ഫൈഫ് സ്റ്റാർ ജയിൽ വാസം..! ശമ്പളത്തേക്കാൾ കൃത്യതയോടെ സമ്മാനങ്ങൾ; ശോ​ഭ​രാ​ജി​ന്‍റെ ആ​ഡം​ബ​ര ജ​യി​ൽ ജീ​വി​ത​ത്തോ​ടു ക​ണ്ണ​ട​ച്ചു ജീവനക്കാർ


പ​ന്ത്ര​ണ്ടോ​ളം വി​ദേ​ശി​ക​ളെ ക്രൂ​ര​മാ​യി കൊ​ന്നു​ത​ള്ളി​യ കൊ​ല​പാ​ത​കി ഒ​രു കാ​ല​ത്തു തീ​ഹാ​ർ ജ​യി​ൽ പോ​ലും അ​ട​ക്കി വാ​ഴു​ക​യാ​യി​രു​ന്നു. ജ​യി​ൽ ജീ​വ​ന​ക്കാ​രെ സു​ഹൃ​ത്തു​ക്ക​ളാ​ക്കി​യും കൈ​മ​ട​ക്ക് ന​ൽ​കി​യും അ​തി​ൽ വീ​ഴാ​ത്ത​വ​രെ ഭീ​ഷ​ണി​പ്പെ​ടു​ത്തി​യു​മാ​ണ് ശോ​ഭ​രാ​ജ് ഈ ​സൗ​ഭാ​ഗ്യ​ങ്ങ​ൾ അ​നു​ഭ​വി​ച്ച​ത്.

ശ​ന്പ​ള​ത്തേ​ക്കാ​ൾ കൃ​ത്യ​ത​യോ​ടെ സ​മ്മാ​ന​ങ്ങ​ൾ എ​ത്തി​ത്തു​ട​ങ്ങി​യ​തോ​ടെ ഉ​ദ്യോ​ഗ​സ്ഥ​രും ശോ​ഭ​രാ​ജി​ന്‍റെ ആ​ഡം​ബ​ര ജ​യി​ൽ ജീ​വി​ത​ത്തോ​ടു ക​ണ്ണ​ട​ച്ചു.

” കു​റ്റ​വാ​ളി​ക​ൾ തി​ങ്ങി​പ്പാ​ർ​ക്കു​ന്ന ജ​യി​ലി​ൽ എ​നി​ക്കു സ്വ​ന്ത​മാ​യൊ​രു മു​റി​യും ടി​വി​യും ഉ​ണ്ടാ​യി​രു​ന്നു. കൂ​ടാ​തെ എ​ന്‍റെ അ​ഭി​ഭാ​ഷ​ക​ൻ വ​ഴി പ​തി​വാ​യി എ​നി​ക്കു വ​രു​ന്ന ക​ത്തു​ക​ളും പ​രി​ശോ​ധി​ക്കു​മാ​യി​രു​ന്നു.’-

ഒ​രു അ​ഭി​മു​ഖ​ത്തി​ൽ ജ​യി​ൽ വാ​സ​ത്തെ​ക്കു​റി​ച്ചു ചോ​ദി​ച്ച​പ്പോ​ൾ ഇ​ങ്ങ​നെ​യാ​യി​രു​ന്നു ശോ​ഭ​രാ​ജി​ന്‍റെ പ്ര​തി​ക​ര​ണം.

ജ​യി​ൽ പാ​ച​ക​ക്കാ​ര​നും
ജ​യി​ൽ ശി​ക്ഷ അ​നു​ഭ​വി​ച്ചി​രു​ന്ന കാ​ല​ത്തു ചാ​ൾ​സ് ശോ​ഭ​രാ​ജ് അ​നു​ഭ​വി​ച്ചി​രു​ന്ന സു​ഖ​സൗ​ക​ര്യ​ങ്ങ​ളെ​ക്കു​റി​ച്ചും അ​തി​നാ​യി അ​യാ​ൾ പ്ര​യോ​ഗി​ച്ചി​രു​ന്ന ത​ന്ത്ര​ങ്ങ​ളെ​ക്കു​റി​ച്ചും തി​ഹാ​ർ ജ​യി​ൽ ഡെ​പ്യു​ട്ടി സു​പ്ര​ണ്ടാ​യി​രു​ന്ന സു​നി​ൽ ഗു​പ്ത ഒ​രു മാ​ധ്യ​മ​ത്തി​നു ന​ൽ​കി​യ അ​ഭി​മു​ഖ​ത്തി​ൽ പ​റ​ഞ്ഞി​ട്ടു​ണ്ട്.

