“ഉപദേശം കൊള്ളാം സാറേ, പക്ഷെ ഒരു പ്രശ്നമുണ്ട്…’പോ​ലീ​സ് ഉ​പ​ദേ​ഷ്ടാ​വി​നെ​തി​രേ സി​പി​എ​മ്മി​ൽ പ​ട​യൊ​രു​ക്കം; കാരണം പലത്…

റെ​നീ​ഷ് മാ​ത്യു
ക​ണ്ണൂ​ർ: മു​ഖ്യ​മ​ന്ത്രി​യു​ടെ പോ​ലീ​സ് ഉ​പ​ദേ​ഷ്ടാ​വ് ര​മ​ൺ ശ്രീ​വാ​സ്ത​വ​യ്ക്കെ​തി​രേ സി​പി​എ​മ്മി​ലും ആ​ഭ്യ​ന്ത​ര​വി​ഭാ​ഗ​ത്തി​ലും പ​ട​യൊ​രു​ക്കം. ര​മ​ൺ ശ്രീ​വാ​സ്ത​വ​യു​ടെ ആ​ഭ്യ​ന്ത​ര​വ​കു​പ്പി​ലു​ള്ള ഇ​ട​പെ​ട​ലു​ക​ൾ സ​ർ​ക്കാ​രി​ന് മോ​ശം പ്ര​തി​ച്ഛാ​യ സൃ​ഷ്ടി​ച്ച​താ​യാ​ണ് സി​പി​എം വി​ല​യി​രു​ത്തു​ന്ന​ത്.

സ​ർ​ക്കാ​രി​ന്‍റെ കാ​ല​യ​ള​വി​ൽ ന​ട​ന്ന മാ​വോ​യി​സ്റ്റ് ഏ​റ്റു​മു​ട്ട​ലു​ക​ളു​മാ​യി ബ​ന്ധ​പ്പെ​ട്ടു സി​പി​ഐ ആ​യി​രു​ന്നു ശ്രീ​വാ​സ്ത​വ​യ്ക്കെ​തി​രേ ആ​ദ്യം രം​ഗ​ത്ത് വ​ന്ന​ത്. ഇ​പ്പോ​ൾ സി​പി​എ​മ്മും രം​ഗ​ത്തു വ​ന്നി​രി​ക്കു​ക​യാ​ണ്.

ആ​ഭ്യ​ന്ത​ര വ​കു​പ്പി​ലെ ചി​ല നി​യ​മ​ന​ങ്ങ​ളു​മാ​യി ബ​ന്ധ​പ്പെ​ട്ട് ര​മ​ൺ ശ്രീ​വാ​സ്ത​വ​യ്ക്കെ​തി​രേ ആ​രോ​പ​ണ​ങ്ങ​ൾ ശ​ക്ത​മാ​ണ്. സം​സ്ഥാ​ന​ത്ത് ആ​ഭ്യ​ന്ത​ര വ​കു​പ്പി​ൽ 33 ശ​ത​മാ​നം പ്രൊ​മോ​ട്ട​ഡ്ഐ​പി​എ​സു​കാ​രെ നി​യ​മി​ക്ക​ണ​മെ​ന്നാ​ണ് വ്യ​വ​സ്ഥ‌.

എ​ന്നാ​ൽ, ര​ണ്ടു ശ​ത​മാ​നം ഐ​പി​എ​സു​കാ​രെ മാ​ത്ര​മാ​ണ് നി​ല​വി​ൽ പ​ല വ​കു​പ്പു​ക​ളി​ലും നി​യ​മി​ച്ചി​രി​ക്കു​ന്ന​ത്. യു​വ ഐ​പി​എ​സു​കാ​രെ​യാ​ണ് വ്യാ​പ​ക​മാ​യി പ​ല ത​സ്തി​ക​ക​ളി​ലും നി​യ​മി​ച്ചി​രി​ക്കു​ന്ന​ത്.

ഭ​ര​ണ​പ​രി​ച​യ​മി​ല്ലാ​ത്ത​തി​നാ​ൽ ഇ​വ​ർ ചെ​യ്യു​ന്ന പ​ല കാ​ര്യ​ങ്ങ​ളും സ​ർ​ക്കാ​രി​നെ​തി​രാ​യി നീ​ങ്ങു​ക​യാ​ണ്. കേ​ര​ള പോ​ലീ​സ് ആ​ക്ടി​ലെ വി​വാ​ദ​മാ​യ 118 എ ​ഭേ​ദ​ഗ​തി ഓ​ര്‍​ഡി​ന​ന്‍​സും സ​ർ​ക്കാ​രി​നെ ഏ​റെ വി​വാ​ദ​ത്തി​ലാ​ക്കി​യി​രു​ന്നു.

നി​യ​മ​ത്തി​ന്‍റെ ക​ര​ടു ത​യാ​റാ​ക്കി ന​ൽ​കി​യ​പ്പോ​ൾ പോ​ലീ​സ് ഉ​പ​ദേ​ഷ്ടാ​വ് ര​മ​ണ്‍ ശ്രീ​വാ​സ്ത​വ​യ്ക്കു സം​ഭ​വി​ച്ച ചെ​റി​യൊ​രു നോ​ട്ട​പ്പി​ശ​കാ​ണെ​ന്ന് ഓ​ർ​ഡി​ന​ൻ​സ് പി​ൻ​വ​ലി​ക്കു​ന്ന​തി​നാ​യി ചേ​ർ​ന്ന മ​ന്ത്രി​സ​ഭാ യോ​ഗ​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ​റ​ഞ്ഞി​രു​ന്നു.

ശ്രീ​വാ​സ്ത​വ​യെ മു​ഖ്യ​മ​ന്ത്രി​യു​ടെ പോ​ലീ​സ് ഉ​പ​ദേ​ശ​ക​നാ​യി നി​യ​മി​ച്ച​പ്പോ​ൾ സി​പി​എ​മ്മി​ലെ ഒ​രു​ വി​ഭാ​ഗം വ്യാ​പ​ക​മാ​യ പ്ര​തി​ഷേ​ധ​ത്തി​ലാ​യി​രു​ന്നു.

എ​ന്നാ​ൽ, ശ്രീ​വാ​സ്ത​വ​യെ നി​യ​മി​ക്കു​ന്ന​തി​ൽ തെ​റ്റി​ല്ലെ​ന്നാ​ണ് അ​ന്ന് സി​പി​എം സം​സ്ഥാ​ന സെ​ക്ര​ട്ട​റി​യാ​യി​രു​ന്ന കോ​ടി​യേ​രി ബാ​ല​കൃ​ഷ്ണ​ൻ പ​റ​ഞ്ഞി​രു​ന്ന​ത്. ഒ​രു കാ​ല​യ​ള​വി​ൽ സി​പി​എം ശ​ക്ത​മാ​യി എ​തി​ർ​ത്ത പോ​ലീ​സ് ഓ​ഫീ​സ​റാ​ണ് ശ്രീ​വാ​സ്ത​വ.