ന്യൂഡൽഹി: 2032 ഒളിന്പിക്സ് വേദിക്കായി ഇന്ത്യ ശ്രമം ആരംഭിച്ചു. ചരിത്രത്തിലാദ്യമായി ഒളിന്പിക്സിനു വേദിയാകാനുള്ള നീക്കമാണ് ഇന്ത്യൻ ഒളിന്പിക് അസോസിയേഷൻ (ഐഒഎ) നടത്തുന്നത്. വേദിക്കായി ഇന്ത്യ ഒഒസി (ഇന്റർനാഷണൽ ഒളിന്പിക് കമ്മിറ്റി) തലവൻ തോമസ് ബാഷിനെ ഈ വർഷമാദ്യം ഐഒഎ പ്രസിഡന്റ് നരീന്ദർ ബത്ര കണ്ടിരുന്നു. ഇതിന്റെ ഭാഗമായി ഐഒഎ ഒൗദ്യോഗികമായി താത്പര്യമറിയിച്ച് ബിഡ് സമർപ്പിച്ചു. ന്യൂഡൽഹി, മുംബൈ എന്നിവിടങ്ങളാണ് ഒളിന്പിക്സ് വേദിയാക്കാൻ ഐഒഎ മനസിൽ കാണുന്നത്. മറ്റ് നഗരങ്ങളെയും പരിഗണിക്കുന്നുണ്ട്. ചരിത്രത്തിലാദ്യമായാണ് ഇന്ത്യ ഒളിന്പിക് വേദിക്കായി ബിഡ് സമർപ്പിക്കുന്നത്. 2032 ഒളിന്പിക്സിനായുള്ള ബിഡ് പ്രോസസ് 2022-ലാണ് ആരംഭിക്കുക. 2025-ൽ വേദി പ്രഖ്യാപനം നടക്കും. ദക്ഷിണ-ഉത്തര കൊറിയകൾ സംയുക്തമായും ജർമനിയും 2032 ഒളിന്പിക്സ് വേദിക്കായി നീക്കം നടത്തുന്നുണ്ട്.
Read MoreCategory: Sports
ബാലൻ ഡി ഓർ ഇന്ന്
ഫുട്ബോൾ ലോകത്തെ ഏറ്റവും പ്രധാനപ്പെട്ട പുരസ്കാരങ്ങളിൽ ഒന്നായ ബാലൻ ഡി ഓർ ഇക്കൊല്ലം ആർക്കെന്ന് ഇന്നു രാത്രി അറിയാം. മികച്ച വനിതാ, യുവതാരങ്ങൾക്കും ഇത്തവണ പുരസ്കാരം നൽകുമെന്ന പ്രത്യേകതയുമുണ്ട്. ഒരു പതിറ്റാണ്ടായി നിലനിന്ന ലയണൽ മെസി- ക്രിസ്റ്റ്യാനോ റൊണാൾഡോ തേരോട്ടത്തിന് അന്ത്യം കുറിക്കുന്ന പുരസ്കാര ചടങ്ങാകും ഇന്നത്തേത്. 