താരരാജാക്കളെപ്പോലും വിരട്ടിയ സം​വി​ധാ​യ​ക​ൻ! 2021 ഡി​സം​ബ​ർ24​നു വി​ട​വാ​ങ്ങി​യ സേ​തു​മാ​ധ​വ​ന്‍റെ സ്മൃ​തി​ക​ളി​ലൂ​ടെ ഒ​രു യാ​ത്ര..

എ​സ്. മ​ഞ്ജു​ളാ​ദേ​വി

മ​നു​ഷ്യ മ​ന​സി​ന്‍റെ ചാ​ഞ്ച​ല്യ​ങ്ങ​ൾ, സ്ത്രീ ​മ​ന​സി​ന്‍റെ ചാ​ഞ്ചാ​ട്ട​ങ്ങ​ൾ, വൈ​കാ​രി​ക ക​യ​റ്റി​റ​ക്ക​ങ്ങ​ൾ, അ​ങ്ങ​നെ പ​ല​തും കാ​മ​റ ക​ണ്ണു​ക​ൾ ഒ​പ്പി​യെ​ടു​ക്കാ​തി​രു​ന്ന കാ​ലം….

നാ​യി​ക​മാ​രെ ഒ​ന്നു​കി​ൽ ദേ​വ​ത​മാ​രാ​യി ചി​ത്രീ​ക​രി​ക്കും അ​ല്ലെ​ങ്കി​ൽ സ​ർ​വം സ​ഹ​യാ​യ ത്യാ​ഗ​സ്വ​രൂ​പി​ണി​ക​ളാ​യും അ​വ​ത​രി​പ്പി​ക്കും.

എ​ന്നാ​ൽ ഇ​ത്ത​രം പ​രി​വേ​ഷ​ങ്ങ​ളെ മു​ഴു​വ​ൻ ത​ക​ർ​ത്തു​കൊ​ണ്ട് മ​ല​യാ​ള സി​നി​മ​യി​ൽ വ​ന്ന കൗ​മാ​ര​ക്കാ​രി​യാ​യ ഒ​രു നാ​യി​ക​യു​ണ്ട്.

ക​ര​കാ​ണാക​ട​ൽ എ​ന്ന കെ.​എ​സ്. സേ​തു​മാ​ധ​വ​ൻ ചി​ത്ര​ത്തി​ലെ മേ​രി​യാ​ണ​ത്. ജ​യ​ഭാ​ര​തി ജീ​വ​ൻ ന​ല്കി​യ മേ​രി കൗ​മാ​ര​ക്കാ​രി​ക​ളു​ടെ എ​ല്ലാ​വി​ധ ദൗ​ർ​ബ​ല്യ​ങ്ങ​ളും ചേ​ർ​ന്ന​താ​ണ്.

അ​ൽ​പ​ക്ക​ത്തെ ചെ​റു​പ്പ​ക്കാ​രെ കാ​ണു​ന്പോ​ൾ പ്രാ​യ​ത്തി​ന്‍റെ എ​ല്ലാ ചാ​പ​ല്യ​ങ്ങ​ളും പ്ര​ക​ടി​പ്പി​ക്കു​ന്ന പ്ര​കൃ​തം.

ഇ​ക്കാ​ല​ഘ​ട്ട​ത്തി​ൽ പോ​ലും നാ​യി​ക​മാ​രെ ഇ​ങ്ങ​നെ അ​വ​ത​രി​പ്പി​ക്കു​വാ​ൻ സം​വി​ധാ​യ​ക​ൻ​മാ​ർ​ക്കു ധൈ​ര്യം കാ​ണു​മോ എ​ന്ന​റി​യി​ല്ല.

ജീ​വി​ത​ത്തി​ൽനി​ന്നും അ​തു​പോ​ലെ പ​റി​ച്ചെ​ടു​ത്തു​വ​ച്ച മേ​രി മ​ല​യാ​ള സി​നി​മ​യി​ലെ നാ​യി​കാ സ​ങ്ക​ല്പ​ത്തി​നെ ത​ന്നെ ത​ക​ർ​ത്തു​കൊ​ണ്ട് ഇ​ന്നും നി​ല​നി​ൽ​ക്കു​ന്നു.

