മാവേലിക്കര: മാവേലിക്കര മണ്ഡലം തിരിച്ചുപിടിക്കുമെന്ന് കൊടിക്കുന്നിൽ സുരേഷ് എംപി. ശബരിമലയിലെ സ്വർണം മോഷ്ടിക്കാൻ കൂട്ടുനിന്ന സർക്കാരിനെതിരേ ജനം വിധി നിർണയിക്കാൻ കാത്തിരിക്കുകയാണെന്നും ഭൂരിപക്ഷ വർഗീയത ആളിക്കത്തിച്ച് ജനങ്ങളെ ഭിന്നിപ്പിക്കാൻ ശ്രമിക്കുന്ന മോദി സർക്കാരിനെയും കേരളത്തെ കട്ടുമുടിച്ച ഇടതുസർക്കാനെതിരെയുമുള്ള താക്കീതായി നിയമസഭാ തെരഞ്ഞെടുപ്പ് മാറുമെന്നും കൊടിക്കുന്നിൽ സുരേഷ് പറഞ്ഞു.
മാവേലിക്കര ബ്ലോക്ക് കോൺഗ്രസ് കമ്മിറ്റി സംഘടിപ്പിച്ച ഏകദിന ക്യാമ്പ് എക്സിക്യൂട്ടീവ് പുതു യുഗസൃഷ്ടി ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക് പ്രസിഡന്റ് അനി വർഗീസ് അധ്യക്ഷത വഹിച്ചു. ഡിസിസി പ്രസിഡന്റ് ബി. ബാബു പ്രസാദ് മുഖ്യ പ്രഭാഷണം നടത്തി.
മുതിർന്ന പത്രപ്രവർത്തകൻ ജോർജ് പൊടിപ്പാറയും കെപിസിസി വൈസ് പ്രസിഡന്റ് എം. ലിജുവും പ്രഭാഷണം നടത്തി. ഡോ. മറിയാ ഉമ്മൻ, നഗരസഭാ ചെയർപേഴ്സൺ ലളിത രവീന്ദ്രനാഥ്, വൈസ് ചെയർമാൻ കെ. ഗോപൻ, വള്ളികുന്നം പഞ്ചായത്ത് പ്രസിഡന്റ് സി. അനിത, ജില്ലാ പഞ്ചായത്തംഗം ബി. രാജലക്ഷ്മി, സിസിസി ഭാരവാഹികളായ നൈനാൻ സി. കുറ്റിശേരിൽ, കെ. എൽ. മോഹൻലാൽ എന്നിവർ പ്രസംഗിച്ചു.
സമാപന സമ്മേളനം കെപിസിസി ജനറൽ സെക്രട്ടറി കെ.പി. ശ്രീകുമാർ ഉദ്ഘാടനം ചെയ്തു. കാമ്പ് ഡയറക്ടറും ഡിസിസി വൈസ് പ്രസിഡന്റുമായ കെ.ആർ. മുരളീധരൻ അധ്യക്ഷത വഹിച്ചു. മണ്ഡലം പ്രസിഡന്റുമാരായ പി. പ്രകാശ്, രാമചന്ദ്രക്കുറുപ്പ്, ബിനു കല്ലുമല, ഡിസിസി അംഗങ്ങളായ അജിത്ത് കണ്ടിയൂർ, പഞ്ചവടി വേണു, കുറത്തികാട് രാജൻ, എസ്.വൈ. ഷാജഹാൻ, വള്ളികുന്നം ഷൗക്കത്ത് എന്നിവർ പ്രസംഗിച്ചു.
