മെൽബണ്: ഇന്ത്യയുടെ ഓസ്ട്രേലിയൻ പര്യടനത്തിൽ വിരാട് കോഹ്ലിയെ ഉസ്മാൻ ഖവാജ പിന്നിലാക്കുമെന്ന് ഓസീസ് മുൻ നായകൻ റിക്കി പോണ്ടിംഗ്. പരന്പരയിൽ ഓസ്ട്രേലിയയ്ക്കാണ് സാധ്യതയെന്നു പറഞ്ഞ പോണ്ടിംഗ്, ഖവാജ പരന്പരയുടെ താരമാകുമെന്നും പ്രവചിച്ചു. ഖവാജ മികച്ച ഫോമിലാണ്. ഓസ്ട്രേലിയയിൽ അദ്ദേഹത്തിന്റെ റിക്കാർഡ് മികച്ചതാണ്. ഇന്ത്യ പേസ് ബൗളിംഗിനെ നേരിടാനുള്ള കരുത്ത് ഖവാജയ്ക്കുണ്ട്. ഖവാജ കോഹ്ലിയെ പിന്നിലാക്കും. അദ്ദേഹം പരന്പരയിലെ മികച്ച റണ് സ്കോററും മാൻ ഓഫ് ദി സീരീസുമാകുമെന്നാണു ഞാൻ കരുതുന്നത്- ക്രിക്കറ്റ് ഓസ്ട്രേലിയയ്ക്കു നൽകിയ അഭിമുഖത്തിൽ പോണ്ടിംഗ് പറഞ്ഞു. 2-1 എന്ന സ്കോറിൽ പരന്പര ഓസീസ് സ്വന്തമാക്കുമെന്നും അദ്ദേഹം പ്രവചിക്കുന്നു. ഏതു സാഹചര്യത്തിലും കളിക്കാനുള്ള കഴിവ് കോഹ്ലിക്കുണ്ടെങ്കിലും സിഡ്നിയിലെയും അഡ്ലെയ്ഡിലെയും സാഹചര്യങ്ങൾ അദ്ദേഹത്തിന് വിഷമകരമായിരിക്കുമെന്നും പോണ്ടിംഗ് കൂട്ടിച്ചേർത്തു. ഡിസംബർ ആറിനാണ് ടെസ്റ്റ് പരന്പര ആരംഭിക്കുന്നത്. നാലു ടെസ്റ്റുകൾ അടങ്ങിയതാണു പരന്പര.
Read MoreCategory: Sports
മിതാലി രാജ് വിരമിക്കുമെന്ന് ഭീഷണിപ്പെടുത്തി; മറുപടിയുമായി പൊവാർ
മുംബൈ: വെറ്ററൻ വനിതാ ക്രിക്കറ്റ് താരം മിതാലി രാജ് ഉന്നയിച്ച ആരോപണങ്ങൾക്കു മറുപടിയുമായി ഇന്ത്യൻ വനിതാ ക്രിക്കറ്റ് ടീം പരിശീലകൻ രമേശ് പൊവാർ. പരിശീലനത്തിനിടെ മിതാലി വിരമിക്കുമെന്ന് ഭീഷണിപ്പെടുത്തിയെന്നും ഒട്ടും താത്പര്യമില്ലാതെയാണ് മിതാലി പെരുമാറിയിരുന്നതെന്നും ബിസിസിഐ സിഇഒ രാഹുൽ ജോഹ്റിയും ജി.എം.സബാ കരീമും വിളിച്ച യോഗത്തിൽ പൊവാർ പറഞ്ഞു. ടീം മീറ്റിംഗിൽ മിതാലി ഒട്ടും പങ്കാളിത്തം കാണിച്ചിരുന്നില്ല. പോയിന്റ് പട്ടികയിൽ ആദ്യമെത്തിയിട്ടും അഭിനന്ദനത്തിന്റെ ഒരു വാക്കുപോലും പറഞ്ഞില്ല. ടീം പ്ലാനിനോടു ചേർന്നു പ്രവർത്തിക്കാൻ അവർക്കു കഴിഞ്ഞില്ല. അവർ സ്വന്തം നേട്ടങ്ങൾക്കു വേണ്ടിയാണ് കളിച്ചിരുന്നത്. ഇത് മറ്റു ബാറ്റ്സ്മാൻമാരിൽ സമ്മർദമുണ്ടാക്കി. വിക്കറ്റിനിടയിലൂടെയുള്ള ഓട്ടത്തിലും ബാറ്റിംഗിലും അവർക്ക് എല്ലാ സെഷനിലും പരിശീലനം നൽകേണ്ടിവന്നു. പരിശീലന മത്സരങ്ങളിൽപോലും അവർക്ക് മികവ് പ്രകടിപ്പിക്കാൻ കഴിഞ്ഞില്ല. ബാറ്റിംഗിൽ ഓപ്പണിംഗിൽനിന്നു മാറ്റിയത് അവരുടെ കൂടി സമ്മതത്തോടെയാണ്- പൊവാർ പറയുന്നു. മിതാലിയുടെ സ്ട്രൈക്ക് റേറ്റ് മോശമായതിനാലാണ് സെമി…
Read Moreവീണ്ടും ചതുരംഗക്കളം വാണ് കാൾസൻ
ലണ്ടൻ: ലോക ചെസ് ചാംപ്യന്ഷിപ്പ് കിരീടം നോര്വെയുടെ മാഗ്നസ് കാള്സന് നിലനിര്ത്തി. ലണ്ടനിൽ നടന്ന ടൈബ്രേക്കററില് അമേരിക്കയുടെ ഫാബിയാനോ കറുവാനയെ തോല്പിച്ചു. റാപ്പിഡ് ഗെയിമിലെ ആദ്യ മൂന്നുമല്സരങ്ങളും ജയിച്ച് കാള്സന് കിരീടമുറപ്പിച്ചിരുന്നു. 2013ല് വിശ്വനാഥന് ആനന്ദിനെ കീഴടക്കിയാണ് കാള്സന് ആദ്യ ലോകചാംപ്യന്ഷിപ്പ് സ്വന്തമാക്കിയത്. 2014ലും 2016ലും കാള്സന് കിരീടം നിലനിര്ത്തിയിരുന്നു.
Read Moreചാമ്പ്യന്സ് ലീഗ്: അത്ലറ്റിക്കോ പ്രീക്വാർട്ടറിൽ
മാഞ്ചസ്റ്റര്: യുവേഫ ചാമ്പ്യന്സ് ലീഗില് ഗ്രൂപ്പ് എയില് അത്ലറ്റിക്കോ മാഡ്രിഡ് ജയത്തോടെ പ്രീക്വാര്ട്ടറില്. അത്ലറ്റിക്കോ എതിരില്ലാത്ത രണ്ടു ഗോളുകൾക്ക് മോണാക്കോയെ തോൽപ്പിച്ചു. രണ്ടാം മിനിറ്റിൽ മോണാക്കോയെ ഞെട്ടിച്ച് അത്ലറ്റിക്കോ ഗോൾവേട്ട തുടങ്ങി. ആന്ത്വാന് ഗ്രീസ്മാന്റെ അസിസ്റ്റില് കൊക്കേയാണ് വലകുലുക്കിയത്. 24-ാം മിനിറ്റിൽ ഗ്രീസ്മാന്റെ ഗോളിൽ അത്ലറ്റിക്കോ ലീഡുയർത്തി. 82-ാം മിനിറ്റിൽ അത്ലറ്റിക്കോയുടെ സാവിക് ചുവപ്പ് കാർഡ് കണ്ടു പുറത്തുപോയെങ്കിലും മുതലാക്കാൻ മോണാക്കോയ്ക്ക് സാധിച്ചില്ല. ഗ്രൂപ്പിൽ അഞ്ചു മത്സരത്തില് 12 പോയിന്റുമായി അത്ലറ്റിക്കോ ഒന്നാമതും 10 പോയിന്റുമായി ഡോട്ടർമുണ്ട് രണ്ടാമതുമാണ്.
