കൊട്ടാരക്കര: പ്രകൃതിയും മനുഷ്യനും തമ്മിലുള്ള താളാത്മകമായ ഐക്യം പ്രപഞ്ചത്തിന്‍റെ നിലനിൽപ്പിന് അനിവാര്യമെന്ന് മുല്ലക്കര രത്നാകരൻ എംഎൽഎ പറഞ്ഞു. ചിരട്ടക്കോണം സെന്‍റ് മേരീസ് മലങ്കര കത്തോലിക്കാ പള്ളിയിൽ തലച്ചിറ വൈഎംസിഎ പ്രതിഭാസംഗമവും വിവിധ ഇടവക വികാരിമാർക്കുള്ള സ്വീകരണ സമ്മേളനവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
പുതുവത്സര വരവേൽപ് വൈ എം സി എ ദേശീയ നിർവാഹക സമിതി അംഗം കെ. ഒ. രാജുക്കുട്ടി ഉദ്ഘാടനം ചെയ്തു. പ്രസിഡന്‍റ് ജി. യോഹന്നാൻകുട്ടി അധ്യക്ഷത വഹിച്ചു.വിവിധ ഇടവകളുടെ വികാരിമാരായി ചുമതലയേറ്റ ഫാ. ഡാനിയേൽ വലിയത്ത്, റവ. സജി പി.തോമസ്, ഫാ. അരുണ്‍ ഏബ്രഹാം, റവ. തോമസ് ബേബി എന്നിവർക്ക് സ്വീകരണം നൽകി. ബാലചിത്രരചനാ മത്സരവിജയികൾക്ക് റവ. ജോണ് മാത്യു സമ്മാനങ്ങൾ വിതരണം ചെയ്തു.
ഡോ. എം.കെ.പി. റോയി, സജിജോണ്, പ്രഫ. ഫിലിപ് ജോർജ് മാത്യു വർഗീസ്, സജി തോമസ്. എ. മത്തായിക്കുട്ടി സുബീഷ് ജോർജ് ഷിൻസ് എം. രാജൻ, ജയിംസ് ജോർജ് എന്നിവർ പ്രസംഗിച്ചു.
