ന്യൂഡൽഹി: ലോക ബോക്സിംഗ് ചാമ്പ്യൻഷിപ്പിൽ ചരിത്രമായി ഇന്ത്യയുടെ ഇതിഹാസതാരം മേരി കോം. 48 കിലോഗ്രാം വിഭാഗത്തിൽ മേരി കോം സ്വർണം ഇടിച്ചിട്ടു. ഫൈനലിൽ ഉക്രെയിൻ താരം ഹന്ന ഒഖോട്ടയെ എതിരില്ലാത്ത അഞ്ച് പോയിന്റുകൾക്കാണ് മേരി ഇടിച്ചിട്ടത്. സ്കോർ: 5-0. സ്വർണ നേട്ടത്തോടെ മേരി ഇടിക്കൂട്ടിൽ പുത്തൻ ചരിത്രവും എഴുതിച്ചേർത്തു. ലോക വനിതാ ബോക്സിംഗ് ചാമ്പ്യന്ഷിപ്പില് ഏറ്റവും കൂടുതൽ സ്വർണം വാരിയ താരമെന്ന റിക്കാർഡാണ് മുപ്പത്തിയഞ്ചുകാരി സ്വന്തമാക്കിയത്. മൂന്നു മക്കളുടെ അമ്മ കൂടിയായ മേരി 48 കിലോഗ്രാം വിഭാഗത്തിൽ തന്റെ ആറാം സ്വർണമാണ് കണ്ടെത്തിയിരിക്കുന്നത്. ഇതോടെ ആറ് ലോക ചാമ്പ്യൻഷിപ്പ് സ്വർണമെന്ന ക്യൂബയുടെ ഇതിഹാസ താരം ഫെലിക്സ് സാവണിന്റെ റിക്കോർഡിന് ഒപ്പവും മേരി എത്തി. ഏഴാം തവണയാണ് മേരി ലോക ബോക്സിംഗ് ചാമ്പ്യൻഷിപ്പിന്റെ ഫൈനലിൽ മത്സരിച്ചത്.
Read MoreCategory: Sports
ജയിക്കാൻ മനസില്ലാതെ ബ്ലാസ്റ്റേഴ്സ്
ഗോഹട്ടി: ഇഞ്ചുറി ടൈമിലേറ്റ കനത്ത ഇഞ്ചുറിയിൽ കേരള ബ്ലാസ്റ്റേഴ്സ് തകർന്നു തരിപ്പണമായി. നോർത്ത് ഈസ്റ്റ് യുണൈറ്റഡിനെതിരെ ഒന്നിനെതിരെ രണ്ടു ഗോളുകൾക്ക് തോൽവി. തുടർച്ചയായ ഏഴാം മത്സരത്തിലും വിജയം തൊടാനാവാതെ ഗോഹട്ടിയിലെ ഇന്ദരാഗാന്ധി സ്റ്റേഡിയത്തിൽനിന്നും മഞ്ഞപ്പട തലകുനിച്ച് മടങ്ങി. മുഴുവൻ സമയം ഒരു ഗോളിനു മുന്നിൽനിന്ന ശേഷമായിരുന്നു ബ്ലാസ്റ്റേഴ്സിന്റെ അപ്രതീക്ഷിത പരാജയം. നായകൻ സന്ദേശ് ജിങ്കൻ വരുത്തിയ പിഴവിൽനിന്നായിരുന്നു കേരളത്തിന്റെ പതനം. 73 ാം മിനിറ്റിൽ മറ്റേജ് പൊപ്ലാടിക്കിന്റെ ഗോളിൽ വിജയം ഉറപ്പിച്ച ബ്ലാസ്റ്റേഴ്സ് അപ്രതീക്ഷിതമായി തകർന്നു വീഴുകയായിരുന്നു. ആറു മിനിറ്റ് ഇഞ്ചുറി ടൈമാണ് കേരളത്തിന്റെ ജീവനെടുത്തത്. ഒഗ്ബച്ചെ പെനാൽറ്റിയിലൂടെയും യുവാൻ മാസിയ ക്ലോസ് റേഞ്ചിലൂടെയും കേരളത്തിന്റെ ഹൃദയം തകർത്തു. ഗോൾ രഹിതമായ ആദ്യ പകുതിക്കു ശേഷമായിരുന്നു മൂന്നു ഗോളുകളും പിറന്നത്. ആദ്യ പകുതിയിൽ കേരളത്തെ നിർവീര്യമാക്കുന്ന പ്രകടനമാണ് നോർത്ത് ഈസ്റ്റ് സ്വന്തം മൈതാനത്ത് നടത്തിയത്. എന്നാൽ നിരവധി…
Read Moreലോക വനിതാ ബോക്സിംഗ് ചാമ്പ്യന്ഷിപ്പ്: സോണിയ ചാഹലും ഫൈനലിൽ
ന്യൂഡൽഹി: ലോക വനിതാ ബോക്സിംഗ് ചാമ്പ്യന്ഷിപ്പിൽ ഇന്ത്യയുടെ സോണിയ ചാഹലും ഫൈനലിൽ. ഉത്തരകൊറിയയുടെ ജോ സൺ വായെ സെമിയിൽ ഇടിച്ചിട്ടാണ് സോണിയ ഫൈനലിൽ കടന്നത്. 57 കിലോഗ്രാം വിഭാഗത്തിൽ 5-0 ന് ആണ് സോണിയയുടെ വിജയം. നേരത്തെ 48 കിലോഗ്രാം വിഭാഗത്തിൽ മോരി കോം ഫൈനലിൽ കടന്നിരുന്നു.
Read Moreവനിതാ ട്വന്റി-20 ലോകകപ്പിൽ നിന്ന് ഇന്ത്യ പുറത്ത്
ആന്റിഗ്വ: വനിതാ ട്വന്റി-20 ലോകകപ്പിൽ ഇന്ത്യ പടിക്കൽ കലമുടച്ചു. സെമിൽ ഇംഗ്ലണ്ടിനോട് തോറ്റ് ഇന്ത്യ കപ്പുയർത്താനുള്ള മോഹം വീണ്ടും ബാക്കിയാക്കി നീലപ്പട പുറത്തായി. സെമിയിൽ ഇന്ത്യയെ എട്ടു വിക്കറ്റിനു തകർത്ത ഇംഗ്ലണ്ട് ഫൈനലിൽ പ്രവേശിച്ചു. ഇന്ത്യയുർത്തിയ താരതമ്യേന ചെറിയ ലക്ഷ്യമായ 113 റൺസ് 17.1 ഓവറിൽ ഇംഗ്ലണ്ട് മറികടന്നു. ഫൈനലിൽ ഓസ്ട്രേലിയയാണ് ഇംഗ്ലണ്ടിന്റെ എതിരാളികൾ. സ്കോർ: ഇന്ത്യ – 112 (ഓൾഔട്ട്, 19.3 ഓവർ); ഇംഗ്ലണ്ട് – 116/2 ഇംഗ്ലീഷ് സ്കോർ ബോർഡിൽ നാല് റൺസ് മാത്രമുള്ളപ്പോൽ ഒരു റണ്സെടുത്ത ബ്യൂമോണ്ടിനെയും 24ലെത്തിയപ്പോൾ എട്ട് റണ്സെടുത്ത വ്യാട്ടിനെയും തിരിച്ചയച്ചപ്പോൾ നീലപ്പടയുടെ ഫൈനൽ സ്വപ്നങ്ങൾക്ക് ചിറക് മുളച്ചതാണ്. എന്നാൽ ആ ചിറക് 53 റൺസെടുത്ത ആമി ജോണ്സും 52 റൺസെടുത്ത നതാലി ഷെവറും നിഷ്കരുണം അരിഞ്ഞു. നേരത്തെ, ടോസ് നേടി ബാറ്റിങ് തിരഞ്ഞെ ഇന്ത്യൻ ബാറ്റിംഗ് നിര താളം…
Read Moreഇടിച്ചുകയറി മേരി കോം
ന്യൂഡൽഹി: ബോക്സിംഗ് ലോക ചാമ്പ്യന്ഷിപ്പിലെ ആറാം സ്വര്ണം ലക്ഷ്യമിട്ട് ഇന്ത്യന് താരം മേരി കോം. 48 കിലോഗ്രാം വിഭാഗത്തില് മേരി ഉത്തര കൊറിയയുടെ കിം ഹ്യാംഗ് മിയെ തകര്പ്പന് പോരാട്ടത്തില് കീഴ്പ്പെടുത്തി ഫൈനലിലെത്തിയതോടെ ആറാം സ്വർണമെന്ന സ്വപ്നത്തിന് ഒരു പടികൂടി അടുത്തു. യുക്രെയ്ന് താരം ഹന്ന ഒക്ഹോട്ടയയെയാണ് മേരിക്ക് ഫൈനലിൽ നേരിടേണ്ടത്. നാളെയാണ് ഫൈനൽ. 2002, 2005, 2006, 2008, 2010 എന്നീ വര്ഷങ്ങളില് മേരി കോം സ്വര്ണം നേടിയിരുന്നു. 2001ലെ ആദ്യ ലോക ചാമ്പ്യന്ഷിപ്പില് വെള്ളിയും നേടി. അഞ്ചു സ്വര്ണം നേടിയ അയര്ലന്ഡിന്റെ കാത്തി ടെയ്ലര്ക്ക് ഒപ്പമാണ് ഇപ്പോള് മേരി കോം. ഒരു സ്വര്ണം കൂടി നേടിയാല് സ്വര്ണ നേട്ടത്തില് ലോക റിക്കാർ്ഡ് മേരിക്ക് സ്വന്തമാക്കാം. ലൗലിന ബോർഗോയെന് വെങ്കലം; സോണിയയും സിമ്രാൻജിത്തും ഇന്നിറങ്ങും 69 കിലോഗ്രാം വിഭാഗത്തില് സെമിയിൽ പരാജയപ്പെട്ട ഇന്ത്യയുടെ ലൗലിന ബോര്ഗോഹെയ്ന്…
