ഓഫീസിൽ കയറി  പഞ്ചായത്ത് ജീവനക്കാരനെ മർദിച്ച സംഭവം; ഡിവൈഎഫ്ഐ പ്രവർത്തകനെതിരേ കേസെടുത്തെങ്കിലും അറസ്റ്റു നീളുന്നു

അ​മ്പ​ല​പ്പു​ഴ: പ​ഞ്ചാ​യ​ത്ത് ജീ​വ​ന​ക്കാ​ര​നെ ഓ​ഫീ​സി​ൽ​ ക​യ​റി മ​ർ​ദി​ച്ച സം​ഭ​വ​ത്തി​ൽ ഡിവൈഎ​ഫ്ഐ ​പ്ര​വ​ർ​ത്ത​ക​നെ​തി​രേ അ​മ്പ​ല​പ്പു​ഴ പോ​ലീ​സ് കേ​സെ​ടു​ത്തു. ഡി​വൈഎ​ഫ്ഐ ​ബ്ലോ​ക്ക് സെ​ക്ര​ട്ട​റി​യും സിപിഎം ​ലോ​ക്ക​ൽ കമ്മി​റ്റി അം​ഗ​വു​മാ​യ പ്ര​ശാ​ന്ത് എ​സ് കു​ട്ടി​ക്കെ​തി​രേ​യാ​ണ് അ​മ്പ​ല​പ്പു​ഴ പോ​ലീ​സ് കേ​സെ​ടു​ത്ത​ത്.

അ​മ്പ​ല​പ്പു​ഴ തെ​ക്ക് ഗ്രാ​മ​പ​ഞ്ചാ​യ​ത്ത് സീ​നി​യ​ർ ക്ല​ർ​ക്ക് ജി​ജീ​ഷി​നെ​യാ​ണ് ജോ​ലി ത​ടസപ്പെ​ടു​ത്തി മ​ർദിച്ച​ത്. ശ​നി​യാ​ഴ്ച വൈ​കി​ട്ട് 4.40നാ​യി​രു​ന്നു സം​ഭ​വം. പ്ര​ശാ​ന്ത് എ​സ് കു​ട്ടി​യു​ടെ സു​ഹൃ​ത്താ​യ പു​ന്ന​പ്ര സ്വ​ദേ​ശി​യി​ൽ നി​ന്നും പ​ഞ്ചാ​യ​ത്തി​ലേ​ക്ക് സാ​നി​റ്റൈ​സ​ർ വാ​ങ്ങി​യി​രു​ന്നു.

പ​ഞ്ചാ​യ​ത്ത് സെ​ക്ര​ട്ട​റി​യു​ടെ അ​ടു​പ്പ​ക്കാ​ര​നാ​യ ഇ​യാ​ളു​ടെ നി​ർ​ദ്ദേ​ശ​പ്ര​കാ​ര​മാ​ണ് ക​ഴി​ഞ്ഞ ചൊ​വ്വാ​ഴ്ച സാ​നി​റ്റൈ​സ​ർ വാ​ങ്ങി​യ​ത്. ഇ​തി​ന്‍റെ ബി​ല്ല് കൈ​കാ​ര്യം ചെ​യ്ത​ത് ജി​ജീ​ഷാ​യി​രു​ന്നു.തൊ​ട്ട​ടു​ത്ത ദി​വ​സം ചെ​ക്ക് ന​ൽ​കി​യി​രു​ന്നെ​ങ്കി​ലും ബാ​ങ്ക് സ​മ​യം ക​ഴി​ഞ്ഞ​തി​നാ​ൽ അ​ടു​ത്ത ദി​വ​സ​മാ​ണ് പ​ണം കി​ട്ടി​യ​ത്.

ഇ​തിനെ ചൊ​ല്ലി സാ​നി​റ്റൈ​സ​ർ വി​ത​ര​ണ​ക്കാ​ര​ൻ ജീ​വ​ന​ക്കാ​ര​നു​നേ​രെ ത​ട്ടി​ക്ക​യ​റി​യി​രു​ന്നു. ബി​ല്ല് വൈ​കി​ച്ചെ​ന്നും കൂ​ടാ​തെ ആം​ബു​ല​ൻ​സ് ജീ​വ​ന​ക്കാ​ർ​ക്കാ​യി ഗ്ലൗ​സും മാ​സ്കും മ​റ്റൊ​രാ​ളി​ൽ നി​ന്നും വാ​ങ്ങാ​ൻ ശ്ര​മി​ച്ചെ​ന്നും ആ​രോ​പി​ച്ചാ​ണ് ത​ന്നെ മ​ർ​ദ്ദി​ച്ച​തെ​ന്ന് ജീ​വ​ന​ക്കാ​ര​ൻ പ​റ​ഞ്ഞു.

സെ​ക്ര​ട്ട​റി​യു​ടെ​യും മ​റ്റ് ജീ​വ​ന​ക്കാ​രു​ടെ​യും മു​ന്നി​ലി​ട്ട് മ​ർ​ദ്ദി​ച്ച ശേ​ഷം ഇ​യാ​ൾ ഓ​ടി ര​ക്ഷ​പ്പെ​ടു​ക​യാ​യി​രു​ന്നു.പ​രി​ക്കേ​റ്റ ഉ​ദ്യോ​ഗ​സ്ഥ​നെ പി​ന്നീ​ട് ആ​ല​പ്പു​ഴ മെ​ഡി​ക്ക​ൽ കോ​ളജാ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഓ​ഫീ​സി​ൽ ക​യ​റി മ​ർ​ദ്ദി​ച്ച സം​ഭ​വ​ത്തി​ൽ പ​ഞ്ചാ​ത്ത് സെ​ക്ര​ട്ട​റി​യും ജീ​വ​ന​ക്കാ​ര​നും അ​മ്പ​ല​പ്പു​ഴ പോ​ലീ​സി​ൽ പ​രാ​തി ന​ൽ​കി​യ​തി​ന്‍റെ അ​ടി​സ്ഥാ​ന​ത്തി​ലാ​ണ് അ​മ്പ​ല​പ്പു​ഴ പോ​ലീ​സ് കേ​സെ​ടു​ത്ത​ത്.

പ്ര​തി​യെ അ​റ​സ്റ്റ് ചെ​യ്തി​ല്ല. എ​ന്നാ​ൽ പ​രാ​തി പി​ൻ​വ​ലി​ച്ചി​ല്ലെ​ങ്കി​ൽ ത​നി​ക്കെ​തി​രെ വ്യാ​ജ പ​രാ​തി ന​ൽ​കു​മെ​ന്ന ഭീ​ഷ​ണി ഉ​ണ്ടെ​ന്നും ജീ​വ​ന​ക്കാ​ര​ൻ പ​റ​ഞ്ഞു.