‘ഭി​ന്നി​പ്പു​ണ്ടാ​ക്ക​രു​ത്, നി​ങ്ങ​ൾ ബ​ലാ​ത്സം​ഗ​ത്തി​ന് ഇ​ര​യാ​ക്ക​പ്പെ​ടു​ക​യ​ല്ല​ല്ലോ’: റെ​ജീ​ന ക​സാ​ന്ദ്ര

തെ​ലു​ങ്ക് സി​നി​മാ വ്യ​വ​സാ​യ​ത്തി​ൽ സ്ത്രീ​ക​ളോ​ട് കാ​ണി​ക്കു​ന്ന സ​മീ​പ​ന​ത്തെ​പ്പ​റ്റി തു​റ​ന്നു​പ​റ​ഞ്ഞ ജാ​ൻ​വി ക​പൂ​റി​നെ​യും രാ​ധി​ക ആ​പ്തെ​യെ​യും വി​മ​ർ​ശി​ച്ച് ന​ടി റെ​ജീ​ന ക​സാ​ന്ദ്ര. ജാ​ൻ​വി​യും രാ​ധി​ക​യും പ​റ​ഞ്ഞ കാ​ര്യ​ങ്ങ​ളെ ഉ​ൾ​ക്കൊ​ള്ളു​ന്നു​വെ​ന്ന് വ്യ​ക്ത​മാ​ക്കി​യ റെ​ജീ​ന അ​വ​ർ പ​റ‍​ഞ്ഞ രീ​തി ശ​രി​യാ​യി​ല്ലെ​ന്ന് ചൂ​ണ്ടി​ക്കാ​ട്ടി. ഇ​രു​വ​രും കാ​ര്യ​ങ്ങ​ൾ അ​വ​ത​രി​പ്പി​ച്ച രീ​തി ‘ഉ​ത്ത​രേ​ന്ത്യ– ദ​ക്ഷി​ണേ​ന്ത്യ’ എ​ന്ന വി​ഭ​ജ​ന​മു​ണ്ടാ​ക്കു​ന്ന ത​ര​ത​ത്തി​ലാ​ണെ​ന്ന് റെ​ജീ​ന വി​മ​ർ​ശി​ച്ചു.

ഒരു അ​ഭി​മു​ഖ​ത്തി​ലാ​ണ് റെ​ജീ​ന ഇ​ക്കാ​ര്യ​ത്തെ​ക്കു​റി​ച്ച് തു​റ​ന്നു സം​സാ​രി​ച്ച​ത്. റെ​ജീ​ന​യു​ടെ വാ​ക്കു​ക​ൾ: ‘സി​നി​മ​യി​ൽ അ​ഭി​ന​യി​ക്കു​ന്ന​തു​മാ​യി ബ​ന്ധ​പ്പെ​ട്ട അ​ന്തി​മ തീ​രു​മാ​നം അ​ഭി​നേ​താ​വി​ന്‍റെ കൈ​ക​ളി​ലാ​ണ്. അ​സ്വ​സ്ഥ​ത തോ​ന്നു​ന്ന ക​ഥാ​പാ​ത്ര​മാ​ണെ​ങ്കി​ൽ ആ ​സി​നി​മ​യി​ൽ നി​ന്ന് പി​ന്മാ​റു​ക. ‘‘മ​റ്റൊ​രു വ​ഴി​യു​മി​ല്ലാ​യി​രു​ന്നു’’ എ​ന്ന് പ​റ​യേ​ണ്ട അ​വ​സ്ഥ​യി​ലേ​ക്ക് ന​മ്മ​ൾ സ്വ​യം എ​ത്ത​രു​ത്. ഇ​ത് പു​രു​ഷ​ന്മാ​രോ സ്ത്രീ​ക​ളോ എ​ന്ന വി​ഷ​യ​മ​ല്ല.

ഒ​രു പ​ക്ഷ​വും ചേ​രാ​ൻ ആ​ഗ്ര​ഹി​ക്കാ​ത്ത, പു​റ​ത്തു​നി​ന്നു​ള്ള ഒ​രാ​ളെ​ന്ന നി​ല​യി​ലാ​ണ് ഞാ​ൻ ഇ​ത് പ​റ​യു​ന്ന​ത്. തീ​ർ​ച്ച​യാ​യും, ഒ​രു സ്ത്രീ ​എ​ന്ന നി​ല​യി​ൽ ഞാ​ൻ എ​പ്പോ​ഴും സ്ത്രീ​ക​ൾ​ക്ക് പി​ന്തു​ണ ന​ൽ​കും. എ​ന്നാ​ൽ ജാ​ൻ​വി​ക്കോ രാ​ധി​ക​യ്ക്കോ സ്വ​ന്ത​മാ​യി തീ​രു​മാ​ന​മെ​ടു​ക്കാ​ൻ ക​ഴി​യാ​ത്ത അ​വ​സ്ഥ​യു​ണ്ടെ​ന്ന് എ​നി​ക്ക് തോ​ന്നു​ന്നി​ല്ല. നി​ങ്ങ​ൾ​ക്ക് ആ ​സി​നി​മ​യി​ൽ നി​ന്ന് പി​ന്മാ​റാ​വു​ന്ന​തേ​യു​ള്ളൂ.

