റിയാലിറ്റിഷോകള്‍ എല്ലാവര്‍ക്കും പ്രിയപ്പെട്ടതാണ്. ആളുകളെ ആകര്‍ഷിക്കാന്‍ ചില ‘റിയാലിറ്റി’കള്‍ ഇവര്‍ കാണിക്കുകയും ചെയ്യാറുണ്ട്.
നന്നായി പ്രകടനം നടത്തുന്ന മത്സരാര്‍ഥികളെ പ്രോല്സാഹിപ്പിക്കാന് വിധികര്‍ത്താക്കള്‍ നടത്തുന്ന അഭ്യാസവും കാണാറുണ്ട്.
ഓടിച്ചെന്ന് കെട്ടിപ്പിടിക്കുന്നതും പൊക്കിയെടുക്കുന്നതുമെല്ലാം ഇത്തരം വേദികളിലെ സ്ഥിരം പരിപാടികളാണ്.
എന്നാല്‍ അടുത്തിടെ വിധികര്‍ത്താവായി എത്തിയ ഒരു നടി കാണിച്ച സാഹസമാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്.
തെലുങ്ക് ചാനലിലെ റിയാലിറ്റി ഷോയില്‍ നല്ല പ്രകടനം കാഴ്ചവെച്ച മത്സരാര്‍ത്ഥിയെ വേദിയില്‍ ചുംബിക്കുകയും കവിളില്‍ കടിക്കുകയുമാണ് നടി ചെയ്തത്.
പ്രശസ്ത നടിയും നര്‍ത്തകിയുമായ ഷംന കാസിം ആണ് ഈ കടുംകൈ ചെയ്തത്. ഈ ചുംബനത്തിന്റെയും കടിയുടെയും വീഡിയോ ഇപ്പോള്‍ വൈറലാണ്.
മലയാളത്തിന് പുറമെ കന്നഡ, തെലുങ്ക്, തമിഴ് സിനിമകളില്‍ ഷംന കാസിം അഭിനയിച്ചിട്ടുണ്ട്. ഇപ്പോള്‍ താരം ഇടിവി തെലുങ്കില്‍ സംപ്രേഷണം ചെയ്യുന്ന ‘ധീ ചാമ്പ്യന്‍സ്’ ഷോയിലെ വിധികര്‍ത്താവാണ്.
ഈ റിയാലിറ്റി ഷോയില്‍ അത്ഭുതകരമായ പ്രകടനം പുറത്തെടുത്ത മത്സരാര്‍ത്ഥിയെ വിധികര്‍ത്താവായ ഷംന കവിളില്‍ ചുംബിക്കുകയായിരുന്നു.
എന്നാല്‍ ചുംബനത്തില്‍ നിര്‍ത്താന്‍ നടിയ്ക്ക് ഉദ്ദേശ്യമുണ്ടായിരുന്നില്ല. യുവാവിന്റെ കവിളില്‍ കടിക്കുക കൂടി ചെയ്തിട്ടാണ് നടി വേദി വിട്ടത്.
നിലവില്‍, ഈ വീഡിയോ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്. യുവാവിനെ മാത്രമല്ല, ഷോയിലെ മറ്റൊരു മത്സരാര്‍ഥിയായ യുവതിയെയും ഷംന ചുംബിച്ചു.
ഈ വീഡിയോയ്ക്ക് വലിയ പ്രചാരമാണ് സോഷ്യല്‍ മീഡിയയില്‍ ലഭിച്ചത്. എന്നാല്‍ ഇതിനെതിരെ വിമര്‍ശനവും ശക്തമാണ്. ഒരു റിയാലിറ്റി ഷോ വേദിയില്‍ വിധികര്‍ത്താവ് ഇങ്ങനെ പെരുമാറുന്നത് കുറച്ച് കടന്നുപോയെന്നാണ് വിമര്‍ശനം ഉയരുന്നത്.
ടെലിവിഷന്‍ റേറ്റിങ് പോയിന്റിന് വേണ്ടിയുള്ള ഒരു ഗിമ്മിക്കാണെന്ന് മറ്റു ചിലര്‍ അഭിപ്രായപ്പെടുന്നു. എന്നാല്‍, സംഭവം വിവാദമായിട്ടും നടിയുടെ ഭാഗത്തുനിന്ന് പ്രതികരണമൊന്നും ഉണ്ടായില്ല.
ഫോട്ടോ-ഇന്‍സ്റ്റാഗ്രാം
2004 ലാണ് ഷംന സിനിമയിലെത്തിയത്. തുടക്കത്തില്‍ മലയാള സിനിമകളില്‍ അഭിനയിച്ചു. അതിനു ശേഷം തെലുങ്ക്, തമിഴ് സിനിമകളില്‍ നിന്ന് അവര്‍ക്ക് ഓഫറുകള്‍ വന്നു. കന്നഡയില്‍ ‘ജോഷ്’ എന്ന ചിത്രത്തിലൂടെയാണ് അവര്‍ അരങ്ങേറ്റം കുറിച്ചത്.
കന്നഡയില്‍ ‘രാധാന ഗണ്ട’ എന്ന പേരില്‍ ഒരു സിനിമയിലും അവര്‍ അഭിനയിച്ചിട്ടുണ്ട്. ഒരു കന്നഡ സിനിമ ഉള്‍പ്പെടെ 6-7 പ്രോജക്ടുകളിലേക്ക് നിലവില്‍ ധാരണയായിട്ടുണ്ട്.
കോവിഡ് കാരണം ഈ സിനിമകളുടെ ചിത്രീകരണം വൈകുകയാണ്. അതിനിടെയാണ് ഷംന കാസിം ടിവി ഷോയില്‍ വിധികര്‍ത്താവായി എത്തിയത്.