ഒ​രു സ്റ്റു​ഡി​യോ അ​പാ​ർ​ട്മെ​ന്‍റി​ന് സ​മാ​ന​മാ​യ സൗ​ക​ര്യ​ങ്ങ​ളോ​ടു കൂ​ടി​യ മു​റി​യാ​ണ് ശോ​ഭ​രാ​ജി​നു വേ​ണ്ടി ഒ​രു​ക്കി​യ​ത്. കൂ​ടാ​തെ അ​യാ​ൾ​ക്കു ഭ​ക്ഷ​ണം പാ​കം ചെ​യ്യു​ന്ന​തി​നു മാ​ത്ര​മാ​യി ഒ​രു പാ​ച​ക​ക്കാ​ര​നു​മു​ണ്ടാ​യി​രു​ന്നു.

ത​ന്‍റെ ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നാ​യി ശോ​ഭ​രാ​ജ് ജ​യി​ൽ ജീ​വ​ന​ക്കാ​ർ​ക്കു കൈ​ക്കൂ​ലി ന​ൽ​കു​മാ​യി​രു​ന്നെ​ന്നും അ​യാ​ളു​ടെ പെ​ൺ സു​ഹൃ​ത്തു​ക്ക​ൾ പ​തി​വാ​യി ജ​യി​ൽ സ​ന്ദ​ർ​ശി​ച്ചി​രു​ന്നു​വെ​ന്നും അ​ദ്ദേ​ഹം അ​ഭി​മു​ഖ​ത്തി​ൽ വെ​ളി​പ്പെ​ടു​ത്തി.

ജ​യി​ലി​ൽ കി​ട​ക്കു​ന്ന ശോ​ഭ​രാ​ജി​ന് എ​വി​ടു​ന്നാ​ണ് ഇ​ത്ര​യേ​റെ പ​ണം എ​ന്നു സം​ശ​യം തോ​ന്നി​യേ​ക്കാം. ശോ​ഭ​രാ​ജി​ന്‍റെ ജീ​വ‌ി​ത​ക​ഥ പു​സ്ത​ക​മാ​ക്കി​യ​തി​നെ​ത്തു​ട​ർ​ന്നു കി​ട്ടി​യ റോ​യ​ൽ​റ്റി​പ്പ​ണ​മാ​ണ് അ‍​യാ​ൾ ജ​യി​ലി​ൽ ഒ​ഴു​ക്കി​യ​ത്.

അ​ഭി​മു​ഖ​ങ്ങ​ൾ​ക്കും ശോ​ഭ​രാ​ജ് വ​ലി​യ തു​ക കൈ​പ്പ​റ്റി​യി​രു​ന്ന​താ​യി പ​റ​യു​ന്നു. ഉ​ദ്യോ​ഗ​സ്ഥ​ർ​ക്കു കൈ​ക്കൂ​ലി ന​ൽ​കു​ന്പോ​ൾ​ത്ത​ന്നെ അ​വ​രു​മാ​യു​ള്ള സം​ഭാ​ഷ​ണം ഡി​ക്ടാ​ഫോ​ൺ ഉ​പ​യോ​ഗി​ച്ചു റെ​ക്കോ​ർ​ഡ് ചെ​യ്യു​ന്ന പ​തി​വും ശോ​ഭ​രാ​ജി​നു​ണ്ടാ​യി​രു​ന്നു.

ആ​രെ​ങ്കി​ലും ത​ന്‍റെ താ​ത്പ​ര്യ​ത്തി​നു വി​പ​രീ​ത​മാ​യി പെ​രു​മാ​റി​യാ​ൽ ഭീ​ഷ​ണി​പ്പെ​ടു​ത്താ​നാ​യി​രു​ന്നു ഇ​ത്.ഇം​ഗ്ലീ​ഷി​ൽ ന​ല്ല അ​റി​വു​ണ്ടാ​യി​രു​ന്ന ശോ​ഭ​രാ​ജ് ജ​യി​ലി​ലെ ജീ​വ​ന​ക്കാ​ർ​ക്കും സ​ഹ​ത​ട​വു​കാ​ർ​ക്കും

ഹ​ർ​ജി​ക​ളും മ​റ്റും ത​യാ​റാ​ക്കി ന​ൽ​കി​യി​രു​ന്ന​തെ​ന്നും നി​യ​മം പ​ഠി​ച്ചി​ട്ടി​ല്ലെ​ങ്കി​ലും സ്വ​ന്ത​മാ​യി കോ​ട​തി​യി​ൽ കേ​സ് വാ​ദി​ക്കാ​നു​ള്ള അ​യാ​ളു​ടെ മി​ക​വു ക​ണ്ട് മു​തി​ർ​ന്ന അ​ഭി​ഭാ​ഷ​ക​ർ അ​യാ​ൾ​ക്കു നി​യ​മ പു​സ്ത​ക​ങ്ങ​ൾ ന​ൽ​കി​യി​രു​ന്നെ​ന്നും ഗു​പ്ത പ​റ​യു​ന്നു.

