മാ​ന​സി​ക സ​മ്മ​ർ​ദ്ദ​ത്തി​ന് ക​ഴി​ക്കു​ന്ന ഗു​ളി​ക​ക​ൾ ലഹരിക്കായ് കുട്ടികൾ ഉപയോഗിക്കുന്നു; എരുമേലിയിൽ എക്സൈസ് അന്വേഷണത്തിൽ കണ്ടെത്തിയത് ഞെട്ടിക്കുന്ന വിവരങ്ങൾ

എ​രു​മേ​ലി: എ​രു​മേ​ലി ടൗ​ണി​ന്‍റെ പ​രി​സ​ര​ങ്ങ​ളി​ൽ കഞ്ചാവും മയ ക്കുമരുന്ന് ഗുളികകളും വ്യാപമാക്കിയ ഉപയോഗിക്കുന്നതായി കണ്ടെത്തൽ. എ​ക്സൈ​സ് വ​കു​പ്പ് രഹസ്യാന്വേഷണം നടത്തി യതിനു പിന്നാലെ പോ​ലീ​സും സ​മ​ഗ്ര​മാ​യ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

സം​ശ​യം തോ​ന്നി​യ ര​ണ്ട് വീ​ടു​ക​ളി​ൽ ഇ​ന്ന​ലെ എ​രു​മേ​ലി പോ​ലീ​സ് പ​രി​ശോ​ധ​ന ന​ട​ത്തി. പ​രി​ശോ​ധ​ന തു​ട​രു​മെ​ന്ന് പോ​ലീ​സ് അ​റി​യി​ച്ചു.
എ​ക്സൈ​സ് വ​കു​പ്പ് ക​ഴി​ഞ്ഞ ദി​വ​സ​ങ്ങ​ളി​ൽ റെ​യ്ഡു​ക​ൾ ന​ട​ത്തി​യി​രു​ന്നു. ഇ​തി​നുപി​ന്നാ​ലെ വി​മു​ക്തി എ​ന്ന പേ​രി​ൽ ബോ​ധ​വ​ത്‌‌കര​ണം ആ​രം​ഭി​ച്ചി​ട്ടു​ണ്ട്.

വീ​ടു​ക​ളി​ലെ​ത്തി ബോ​ധ​വത്‌‌്ക​ര​ണം ന​ട​ത്തു​ക​യാ​ണ് വി​മു​ക്തി പ​ദ്ധ​തി​യി​ലൂ​ടെ ഇ​പ്പോ​ൾ ആ​രം​ഭി​ച്ചി​രി​ക്കു​ന്ന​ത്. ജ​ന​പ്ര​തി​നി​ധി​ക​ളു​ടെ സ​ഹ​ക​ര​ണം ഉ​റ​പ്പാ​ക്കി​യാ​ണ് ഭ​വ​ന സ​ന്ദ​ർ​ശ​നം. ല​ഹ​രി​വി​രു​ദ്ധ ബോ​ധ​വ​ത്‌‌കര​ണത്തി​ന്‍റെ ഭാ​ഗ​മാ​യി എ​രു​മേ​ലി റേ​ഞ്ച് പ​രി​ധി​യി​ൽ ഉ​ള്ള വി​വി​ധ പ​ഞ്ചാ​യ​ത്തു​ക​ളി​ൽ ഭ​വ​ന​സ​ന്ദ​ർ​ശ​നം ആ​രം​ഭി​ച്ചെ​ന്ന് എ​ക്സൈ​സ് എ​രു​മേ​ലി റേ​ഞ്ച് ഓ​ഫീ​സ് അ​ധി​കൃ​ത​ർ അ​റി​യി​ച്ചു.

കൂ​വ​പ്പ​ള്ളി​യി​ൽ എ​രു​മേ​ലി എ​ക്സൈ​സ് റേ​ഞ്ച് ഇ​ൻ​സ്പെ​ക‌‌്ട​ർ അ​രു​ണ്‍ അ​ശോ​കി​ന്‍റെ അ​ധ്യ​ക്ഷ​ത​യി​ൽ ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റ് അ​ഡ്വ. സെ​ബാ​സ്റ്റ്യ​ൻ കു​ള​ത്തു​ങ്ക​ൽ ബോ​ധ​വ​ത്്ക​ര​ണ പ​രി​പാ​ടി ഉ​ദ്ഘാ​ട​നം ചെ​യ്തു.

