പരവൂർ : മാരകായുധങ്ങളുമായി എത്തിയ നാലംഗസംഘം യുവാവിനെ വീടുകയറി വെട്ടിപ്പരിക്കേൽപ്പിച്ചു. പരവൂർ പൂതക്കുളം കലയ്ക്കോട് പട്ടന്പിൽ വീട്ടിൽ കൃഷ്ണകുമാറിനാണ് വെട്ടേറ്റത്. ഇടതുകൈയിൽ വാളുകൊണ്ടുളള വെട്ടേറ്റ് ഗുരുതര പരിക്കുകളോടെ ഇയാളെ പാരിപ്പള്ളി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
കാറിലെത്തിയ സംഘം വീടിന്‍റെ കതകിന് മുട്ടി വിളിച്ച് തുറന്നപ്പോഴായിരുന്നു ആക്രമണം നടത്തിയത്. വീടിന്‍റെ ജനൽ ചില്ലുകളും അടിച്ചുതകർത്തു. കൊല്ലുമെന്ന് ഭീഷണിപ്പെടുത്തിയതായും കൃഷ്ണകുമാർ പരവൂർ പോലീസിൽ നൽകിയ പരാതിയിൽ പറയുന്നു. സിറ്റി പോലീസ് കമ്മീഷണർ, ഡിജിപി എന്നിവർക്കും പരാതി നൽകി.
