയിൽ നിന്നു താഴേക്കു മൂക്ക് നീളത്തിൽ വളർന്നു നിൽക്കുന്ന അവസ്ഥയിലാണ്. ഈ പന്നിക്കുഞ്ഞ് ജനിച്ചിട്ട് നാലു ദിവസം മാത്രമേ ആയിട്ടുള്ളു. വൈകല്യത്തെ തുടർന്ന് അമ്മയുടെ മുലപ്പാൽ കുടിക്കാൻ സാധിക്കാത്തതിനാൽ പന്നിക്കുഞ്ഞിന് ഉടമ കുപ്പിപ്പാൽ ആണ് നല്കുന്നത്. എന്തായാലും, ഈ അത്ഭുത പന്നി കുഞ്ഞിനെ കാണാൻ അടുത്ത പ്രദേശങ്ങളിൽ നിന്നെല്ലാം ധാരാളം ആളുകൾ എത്തിക്കൊണ്ടിരിക്കുകയാണ്.
Read More