2007ൽ ബ്രസീലിയൻ താരം കക്ക ബാലൻ ഡി ഓർ നേടിയതിന് ശേഷം മെസിയും റൊണാൾഡോയും മാത്രമേ ഈ പുരസ്കാരം നേടിയിട്ടുള്ളൂ. റഷ്യൻ ലോകകപ്പിൽ ക്രൊയേഷ്യയെ ഫൈനൽ വരെ എത്തിക്കുകയും ടൂർണമെന്റിന്റെ താരമായി തെരഞ്ഞെടുക്കപ്പെടുകയും ചെയ്ത ലൂക്ക മോഡ്രിച്ചിനാണ് സാധ്യത കൽപ്പിക്കപ്പെടുന്നത്. മോഡ്രിച്ചിനൊപ്പം അവസാന മൂന്നംഗ പട്ടികയിലുള്ളത് ക്രിസ്റ്റ്യാനോ റൊണാൾഡോയും ഫ്രാൻസിന്റെ ആൻത്വാൻ ഗ്രീസ്മാനുമാണ്. ഫിഫ ബെസ്റ്റ് പ്ലെയറും യുറോപ്യൻ ഫുട്ബോളർ ഓഫ് ദ ഇയർ പുരസ്കാരവും ഇതിനോടകം മോഡ്രിച്ച് കരസ്ഥമാക്കിയിരുന്നു. മോഡ്രിച്ചിന് പിന്നിൽ ക്രിസ്റ്റ്യാനോ റൊണാൾഡോയും ഫ്രാൻസിന്റെ കിരീട…
Read Moreബംഗ്ല ശൗര്യത്തിൽ വിൻഡീസ് ചാന്പൽ
ധാക്ക: ബംഗ്ല കടുവകളുടെ ശൗര്യത്തിനു മുന്നിൽ വെസ്റ്റ് ഇൻഡീസ് കടപുഴകി. രണ്ടാം ക്രിക്കറ്റ് ടെസ്റ്റിൽ വെസ്റ്റ് ഇൻഡീസിനെ ഇന്നിംഗ്സിനും 184 റണ്സിനും കീഴടക്കി ബംഗ്ലാദേശ് രണ്ട് മത്സര പരന്പര 2-0നു സ്വന്തമാക്കി. ഒരു ടീമിനോട് ആദ്യമായി ഫോളോ ഓണിന് ആവശ്യപ്പെട്ടും ബംഗ്ലാദേശ് ചരിത്രമെഴുതി. ചിറ്റഗോംഗിൽ നടന്ന ആദ്യ ടെസ്റ്റിൽ 64 റണ്സിന്റെ ജയം ആതിഥേയർ സ്വന്തമാക്കിയിരുന്നു. നാല് വർഷത്തിനുള്ളിൽ ബംഗ്ലാദേശിന്റെ ആദ്യ പരന്പര ജയമാണിത്. ടെസ്റ്റിൽ ബംഗ്ലാദേശിന്റെ ഏറ്റവും മികച്ച ജയമാണ് ധാക്കയിൽ കുറിക്കപ്പെട്ടത്. 2005ൽ സിംബാബ്വെയ്ക്കെതിരേ നേടിയ 226 റണ്സ് ജയമായിരുന്നു ബംഗ്ല കടുവകളുടെ ഇതുവരെയുള്ള മികച്ച നേട്ടം. ചരിത്രത്തിൽ ആദ്യമായാണ് ബംഗ്ലാദേശ് ഇന്നിംഗ്സ് ജയം സ്വന്തമാക്കുന്നത്. മെഹ്ദി ഹസൻ മിർസ സ്പിൻ ആക്രമണമാണ് വെസ്റ്റ് ഇൻഡീസിന്റെ പതനത്തിനു കാരണം. ആദ്യ ഇന്നിംഗ്സിൽ 58 റണ്സ് വഴങ്ങി ഏഴ് വിക്കറ്റ് വീഴ്ത്തിയ മെഹ്ദി രണ്ടാം ഇന്നിംഗ്സിൽ…
Read Moreലോകകപ്പ് ഹോക്കി: ബെൽജിയത്തെ സമനിലയിൽ കുടുക്കി ഇന്ത്യ
