കാ​ർ പോ​യ വഴി..! മ​ക​ള്‍ നാ​ട്ടി​ലെ​ത്തി, മോ​ഷ​ണം പോ​യ വ​സ്തു​ക്ക​ളെ​ക്കു​റി​ച്ചു വ്യ​ക്ത​മാ​യ വി​വ​രം പോ​ലീ​സി​നു ല​ഭി​ച്ചു; പി​ടി വീ​ണ വ​ഴി…

പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ല്‍ ഷാ​നി മ​ന്‍​സി​ലി​ല്‍​നി​ന്നു കാ​ണാ​താ​യ വാ​ഗ​ണ്‍ ആ​ര്‍ കാ​ര്‍ ഇ​ല്ലി​ക്ക​ല്‍, കു​മ​ര​കം, ത​ണ്ണീ​ര്‍​മു​ക്കം ബ​ണ്ട് വ​ഴി ആ​ല​പ്പു​ഴ​യി​ലേ​ക്ക് ഓ​ടി​ച്ചു പോ​യ​താ​യും ക​ണ്ടെ​ത്തി.

സി​സി​ടി​വി ദൃ​ശ്യ​ങ്ങ​ളി​ല്‍​നി​ന്നു പ്ര​തി​യെ​ന്നു സം​ശ​യി​ക്കു​ന്ന ആ​ളു​ടെ മു​ഖ​വും മ​റ്റും ക​ണ്ടെ​ത്താ​നു​ള്ള ശ്ര​മ​മാ​ണ് പോ​ലീ​സ് അ​ടു​ത്ത​താ​യി ന​ട​ത്തി​യ​ത്.

സ​മീ​പ​പ്ര​ദേ​ശ​ങ്ങ​ളി​ലും പോ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കി. ഏ​റെ വൈ​കാ​തെ പ്ര​തി പി​ടി​യി​ലാ​കു​മെ​ന്നു പോ​ലീ​സി​ന് ഉ​റ​പ്പു​ണ്ടാ​യി​രു​ന്നു.

മാ​ര​ക അ​ടി

ഇ​തി​നി​ട​യി​ല്‍ ഷീ​ബ​യു​ടെ പോ​സ്റ്റു​മോ​ര്‍​ട്ടം റി​പ്പോ​ര്‍​ട്ട് ല​ഭി​ച്ചു. ഷീ​ബ​യു​ടെ ത​ല​യ്ക്കു ഭാ​ര​മേ​റി​യ മൂ​ര്‍​ച്ച​യി​ല്ലാ​ത്ത ആ​യു​ധം​കൊ​ണ്ട് മാ​ര​ക​മാ​യു​ള്ള അ​ടി​യേ​റ്റി​രു​ന്നു.

പു​റ​മേ ച​ത​ഞ്ഞ ത​ല​യോ​ട്ടി പൊ​ട്ടി ആ​ന്ത​രി​ക ര​ക്ത​സ്രാ​വം ഉ​ണ്ടാ​യ​താ​ണ് മ​ര​ണ​ത്തി​നു കാ​ര​ണ​മാ​യ​തെ​ന്നാ​ണു പോ​സ്റ്റു​മോ​ര്‍​ട്ടം റി​പ്പോ​ര്‍​ട്ട്.

സാ​ലി​യു​ടെ ത​ല​യ്ക്കും സ​മാ​ന​രീ​തി​യി​ലാ​ണ് അ​ടി​യേ​റ്റ​ത്. മൂ​ക്കി​ന്‍റെ പാ​ല​ത്തി​നും ത​ല​യോ​ട്ടി​ക്കും പൊ​ട്ട​ല്‍ സം​ഭ​വി​ച്ചി​ട്ടു​ണ്ടാ​യി​രു​ന്നു.

മു​ഹ​മ്മ​ദ് സാ​ലി ഗു​രു​ത​രാ​വ​സ്ഥ​യി​ല്‍ കോ​ട്ട​യം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ക​ഴി​യു​ക​യാ​യി​രു​ന്നു. ഏ​താ​നും ദി​വ​സ​ത്തെ ആ​ശു​പ​ത്രി വാ​സ​ത്തി​നു​ശേ​ഷം മു​ഹ​മ്മ​ദ് സാ​ലി​യും മ​ര​ണ​ത്തി​നു കീ​ഴ​ട​ങ്ങി.

മ​ക​ള്‍ നാ​ട്ടി​ലെ​ത്തി

ഇ​വ​രു​ടെ വി​ദേ​ശ​ത്തു​ള​ള മ​ക​ള്‍ നാ​ട്ടി​ലെ​ത്തി​യ​തോ​ടെ വീ​ട്ടി​ല്‍​നി​ന്നു മോ​ഷ​ണം പോ​യ വ​സ്തു​ക്ക​ളെ​ക്കു​റി​ച്ചു വ്യ​ക്ത​മാ​യ വി​വ​രം പോ​ലീ​സി​നു ല​ഭി​ച്ചു.

