തീ​വെ​യി​ലി​ൽ കു​ളി​ർ​മ​യാ​യി ശ്രീ​വി​ദ്യ​യു​ടെ കൃ​ഷി​യി​ടം

ദേ​ശീ​യ​പാ​ത​യോ​ര​ത്തെ ചു​ട്ടു​പൊ​ള്ളു​ന്ന വെ​യി​ലി​ൽ സ​ഞ്ചാ​രി​ക​ളു​ടെ ക​ണ്ണി​നും മ​ന​സി​നും കു​ളി​ർ​മ​യേ​കി സം​സ്ഥാ​ന യു​വ​ക​ർ​ഷ​ക അ​വാ​ർ​ഡ് ജേ​താ​വ് എം. ​ശ്രീ​വി​ദ്യ​യു​ടെ “പൂ​ങ്കാ​വ​നം’ അ​ഗ്രി ഫാം. ​കാ​സ​ർ​ഗോ​ഡ് ജി​ല്ല​യി​ലെ പൊ​യി​നാ​ച്ചി ടൗ​ണി​ൽ ആ​ശീ​ർ​വാ​ദ് ഓ​ഡി​റ്റോ​റി​യ​ത്തി​ന് എ​തി​ർ​വ​ശ​ത്താ​യു​ള്ള ശ്രീ​വി​ദ്യ​യു​ടെ കൃ​ഷി​യി​ടം സം​സ്ഥാ​ന ഉ​ത്ത​ര​വാ​ദി​ത്വ ടൂ​റി​സം മി​ഷ​നു കീ​ഴി​ൽ ഫാം ​ടൂ​റി​സം സം​രം​ഭ​മെ​ന്ന നി​ല​യി​ൽ ര​ജി​സ്റ്റ​ർ ചെ​യ്തി​ട്ടു​ള്ള​താ​ണ്. വി​വി​ധ വ​ർ​ണ​ങ്ങ​ളി​ലു​ള്ള ത​ണ്ണി​മ​ത്ത​നും സൂ​ര്യ​കാ​ന്തി​പ്പൂ​ക്ക​ളു​മാ​യി​രു​ന്നു ക​ഴി​ഞ്ഞ ദി​വ​സ​ങ്ങ​ളി​ൽ ഫാ​മി​ന്‍റെ പ്ര​ധാ​ന ആ​ക​ർ​ഷ​ണം. സൂ​ര്യ​കാ​ന്തി​പ്പൂ​ക്ക​ൾ​ക്കും കൃ​ഷി​യി​ട​ത്തി​ലെ മ​റ്റു കാ​ഴ്ച​ക​ൾ​ക്കും ഇ​ട​യി​ൽ നി​ന്ന് ഫോ​ട്ടോ​ക​ളും വീ​ഡി​യോ​ക​ളും എ​ടു​ക്കാ​നും റീ​ലു​ക​ൾ ചി​ത്രീ​ക​രി​ക്കാ​നു​മൊ​ക്കെ നി​ര​വ​ധി സ​ന്ദ​ർ​ശ​ക​രാ​ണ് എ​ത്തി​യ​ത്.

ചു​ട്ടു​പൊ​ള്ളു​ന്ന പാ​റ​യും ചു​വ​ന്ന മ​ണ്ണു​മു​ള്ള പൊ​യി​നാ​ച്ചി പോ​ലൊ​രു സ്ഥ​ല​ത്ത് കൃ​ഷി​യോ​ടു​ള്ള അ​ർ​പ്പ​ണ​ബോ​ധ​വും ക​ഠി​നാ​ധ്വാ​ന​വും കൊ​ണ്ട് ഇ​ങ്ങ​നെ​യൊ​രി​ടം സൃ​ഷ്ടി​ക്കാ​ൻ ക​ഴി​ഞ്ഞ​തി​നു ത​ന്നെ സ​ന്ദ​ർ​ശ​ക​ർ നൂ​റു മാ​ർ​ക്ക് ന​ൽ​കു​ന്നു. ട്രാ​വ​ൽ ആ​ൻ​ഡ് ടൂ​റി​സം എ​ക്സി​ക്യൂ​ട്ടീ​വും അ​ക്കൗ​ണ്ട​ന്‍റു​മാ​യി ജോ​ലി​ചെ​യ്തി​ട്ടു​ള്ള ശ്രീ​വി​ദ്യ ഇ​പ്പോ​ൾ പെ​ർ​ള​ടു​ക്ക ടൗ​ണി​ൽ സ്വ​ന്ത​മാ​യി ട്രാ​വ​ൽ ഏ​ജ​ൻ​സി ന​ട​ത്തു​ന്ന​തി​നൊ​പ്പ​മാ​ണ് വൈ​വി​ധ്യ​മാ​ർ​ന്ന കാ​ർ​ഷി​ക പ​രീ​ക്ഷ​ണ​ങ്ങ​ൾ​ക്കും ഫാം ​ടൂ​റി​സ​ത്തി​നു​മെ​ല്ലാം സ​മ​യം ക​ണ്ടെ​ത്തു​ന്ന​ത്.