Read Moreകൃണാല് പാണ്ഡ്യ തെറ്റില്നിന്നു പഠിച്ചു: വി.വി.എസ്. ലക്ഷ്മണ്
ന്യൂഡല്ഹി: ഓസ്ട്രേലിയയ്ക്കെതിരേയുള്ള ട്വന്റി 20 പരമ്പരയില് മൂന്നാം മത്സരത്തില് ജയിച്ച് പരമ്പര സമനിലയാക്കിയ ഇന്ത്യന് ടീമിന് മുന് ഇന്ത്യന് താരം വി.വി.എസ്. ലക്ഷ്മന്റെ പ്രശംസ. ഇന്ത്യക്ക് പരാജമറിയാതെയുള്ള പത്ത് ട്വന്റി20യെന്ന റിക്കാര്ഡ് നിലനിര്ത്താനായെന്നും ലക്ഷ്മണ് പറഞ്ഞു. സിഡ്നിയില് നടന്ന മൂന്നാം ട്വന്റി 20യില് കൃണാല് പാണ്ഡ്യയുടെ 4/36 പ്രകടനവും മുന്താരത്തിന്റെ പ്രശംസയ്ക്ക് ഇടയാക്കി. പരമ്പരയിലെ ആദ്യ മത്സരത്തില് കൂടുതല് റണ്സ് വഴങ്ങിയതിനു കൃണാല് പാണ്ഡ്യ പഴികേട്ടിരുന്നു. എന്നാല് താരത്തിന്റെ ശക്തമായ തിരിച്ചുവരവ് ഗംഭീരമായിരുന്നുവെന്നും സംഭവിച്ച തെറ്റില്നിന്ന് പാഠം ഉള്ക്കൊണ്ട് മൂന്നാം മത്സരത്തില് പാണ്ഡ്യ നന്നായി പന്തെറിഞ്ഞുവെന്നും ലക്ഷ്മണ് പറഞ്ഞു. പന്തില് പാണ്ഡ്യക്കു കൂടുതല് സ്പിന്നും നിയന്ത്രണവും നേടാനായെന്നും മുന് ബാറ്റ്സ്മാന് പറഞ്ഞു. പാണ്ഡ്യയുടെ നാലു വിക്കറ്റ് അദ്ദേഹത്തിന്റെ ബുദ്ധിയും തെറ്റ് മനസിലാക്കാനുള്ള കഴിവുമാണ് സൂചിപ്പിക്കുന്നതെന്നും ലക്ഷ്മണ് കൂട്ടിച്ചേര്ത്തു.
Read Moreദേശീയ ജൂണിയർ ഫുട്ബോൾ: കേരളത്തെ ശരത് നയിക്കും
കൊച്ചി: ഒഡീഷയില കട്ടക്കിൽ 30ന് ആരംഭിക്കുന്ന ഡോ. ബി.സി. റോയ് ട്രോഫി ജൂണിയർ നാഷണൽ ചാന്പ്യൻഷിപ്പിൽ കേരള ടീമിനെ കെ.പി. ശരത് നയിക്കും. ചത്തീസ്ഗഡ്, ഉത്തരാഖണ്ഡ്, മിസോറാം എന്നീ സംസ്ഥാനങ്ങൾ ഉൾപ്പെടുന്ന ഗ്രൂപ്പ് ഡിയിലാണു കേരളം. ഡിസംബർ ഒന്നിനു കേരളം ഛത്തീസ്ഗഡിനെ നേരിടും. ആദിത്യൻ (കോഴിക്കോട്), പി. മുഹമ്മദ് ഫൈസ് (മലപ്പുറം), പി.ആർ. ശ്രീജിത് (കോട്ടയം) എന്നിവരാണു ഗോൾ കീപ്പർമാർ. അബ്ദുൾ വാഹിദ് (കോഴിക്കോട്), ജി. അഭിജിത് (പാലക്കാട്), എം. അതുൽ ഗണേഷ് (കാസർഗോഡ്), രാഹുൽ രഞ്ജിത് (പത്തനംതിട്ട), കെ.പി. ശരത് (തൃശൂർ), പി. വിവേക് (കോഴിക്കോട്) എന്നിവരാണു പ്രതിരോധനിരയിലുള്ളത്. എൻ. ആഷിക്, പി. ജിഷ്ണു (പത്തനംതിട്ട), ടി.ടി. ജോസ് ജീവൻ (എറണാകുളം), നജീബ് (വയനാട്), ടി.എസ്. ഷാഗിൽ (തൃശൂർ) എന്നിവർ മധ്യനിരയിൽ ഉൾപ്പെടുന്നു. പി.എ. അഭിജിത് (തൃശൂർ), എൻ. അനന്തു (കോഴിക്കോട്), ഹാറുണ് ദിൽഷാദ് (മലപ്പുറം),…