Read Moreഒന്നു ജയിക്കുമോ, ബ്ലാസ്റ്റേഴ്സ്
ഗോഹട്ടി: ഇന്ത്യന് സൂപ്പര് ലീഗ് 2018-19 സീസണിലെ ഉദ്ഘാടന മത്സരത്തിലെ തകര്പ്പന് ജയത്തിനുശേഷം ജയമെന്തെന്നറിയാത്ത കേരള ബ്ലാസ്റ്റേഴ്സ് ജയം തേടി ഇറങ്ങുകയാണ്. ഹോംഗ്രൗണ്ടില് ശോഭിക്കാത്ത കേരളം ഇനി എവേ ഗ്രൗണ്ടില് ഭാഗ്യം പരീക്ഷിക്കാനാണ് ഇറങ്ങുന്നത്. ഫോമിലുള്ള നോര്ത്ത് ഈസ്റ്റ് യുണൈറ്റഡിനെയാണ് ബ്ലാസ്റ്റേഴ്സ് നേരിടുന്നത്. ആരാധകരുടെ മനസ് മടുപ്പിക്കാതിരിക്കാന് ബ്ലാസ്റ്റേഴ്സിന് ഇനി ജയിച്ചേ പറ്റൂ. അവസാന മത്സരങ്ങളില് തോറ്റ ഇരുടീമും വിജയ വഴിയിലെത്താനാണ് ഇന്നിറങ്ങുന്നത്. ബ്ലാസ്റ്റേഴ്സ് ആദ്യ മത്സരത്തിലെ ജയത്തിനുശേഷം നാലു സമനിലയും രണ്ടു തോല്വിയും വഴങ്ങി. ഇതിലെ രണ്ടു സമനിലയും രണ്ടു തോല്വിയും സ്വന്തം ഗ്രൗണ്ടിലായിരുന്നു . ടീമിന്റെ നിരാശാജനകമായ പ്രകടനത്തില് മനംമടുത്ത ആരാധകരുടെ മനസില് വീണ്ടും ഇടംപിടിക്കാന് ബ്ലാസ്റ്റേഴ്സിനു ജയം കൂടിയേ തീരൂ. ബ്ലാസ്റ്റേഴ്സിനെപ്പോലെ സ്വന്തം ഗ്രൗണ്ടില് ശോഭിക്കാത്ത ടീമാണ് നോര്ത്ത് ഈസ്റ്റ് യുണൈറ്റഡും. രണ്ടു സമനിലയും ഒരു തോല്വിയുമാണ് നോര്ത്ത് ഈസ്റ്റ് സ്വന്തം ഇന്ദിര…
Read Moreജയം; കേരളം ഒന്നാമത്
കോല്ക്കത്ത: ഇന്ത്യന് ക്രിക്കറ്റിലെ പല ചരിത്രമുഹൂര്ത്തങ്ങള്ക്കും സാക്ഷ്യം വഹിച്ച ഈഡന് ഗാര്ഡന്സില് കേരളം എക്കാലവും ഓര്മിക്കത്തക്ക വിജയം സ്വന്തമാക്കി. ആതിഥേയരായ ബംഗാളിനെ എറിഞ്ഞൊതുക്കിയാണ് കേരളം രഞ്ജി ട്രോഫിയില് അഭിമാന വിജയം സ്വന്തമാക്കിയത്. ഇന്ത്യയിലെ ഏറ്റവും വലുതും വലിപ്പത്തില് ലോകത്തില് രണ്ടാം സ്ഥാനത്തുമാണ് ഈഡൻ ഗാർഡൻ. ഇന്ത്യന് താരം മുഹമ്മദ് ഷമി, മുന് ഇന്ത്യന് താരങ്ങളായ മനോജ് തിവാരി, അശോക് ദിന്ഡ തുടങ്ങിയവര് അണിനിരന്ന ബംഗാളിനെ, അവരുടെ തട്ടകത്തില് ഒന്പതു വിക്കറ്റിനാണ് കേരളം തകര്ത്തത്. രണ്ടാം