ഭുവനേശ്വർ: ലോകകപ്പ് ഹോക്കിയിൽ ശക്തരായ ബെൽജിയത്തെ സമനിലയിൽ കുടുക്കി ഇന്ത്യ. പൂൾ സിയിലെ തങ്ങളുടെ രണ്ടാം മത്സരത്തിൽ രണ്ടു ഗോളുകൾ വീതം നേടി ഇരുടീമുകളും സമനില പാലിക്കുകയായിരുന്നു. ഒരു ഗോളിനു പിന്നിൽനിന്നശേഷം രണ്ടെണ്ണമടിച്ച് മുന്നിൽകടന്നെങ്കിലും ഇന്ത്യക്കു ജയിക്കാൻ സാധിച്ചില്ല. രണ്ട് മത്സരങ്ങളിൽനിന്ന് നാല് പോയിന്റുമായി ഇന്ത്യ പൂളിൽ ഒന്നാം സ്ഥാനത്ത് തുടരുന്നു. ഇത്രയും പോയിന്റുള്ള ബെൽജിയം ഗോൾ ശരാശരിയിൽ രണ്ടാമതാണ്. എട്ടാം മിനിറ്റിൽ അലക്സാണ്ടർ റോബി ഹെൻഡ്രിക്സാണ് ബെൽജിയത്തിനെ മുന്നിലെത്തിച്ചത്. 30-ാം മിനിറ്റിൽ ഹർമൻപ്രീത് സിംഗ് ഇന്ത്യയെ ഒപ്പമെത്തിച്ചു. 47-ാം മിനിറ്റിൽ സിമ്രൻജീത് സിംഗിന്റെ ഉജ്വല ഗോളിൽ ഇന്ത്യ 2-1-നു മുന്നിലെത്തി. 56-ാം മിനിറ്റിൽ ബെൽജിയം ഗോളിയെ പിൻവലിച്ച് ഒരു കളിക്കാരനെക്കൂടി ഇറക്കി. സിമണ് ഗഗ്നാർഡിലൂടെ അതേ മിനിറ്റിൽ അവർ ഒപ്പമെത്തുകയും ചെയ്തു. ശനിയാഴ്ച കാനഡയ്ക്കെതിരേയാണ് ഇന്ത്യയുടെ അടുത്ത മത്സരം. ഈ മത്സരത്തിൽ ജയം സ്വന്തമാക്കിയാൽ ഇന്ത്യക്ക്…
Read Moreഐ ലീഗ്: നെറോകയ്ക്കു ജയം
ഷില്ലോംഗ്: ഐ ലീഗ് ഫുട്ബോളിൽ നെറോക എഫ്സിക്കു ജയം. എവേ പോരാട്ടത്തിൽ 1-2ന് ഷില്ലോംഗ് ലാജോംഗിനെയാണ് നെറോക കീഴടക്കിയത്. ഫെലിക്സ് ചിഡി (33-ാം മിനിറ്റ്), സുഭാഷ് സിംഗ് (83-ാം മിനിറ്റ്) എന്നിവരാണ് നെറോകയ്ക്കായി ലക്ഷ്യം നേടിയത്. ഫ്രാഗി ബുവാമാണ് (48-ാം മിനിറ്റ്) ലാജോംഗിന്റെ ഗോൾ നേട്ടക്കാരൻ. ഇതോടെ ആറ് മത്സരങ്ങളിൽനിന്ന് എട്ട് പോയിന്റുമായി നെറോക അഞ്ചാം സ്ഥാനത്തെത്തി.