ജ​യി​ൽ വാ​ർ​ഷി​കം!
1986ൽ ​ജ​യി​ൽ ജീ​വി​ത​ത്തി​ന്‍റെ പ​ത്താം വാ​ർ​ഷി​കം ശോ​ഭ​രാ​ജ് ആ​ഘോ​ഷി​ച്ച​തു ജ​യി​ലി​ലെ ജീ​വ​ന​ക്കാ​ർ​ക്കും സ​ഹ​വാ​സി​ക​ൾ​ക്കും പാ​ർ​ട്ടി ന​ട​ത്തി​ക്കൊ​ണ്ടാ​ണ്. ആ​ഘോ​ഷ​രാ​വി​നെ എ​ല്ലാ​വ​രും ക​ണ്ട​ത് ശോ​ഭ​രാ​ജി​ന്‍റെ സ്നേ​ഹ​പ്ര​ക​ട​ന​മാ​യാ​ണ്.

എ​ന്നാ​ൽ, ആ ​പ്ര​ക​ട​ന​ത്തി​നു പി​ന്നി​ലു​മു​ണ്ടാ​യി​രു​ന്നു ശോ​ഭ​രാ​ജി​ന്‍റെ കു​ശാ​ഗ്ര​ബു​ദ്ധി. ആ​ഘോ​ഷ​ത്തി​ൽ വി​ള​ന്പി​യ ഭ​ക്ഷ​ണ​ത്തി​ലും പാ​നീ​യ​ങ്ങ​ളി​ലും അ​യാ​ൾ മ​യ​ക്കു​മ​രു​ന്നു ക​ല​ർ​ത്തി.

വി​രു​ന്നി​ൽ പ​ങ്കെ​ടു​ത്ത​വ​ർ ഓ​രോ​രു​ത്ത​രാ​യി മ​യ​ങ്ങി വീ​ഴു​ന്ന​തു നോ​ക്കി​നി​ന്ന ശേ​ഷം അ​വ​ർ​ക്കി​ട​യി​ലൂ​ടെ ഒ​രു ജേ​താ​വി​നെ​പ്പോ​ലെ അ​യാ​ൾ പു​റ​ത്തേ​ക്കു ന​ട​ന്നു. ഇ​രു​ട്ടു വീ​ണ വ​ഴി​യി​ലൂ​ടെ അ​യാ​ൾ ജ​യി​ലി​നു പു​റ​ത്തേ​ക്കു ന​ട​ന്നു. വ​ള​രെ സ​മ​ർ​ഥ​മാ​യ ഒ​രു ജ​യി​ൽ ചാ​ട്ടം.

വീ​ണ്ടും ജ​യി​ലി​ലേ​ക്ക്
പി​ന്നീ​ട് മും​ബൈ പോ​ലീ​സി​ലെ സ​മ​ർ​ഥ​നാ​യ ഇ​ൻ​സ്പെ​ക്ട​ർ മ​ധു​ക​ർ ഷി​ൻ​ഡെ ശോ​ഭ​രാ​ജി​നെ ഗോ​വ​യി​ൽ നി​ന്നു പി​ടി​കൂ​ടി. ഇ​തോ​ടെ ശി​ക്ഷാ കാ​ലാ​വ​ധി പ​ത്തു വ​ർ​ഷ​ത്തേ​ക്കു കൂ​ടി നീ​ട്ടി.

1997 ഫെ​ബ്രു​വ​രി 17ന് ​ശോ​ഭ​രാ​ജ് ജ​യി​ൽ മോ​ചി​ത​നാ​യി. അ​ത്ര​യും നാ​ൾ അ‍​യാ​ൾ​ക്കെ​തി​രേ നി​ര​ന്ന തെ​ളി​വു​ക​ളും വാ​റ​ണ്ടു​ക​ളും ദൃ​ക്സാ​ക്ഷി​ക​ളു​മെ​ല്ലാം എ​വി​ടെ​പ്പോ​യെ​ന്ന് ആ​രും ക​ണ്ടി​ല്ല.

ഒ​ടു​വി​ൽ ഇ​ന്ത്യ​ൻ അ​ധി​കൃ​ത​ർ വി​ദേ​ശി​യാ​യ ശോ​ഭ​രാ​ജി​നെ സ്വ​ത​ന്ത്ര​നാ​ക്കി. അ​യാ​ൾ ഫ്രാ​ൻ​സി​ലേ​ക്കു മ​ട​ങ്ങി.

മി​സ് ലി​യോ

(തു​ട​രും).

Related posts

Leave a Comment