കു​റു​മാ​ലി​പ്പു​ഴ ആ​റ്റ​പ്പി​ള്ളി ക​ട​വി​ൽ ചീ​ങ്ക​ണ്ണി​യെ ക​ണ്ട​താ​യി നാ​ട്ടു​കാ​ർ; സമീപത്തെ തോട്ടത്തിൽ നിന്നും ചീ​ങ്ക​ണ്ണി​യു​ടേ​തെ​ന്നു സംശ‍യിക്കുന്ന മുട്ട കണ്ടെത്തി

മ​റ്റ​ത്തൂ​ർ: കു​റു​മാ​ലി​പ്പു​ഴ​യി​ൽ ആ​റ്റ​പ്പി​ള്ളി ക​ട​വി​നു സ​മീ​പം ചീ​ങ്ക​ണ്ണി​യെ ക​ണ്ട​താ​യി നാ​ട്ടു​കാ​ർ. ആ​റ്റ​പ്പി​ള്ളി പു​ഴ​യോ​ര​ത്തു​ള്ള പ​ള്ള​ത്തേ​രി അ​നൂ​പ് സിം​ഗി​ന്‍റെ ജാ​തി​ത്തോ​ട്ട​ത്തി​ലാ​ണ് ഇ​ന്ന​ലെ ഉ​ച്ച​ക​ഴി​ഞ്ഞ് ചീ​ങ്ക​ണ്ണി​ക്കു​ഞ്ഞി​നെ ക​ണ്ട​ത്.

അ​നൂ​പി​ന്‍റെ ഭാ​ര്യാ​പി​താ​വ് നാ​രാ​യ​ണ​നാ​ണ് മു​ക്കാ​ല​ടി​യോ​ളം നീ​ളം വ​രു​ന്ന ചീ​ങ്ക​ണ്ണി​ക്കു​ഞ്ഞി​നെ ക​ണ്ട​ത്. ഇ​ദ്ദേ​ഹം അ​ടു​ത്തു​ചെ​ല്ലു​ന്പോ​ഴേ​ക്കും ചീ​ങ്ക​ണ്ണി​ക്കു​ഞ്ഞ് പു​ഴ​യി​ലേ​ക്കു ചാ​ടി.

ര​ണ്ടാ​ഴ്ച മു​ന്പ് മ​റ്റൊ​രാ​ളും ചീ​ങ്ക​ണ്ണി​ക്കു​ഞ്ഞി​നെ ക​ണ്ടി​രു​ന്നു. ര​ണ്ടു​മാ​സം മു​ന്പ് ഇ​തേ തോ​ട്ട​ത്തി​ൽ ചീ​ങ്ക​ണ്ണി​യു​ടേ​തെ​ന്നു സം​ശ​യി​ക്കു​ന്ന ഏ​താ​നും മു​ട്ട​ക​ൾ ക​ണ്ടി​രു​ന്ന​താ​യി അ​നൂ​പ് സിം​ഗ് പ​റ​ഞ്ഞു.

നി​ര​വ​ധി​യാ​ളു​ക​ൾ കു​ളി​ക്കാ​നി​റ​ങ്ങു​ന്ന ആ​റ്റ​പ്പി​ള്ളി​ക്ക​ട​വി​നു സ​മീ​പം ചീ​ങ്ക​ണ്ണി​യെ ക​ണ്ടെ​ന്ന വാ​ർ​ത്ത പ​ര​ന്ന​തോ​ടെ പ്ര​ദേ​ശ​വാ​സി​ക​ൾ ഭീ​തി​യി​ലാ​ണ്.