ഇന്നിംഗ്സില് ബംഗാളിനെ 184 റണ്സിന് ഓള്ഔട്ടാക്കിയ കേരളം, 41 റണ്സിന്റെ വിജയലക്ഷ്യം ഒരു വിക്കറ്റ് നഷ്ടത്തില് മറികടന്നു. വിജയത്തോടെ മൂന്നു കളികളില്നിന്ന് 13 പോയിന്റുമായി എലൈറ്റ് ഗ്രൂപ്പ് ബിയില് കേരളം മുന്നിലെത്തി. ആദ്യ ഇന്നിംഗ്സില് സെഞ്ചുറി നേടിയ ജലജ് സക്സേന (143) രണ്ടാം ഇന്നിംഗ്സില് 21 പന്തില് 26 റണ്സെടുത്തു വിജയം…
Read Moreഅലബാമ ഫുട്ബോളില് മലയാളി
കോട്ടയം: മേവെള്ളൂര് വനിതാ സ്പോര്ട്സ് അക്കാഡമിയില് പരിശീലനം നേടിയ മലയാളി ബാലതാരം അമേരിക്കന് സബ് ജൂണിയര് ഫുട്ബോളില് പ്രതിഭ തെളിയിച്ചു. ഏബിള് ജോണ് ചെറിയാൻ എന്ന ബാലതാരത്തിന്റെ മികവില് അലബാമ എഫ്സി മോണ്ട്ഗോമറി, സോക്കര് സ്നാപ് ചാമ്പ്യന്ഷിപ്പ് ഉയര്ത്തി. എഫ്സി മോണ്ട്ഗോമറി അണ്ടർ 12 താരമാണ് ഏബിൾ. കേരളത്തിലെ ഏക വനിതാ ഫുട്ബോള് കോച്ച് ആയ ജോമോന് ജേക്കബ് നാമക്കുഴിയുടെ കീഴില് രണ്ടു വര്ഷം ഏബിള് പരിശീലനം നടത്തിയിരുന്നു. അവധികാലയളവിലാണ് ഏബിള് പരിശീലനത്തിനായി നാമക്കുഴിയിലെത്തിയത്. ഈ ബാലതാരത്തിന്റെ മികവ് കണ്ടാണ് ജോമോന് അമേരിക്കയിലെ വിവിധ ക്ലബ്ബുകളില് കൂടുതല് ഫുട്ബോള് പരിശീലനത്തിന് അവസരം ലഭിച്ചത്. ജോമോന്റെതന്നെ ശിഷ്യരായ അക്ഷര, ശ്രീദേവി, ശ്രീവിദ്യ, ദേശീയതാരം കാവ്യ എന്നിവര്ക്കൊപ്പമാണ് അമേരിക്കന് ബാലതാരവും പരിശീലനം നടത്തിയത്. ഇവരും സംസ്ഥാന, ദേശീയ ഫുട്ബോള് മത്സരങ്ങളില് മികവ് തെളിയിച്ചവരാണ്. അമേരിക്കയിലെ ഫുട്ബോള് ക്ലബ്ബായ റൗഡീസ് സോക്കര്…
Read Moreനെതര്ലന്ഡ്സ് സെമിയില്
ബര്ലിന്: അവസാന അഞ്ചു മിനിറ്റില് രണ്ടു ഗോളടിച്ച് നെതര്ലന്ഡ്സ് യുവേഫ നേഷന്സ് ലീഗ് സെമി ഫൈനലില്. മത്സരത്തിന്റെ ആദ്യ 20 മിനിറ്റിനുള്ളില് രണ്ടു ഗോളടിച്ച് മുന് ലോക ചാമ്പ്യന്മാരായ ജര്മനി ജയത്തിലേക്കെന്നു തോന്നിച്ചിടത്താണ് തിരിച്ചടിച്ച് സമനില പിടിച്ച് ഓറഞ്ചുപട കുതിച്ചത്. ഇതോടെ ലീഗ് എയിലെ ഗ്രൂപ്പ് ഒന്നില്നിന്ന് ഒരു ജയം പോലുമില്ലാത്ത ജര്മനി