രം​ഗ​ങ്ങ​ളെ​ക്കു​റി​ച്ചു​ള്ള വി​ശ​ദ​മാ​യ വി​വ​ര​ങ്ങ​ള​ട​ങ്ങി​യ ‘ബൗ​ണ്ട് സ്ക്രി​പ്റ്റ്’ ല​ഭി​ക്കാ​ത്ത​തു​കൊ​ണ്ട് ചി​ല രം​ഗ​ങ്ങ​ൾ എ​ങ്ങ​നെ ചി​ത്രീ​ക​രി​ക്കു​മെ​ന്ന് ത​നി​ക്ക് മു​ൻ​കൂ​ട്ടി അ​റി​യി​ല്ലാ​യി​രു​ന്നു എ​ന്ന ജാ​ൻ​വി​യു​ടെ വെ​ളി​പ്പെ​ടു​ത്ത​ലി​നോ​ടും റെ​ജീ​ന പ്ര​തി​ക​രി​ച്ചു. തെ​ലു​ങ്ക്, ത​മി​ഴ് സി​നി​മ​ക​ളി​ൽ പ്ര​വ​ർ​ത്തി​ച്ച ത​ന്‍റെ അ​നു​ഭ​വ​ങ്ങ​ളും റെ​ജീ​ന പ​ങ്കു​വ​ച്ചു. ‘ചി​ല സി​നി​മ​ക​ളി​ൽ, ചി​ത്രീ​ക​ര​ണം ന​ട​ക്കു​ന്ന ദി​വ​സം രാ​വി​ലെ ആ​റു​മ​ണി​ക്ക് മാ​ത്ര​മാ​യി​രി​ക്കും ചി​ല രം​ഗ​ങ്ങ​ൾ ല​ഭി​ക്കു​ക.

എ​ന്നാ​ൽ സാ​ധാ​ര​ണ​യാ​യി, ക​ഥ​യും ക​ഥാ​പാ​ത്ര​വും സി​നി​മ​യു​ടെ പ്ര​മേ​യ​വും അ​റി​യാ​വു​ന്ന സ്ഥി​തി​യു​ണ്ടാ​കും. അ​ന്ന് ചി​ത്രീ​ക​രി​ക്കേ​ണ്ട രം​ഗ​ത്തെ​ക്കു​റി​ച്ചു​ള്ള സൂ​ക്ഷ്മ​മാ​യ വി​വ​ര​ങ്ങ​ൾ അ​റി​യി​ല്ലെ​ങ്കി​ൽ പോ​ലും, സി​നി​മ​യെ​ക്കു​റി​ച്ചു​ള്ള മി​ക്ക കാ​ര്യ​ങ്ങ​ളും അ​റി​ഞ്ഞു​കൊ​ണ്ടാ​ണ് ന​മ്മ​ൾ സെ​റ്റി​ലെ​ത്തു​ന്ന​ത്. ചി​ല സി​നി​മ​ക​ളി​ൽ, മു​ഴു​വ​ൻ തി​ര​ക്ക​ഥ​യും അ​ട​ങ്ങി​യ പു​സ്ത​ക​രൂ​പ​ത്തി​ലു​ള്ള കോ​പ്പി ന​മു​ക്ക് ല​ഭി​ക്കും.

മും​ബൈ​യി​ലെ സെ​റ്റു​ക​ൾ പൊ​തു​വെ കൂ​ടു​ത​ൽ ചി​ട്ട​യു​ള്ള​വ​യാ​ണ്. അ​വി​ടെ ഷൂ​ട്ടിം​ഗ് ഷെ​ഡ്യൂ​ളു​ക​ൾ, രം​ഗ​ങ്ങ​ളു​ടെ ന​മ്പ​റു​ക​ൾ, അ​ഭി​നേ​താ​ക്ക​ളെ​യും അ​ണി​യ​റ​പ്ര​വ​ർ​ത്ത​ക​രെ​യും കു​റി​ച്ചു​ള്ള വി​വ​ര​ങ്ങ​ൾ എ​ന്നി​വ അ​ട​ങ്ങി​യ വി​ശ​ദ​മാ​യ ‘കോ​ൾ ഷീ​റ്റു​ക​ൾ’ ഉ​ണ്ടാ​കും. ഇ​വി​ടെ കാ​ര്യ​ങ്ങ​ൾ എ​പ്പോ​ഴും അ​ത്ര ചി​ട്ട​യോ​ടെ​യാ​യി​രി​ക്കി​ല്ല’ റെ​ജീ​ന പ​റ​ഞ്ഞു.

