കൊല്ലം : വിവരാവകാശപ്രവർത്തകന്‍റെ വീട് റിട്ട.എസ്ഐയുടെ നേതൃത്വത്തിൽ ആക്രമിച്ചതാ യിപരാതി. കരുനാഗപ്പള്ളി സ്വദേശി ശ്രീകുമാറിന്‍റെ വീടാണ് ആക്രമിച്ചത്.
റിട്ട.എസ്ഐ റഷീദിന്‍റെ നേതൃത്വത്തിലുള്ള നാലംഗസംഘമാണ് വീടാക്രമിച്ചതെന്ന് ശ്രീകുമാർ പോലീസിൽ നൽകിയ പരാതിയിൽ പറയുന്നു. സംഘം വീടാക്രമിക്കുന്നതിന്‍റെ ദൃശ്യങ്ങൾ പോലീസിന് ലഭിച്ചു.
റഷീദിന്‍റെ മകന്‍റെ അനധികൃത നിർമാണത്തിനെതിരെ പരാതി നൽകിയതാണ് റഷീദിനെ ചൊടിപ്പിച്ചത്. ശ്രീകുമാറിനെയും മാതാവ് അമ്മിണിയേയും കന്പിവടിക്ക് അടിക്കുന്നതിന്‍റെ ദൃശ്യങ്ങളും പോലീസിന് ലഭിച്ചു. പരാതിയെതുടർന്ന് കരുനാഗപ്പള്ളി പോലീസാണ് കേസെടുത്തത്.