Read Moreവാറും എദുൽജിയും പിന്നിൽനിന്നു കുത്തി: മിതാലി രാജ്
മുംബൈ: വനിതാ ട്വന്റി 20 ലോകകപ്പിനിടെ നേരിട്ട ദുരനുഭവങ്ങള് വ്യക്തമാക്കി ഏകദിന ടീം ക്യാപ്റ്റന് മിതാലി രാജ്. ബിസിസിഐക്ക് എഴുതിയ കത്തിലാണ് പരിശീലകന് രമേശ് പവാറിനും, കമ്മിറ്റി ഓഫ് അഡ്മിനിസ്ട്രേറ്റേഴ്സ് അംഗം ഡയാന എദുൽജിക്കും എതിരേ മിതാലി രാജ് വിമർശനം ഉന്നയിച്ചിരിക്കുന്നത്. ട്വന്റി 20 ലോകകപ്പ് സെമിയില് ഇംഗ്ലണ്ടിനെതിരേ മിതാലിയെ ടീമിൽ നിന്ന് ഒഴിവാക്കിയത് വിവാദമായിരുന്നു തുടര്ച്ചയായ മത്സരങ്ങളില് അര്ധ സെഞ്ചുറികള് നേടി ഫോമില് നില്ക്കുന്ന സമയത്താണ് മിതാലിയെ ടീമിൽ നിന്ന് ഒഴിവാക്കിയത്. സെമിയിൽ തോറ്റ് ഇന്ത്യ ലോകകപ്പില് നിന്ന് പുറത്താവുകയും ചെയ്തു. അതിന് ശേഷം ടീം തെരഞ്ഞെടുപ്പിനെ ചൊല്ലിയുള്ള വിവാദങ്ങള് പുകയുമ്പോഴാണ് കൂടുതല് ആരോപണങ്ങളുമായി മിതാലി തന്നെ രംഗത്തെത്തിയിരിക്കുന്നത്. രണ്ടു പതിറ്റാണ്ട് നീണ്ട ക്രിക്കറ്റ് ജീവിതത്തില് ആദ്യമായി അപമാനിക്കപ്പെട്ടതായും പുറകില് നിന്നു കുത്തിയതായി തോന്നിയെന്നുമാണ് ടീമില് നിന്നും ഒഴിവാക്കിയ തീരുമാനത്തെ കുറിച്ച് മിതാലി പറയുന്നത്. “അധികാരകേന്ദ്രങ്ങളിലിരിക്കുന്നവര്…
Read Moreഹോക്കിയില് പ്രതാപം വീണ്ടെടുക്കാന് ഇന്ത്യ
ഭുവനേശ്വര്: ഇന്ത്യയുടെ ദേശീയ കായികവിനോദമായ ഹോക്കിയില് ലോകത്തിനു മുന്നില് നഷ്ടമായ പ്രതാപം വീണ്ടെടുക്കാന് ഇന്ത്യ ഇറങ്ങുന്നു. ഹോക്കി ലോകകപ്പില് ഇന്ത്യയുടെ ആദ്യ മത്സരം ഇന്നാണ്. ഇത്തവണ മികച്ച ഒത്തിണക്കവും ആത്മവിശ്വാസവും സ്വന്തം കാണികള് നല്കുന്ന പിന്തുണയും ഇന്ത്യക്കുണ്ട്. ലോകകപ്പില് ഇന്ത്യക്ക് ഇപ്പോഴും 43 വര്ഷം മുമ്പ് നേടിയ കിരീടത്തിന്റെ കണക്കു മാത്രമേ പറയാനുള്ളൂ. പിന്നീട് ഒരു കിരീടം സ്വന്തമാക്കാനാവാത്തതിന്റെ വേദനമാറാന് ഇന്ത്യക്ക് കിരീടം കൂടിയേ തീരൂ. അതും സ്വന്തം മൈതാനത്താകുമ്പോള് അതിന്റെ മാധുര്യം കൂടും. പൂൾ സിയില് ദക്ഷിണാഫ്രിക്കയെയാണ് ഇന്ത്യ ആദ്യ മത്സരത്തില് നേരിടുന്നത്. കലിംഗ സ്റ്റേഡിയത്തില് ജയത്തോടെ തുടങ്ങാനാണ് ഇന്ത്യ ലക്ഷ്യമിടുന്നത്. പൂൾ സിയിലെതന്നെ ബെല്ജിയം-കാനഡ പോരാട്ടമാണ് ഉദ്ഘാടന മത്സരം. എട്ട് തവണ ഒളിമ്പിക് സ്വര്ണ മെഡല് ജേതാക്കളായ ഇന്ത്യക്ക് 1975ല് അജിത് പാല് സിംഗിന്റെ നേതൃത്വത്തിലുള്ള സംഘമാണ് ആദ്യമായി ലോക കിരീടം നേടിക്കൊടുത്തത്. അന്ന്…
