പോസ്റ്റ് ഓഫീസും പോസ്റ്റ് മാസ്റ്ററും പോസ്റ്റ്മാനും റണ്ണറുമൊക്കെ ജീവിതങ്ങളെ ചലിപ്പിച്ചിരുന്ന കാലം. സ്വന്തം പോസ്റ്റ് ഓഫീസും പിന്കോഡും കാണാതെ അറിയാത്തവര് ചുരുക്കം. ഇന്റര്നെറ്റും ഇമെയിലും വാട്സ് ആപ്പും മെസഞ്ചറും ഫേസ്ബുക്കുമൊക്കെ ലോകത്തെ വിരല്ത്തുമ്പിലാക്കിയ ന്യൂജെൻ തലമുറയ്ക്ക് അറിവില്ല പഴയ എഴുത്തുകുത്തു ജീവിതം. കാര്ഡും ഇന്ലന്ഡും എയര്മെയിലും കവറും മാത്രമല്ല പരീക്ഷാ അറിയിപ്പുകളും നിയമനങ്ങളുമൊക്കെ കാത്ത് അക്ഷമരായി രാവിലെ പോസ്റ്റ് ഓഫീസില് നില്ക്കുന്ന ആള്ക്കൂട്ടം. എഴുത്തു പൊട്ടിച്ച് ഉള്ളടക്കം വായിക്കുന്നതും വായിച്ചുകേള്ക്കുന്നതും പിന്നീട് വായിക്കാന് കമ്പിയില് കൊളുത്തിയിടുന്നതുമൊക്കെ ഒരു കാലം. മണി ഓര്ഡര് അയയ്ക്കാനും വാങ്ങാനും പോസ്റ്റ് ഓഫീസിലേക്കുള്ള ഓട്ടം. വിശേഷങ്ങളുമായി എത്തും പോസ്റ്റ്മാൻ മാസികകളും ആഴ്ചപ്പതിപ്പുകളും തുടങ്ങി പ്രസിദ്ധീകരണങ്ങളുമായി വീടുകള് കയറിയിറങ്ങുന്ന പോസ്റ്റ്മാനും അവരുടെ കനപ്പെട്ട സഞ്ചിയും. ഏറ്റവും കൂടുതല് കാല്നടയാത്ര നടത്തിയിരുന്നതും പോസ്റ്റ്മാന്തന്നെ. കുന്നും പാടവും പുഴയും തോടും റോഡും ഇടവഴിയും താണ്ടി ദിവസേന ആറേഴ്…
Read MoreCategory: Today’S Special
യുവതിയുടെ വിവിധ പ്രായത്തിലുള്ള നാല് പെൺമക്കളുടെയും ജന്മദിനം ഒരു ദിവസം തന്നെ; പ്രിയപ്പെട്ട നായക്കുട്ടിയുടെ ജന്മദിനവും ഇത് തന്നെ
നാല് പെൺമക്കളുടെ അമ്മയാണ് അമേരിക്കയിലെ സൗത്ത് കരോലിനയിൽ നിന്നുള്ള ക്രിസ്റ്റൻ ലാമ്മെർട്ടിൻ എന്ന യുവതി. ഇവരുടെ നാല് പെൺമക്കളുടെ പ്രായങ്ങൾ തമ്മിൽ വ്യത്യാസമുണ്ടെങ്കിലും ഇവരുടെ ജന്മദിനം ഒന്നാണ്. ഈ നാല് പെൺകുട്ടികളും ജനിച്ചത് ആഗസ്റ്റ് 25ന് ആണ്. വാലന്റീന, സോഫിയ, ജിയുലിയാന, മിയ എന്നിവരാണ് ക്രിസ്റ്റ്നയുടെ നാല് മക്കൾ. മക്കളുടെ ജന്മദിനം കൂടാതെ തന്റെ പ്രിയപ്പെട്ട നായക്കുട്ടിയുടെ ജന്മദിനവും ആഗസ്റ്റ് 25 ആണെന്നും, ഈ നായ ജനിച്ച് 10 വർഷത്തിന് ശേഷമാണ് തന്റെ ആദ്യത്തെ മകൾ സോഫിയ ജനിച്ചതെന്നും അവർ പറഞ്ഞു. എന്നാൽ ഇതിൽ ഒന്നും തോന്നിയില്ലെന്നും അതിന് ശേഷമുള്ള തന്റെ ഓരോ മക്കളുടെ ജനനവും ഒരേ തീയതിയിലായപ്പോൾ ആശ്ചര്യം തോന്നിയെന്നും ക്രിസ്റ്റൻ ലാമ്മെർട്ട് പറഞ്ഞു. .