ചു​വ​പ്പും ഓ​റ​ഞ്ചും മ​ഞ്ഞ​യും നി​റ​ങ്ങ​ളി​ലു​ള്ള അ​ക​ക്കാ​മ്പു​ക​ളോ​ടു കൂ​ടി​യ വി​വി​ധ​യി​നം ഹൈ​ബ്രി​ഡ് ത​ണ്ണി​മ​ത്ത​നു​ക​ൾ വാ​ങ്ങാ​നും ഫാ​മി​ൽ വ​ച്ചു​ത​ന്നെ ക​ഴി​ക്കാ​നും സ്കൂ​ൾ വി​ദ്യാ​ർ​ഥി​ക​ളു​ൾ​പ്പെ​ടെ ഒ​ട്ടേ​റ​പ്പേ​ർ ഇ​വി​ടെ​യെ​ത്തി​യി​രു​ന്നു. പൊ​തു​വേ തീ​ര​ദേ​ശ​ത്തെ പാ​ട​ങ്ങ​ളി​ൽ​മാ​ത്രം വി​ള​യു​ന്ന പൊ​ട്ടു​വെ​ള്ള​രി​യും വി​ഷു​ക്കാ​ല​ത്തി​ന്‍റെ ആ​ക​ർ​ഷ​ണ​ങ്ങ​ളി​ലൊ​ന്നാ​യ ക​ണി​വെ​ള്ള​രി​യും ത​ണു​പ്പു കാ​ലാ​വ​സ്ഥ​യി​ൽ വ​ള​രു​ന്ന കാ​ബേ​ജും കോ​ളി​ഫ്ല​വ​റു​മെ​ല്ലാം ഇ​വി​ടെ വി​ള​ഞ്ഞു. ത​ണ്ണി​മ​ത്ത​ന്‍റെ​യും പ​ച്ച​ക്ക​റി​ക​ളു​ടെ​യും സീ​സ​ൺ ക​ഴി​ഞ്ഞ​പ്പോ​ഴാ​ണ് സൂ​ര്യ​കാ​ന്തി വി​ത്തു​ക​ൾ ന​ട്ടു​മു​ള​പ്പി​ച്ച​ത്. മ​നോ​ഹ​ര​മാ​യ പൂ​ക്ക​ൾ നി​ര​നി​ര​യാ​യി വി​രി​ഞ്ഞു തു​ട​ങ്ങി​യ​തോ​ടെ ഇ​വി​ടം ക​ർ​ണാ​ട​ക​യി​ലെ സൂ​ര്യ​കാ​ന്തി​പ്പാ​ട​ങ്ങ​ളെ​പ്പോ​ലെ മ​നോ​ഹ​ര​മാ​യി.

പെ​ർ​ള​ടു​ക്ക​യ്ക്കു സ​മീ​പ​ത്തു​ള്ള നാ​ലേ​ക്ക​ര്‍ ഭൂ​മി​യും ശ്രീ​വി​ദ്യ കൃ​ഷി​ക്ക് ഉ​പ​യു​ക്ത​മാ​ക്കി​യി​ട്ടു​ണ്ട്. പാ​റ​യു​ള്ള ഭാ​ഗ​ങ്ങ​ളി​ൽ മ​ണ്ണി​ട്ടു നി​റ​ച്ചും സ്ഥ​ലം ത​ട്ടു​ക​ളാ​യി തി​രി​ച്ചും മ​ഴ​വെ​ള്ളം മ​ണ്ണി​ലി​റ​ങ്ങു​ന്ന​തി​നു​ള്‍​പ്പെ​ടെ സൗ​ക​ര്യ​മൊ​രു​ക്കി. തെ​ങ്ങ്, പാ​ഷ​ന്‍ ഫ്രൂ​ട്ട്, വി​വി​ധ​യി​നം പ​ച്ച​ക്ക​റി​ക​ള്‍ എ​ന്നി​വ​യെ​ല്ലാം ഇ​വി​ടെ കൃ​ഷി​ചെ​യ്യു​ന്നു. ഇ​തോ​ടൊ​പ്പം കോ​ഴി, മു​യ​ല്‍, പ​ശു എ​ന്നി​വ​യെ​യും കൃ​ഷി​യി​ട​ത്തി​ലെ മ​ഴ​വെ​ള്ള​സം​ഭ​ര​ണി​യി​ല്‍ മീ​നു​ക​ളെ​യും വ​ള​ര്‍​ത്തു​ന്നു. അ​സോ​ള, തീ​റ്റ​പ്പു​ല്‍ കൃ​ഷി​യു​മു​ണ്ട്. കൃ​ഷി​യി​ട​ത്തി​ല്‍​നി​ന്നു ത​ന്നെ ല​ഭി​ക്കു​ന്ന കാ​ലി​വ​ള​ത്തി​നും കോ​ഴി​വ​ള​ത്തി​നു​മൊ​പ്പം വേ​പ്പി​ന്‍ പി​ണ്ണാ​ക്ക്, മ​ണ്ണി​ര ക​മ്പോ​സ്റ്റ് എ​ന്നി​വ​യും ഉ​പ​യോ​ഗി​ക്കു​ന്നു. ക​ടു​ത്ത വേ​ന​ല്‍​ച്ചൂ​ടു​ള്ള ഇ​ട​മാ​യ​തി​നാ​ല്‍ ഇ​വി​ടെ​യും ഇ​ട​മു​റി​യാ​തെ ജ​ല​സേ​ച​നം വേ​ണ്ടി​വ​രു​ന്നു​ണ്ട്.

കാ​ര്‍​ഷി​ക​മേ​ഖ​ല​യി​ലെ പു​തി​യ സാ​ങ്കേ​തി​ക​വി​ദ്യ​ക​ളെ​ക്കു​റി​ച്ച് പ​ഠി​ക്കാ​ന്‍ ര​ണ്ടു​വ​ർ​ഷം മു​മ്പ് സം​സ്ഥാ​ന കൃ​ഷി​വ​കു​പ്പി​ന്‍റെ ആ​ഭി​മു​ഖ്യ​ത്തി​ല്‍ ഇ​സ്ര​യേ​ലി​ലേ​ക്ക് യാ​ത്ര ന​ട​ത്തി​യ സം​ഘ​ത്തി​ലും ശ്രീ​വി​ദ്യ ഉ​ൾ​പ്പെ​ട്ടി​രു​ന്നു. കാ​ലാ​നു​സൃ​ത​മാ​യ മാ​റ്റ​ങ്ങ​ൾ ഉ​ൾ​ക്കൊ​ള്ളു​ക​യും ആ​ധു​നി​ക സാ​ങ്കേ​തി​ക​വി​ദ്യ​ക​ളും ഫാം ​ടൂ​റി​സ​മ​ട​ക്ക​മു​ള്ള സാ​ധ്യ​ത​ക​ളും പ്ര​യോ​ജ​ന​പ്പെ​ടു​ത്തു​ക​യും ചെ​യ്യു​ന്ന​തി​ലൂ​ടെ കൃ​ഷി​യെ മി​ക​ച്ച വ​രു​മാ​ന​മാ​ർ​ഗ​മാ​യി നി​ല​നി​ർ​ത്താ​നാ​കു​മെ​ന്നും പു​തു​ല​മു​റ​ക​ൾ​ക്കും ആ​ക​ർ​ഷ​ക​മാ​ക്കാ​ൻ ക​ഴി​യു​മെ​ന്നും ശ്രീ​വി​ദ്യ പ​റ​യു​ന്നു.

കൃ​ഷി​രീ​തി​ക​ൾ പ​ഠി​ക്കാ​നും പ​ഠി​പ്പി​ക്കാ​നും ജൈ​വ ഉ​ത്പ​ന്ന​ങ്ങ​ള്‍ വി​റ്റ​ഴി​ക്കാ​നു​മു​ള്ള ഒ​രു തു​റ​ന്ന വേ​ദി​യെ​ന്ന നി​ല​യി​ൽ “പൂ​ങ്കാ​വ​നം അ​ഗ്രി ഫാം-​ശ്രീ​വി​ദ്യ ദ ​മാ​സ്റ്റ​ർ ഫാ​ർ​മ​ർ’ എ​ന്ന പേ​രി​ൽ ഒ​രു ഫേ​സ്ബു​ക്ക് പേ​ജും യൂ​ട്യൂ​ബ് ചാ​ന​ലും തു​ട​ങ്ങി​യി​ട്ടു​ണ്ട്.ഭ​ര്‍​ത്താ​വ് രാ​ധാ​കൃ​ഷ്ണ​ന്‍ വി​ദേ​ശ​ത്ത് ജോ​ലി​ചെ​യ്യു​ന്നു. മ​ക്ക​ളാ​യ രേ​വ​തി കൃ​ഷ്ണ​യും ശി​വ​ന​ന്ദും അ​മ്മ​യ്ക്കൊ​പ്പം കൃ​ഷി​യി​ട​ത്തി​ൽ സ​ജീ​വ​മാ​ണ്. അ​ച്ഛ​ൻ നാ​രാ​യ​ണ​ൻ നാ​യ​രും അ​മ്മ ദാ​ക്ഷാ​യ​ണി​യും മ​ക​ളു​ടെ കാ​ർ​ഷി​ക പ​രീ​ക്ഷ​ണ​ങ്ങ​ൾ​ക്ക് നി​റ​ഞ്ഞ പി​ന്തു​ണ​യു​മാ​യി ഒ​പ്പ​മു​ണ്ട്.

ശ്രീ​ജി​ത് കൃ​ഷ്ണ​ൻ