Read Moreഓസ്ട്രേലിയയെ വീഴ്ത്തി ഇന്ത്യ; പരമ്പര സമനിലയിൽ
സിഡ്നി: ഓസ്ട്രേലിയയ്ക്കെതിരെ സമനില ലക്ഷ്യമിട്ടിറങ്ങിയ ഇന്ത്യയ്ക്കു മിന്നും ജയം. നായകൻ വിരാട് കോഹ്ലിയുടെ അർധ സെഞ്ചുറിയും കൃണാൽ പാണ്ഡ്യയുടെ നാല് വിക്കറ്റ് പ്രകടനവുമാണ് ഇന്ത്യയെ വിജയത്തിൽ എത്തിച്ചത്. ഓസ്ട്രേലിയ ഉയർത്തിയ 165 റൺസിന്റെ വിജയലക്ഷ്യം ഇന്ത്യ നാല് വിക്കറ്റ് നഷ്ടത്തിൽ 19.4 ഓവറിലാണ് മറികടന്നത്. ആദ്യ ഓവറുകളിൽ കടന്നാക്രമിച്ച ഓപ്പണർ ശിഖർ ധവാന്റെ പ്രകടനമാണ് ഇന്ത്യയ്ക്ക് നിർണായകമായത്. 22 പന്തിൽ 41 റൺസാണ് ധവാൻ അടിച്ചുകൂട്ടിയത്. ധവാനെ സ്റ്റാർക്ക് പവലിയൻ കയറ്റിയതോടെ ഇന്ത്യൻ നായകൻ വിരാട് കോഹ്ലി കളിയുടെ നിയന്ത്രണം ഏറ്റെടുക്കുകയായിരുന്നു. ക്രിസിൽ ഉറച്ചുനിന്ന കോഹ്ലി 41 പന്തിൽ 61 റൺസ് നേടി ഇന്ത്യയെ വിജയത്തിൽ എത്തിച്ചു. 16 പന്തിൽ 23 റൺസ് നേടിയ രോഹിത്ത് ശർമ കോഹ്ലിക്കും ധവാനും മികച്ച പിന്തുണയാണ് നൽകിയത്. ടോസ് നേടി ബാറ്റിംഗ് തെരഞ്ഞെടുത്ത ഓസിസിനായി ഓപ്പണര്മാരായ ആരോണ് ഫിഞ്ചും ജോണ്…
Read Moreഹാമിൽട്ടണു ലോക ചാമ്പ്യൻഷിപ്പ്; കരിയറിലെ അഞ്ചാം കിരീടം
അബുദാബി: അബുദാബിയിലെ യാസ് മറീന സർക്യൂട്ടിലും വെന്നിക്കൊടി പാറിച്ച് ഫോർമുല വൺ ചാമ്പ്യൻഷിപ്പ് മെഴ്സിഡസിന്റെ ബ്രിട്ടീഷ് ഡ്രൈവർ ലൂയിസ് ഹാമിൽട്ടൺ സ്വന്തമാക്കി. സീസണില് 11 ഗ്രാന്പ്രീ വിജയവുമായാണ് ബ്രിട്ടീഷ് ഡ്രൈവറുടെ നേട്ടം. ഇതോടെ ഈ ചാമ്പ്യൻഷിപ്പിൽ ഏറ്റവുമധികം വിജയംനേടുന്ന താരമെന്ന ബഹുമതിക്കും ഹാമിൽട്ടൺ അർഹനായി. അബുദാബി ഗ്രാന്പ്രീയിൽ ഒരു മണിക്കൂർ 39 മിനിറ്റ് 40.382 സെക്കൻഡിൽ 55 ലാപ്പ് തീർത്താണ് ഹാമിൽട്ടൺ ഒന്നാമത്തെത്തിയത്. ഫെറാരിയുടെ സെബാസ്റ്റ്യൻ വെറ്റൽ, റെഡ് ബുള്ളിന്റെ മാക്സ് വെസ്റ്റാപ്പെൻ, ഡാനിയേൽ റിക്കാഡിയോ എന്നിവർ യഥാക്രമം രണ്ടും മൂന്നും നാലും സ്ഥാനങ്ങൾ നേടി. ട്രാക്കിൽ ഹാമിൽട്ടണു ഭീഷണി ഉയർത്തിയ മെഴ്സിഡസിന്റെ വോൾട്ടേരി ബോട്ടസിനെ അഞ്ചാംസ്ഥാനത്തേക്ക് പിന്തള്ളപ്പെട്ടു. കരിയറിൽ ഹാമിൽട്ടന്റെ അഞ്ചാം ലോക ചാമ്പ്യൻഷിപ്പാണിത്. മുൻ ബ്രിട്ടീഷ് താരം ജാക്കി സ്റ്റിവർട്ടിന് മൂന്നു ചാമ്പ്യൻഷിപ്പുകളുണ്ട്.
Read More