വി​വി​ധ സ്കൂ​ളു​ക​ളി​ലെ വി​ദ്യാ​ർ​ഥി​ക​ൾ, അ​ധ്യാ​പ​ക​ർ, സ്റ്റാ​ഫ്, വി​മു​ക്തി വാ​ള​ണ്ടിയ​ർ​മാ​ർ എ​ന്നി​വ​ർ ല​ഹ​രി​ക്ക് എ​തി​രെ​യു​ള്ള ബോ​ധ​വത്ക​ര​ണ​ത്തി​ൽ പ​ങ്കാ​ളി​ക​ളാ​യി. ക​ഴി​ഞ്ഞ ദി​വ​സം വി​മു​ക്തി​യു​ടെ ഭാ​ഗ​മാ​യി എ​ക്സൈ​സ് വ​കു​പ്പ് ഏ​ക​ദി​ന വോ​ളി​ബോ​ൾ ടൂ​ർ​ണ​മെ​ന്‍റ് സം​ഘ​ടി​പ്പി​ച്ചി​രു​ന്നു.

ക​ഴി​ഞ്ഞ​യി​ടെ എ​രു​മേ​ലി സെ​ന്‍റ് തോ​മ​സ് ഹ​യ​ർ സെ​ക്ക​ൻ​ൻഡറി സ്കൂ​ളി​ലെ വി​ദ്യാ​ർ​ഥി​ക​ൾ സ്കൂ​ളി​ൽനി​ന്നും വീ​ട്ടി​ലേ​ക്ക് പോ​കു​ന്ന​തി​നി​ടെ സ്കൂ​ളി​ന്‍റെ സ​മീ​പ​ത്തെ ഇ​ട​വ​ഴി​യി​ൽ വെ​ച്ച് ല​ഹ​രി സം​ഘ​ത്തി​ന്‍റെ മ​ർ​ദ​ന​മേ​റ്റി​രു​ന്നു. ഈ ​സം​ഭ​വ​ത്തെ തു​ട​ർ​ന്നാ​ണ് എ​ക്സൈ​സ് വ​കു​പ്പ് ര​ഹ​സ്യ അ​ന്വേ​ഷ​ണം ആ​രം​ഭി​ച്ച​ത്. അ​ന്വേ​ഷ​ണ​ത്തി​ൽ ര​ണ്ടുപേ​ർ അ​റ​സ്റ്റി​ലാ​യി​രു​ന്നു. ഇ​വ​രി​ൽ നി​ന്നും ക​ഞ്ചാ​വും പി​ടി​കൂ​ടി.

മാ​ന​സി​ക സ​മ്മ​ർ​ദ്ദ​ത്തി​ന് ക​ഴി​ക്കു​ന്ന ല​ഹ​രി സ്വ​ഭാ​വ​മു​ള്ള ഗു​ളി​ക​ക​ൾ ഇ​വ​ർ ഉ​പ​യോ​ഗി​ച്ചി​രു​ന്നെ​ന്നെ​ന്നും എ​ക്സൈ​സി​ന്‍റെ അ​ന്വേ​ഷ​ണ​ത്തി​ൽ ക​ണ്ടെ​ത്തി. ഇ​തേ​ത്തു​ട​ർ​ന്നാ​ണ് ബോ​ധ​വ​ത്ക​ര​ണ​മാ​യി വി​മു​ക്തി പ​ദ്ധ​തി ആ​രം​ഭി​ച്ചി​രി​ക്കു​ന്ന​ത്.

ഒ​പ്പം പോ​ലീ​സും ശ​ക്ത​മാ​യി രം​ഗ​ത്തെ​ത്തി​യ​തോ​ടെ ല​ഹ​രി വി​ല്പ​ന സം​ഘ​ങ്ങ​ളെ പി​ടി​കൂ​ടാ​നും വി​ദ്യാ​ർ​ഥി​ക​ൾ​ക്ക് സി​ഗ​ര​റ്റ് വി​ൽ​ക്കു​ന്ന ക​ട​ക​ളി​ൽ പ​രി​ശോ​ധ​ന ന​ട​ത്താ​നും ന​ട​പ​ടി​ക​ൾ ആ​രം​ഭി​ച്ചി​രി​ക്കു​ന്ന​ത്. അ​മി​ത വേ​ഗ​ത്തി​ൽ ബൈ​ക്കി​ൽ സ​ഞ്ച​രി​ക്കു​ന്ന വി​ദ്യാ​ർ​ഥി​ക​ളെ ചു​റ്റി​പ്പ​റ്റി​യാ​ണ് പോ​ലീ​സി​ൽ അ​ന്വേ​ഷ​ണം മു​റു​കി​ക്കൊ​ണ്ടി​രി​ക്കു​ന്ന​ത്.