അമ്പലപ്പുഴ: ശക്തമായ മഴയിൽ വീട് ഇടിഞ്ഞുവീണു. ആർക്കും പരിക്കില്ല. അമ്പലപ്പുഴ തെക്ക് പഞ്ചായത്ത് പന്ത്രണ്ടാം വാർഡ് മാടത്തറ മോഹനന്റെ വീടാണ് കഴിഞ്ഞ രാത്രിയിൽ ഇടിഞ്ഞുവീണത്. കാലപ്പഴക്കത്തെത്തുടർന്ന് വീട് അപകടാവസ്ഥയിലായിരുന്നു.
കഴിഞ്ഞ രാത്രിയിൽ ശക്തമായ കാറ്റും മഴയുമുണ്ടായതിനെത്തുടർന്ന് ഭാര്യ വനജകുമാരി, മകൻ ഉണ്ണികൃഷ്ണൻ, മോഹനന്റെ സഹോദരി വിജയമ്മ എന്നിവർ രാത്രി 10ന് വീടിന് പുറത്തിറങ്ങി. മഴയിൽ രാത്രി രണ്ടോടെ വീട് നിലം പതിക്കുകയായിരുന്നു. വീട്ടുപകരണങ്ങളും വസ്ത്രങ്ങളുമെല്ലാം നശിച്ചു.