ക​ര​കാ​ണാ​ക​ട​ലി​ലെ സ​ത്യ​ൻ അ​വ​ത​രി​പ്പി​ച്ച തോ​മ​യും ക​വി​യൂ​ർ പൊ​ന്ന​മ്മ​യു​ടെ അ​മ്മ ക​ഥാ​പാ​ത്ര​വും മ​ധു​വി​ന്‍റെ ക​റി​യ​യു​മെ​ല്ലാം ഇ​ങ്ങ​നെ നാ​ട്ടി​ൻ​പു​റ​ത്തി​ന്‍റെ പ​ച്ച​യാ​യ ക​ഥാ​പാ​ത്ര​ങ്ങ​ളാ​ണ്.

കെ.​എ​സ്. സേ​തു​മാ​ധ​വ​ന്‍റെ ഓ​ട​യി​ൽ നി​ന്ന്, പ​ണി തീ​രാ​ത്ത വീ​ട്, അ​ര​നാ​ഴി​ക നേ​രം, അ​ടി​മ​ക​ൾ, ച​ട്ട​ക്കാ​രി ഇ​ങ്ങ​നെ എ​ല്ലാ സി​നി​മ​ക​ളും ജീ​വി​ത​ത്തെ തൊ​ട്ടു​നി​ന്ന സി​നി​മ​ക​ളാ​ണ്.

മ​ല​യാ​ള​ത്തി​ന്‍റെ മി​ക​ച്ച സാ​ഹി​ത്യ​കൃ​തി​ക​ളെ സി​നി​മ​യാ​ക്കി എ​ന്ന​ത് കെ.​എ​സി​ന്‍റെ മ​റ്റൊ​രു സ​വി​ശേ​ഷ​ത.

ഒ​രു സി​നി​മാ സം​വി​ധാ​യ​ക​ൻ എ​ന്ന നി​ല​യി​ൽ അ​ക്കാ​ല​ഘ​ട്ട​ത്തി​ലെ താ​ര രാ​ജാ​ക്ക​ന്മാ​രെപോ​ലും നി​യ​ന്ത്രി​ക്കു​വാ​നു​ള്ള ഒ​രു ക​രു​ത്തും അ​ദ്ദേ​ഹം കാ​ണി​ച്ചി​രു​ന്നു.

എ​ന്തി​നു ഷൂ​ട്ടിം​ഗ് സ​മ​യ​ത്ത് എ​ത്താ​തെ ര​ണ്ടു മ​ണി​ക്കൂ​റോ​ളം വൈ​കി എ​ത്തി​യി​രു​ന്ന എം​ജി​ആ​റി​നോ​ട് പോ​ലും ഒ​രു സം​വി​ധാ​യ​ക​ന്‍റെ അ​ധി​കാ​രം പ്ര​ക​ടി​പ്പി​ക്കു​വാ​നും സേ​തു​മാ​ധ​വ​ന് ധൈ​ര്യം ഉ​ണ്ടാ​യി​രു​ന്നു.

നാ​ളൈ ന​മ​തെ​യു​ടെ ചി​ത്രീ​ക​ര​ണ​ത്തി​നു തു​ട​ർ​ച്ച​യാ​യി താ​മ​സി​ച്ചു വ​ന്നി​രു​ന്ന എം​ജി ആ​റി​നോ​ട് “നാ​ളെ​യും താ​ങ്ക​ൾ രാ​വി​ലെ 10.45നു ​മാ​ത്ര​മേ എ​ത്തു​ക​യു​ള്ളോ അ​ങ്ങ​നെ​യെ​ങ്കി​ൽ ഷൂ​ട്ടിം​ഗ് ക്രൂ​വി​നോ​ടും ഈ ​സ​മ​യം പ​റ​യാം’ എ​ന്ന സേ​തു​മാ​ധ​വ​ന്‍റെ ചോ​ദ്യം കേ​ട്ട് സി​നി​മാ പ്ര​വ​ർ​ത്ത​ക​ർ ഞെ​ട്ടി​യെ​ങ്കി​ലും എം​ജി​ആ​ർ അ​തൊ​രു ന​ല്ല താ​ക്കീ​താ​യി എ​ടു​ത്തു. അ​ടു​ത്ത ദി​വ​സം രാ​വി​ലെ കൃ​ത്യം ഒ​ന്പ​തി​നു എ​ത്തു​ക​യും ചെ​യ്തു.