Read Moreയാത്രയ്ക്കിടെ വിമാനത്തിൽ ‘നീലച്ചിത്രം’: ക്ഷമ ചോദിച്ച് അധികൃതർ
സിഡ്നി: വിമാനത്തിൽ “നീലച്ചിത്രം’ പ്രദർശിപ്പിച്ചതിൽ ക്ഷമാപണം നടത്തി കന്പനി അധികൃതർ. ഓസ്ട്രേലിയൻ നഗരമായ സിഡ്നിയിൽനിന്നു ജപ്പാനിലെ ഹനേഡയിലേക്കുള്ള യാത്രയ്ക്കിടെ ക്വാണ്ടാസ് വിമാനത്തിലാണു സംഭവം. അമേരിക്കൻ താരസുന്ദരിയായ ഡക്കോട്ട ജോൺസണിന്റെയും സീൻ പെന്നിന്റെയും ‘ഡാഡിയോ’ എന്ന സിനിമയാണ് പ്രദർശിപ്പിച്ചത്. ലൈംഗിക സംഭാഷണങ്ങളും കിടപ്പറരംഗങ്ങളുമുള്ള സിനിമയാണിത്. പ്രായപൂർത്തിയായവർക്കുമാത്രമായുള്ള സിനിമ പ്രദർശിപ്പിച്ചതിൽ യാത്രക്കാർ പരാതിപ്പെടുകയുമായിരുന്നു. അബദ്ധം മനസിലാക്കിയ കാബിൻ ക്രൂ പിന്നീട് ഹാസ്യപ്രധാനമായ കുടുംബചിത്രം പ്രദർശിപ്പിച്ചു. വിശദീകരണവുമായി വിമാനക്കന്പനി അധികൃതർ രംഗത്തെത്തുകയും ചെയ്തു. സാങ്കേതിപ്പിഴവാണു സംഭവിച്ചതെന്നും യാത്രക്കാർക്കു ബുദ്ധിമുട്ടു നേരിട്ടതിൽ ക്ഷമാപണം നടത്തുന്നതായും അധികൃതർ പറഞ്ഞു.