സ്ത്രീ​ക​ൾ​ക്ക് ശ​ബ്ദ​മു​യ​ർ​ത്താ​നും നി​ല​പാ​ടു​ക​ൾ സ്വീ​ക​രി​ക്കാ​നും ക​ഴി​യു​ന്ന ത​ര​ത്തി​ൽ ശാ​ക്തീ​ക​ര​ണം ല​ഭി​ക്കേ​ണ്ട​തു​ണ്ടെ​ന്ന് റെ​ജീ​ന അ​ഭി​പ്രാ​യ​പ്പെ​ട്ടു. എ​ന്നാ​ൽ, സി​നി​മ ചി​ത്രീ​ക​ര​ണം ആ​രം​ഭി​ക്കു​ന്ന​തി​ന് മു​ന്പ് ത​ന്നെ ജാ​ൻ​വി​ക്ക് ത​ന്‍റെ ആ​ശ​ങ്ക​ക​ൾ ഉ​ന്ന​യി​ക്കാ​മാ​യി​രു​ന്നു എ​ന്നും അ​വ​ർ കൂ​ട്ടി​ച്ചേ​ർ​ത്തു. ‘കോ​ഫി വി​ത്ത് ക​ര​ൺ’ എ​ന്ന പ​രി​പാ​ടി​യി​ൽ ജാ​ൻ​വി ന​ട​ത്തി​യ സം​ഭാ​ഷ​ണം പൂ​ർ​ണ​മാ​യും ക​ണ്ടി​ട്ടി​ല്ലെ​ങ്കി​ലും അ​തി​നെ​ക്കു​റി​ച്ചു​ള്ള “മീ​മു​ക​ൾ’ താ​ൻ ക​ണ്ടി​രു​ന്നു​വെ​ന്ന് റെ​ജീ​ന പ​റ​ഞ്ഞു.

‘അ​വ​ർ ഇ​തി​നെ​ക്കു​റി​ച്ച് സം​സാ​രി​ക്കു​ന്നു എ​ന്ന​തി​ൽ എ​നി​ക്ക് സ​ന്തോ​ഷ​മു​ണ്ട്. എ​ന്നാ​ൽ, ഒ​രു ഉ​ത്ത​രേ​ന്ത്യ​ൻ താ​രം ദ​ക്ഷി​ണേ​ന്ത്യ​ൻ സി​നി​മ​യെ​ക്കു​റി​ച്ച് ഇ​ത്ത​ര​ത്തി​ൽ സം​സാ​രി​ക്കു​ന്ന​ത് എ​നി​ക്ക്. അം​ഗീ​ക​രി​ക്കാ​നാ​വി​ല്ല. നി​ല​വി​ൽ ഒ​രു വ​ട​ക്ക്-തെ​ക്ക് വി​ഭ​ജ​നം ഇ​വി​ടെ നി​ല​നി​ൽ​ക്കു​ന്നു​ണ്ട്; ഹി​ന്ദി സി​നി​മാ വ്യ​വ​സാ​യ​ത്തി​ൽ പ്ര​വ​ർ​ത്തി​ക്കു​ന്ന ഒ​രു ദ​ക്ഷി​ണേ​ന്ത്യ​ൻ താ​രം എ​ന്ന നി​ല​യി​ലാ​ണ് ഞാ​ൻ ഇ​ക്കാ​ര്യം പ​റ​യു​ന്ന​ത്.’

ധ​ർ​മ്മ പ്രൊ​ഡ​ക്ഷ​ൻ​സു​മാ​യു​ള്ള ത​ന്‍റെ അ​നു​ഭ​വ​വും റെ​ജീ​ന പ​ങ്കു​വ​ച്ചു. അ​ക്ഷ​യ് കു​മാ​റി​ന്‍റെ ഭാ​ര്യ​യാ​യി അ​ഭി​ന​യി​ച്ച, ധ​ർ​മ്മ പ്രൊ​ഡ​ക്ഷ​ൻ​സി​ന്‍റെ ‘കേ​സ​രി ചാ​പ്റ്റ​ർ 2’എ​ന്ന ചി​ത്ര​ത്തി​ൽ പ്ര​ധാ​ന​പ്പെ​ട്ട വേ​ഷം ഉ​ണ്ടാ​യി​രു​ന്നി​ട്ടും സി​നി​മ​യു​ടെ പ്ര​ചാ​ര​ണ പ​രി​പാ​ടി​ക​ളി​ൽ ത​ന്നെ ഉ​ൾ​പ്പെ​ടു​ത്തി​യി​ല്ലെ​ന്ന് റെ​ജീ​ന പ​റ​ഞ്ഞു.