Read Moreഅഭിനവ് ബിന്ദ്രയ്ക്കു ബ്ലൂക്രോസ്
ന്യൂഡല്ഹി: ഒളിമ്പിക്സ് ഷൂട്ടിംഗില് ഇന്ത്യയുടെ ഏക വ്യക്തിഗത സ്വര്ണ മെഡല് ജേതാവ് അഭിനവ് ബിന്ദ്രക്ക് ഇന്റര്നാഷണല് ഷൂട്ടിംഗ് സ്പോര്ട്സ് ഫെഡറേഷന്റെ (ഐഎസ്എസ്എഫ്) ബ്ലൂ ക്രോസ് പുരസ്കാരം. ബ്ലൂ ക്രോസ് ബഹുമതി നേടുന്ന ആദ്യ ഇന്ത്യക്കാരനാണ് ബിന്ദ്ര. ഫെഡറേഷന്റെ ഏറ്റവും ഉയര്ന്ന ബഹുമതിയാണ് ബ്ലൂ ക്രോസ്. ഷൂട്ടിംഗ് ലോകത്ത് നല്കുന്ന മികച്ച സംഭാവനയ്ക്കാണ് ഈ പുരസ്കാരം. മുപ്പത്തിയാറുകാരനായ ബിന്ദ്രയുടെ കരിയറില് 2008ലെ ബെയ്ജിംഗ് ഒളിമ്പിക്സില് 10 മീറ്റര് എയര് റൈഫിൾസിലായിരുന്നു സ്വര്ണമെഡല്. 2006 ലോക ചാമ്പ്യന്ഷിപ്പില് സ്വര്ണവും ഏഴ് കോമണ്വെല്ത്ത് മെഡലുകളും മൂന്നു ഏഷ്യന് ഗെയിംസ് മെഡലുകളും ഈ താരത്തിന്റെ പേരിലുണ്ട്. ഇന്ത്യ ഇദ്ദേഹത്തെ 2000ല് അര്ജുന അവാര്ഡ്, 2001ല് രാജീവ് ഗാന്ധി ഖേല് രത്ന, 2009ല് പദ്മഭൂഷണ് എന്നിവ നല്കി ആദരിച്ചിട്ടുണ്ട്.
Read Moreപവാർ തെറിച്ചു; വനിതാ ടീം പരിശീലകനെ തേടി ബിസിസിഐ
മുംബൈ: ഏകദിന ക്യാപ്റ്റനായ മിതാലി രാജുമായുള്ള ഉടക്ക് വനിതാ ടീം പരിശീലകൻ രമേഷ് പവാറിന്റെ സ്ഥാനം തെറിപ്പിച്ചു. പവാറിന്റെ കരാർ തുടരേണ്ടതില്ലെന്ന് ബിസിസിഐ തീരുമാനിച്ചു. പവാറിനു പകരക്കാരനെ തേടി ബോർഡ് അപേക്ഷ ക്ഷണിച്ചു. വെള്ളിയാഴ്ച വരെയായിരുന്നു വനിതാ പരിശീലകനായി പവാറുമായുള്ള കരാർ. ഇത് ദീർഘിപ്പിക്കേണ്ടതില്ലെന്നാണ് ബോർഡ് തീരുമാനിച്ചിരിക്കുന്നത്. കഴിഞ്ഞ ജൂലൈയിലാണ് തുഷാര് അറോറെയുടെ പകരക്കാരനായി രമേഷ് പവാര് വനിതാ ക്രിക്കറ്റ് ടീമിന്റെ പരിശീലകസ്ഥാനത്തെത്തുന്നത്. ട്വന്റി 20 വനിതാ ലോകകപ്പ് സെമിയില് ഇംഗ്ലണ്ടിനോട് തോറ്റ് ഇന്ത്യ പുറത്തായതിന് പിന്നാലെയാണ് മിതാലിയും രമേഷ് പവാറും തമ്മിലുള്ള അസ്വാരസ്യങ്ങള് മറനീക്കി പുറത്തുവന്നത്. സെമി ഫൈനല് കളിച്ച ടീമില് നിന്നും മിതാലിയെ ഒഴിവാക്കിയതാണ് വിവാദങ്ങൾക്കു തുടക്കം. പവാറും കോച്ചിംഗ് സ്റ്റാഫ് ഡയാന എദുൽജിയും തന്നെ അപമാനിക്കുകയും കരിയര് നശിപ്പിക്കാന് ശ്രമിച്ചുമെന്നുമായിരുന്നു മിതാലിയുടെ ആരോപണം. ഇക്കാര്യം വിശദീകരിച്ച് മിതാലി ബിസിസിഐക്ക് കത്ത് അയക്കുകയും ചെയ്തു.…