Read Moreശുചിമുറിയിലെ ഒളിക്കാമറയിൽ പ്രതിയുടെ മുഖവും: പതിനെട്ടുകാരന് അറസ്റ്റിൽ
ന്യൂജേഴ്സി: മാളിലെ ശുചിമുറിയില് ഒളിക്കാമറ വച്ച പതിനെട്ടുകാരന് അറസ്റ്റിൽ. അമേരിക്കയിലെ ന്യൂജേഴ്സിയിലാണു സംഭവം. ശുചിമുറിയില് കയറിയ യുവതിയാണ് ഒളിക്കാമറ കണ്ടെത്തിയത്. ചുമരില് അസാധാരണമായി കണ്ട കറുത്ത വസ്തു ഒളിക്കാമറയാണെന്നു തിരിച്ചറിഞ്ഞ യുവതി പോലീസിനെ അറിയിക്കുകയായിരുന്നു. ഒളിക്കാമറയിൽ പ്രതിയുടെ മുഖവും പതിഞ്ഞിരുന്നതിനാൽ പോലീസിനു കൂടുതൽ അന്വേഷണം നടത്തേണ്ടി വന്നില്ല. കാമറ പരിശോധിച്ചപ്പോൾ വേറെയും ശുചിമുറികളില്നിന്നുള്ള ക്ലിപ്പുകൾ അതിൽനിന്നു ലഭിച്ചു. ഇവ ഏതൊക്കെ ശുചിമുറികളില്നിന്നുള്ള ദൃശ്യങ്ങളാണെന്നു തിരിച്ചറിയാന് പോലീസ് പൊതുജനങ്ങളുടെ സഹായം തേടി. ഇത്തരം സംഭവങ്ങൾ അടുത്തിടയായി ലോകത്തിന്റെ പലഭാഗങ്ങളിൽനിന്നു റിപ്പോര്ട്ട് ചെയ്യപ്പെടുന്നുണ്ട്. കഴിഞ്ഞ മാസം ഡൽഹിയിലെ ശകർപുരിൽ സിവിൽ സർവീസ് ഉദ്യോഗസ്ഥയായ മുപ്പത്തിയാറുകാരിയുടെ കിടപ്പുമുറിയിൽ ഒളിക്കാമറ സ്ഥാപിച്ചു ദൃശ്യങ്ങള് ചിത്രീകരിച്ചതിനു മുപ്പതുകാരനെ പോലീസ് അറസ്റ്റ് ചെയ്തിരുന്നു.
Read Moreഇത്തിരി ലേറ്റായി! 48 വർഷങ്ങൾക്ക് മുമ്പ് അപേക്ഷ നൽകിയ ജോലിക്ക് മറുപടി ലഭിച്ചത് 70-ാം വയസിൽ
സ്റ്റണ്ട് വുമൺ ടിസി ഹോഡ്സൺ 48 വർഷം മുമ്പ് മോട്ടോർ സൈക്കിൾ സ്റ്റണ്ട് ജോലിക്ക് ഏറെ പ്രതീക്ഷയോടെയാണ് അപേക്ഷ അയച്ചത്. കുറെ നാൾ കാത്തിരുന്നെങ്കിലും മറുപടിയൊന്നും വന്നില്ല. അവസാനം അങ്ങനെയൊരു അപേക്ഷ അയച്ച കാര്യം തന്നെ ടിസി ഹോഡ്സൺ മറന്നു. ഇപ്പോഴിതാ 48 വർഷങ്ങൾക്ക് ശേഷം തന്റെ 70-ാം വയസിൽ, അഞ്ച് പതിറ്റാണ്ടിന് ശേഷം ടിസി ഹോഡ്സണിനെ ജോലിക്ക് തെരഞ്ഞെടുത്തു എന്ന കത്ത് ലഭിച്ചു. കാര്യം എന്താണെന്ന് ആദ്യം വ്യക്തമായില്ലെങ്കിലും പിന്നീടാണ് 48 വർഷം മുമ്പ് അയച്ച അപേക്ഷയുടെ മറുപടിയാണെന്ന് ടിസിക്ക് വ്യക്തമായത്. ടിസിയെ തെരഞ്ഞെടുത്തുകൊണ്ടുള്ള കത്ത് പോസ്റ്റ് ചെയ്യപ്പെട്ടത് 1976 ജനുവരിയിലായിരുന്നു. എന്നാൽ ഏതോ പോസ്റ്റോഫീസിലെ മേശ വലിപ്പിൽ ആ എഴുത്ത് കഴിഞ്ഞ അഞ്ച് പതിറ്റാണ്ട് കാലം കിടന്നു. അങ്ങനെ കത്ത് ഒടുവിൽ ടിസിയെ തേടി എത്തിയപ്പോൾ അതിന് മുകളിൽ ഒരു ക്ഷമാപണ കുറിപ്പും ഉണ്ടായിരുന്നു. ‘സ്റ്റെയിൻസ്…
Read Moreഎന്തുകൊണ്ടാണ് ചൈനീസ് പട്ടാളക്കാർ അവരുടെ യൂണിഫോം കോളറിൽ പിൻ ധരിക്കുന്നത്? കാരണമിങ്ങനെ…
സൈനികരുടെ അച്ചടക്കവും ധീരതയും ആശ്ചര്യപ്പെടുന്നതാണ്. എന്നാൽ അത്തരം കഴിവുകൾ വികസിപ്പിക്കുന്നതിനും അവരുടെ രാജ്യത്തെ സേവിക്കാൻ അർഹത നേടുന്നതിനും വ്യക്തിക്ക് എത്ര സമയവും പരിശ്രമവും ചെലവഴിക്കേണ്ടി വന്നു എന്നതിനെക്കുറിച്ച് ആരും സംസാരിക്കുന്നില്ല. സൈനികരെ പരിശീലിപ്പിക്കുന്നതിന് ഓരോ രാജ്യത്തിനും അതിന്റേതായ മാർഗനിർദേശങ്ങളുണ്ട്. ചൈനീസ് സൈനികരെ കുറിച്ച് പരക്കെ അറിയപ്പെടുന്ന ഒരു വസ്തുത അവരുടെ യൂണിഫോമിന്റെ കോളറിൽ പിന്നുകൾ ഉണ്ട് എന്നതാണ്. ഈ പിന്നുകൾ അവരെ നിരന്തരം കുത്തുകയും ചെയ്യാറുണ്ട്. ചൈനീസ് പട്ടാളക്കാർ തങ്ങളുടെ യൂണിഫോമിന്റെ കോളറിൽ പിന്നുമായി നിൽക്കുന്നതായി അവകാശപ്പെടുന്ന ആയിരക്കണക്കിന് പോസ്റ്റുകളാണ് സോഷ്യൽ മീഡിയയിൽ വൈറലാകുന്നത്. വൈറൽ ഫോട്ടോകളും വീഡിയോകളും യഥാർത്ഥമാണെന്ന് സ്ഥിരീകരിക്കുന്ന വസ്തുതാ പരിശോധന വെബ്സൈറ്റായ സ്നോപ്സ് 2019-ൽ ഇവ ക്ലെയിം ചെയ്തു. പട്ടാളക്കാരുടെ കോളറിലാണ് പിൻ സ്ഥാപിച്ചിരിക്കുന്നത്. അവരുടെ കഴുത്ത് പിന്നിൽ തൊടുമ്പോഴെല്ലാം അവർക്ക് ഒരു കുത്തൽ അനുഭവപ്പെടും. പിന്നെ എന്തിനാണ് അവർ ഇങ്ങനെ ഒരു…
Read Moreഭർത്താവിന്റെ രഹസ്യ ബന്ധങ്ങൾ അറിഞ്ഞത് മരണശേഷം, കലിപ്പ് മാറ്റാൻ ചിതാഭസ്മം തിന്ന് എഴുത്തുകാരി