മ​ല​യാ​ള​ത്തി​ന്‍റെ പ്രേം ​ന​സീ​ർ, സ​ത്യ​ൻ, തി​ക്കു​റി​ശി തു​ട​ങ്ങി​യ താ​ര​ങ്ങ​ളോ​ടും ഇ​തേ സ്നേ​ഹാ​ധി​കാ​രം കെ.​എ​സ്. കാ​ണി​ച്ചി​രു​ന്നു. സ​ത്യ​ൻ എ​ന്ന ന​ട​നെ നാ​യ​ക​നാ​ക്കി അ​ന​വ​ധി അ​ന​ശ്വ​ര ചി​ത്ര​ങ്ങ​ൾ സം​വി​ധാ​നം ചെ​യ്തി​ട്ടു​ള്ള സം​വി​ധാ​യ​ക​നും സേ​തു​മാ​ധ​വ​ൻ ആ​ണ്.

1961-ൽ ​വെ​റും ഇ​രു​പ​ത്തെ​ട്ട് വ​യ​സു​ള്ള​പ്പോ​ഴാ​ണ് സ​ത്യ​നെ നാ​യ​ക​നാ​ക്കി ക​ണ്ണും ക​ര​ളും എ​ന്ന സി​നി​മ ചി​ത്രീ​ക​രി​ച്ച​ത്.

സി​നി​മ​യെക്കുറി​ച്ചു​ള്ള ഒ​രു​ൾ​ക്കാ​ഴ്ച സേ​തു​മാ​ധ​വ​ന്‍റെ ര​ക്ത​ത്തി​ൽ അ​ലി​ഞ്ഞു ചേ​ർ​ന്ന​താ​ണ്. കെ​എ​സ്. ത​ന്നെ പ​റ​ഞ്ഞി​രു​ന്ന ബാ​ല്യ​കാ​ലാ​നു​ഭ​വം അ​തി​നു സാ​ക്ഷി.

“”ചെ​ന്നൈ​യി​ലെ വീ​ട്ടി​ൽ അ​ച്ഛ​ന്‍റെ മൃ​ത​ശ​രീ​രം ക​ണ്ടുനി​ന്ന​പ്പോ​ൾ എ​ട്ടു വ​യ​സു​കാ​ര​നാ​യ എ​ന്‍റെ ക​ണ്ണു​ക​ളി​ൽ ക​ണ്ണീ​ർ വ​ന്നി​ല്ല.

അ​കാ​ല​ത്തി​ൽ വീ​ടി​ന്‍റെ നെ​ടും​തൂ​ണാ​യ ഭ​ർ​ത്താ​വി​നെ ന​ഷ്ട​മാ​യ​തി​ന്‍റെ വേ​ദ​ന​യി​ൽ സ്വ​ന്തം അ​മ്മ​യും സ​ഹോ​ദ​ര​ങ്ങ​ളും പൊ​ട്ടി​ക്ക​ര​ഞ്ഞ​പ്പോ​ഴും ഞാ​ൻ ക​ര​ഞ്ഞി​ല്ല.

പ​ക​രം ആ ​രം​ഗ​ങ്ങ​ൾ ഒ​രു സി​നി​മാ ചി​ത്രീ​ക​ര​ണം പോ​ലെ മ​ന​സി​ൽ തെ​ളി​ഞ്ഞു തെ​ളി​ഞ്ഞു വ​രി​ക​യാ​യി​രു​ന്നു.”

മ​ല​യാ​ള സി​നി​മ​യു​ടെ ഒ​രു കാ​ല​ഘ​ട്ട​ത്തെ ത​ന്‍റെ സി​നി​മ​ക​ളി​ലൂ​ടെ നി​ർ​ണ​യി​ച്ച കെ.​എ​സ്. സേ​തു​മാ​ധ​വ​ന്‍റെ ആ​ദ്യ സി​നി​മാ ചി​ത്രീ​ക​ര​ണം ഇ​തു ത​ന്നെ​യാ​യി​രു​ന്നു.

