Tag: electricity bill

വൈദ്യുത ബന്ധം പുനസ്ഥാപിക്കണമെങ്കില്‍ 128 കോടി രൂപയുടെ കുടിശ്ശിക തീര്‍ക്കണമെന്ന് വൈദ്യബോര്‍ഡിന്റെ നിര്‍ദേശം കണ്ട് കണ്ണു തള്ളിയിരിക്കുകയാണ് വൃദ്ധ ദമ്പതികള്‍. ഉത്തര്‍പ്രദേശ് ഹപുറിലെ ചാമ്രി ഗ്രാമവാസിയായ ഷമീമിനാണ് ഇത്രയും വലിയ തുകയുടെ ബില്‍ നല്‍കി വൈദ്യുതി ബോര്‍ഡ് ഞെട്ടിച്ചിരിക്കുന്നത്. വീട് വൈദ്യുതീകരിച്ചതാണെങ്കിലും ആകെയുള്ളത് ഒരു ഫാനും ഒരു ലൈറ്റും മാത്രം. 128,45,95,444 രൂപയുടെ ബില്ലാണ് ഷമീമിന് ലഭിച്ചത്. ബില്‍ അടയ്ക്കാനുള്ള മാര്‍ഗമില്ലാതെ വൈദ്യുതി ബോര്‍ഡിന്റെ ഓഫീസില്‍ പല തവണ കയറി ഇറങ്ങി മടുത്തിരിക്കുകയാണ് ഷമിം. ബില്ലടച്ചാല്‍ മാത്രമേ വൈദ്യുതി ബന്ധം പുനസ്ഥാപിക്കാനാകു എന്നാണ് അധികൃതര്‍ പറയുന്നത്. ഷമിമും ഭാര്യയും മാത്രമാണ് വീട്ടിലുള്ളത്. പ്രദേശത്തെ മുഴുവന്‍ വൈദ്യുതി ബില്ലാണ് തനിക്ക് നല്‍കിയതെന്ന് ഷമീം പറയുന്നു. ജീവിതത്തിലെ എല്ലാ സമ്പാദ്യവും നല്‍കിയാലും ഒരിക്കലും ബില്ലടയ്ക്കാന്‍ കഴിയില്ലെന്നും ഇത്രയും വൈദ്യുതി ഉപയോഗിച്ചിട്ടില്ലെന്നും ഇത്രയും തുക അടയ്ക്കാന്‍ കഴിയില്ലെന്നും ഷമീം മാധ്യമങ്ങളോട് പറഞ്ഞു.…

ലക്‌നൗ:വീട്ടില്‍ വന്ന വൈദ്യുതബില്ല് കണ്ട് ഗൃഹനാഥന്റെ കണ്ണു തള്ളി. ഒന്നും രണ്ടുമൊന്നുമല്ല 23കോടി രൂപയാണ് വൈദ്യുതബില്ലായി എത്തിയത്. കനൗജിലെ ഒരു കുടുംബനാഥന ഈ ദുരവസ്ഥ വന്നു പെട്ടത്. 178 യൂണിറ്റ് വൈദ്യുതി മാത്രമാണ് ഈ കുടുംബം ഉപയോഗിച്ചത്. ബില്ല് കിട്ടിയതോടെ ഞെട്ടിത്തരിച്ച കുടുംബനാഥന്‍ ഇതിന് പരിഹാരം തേടി ഓഫീസുകള്‍ കയറിയിറങ്ങുകയാണിപ്പോള്‍. 23,67,71,524 രൂപ വൈദ്യുതി ബില്ലായി അടയ്ക്കണമെന്നാണ് വീട്ടുടമയായ അബ്ദുളിനോട് ഉത്തര്‍പ്രദേശ് ഇലക്ട്രിസിറ്റി ബോര്‍ഡ് ആവശ്യപ്പെട്ടിരിക്കുന്നത്. ഉത്തര്‍പ്രദേശിലെ മുഴുവന്‍ വൈദ്യുതി ചാര്‍ജ്ജും ഒറ്റ ബില്ലിലാക്കിയതായി തോന്നുന്നുവെന്നാണ് അബ്ദുള്‍ ഒറ്റവാക്കില്‍ പ്രതികരിച്ചത്. ജീവിതം മുഴുവന്‍ സമ്പാദിച്ചാലും ഇതുണ്ടാക്കാനാവില്ല. ബില്ല് ക്രമപ്പെടുത്തിയതിന് ശേഷമേ എന്തായാലും തുകയടക്കുന്നുള്ളു എന്ന് എഞ്ചിനീയറായ അബ്ദുള്ള പറഞ്ഞു.