ഡോ​ക്ട​റെ പീ​ഡിപ്പിച്ച കേ​സി​ൽ സി​ഐ കു​റ്റ​ക്കാ​ര​ൻ; പ്രോ​സി​ക്യൂ​ട്ട് ചെ​യ്യാ​നാ​യി അ​നു​മ​തി തേ​ടി ക്രൈം​ബ്രാ​ഞ്ച്; മൂന്ന് കേസിൽ പ്രതിയായിട്ടും അകത്ത് കിടക്കാതെ പോലീസ് സംഘടനാ നേതാവ്

കാ​ട്ടാ​ക്ക​ട : വ​നി​താ ഡോ​ക്ട​റെ പീ​ഡി​പ്പി​ച്ച കേ​സി​ൽ സി​ഐ കു​റ്റ​ക്കാ​ര​നെ​ന്ന് ക്രൈം​ബ്രാ​ഞ്ച്. മ​ല​യി​ൻ​കീ​ഴി​ലെ മു​ൻ ഇ​ൻ​സ്‌​പെ​ക്ട​ർ എ.​വി. സൈ​ജു​വി​നെ പ്രോ​സി​ക്യൂ​ട്ട് ചെ​യ്യാ​നാ​യി ക്രൈം​ബ്രാ​ഞ്ച് ആ​ഭ്യ​ന്ത​ര​വ​കു​പ്പി​ന്‍റെ അ​നു​മ​തി തേ​ടി.

ഇ​തു​കൂ​ടാ​തെ മ​റ്റൊ​രു പീ​ഡ​ന​ക്കേ​സി​ലും വ്യാ​ജ​രേ​ഖാ കേ​സി​ലും പ്ര​തി​യാ​യി​ട്ടും പോ​ലീ​സ് സം​ഘ​ട​നാ നേ​താ​വാ​യ സൈ​ജു​വി​നെ പോ​ലീ​സി​ൽനി​ന്ന് പി​രി​ച്ചു​വി​ടാ​ൻ ന​ട​പ​ടി​യി​ല്ല.

തി​രു​വ​ന​ന്ത​പു​ര​ത്ത് മ​ല​യി​ൻ​കീ​ഴി​ലും കൊ​ച്ചി സി​റ്റി ക​ൺ​ട്രോ​ൾ റൂ​മി​ലു​മെ​ല്ലാം ഇ​ൻ​സ്‌​പെ​ക്ട​റാ​യി​രു​ന്നു എ.​വി.​സൈ​ജു. മ​ല​യി​ൻ​കീ​ഴി​ൽ എ​സ്ഐ​യാ​യി ജോ​ലി നോ​ക്കു​ന്ന സ​മ​യ​ത്ത് പ​രി​ച​യ​ക്കാ​രി​യാ​യ വ​നി​ത ഡോ​ക്ട​റെ ലൈം​ഗി​ക​മാ​യി പീ​ഡി​പ്പി​ച്ചെ​ന്നാ​ണ് കേ​സ്.

2019 ഒ​ക്ടോ​ബ​റി​ലാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ക്രൈം​ബ്രാ​ഞ്ച് തി​രു​വ​ന​ന്ത​പു​രം യൂ​ണി​റ്റി​ന്‍റെ അ​ന്വേ​ഷ​ണ​ത്തി​ൽ പ​രാ​തി ശ​രി​യെ​ന്ന് ക​ണ്ടെ​ത്തി​യ​തോ​ടെ​യാ​ണ് സൈ​ജു​വി​നെ​തി​രെ കു​റ്റ​പ​ത്രം ന​ൽ​കാ​ൻ തീ​രു​മാ​നി​ച്ച​ത്.

അ​തി​ന്‍റെ മു​ന്നോ​ടി​യാ​യാ​ണ് പ്രോ​സി​ക്യൂ​ഷ​ൻ അ​നു​മ​തി​ക്കാ​യി ആ​ഭ്യ​ന്ത​ര​വ​കു​പ്പി​നെ സ​മീ​പി​ച്ചി​രി​ക്കു​ന്ന​ത്.കു​റ്റ​ക്കാ​ര​നെ​ന്ന് ക​ണ്ടെ​ത്തി​യ​ത് കൂ​ടാ​തെ മ​റ്റൊ​രു പീ​ഡ​ന​ക്കേ​സി​ലും വ്യാ​ജ​രേ​ഖാ​കേ​സി​ലും പ്ര​തി​യാ​യ സൈ​ജു ഒ​രു ദി​വ​സം പോ​ലും അ​റ​സ്റ്റി​ലാ​യി​ട്ടി​ല്ല.

എ​ല്ലാ​കേ​സി​ലും ജാ​മ്യം കി​ട്ടും​വ​രെ ഒ​ളി​വി​ൽ ക​ഴി​യാ​ൻ അ​വ​സ​രം ന​ൽ​കി പോ​ലീ​സ് സം​ര​ക്ഷി​ച്ചു. കു​റ്റ​ക്കാ​ര​നെ​ന്ന് തെ​ളി​ഞ്ഞി​ട്ടും പി​രി​ച്ചു​വി​ടാ​നും ന​ട​പ​ടി​യി​ല്ല. പ്ര​തി ഇ​ട​ത് അ​നു​കൂ​ല രാ​ഷ്ട്രീ​യ​മു​ള്ള പോ​ലീ​സ് സം​ഘ​ട​ന​യു​ടെ ജി​ല്ലാ​നേ​താ​വാ​യി​രു​ന്നു.

മ​ല​യി​ൻ​കീ​ഴ് എ​സ്എ​ച്ച്ഒ ആ​യി​രു​ന്ന സൈ​ജു ത​നി​ക്കെ​തി​രേ വ​ധ​ഭീ​ഷ​ണി ഉ​യ​ർ​ത്തി​യും പീ​ഡി​പ്പി​ക്കാ​ൻ ശ്ര​മി​ച്ചി​രു​ന്ന​താ​യി വ​നി​താ ഡോ​ക്ട​ർ പ​രാ​തി​യി​ൽ ആ​രോ​പി​ക്കു​ന്നു​ണ്ട്. കു​ടും​ബ ബ​ന്ധം ത​ക​ർ​ന്നു​വെ​ന്നും ഭ​ർ​ത്താ​വ് ഉ​പേ​ക്ഷി​ച്ചെ​ന്നും പ​രാ​തി​യി​ൽ പ​റ​യു​ന്നു.