ഭർത്താവിന്റെ മരണ ശേഷം അയാളുടെ അവിഹിത ബന്ധങ്ങളെക്കുറിച്ച് അറിയേണ്ടി വന്ന വിചിത്ര അനുഭവത്തെക്കുറിച്ച് കനേഡിയൻ എഴുത്തുകാരി ജസീക്കാ വെയ്റ്റ് ആത്മകഥയിൽ വിശദമാക്കിയിരിക്കുകയാണ്. ജസീക്കയുടെ ആത്മകഥയായ എ വിഡോസ് ഗൈഡ് ടു ഡെഡ് ബാസ്റ്റാർഡ്സ് എന്ന ആത്മകഥയിൽ ഭർത്താവിന്റെ അവിഹിത ബന്ധം അറിഞ്ഞപ്പോഴുള്ള വിഷമം മറി കിടക്കാൻ ചിതാഭസ്മം വളർത്തുനായ കാഷ്ഠത്തിനൊപ്പമാണ് കുഴിച്ചിട്ടതായി പറയുന്നു. ഇതിന് പിന്നാലെ വഞ്ചിക്കപ്പെട്ടതിന്റെ വേദന മാറാതെ വന്നതോടെ ചിതാഭസ്മത്തിന്റെ ഒരു ഭാഗം കഴിച്ചതായാണ് എഴുത്തുകാരി വിശദമാക്കുന്നത്. ചിതാഭസ്മത്തിന് ബേക്കിംഗ് പൌഡറിന് സമാനമായ രുചിയാണ് അനുഭവപ്പെട്ടതെന്നും ഉപ്പിനേക്കാൾ തരി നിറഞ്ഞതായിരുന്നു ചിതാഭസ്മമെന്നുമാണ് ഇത് കഴിച്ച അനുഭവത്തേക്കുറിച്ച് എഴുത്തുകാരി വിശദമാക്കുന്നത്. 2015 ലെ ജോലി സംബന്ധമായുള്ള യാത്രക്കിടയിലാണ് ജെസീക്കയുടെ ഭർത്താവ് സീൻ മരിക്കുന്നത്. തുടർന്ന് വർഷങ്ങൾക്ക് ശേഷം ഭർത്താവിന്റെ ഐ പാഡ് നോക്കുമ്പോഴാണ് ഇയാളുടെ ചിത്രങ്ങൾ അടക്കമുള്ള വിവരം ജസീക്കക്കയ്ക്ക് ലഭിക്കുന്നത്. ഒരു ആവശ്യത്തിനായി ഭർത്താവിന്റെ…
Read Moreടൈംസ് സ്ക്വയറില് മന്ത്രോച്ചാരണങ്ങള്ക്ക് തുടക്കം; ന്യൂയോര്ക്കിൽ ആദ്യമായി ദുര്ഗാ പൂജ നടന്നു
നാടെങ്ങും നവരാത്രി ആഘോഷത്തിന്റെ തിരക്കിലാണ്. ന്യൂയോര്ക്കിലെ ടൈംസ് സ്ക്വയറില് ആദ്യമായി ദുര്ഗാ പൂജ ആഘോഷിച്ചു എന്ന വാർത്തയാണ് ഇപ്പോൾ വൈറലാകുന്നത്. നഗരമധ്യത്തില് നടത്തിയ ദുര്ഗാ പൂജയുടെ ദൃശ്യങ്ങള് സമൂഹമാധ്യമങ്ങളില് വൈറലാണ്. പൂജയിൽ പങ്കെടുക്കുന്നതിനായി നിരവധി ഇന്ത്യക്കാരാണ് എത്തിയത്. നവമി പൂജയും ദുര്ഗാ പൂജയോടെയും അനുബന്ധിച്ചാണ് ചടങ്ങുകള് ആരംഭിച്ചത്. ന്യൂയോര്ക്കിലെ ദുര്ഗാ പൂജ ആഘോഷങ്ങള് സംഘടിപ്പിച്ചത് ബംഗാളി ക്ലബ് യുഎസ്എ ആണ്. രണ്ട് ദിവസം ന്യൂയോര്ക്ക് നഗരത്തില് ദുര്ഗ പൂജാ ആഘോഷങ്ങള് നടക്കും. പൂജയ്ക്കൊടുവില് ബോളിവുഡ് ഡാന്സ് മ്യൂസിക്കല് പരിപാടിയും നടക്കും.