കാ​ര്‍ കൂ​ടാ​തെ 181 ഗ്രാം ​സ്വ​ര്‍​ണ​വും കു​റ​ച്ചു പ​ണ​വും മോ​ഷ​ണം പോ​യ​താ​യി ക​ണ്ടെ​ത്തി. മൂ​ന്ന് മൊ​ബൈ​ല്‍ ഫോ​ണു​ക​ളും ഏ​താ​നും താ​ക്കോ​ല്‍​കൂ​ട്ട​വും വീ​ട്ടി​ല്‍​നി​ന്നു മോ​ഷ​ണം പോ​യി​രു​ന്നു.

മു​ഹ​മ്മ​ദ് ബി​ലാ​ലി​നെ ക​ണ്ടി​ട്ടി​ല്ലെ​ങ്കി​ലും വീ​ട്ടു​കാ​രു​മാ​യി അ​യാ​ള്‍​ക്കു ബ​ന്ധം ഉ​ണ്ടെ​ന്നു മ​ക​ള്‍ പോ​ലീ​സി​നെ അ​റി​യി​ച്ചു.

ലൊ​ക്കേ​ഷ​ൻ തേ​ടി

പോ​ലീ​സ് മു​ഹ​മ്മ​ദ് ബി​ലാ​ലി​നെ​ക്കു​റി​ച്ച് വി​വ​ര​ങ്ങ​ള്‍ ശേ​ഖ​രി​ച്ചു. സൈ​ബ​ര്‍ സെ​ല്ലി​ന്‍റെ സ​ഹാ​യ​ത്തോ​ടെ പ്ര​തി​യു​ടെ ലൊ​ക്കേ​ഷ​ന്‍ പോ​ലീ​സ് ക​ണ്ടെ​ത്തി.

അ​ത് എ​റ​ണാ​കു​ള​ത്താ​യി​രു​ന്നു. എ​റ​ണാ​കു​ള​ത്തു ചേ​രാ​ന​ല്ലൂ​രി​ല്‍ ഒ​രു ഹോ​ട്ട​ലി​ല്‍ ഇ​യാ​ള്‍ ജോ​ലി ചെ​യ്യു​ന്ന​താ​യി പോ​ലീ​സി​നു വി​വ​രം ല​ഭി​ച്ചു.

അ​വി​ടെ താ​മ​സി​ക്കു​ന്ന​തി​നാ​യി ഇ​യാ​ള്‍ വാ​ട​ക​യ്ക്കു ഫ്ളാ​റ്റ് എ​ടു​ത്ത​താ​യും പോ​ലീ​സി​നു വി​വ​രം ല​ഭി​ച്ചു.

പി​ടി വീ​ണ വ​ഴി

ദ​മ്പ​തി​ക​ളു​ടെ വീ​ട്ടി​ലെ കാ​ര്‍ അ​ധി​ക​മാ​യി ഉ​പ​യോ​ഗി​ച്ചി​രു​ന്നി​ല്ല. സാ​ലി രോ​ഗ​ബാ​ധി​ത​നാ​യി​രു​ന്ന​തി​നാ​ല്‍ വാ​ഹ​നം ഓ​ടി​ക്കാ​റി​ല്ലാ​യി​രു​ന്നു.

ആ​ശു​പ​ത്രി​ക​ളി​ല്‍ പോ​കേ​ണ്ട സ​ന്ദ​ര്‍​ഭ​ങ്ങ​ളി​ല്‍ മാ​ത്ര​മാ​യി​രു​ന്നു കാ​ര്‍ ഉ​പ​യോ​ഗി​ച്ചി​രു​ന്ന​ത്. അ​തി​നാ​ല്‍ കാ​റി​ല്‍ കു​റ​ച്ചു പെ​ട്രോ​ള്‍ മാ​ത്ര​മേ ഉ​ണ്ടാ​കു​വെ​ന്നാ​യി​രു​ന്നു പോ​ലീ​സ് നി​ഗ​മ​നം.

ഇ​തോ​ടെ സ​മീ​പ​ത്തോ നി​ശ്ചി​ത ദൂ​ര​ത്തി​ലോ ഉ​ള്ള പെ​ട്രോ​ള്‍ പ​മ്പി​ല്‍ കാ​ര്‍ മോ​ഷ്ടി​ച്ച​യാ​ള്‍ എ​ത്തു​മെ​ന്നു പോ​ലീ​സ് ക​രു​തി.

(തു​ട​രും)

ത​യാ​റാ​ക്കി​യ​ത് : സീ​മ മോ​ഹ​ൻ​ലാ​ൽ