ഒ​രു സ​ന്യാ​സി​യാ​യി തീ​രു​വാ​ൻ അ​ഭി​ല​ഷി​ച്ചി​രു​ന്ന വ്യ​ക്തി​യാ​ണ് താ​ൻ, എ​ങ്ങ​നെ​യോ സി​നി​മ​യി​ൽ എ​ത്തി​ച്ചേ​ർ​ന്ന​താ​ണ് എ​ന്നും കെ.​എ​സ് പ​റ​ഞ്ഞി​രു​ന്നു.

സി​നി​മ​യി​ലേ​ക്കു​ള്ള പ്ര​വേ​ശം തി​ക​ച്ചും അ​പ്ര​തീ​ക്ഷി​ത​മാ​യി​രു​ന്നു. കോ​യ​ന്പ​ത്തൂ​രി​ലെ സെ​ൻ​ട്ര​ൽ സ്റ്റു​ഡി​യോ​യി​ൽ ശ​ന്പ​ള​മി​ല്ലാ​ത്ത അ​പ്ര​ന്‍റീ​സാ​യി​ട്ടാ​ണ് സി​നി​മാ രം​ഗ​ത്തെ തു​ട​ക്കം.

അ​ന്ന് അ​വി​ടെ നടന്നു​കൊ​ണ്ടി​രു​ന്ന​ത് മു​ടി​ചൂ​ടാ മ​ന്ന​നാ​യ എം.​ജി.​ആ​റി​ന്‍റെ സി​നി​മാ ചി​ത്രീ​ക​ര​ണ​മാ​ണ്. കെ.​എ​സ് ജീ​വി​ത​ത്തി​ൽ ക​ണ്ട ആ​ദ്യ ചി​ത്രീ​ക​ര​ണം ഇ​തു ത​ന്നെ.

അ​ന്ന​ത്തെ വേ​ത​ന​മി​ല്ലാ​ത്ത അ​പ്ര​ന്‍റീ​സാ​യ സേ​തു​മാ​ധ​വ​ൻ പി​ൽ​ക്കാ​ല​ത്ത് നാ​ളൈ ന​മ​തെ​യി​ൽ എം​ജി​ആ​റി​നെ ത​ന്നെ നാ​യ​ക​നാ​ക്കി സി​നി​മ എ​ടു​ത്തു എ​ന്ന​ത് മ​റ്റൊ​രു ച​രി​ത്രം.

അ​നു​ഗ്ര​ഹം പോ​ലെ ല​ഭി​ച്ച ഈ ​സി​നി​മാ​ജ്ഞാ​നം അ​ഥ​വാ സി​ദ്ധി ഒ​രു കാ​ല​ഘ​ട്ട​ത്തി​ന്‍റെ അ​ട​യാ​ള​മാ​ക്കി കെ.​എ​സ് മാ​റ്റി. മാ​ത്ര​മ​ല്ല പി​ന്നാ​ലെ വ​ന്ന സി​നി​മ സം​വി​ധാ​യ​ക​ർ​ക്കു ഒ​രു​പാ​ഠ​പു​സ്ത​ക​മാ​യും ത​ന്‍റെ സി​നി​മാ ജീ​വി​തം തു​റ​ന്നു​വ​ച്ചു.

പു​ക​വ​ലി​ക്കാ​ത്ത, മ​ദ്യ​പി​ക്കാ​ത്ത, സി​നി​മാ​ക്കാ​രി​ൽ പ​ല​രും പ്ര​ക​ടി​പ്പി​ക്കു​ന്ന യാ​തൊ​രു ദൗ​ർ​ബ​ല്യ​ങ്ങ​ളു​മി​ല്ലാ​തെ സം​ശു​ദ്ധ​മാ​യി ജീ​വി​ച്ച ഇ​തി​ഹാ​സം. അ​താ​യി​രു​ന്നു കെ.​എ​സ്. സേ​തു​മാ​ധ​വ​ൻ.