Read Moreഒരു മിനിറ്റിൽനിന്ന് 3 മിനിറ്റിലേക്ക്: യൂട്യൂബ് ഷോട്സിന്റെ ദൈർഘ്യം കൂട്ടുന്നു
ന്യൂഡൽഹി: ടിക് ടോക് ഉയർത്തിയ വെല്ലുവിളി മറികടക്കാൻ അവതരിപ്പിച്ച യൂട്യൂബ് ഷോട്സിന്റെ സമയദൈർഘ്യം കൂട്ടാൻ തീരുമാനം. ഒരു മിനിറ്റിൽനിന്നു മൂന്നു മിനിറ്റായാണു ദീർഘിപ്പിക്കുന്നത്. സമയപരിധിക്കെതിരേ ക്രിയേറ്റർമാർ രംഗത്തെത്തിയിരുന്നു. കാര്യങ്ങൾ അവതരിപ്പിക്കാൻ ഒരു മിനിറ്റ് കുറവാണെന്നായിരുന്നു പരാതി. ഇതിനു പിന്നാലെയാണു ദൈർഘ്യം വർധിപ്പിക്കാൻ തീരുമാനിച്ചത്. ഈമാസം 15 മുതൽ പുതിയ സമയപരിധി നിലവിൽ വരും. പുതിയ മാറ്റം ക്രിയേറ്റർമാർക്കു സൗകര്യപ്രദമാകുമെന്നു യൂട്യൂബ് അധികൃതർ പറഞ്ഞു. അതേസമയം, ദൈർഘ്യമേറിയ വീഡിയോകളോട് ഉപഭോക്താക്കൾക്കു താത്പര്യം നഷ്ടപ്പെടുമോയെന്ന സംശയം ഉയരുന്നുണ്ട്. ഇതിനു പരിഹാരമായി യൂസേഴ്സിന് അവരുടെ ഇഷ്ടാനുസരണം സമയം നിയന്ത്രിക്കാൻ കഴിയുന്ന ഫീച്ചർ ഷോട്സിൽ ലഭ്യമാക്കുമെന്ന് അറിയുന്നു.
Read Moreസിറ്റസ് ഇൻവേഴ്സസ്: ഹൃദയം വലത്ത്, കരൾ ഇടത്ത്! അത്ഭുതമായി യുവതി
വ്യത്യസ്തമായ ശരീരഘടനയുള്ള കർണാടക ബെൽഗാം സ്വദേശിനിയായ മധ്യവയസ്ക ഡോക്ടർമാർക്കു വിസ്മയമാണ്. സാധാരണ മനുഷ്യരുടെ ഹൃദയം ഇടതുവശത്തും കരൾ വലതുവശത്തുമാണെങ്കിൽ സവിത സുനില ചൗഗലെ എന്ന അന്പതുകാരിയുടെ ഹൃദയം വലതുവശത്തും കരൾ ഇടതുവശത്തുമാണ്. എന്നാൽ, ആരോഗ്യപ്രശ്നങ്ങളൊന്നും ഇവർക്കില്ല. ഭർത്താവ് സുനിലിനും മകൻ സുമിത്തിനുമൊപ്പം ആരോഗ്യകരവും സ്വാഭാവികവുമായ ജീവിതം നയിക്കുകയാണു സവിത. സവിതയുടെ ശരീരത്തിൽ ഇടത് ശ്വാസകോശം വലതുവശത്തും വലത് ശ്വാസകോശം ഇടതുവശത്തുമാണുള്ളത്. ഇതിനെ മെഡിക്കൽ ഭാഷയിൽ സിറ്റസ് ഇൻവേഴ്സസ് എന്നാണു വിളിക്കുന്നത്. കാർഡിയോളജിസ്റ്റിന്റെ അടുത്തു പരിശോധനയ്ക്കു പോയപ്പോൾ ഇസിജിയും എക്സ് റേയും എടുത്തിരുന്നു. ഇതിലാണ് അമ്പരപ്പിക്കുന്ന വസ്തുത വെളിപ്പെട്ടത്. ജീനുകളുടെ വ്യതിയാനമാണ് ഇതിനു കാരണം. ഇതൊരു അപൂർവ സംഭവമാണെങ്കിലും രോഗമല്ലെന്നു വിദഗ്ധർ പറയുന്നു.
Read More