വി​വി​ധ സി​നി​മാ വ്യ​വ​സാ​യ​ങ്ങ​ളി​ൽ പ​ല ന​ടി​മാ​രും ത​ങ്ങ​ളെ​ക്കാ​ൾ പ്രാ​യം കൂ​ടി​യ ന​ട​ന്മാ​ർ​ക്കൊ​പ്പം അ​ഭി​ന​യി​ച്ചി​ട്ടു​ണ്ടെ​ന്ന് ചൂ​ണ്ടി​ക്കാ​ട്ടി​യ റെ​ജീ​ന, ആ ​വേ​ഷ​ത്തി​ൽ അ​സ്വ​സ്ഥ​ത തോ​ന്നി​യി​രു​ന്നെ​ങ്കി​ൽ എ​ന്തു​കൊ​ണ്ട് രാ​ധി​ക ആ​പ്തേ ആ ​സി​നി​മ​യി​ൽ നി​ന്ന് പി​ന്മാ​റി​യി​ല്ല എ​ന്നും ചോ​ദി​ച്ചു. ‘ഒ​രു സി​നി​മ ഇ​ഷ്ട​പ്പെ​ട്ടാ​ലും ഇ​ല്ലെ​ങ്കി​ലും, എ​നി​ക്ക് ഇ​ത് ചെ​യ്യാ​ൻ താ​ൽ​പ്പ​ര്യ​മി​ല്ല എ​ന്ന് പ​റ​ഞ്ഞ് ഇ​റ​ങ്ങി​പ്പോ​രാ​ൻ നി​ങ്ങ​ൾ​ക്ക് പൂ​ർ​ണ അ​വ​കാ​ശ​മു​ണ്ട്. പി​ന്നീ​ട് അ​തി​നെ​ക്കു​റി​ച്ച് സം​സാ​രി​ച്ചി​രി​ക്കു​ന്ന​തി​നേ​ക്കാ​ൾ ന​ല്ല​ത് അ​താ​ണ്.

ഒ​രു​പ​ക്ഷേ, നി​ങ്ങ​ൾ​ക്ക് ചെ​യ്യാ​ൻ ക​ഴി​യാ​ത്ത ഒ​രു സാ​ഹ​ച​ര്യ​ത്തി​ലേ​ക്ക് നി​ങ്ങ​ൾ ത​ള്ളി​യി​ട​പ്പെ​ട്ട​താ​കാം. അ​ത് എ​നി​ക്ക് പൂ​ർ​ണ​മാ​യും മ​ന​സി​ലാ​കും. എ​ന്നാ​ൽ, നി​ങ്ങ​ൾ ബ​ലാ​ത്സം​ഗ​ത്തി​ന് ഇ​ര​യാ​ക്ക​പ്പെ​ടു​ക​യ​ല്ല​ല്ലോ.

ക്ഷ​മി​ക്ക​ണം, നി​ങ്ങ​ൾ പൂ​ർ​ണ​മാ​യും നി​സഹാ​യ​യാ​യ ഒ​രു അ​വ​സ്ഥ​യി​ല​ല്ല ഉ​ള്ള​ത് എ​ന്നാ​ണ് ഉ​ദ്ദേ​ശി​ച്ച​ത്. ഇ​ന്ന് ഇ​ത്ത​രം കാ​ര്യ​ങ്ങ​ൾ കൈ​കാ​ര്യം ചെ​യ്യാ​ൻ നി​യ​മ​പ​ര​മാ​യ മാ​ർ​ഗ​ങ്ങ​ളു​ണ്ട്. തീ​ർ​ച്ച​യാ​യും, മു​ന്നോ​ട്ട് വ​ന്ന് ഇ​തി​നെ​ക്കു​റി​ച്ച് സം​സാ​രി​ക്കൂ, എ​ന്നാ​ൽ വ​ട​ക്ക്-​തെ​ക്ക് വി​ഭ​ജ​നം സൃ​ഷ്ടി​ക്ക​രു​ത്. അ​ത് സി​നി​മാ വ്യ​വ​സാ​യ​ത്തി​ന് വ​ള​രെ വ​ള​രെ മോ​ശ​മാ​ണ്’-റെ​ജീ​ന​യു​ടെ വാ​ക്കു​ക​ൾ.