ലീഗ് ബിയിലേക്കു തരംതാഴ്ത്തപ്പെട്ടു. ലോക ചാമ്പ്യന്മാരായ ഫ്രാന്സ് രണ്ടാം സ്ഥാനവുമായി ലീഗ് എയില് തുടരുകയും ചെയ്തു. നെതര്ലന്ഡ്സിനും ഫ്രാന്സിനും ഏഴു പോയിന്റ് വീതമായിരുന്നു. എന്നാല് ഇരുടീമും തമ്മിലുള്ള മത്സരഫലത്തിന്റെ അടിസ്ഥാനത്തിലായിരുന്നു നെതര്ലന്ഡ്സ് സെമിയില് കടന്നത്. നെതർലൻഡ്സിനെ കൂടാതെ ഇംഗ്ലണ്ട്, പോർച്ചുഗൽ, സ്വിറ്റ്സർലൻഡ് ടീമുകൾ സെമിയിലെത്തി. 90-ാം മിനിറ്റില് വിര്ജില് വാന് ഡികിന്റെ തകര്പ്പന് ക്ലോസ് റേഞ്ചറിലൂടെയാണു സന്ദര്ശകര് സമനില പിടിച്ചത്. ഇതിനു മുമ്പ് ക്വിന്സി പ്രോമെസ് 85-ാം മിനിറ്റില് ഒരു ഗോള് മടക്കിയിരുന്നു.…
Read Moreവിജയത്തുടക്കത്തിന് ഇന്ത്യ
ബ്രിസ്ബെയ്ന്: ഇന്ത്യൻ ക്രിക്കറ്റ് ടീമിന്റെ ഓസ്ട്രേലിയന് പര്യടനത്തിന് ഇന്നു തുടക്കമാകും. ട്വന്റി 20 യോടെയാണു പര്യടനം ആരംഭിക്കുന്നത്. മൂന്നു ട്വന്റി 20യാണു പരമ്പരയിലുള്ളത്. നിലവില് ഇന്ത്യയാണ് കരുത്തര്. കളത്തിന് അകത്തും പുറത്തും തകര്ച്ചയിലായിരിക്കുന്ന ഓസ്ട്രേലിയ സ്വന്തം നാട്ടില് കളിക്കുന്നതിന്റെ ആനുകൂല്യത്തിലാണ് ഇറങ്ങുന്നത്. ഡിസംബര് ആറിന് ആരംഭിക്കുന്ന ടെസ്റ്റ് പരമ്പരയ്ക്കു ആത്മവിശ്വാസത്തോടെ ഇറങ്ങാനായ ട്വന്റി20 പരമ്പരയില് വിജയമാണ് ഇന്ത്യ ലക്ഷ്യമിടുന്നത്. ഇന്ത്യയാണെങ്കില് ട്വന്റി20യിൽ മികച്ച ഫോമിലാണ്. 2017 നവംബര് മുതലുള്ള എല്ലാം പരമ്പരയും നേടാന് ഇന്ത്യക്കായിട്ടുണ്ട്. കഴിഞ്ഞ ഓസ്ട്രേലിയന് പര്യടനത്തിലെ ട്വന്റി20 പരമ്പരയില് 3-0നാണ് ഇന്ത്യ ജയിച്ചത്. ട്വന്റി20 ക്രിക്കറ്റില് ഇന്ത്യക്ക് ഓസ്ട്രേലിയയ്ക്കു മേല് മികച്ച റിക്കാര്ഡാണുള്ളത്. ഇരുടീമും ഈ ഫോര്മാറ്റില് 15 തവണ ഏറ്റുമുട്ടിയപ്പോൾ പത്തെണ്ണത്തില് ഇന്ത്യ ജയിച്ചു. അഞ്ചെണ്ണം ഓസീസും ജയിച്ചു. പന്തുചുരുണ്ടല് വിവാദത്തിനുശേഷം ഓസ്ട്രേലിയന് ടീമിനു ഫോമിലെത്താനായിട്ടില്ല. ടീമിലെ പ്രധാനികളായിരുന്ന സ്റ്റീവന് സ്മിത്ത്, ഡേവിഡ്…
Read More