Read Moreരാഹുൽ ഭേക്കെ വില്ലനും നായകനും; തോൽവിയറിയാതെ ബംഗളൂരു
ബംഗളൂരു: രാഹുൽ ഭേക്കെ എന്ന പ്രതിരോധതാരം സീറോയിൽനിന്നും ഹീറോയിലേക്ക് കുതിച്ചുയർന്ന മത്സരത്തിൽ ബംഗളൂരുവിന് മിന്നും ജയം. പൂന എഫ്സിയെ ഒന്നിനെതിരെ രണ്ടു ഗോളുകൾക്ക് ബംഗളൂരു ജയിച്ചു. ഉദാന്ത സിംഗും രാഹുൽ ഭേക്കെയുമാണ് മത്സരത്തിലെ ഗോളുകൾ നേടിയത്. രാഹുൽ ഭേക്കെയുടെ ഓൺഗോളും അതിസുന്ദര വിജയഗോളുമാണ് മത്സരത്തെ ആവേശപരകോടിയിലെത്തിച്ചത്. കളിയുടെ തുടക്കത്തിൽ തന്നെ ഉദാന്ത സിംഗിലൂടെ ബംഗളൂരു ലീഡെടുത്തു. ബോക്സിലേക്ക് പ്രതിരോധ മതിൽ വെട്ടിയൊഴിഞ്ഞ് കയറിയ ഉദാന്ത ഇടതുകാലിൽ പന്ത് തൊടുത്തു. ശരംവേഗത്തിൽ പൂനയുടെ വല തുളച്ചു. എന്നാൽ അഞ്ച് മിനിറ്റിനുള്ളിൽ രാഹുൽ ഭേക്കെയുടെ ഓൺഗോളിൽ പൂന സമനിലപിടിച്ചു. റോബിൻസിംഗ് വലതുപാർശ്വത്തിലൂടെ സൃഷ്ടിച്ചെടുത്ത അവസരമാണ് ഗോളിൽ കലാശിച്ചത്. റോബിൻ ബോക്സിലേക്ക് നൽകിയ ക്രോസിനെ പുറത്തേക്ക് അടിച്ചുകളയാൻ ശ്രമിച്ച രാഹുലിനു പിഴച്ചു. പന്ത് സ്വന്തം പോസ്റ്റിൽ. അപ്രതീക്ഷിത സമനിലയിൽ ആവേശം നിറഞ്ഞ പൂന ബംഗളൂരുവിന്റെ മുന്നേറ്റമെല്ലാം തകർത്തു. രണ്ടാം പകുതിയിലും കൈമെയ്…
Read Moreഅബ്ദല്കരീം ഹസന് എഎഫ്സി പ്ലയര് ഓഫ് ദ ഇയര്
മസ്കറ്റ്: ഖത്തര് ഫുട്ബോളിലെ പ്രതിരോധതാരം അബ്ദല്കരീം ഹസന് എഷ്യന് ഫുട്ബോളര് ഓഫ് ദ ഇയര് പുരസ്കാരം. എഎഫ്സി ചാമ്പ്യന്സ് ലീഗ് ജയിച്ച കഷിമ ആന്റലേഴ്സിലെ കെന്രോ മിസോയെയും യുമ സുസുകിയെയും മറികടന്നാണ് ഹസന് എഎഫ്സി പ്ലയര് ഓഫ് ദ ഇയര് പുരസ്കാരം നേടിയത്. യൂറോപ്യന് ലീഗുകളില് കളിക്കാന് ആഗ്രഹിക്കുന്നയാളാണ് ഹസന്. ഈ പുരസ്കാരനേട്ടം തന്നെ യൂറോപ്പിലെത്തിക്കുമെന്ന് പ്രതീക്ഷിക്കുന്നതായി ഹസന് പറഞ്ഞു. ഈ നേട്ടം പ്രതീക്ഷിച്ചിരുന്നില്ലെന്നും ഖത്തര് ക്ലബ് അല് സാദ് താരം പറഞ്ഞു. ഈ ടീമിലാണ് സ്പാനിഷ് ഇതിഹാസം സാവി ഹെര്ണാണ്ടസ് കളിക്കുന്നത്. കഴിഞ്ഞ സീസണില് ബെല്ജിയന് ഫസ്റ്റ് ഡിവിഷന് ക്ലബ് കെഎഎസ് എപനില് വായ്പ അടിസ്ഥാനത്തില് ഹസന് കളിച്ചിരുന്നു. എപനില് ഖത്തര് താരത്തിനു പത്തു മത്സരങ്ങളിലേ അവസരം ലഭിച്ചുള്ളൂ. ഖത്തറിനുവേണ്ടി ഹസന് 69 മത്സരങ്ങളിൽ ഇറങ്ങി. മികച്ച പുരുഷ പരിശീലകനായി കഷിമ ആന്റലേഴ്സിന്റെ ഗോ ഒയിവയെയും…
Read Moreബ്ലാസ്റ്റേഴ്സ് എമണ്ടൻ തോൽവി..! കളി, ഗോൾ രഹിത സമനില
ചെന്നൈ: തുടർച്ചയായ എട്ടാം മത്സരത്തിലും ജയിക്കാനാവാതെ കേരളം. ജയിച്ചില്ലെങ്കിലും തോറ്റില്ലല്ലോ എന്ന ആശ്വാസത്തിൽ ഡേവിഡ് ജയിംസും ബ്ലാസ്റ്റേഴ്സും. നിർണായക മത്സരത്തിൽ ഗോളടിക്കാൻ മറന്ന ചെന്നൈയ്ൻ എഫ്സി ബ്ലാഴ്സ്റ്റേഴ്സിന് ഒരു പോയിന്റ് ദാനമായി നൽകി. നാല് ഗോളുകൾക്കെങ്കിലും മഞ്ഞപ്പട തോൽക്കേണ്ട മത്സരമായിരുന്നു ചെന്നയ്ൻ ഗോൾ രഹിത സമനിലയിൽ അവസാനിപ്പിച്ചത്. കേരളത്തിന്റെ ഗോൾ കീപ്പർ ധീരജ് സിംഗിന്റെ ധീരമായ സേവും ചെന്നൈയ്ൻ എന്നത്തെയുംപോലെ പോസ്റ്റിനുമുന്നിൽ കളിമറക്കുന്നതും കേരളത്തെ തുണച്ചു. ഗോളെന്നുറച്ച മൂന്നിലേറെ ഷോട്ടുകൾ തടുത്തിട്ട ധീരജ് സിംഗ് മത്സരത്തിലെ ഹീറോയായി തെരഞ്ഞെടുക്കപ്പെടുകയും ചെയ്തു. കഴിഞ്ഞ മത്സരങ്ങളിലെപ്പോലെ ടീമിൽ വമ്പൻ അഴിച്ചുപണിയുമായാണ് ബ്ലാസ്റ്റേഴ്സ് ഇന്നും കളത്തിലിറങ്ങിയത്. നായകൻ സന്ദേശ് ജിങ്കനെ പുറത്തിരുത്തിയാണ് ഡേവിഡ് ജയിംസ് ബ്ലാസ്റ്റേഴ്സിനെ അണിനിരത്തിയത്. പകരക്കാരനായെത്തിയ മലയാളി താരം അനസ് എടത്തൊടികയും സിറിൾ കാലിയും ജിങ്കന്റെ കുറവ് അറിയിച്ചതുമില്ല. ആദ്യ പകുതിയിൽ തളികയിലെന്നവണ്ണം ലഭിച്ച രണ്ടു അവസരങ്ങളാണ് ചെന്നൈയ്ൻ…
Read More