എടപ്പാൾ: വയലോരത്തെ ആളൊഴിഞ്ഞിടത്ത് ടിൻ ചിക്കനും മദ്യവും കഴിക്കാനുള്ള ഒരു സംഘം യുവാക്കളുടെ ശ്രമം ആരോഗ്യ വകുപ്പ് അധികൃതർ തടഞ്ഞു.
ആരോഗ്യ വകുപ്പ് അധികൃതർ സ്ഥലത്തെത്തിയതോടെ മദ്യവും ചിക്കനും ഉപേക്ഷിച്ച് യുവാക്കൾ ഓടി രക്ഷപ്പെട്ടു.
എടപ്പാൾ പഞ്ചായത്തിലെ തട്ടാൻപടിയിലെ വയലോരത്താണ് കൂട്ടം ചേർന്നു ടിൻ ചിക്കൻ ചുട്ടത്. സംഘത്തിൽ എട്ട് യുവാക്കളാണ് ഉണ്ടായിരുന്നത്. സംഘം ഓടി രക്ഷപ്പെടുന്നതിന്‍റെ വീഡിയോ അധികൃതർ എടുത്തിട്ടുണ്ട്.
കഴിഞ്ഞ ദിവസം തുയ്യത്തും ഒരു സംഘം യുവാക്കൾ ചിക്കൻ ചുട്ടതും മദ്യവും വയലോരത്ത് വച്ച് കഴിക്കാൻ നടത്തിയ ശ്രമം ആരോഗ്യ വകുപ്പ് തടഞ്ഞിരുന്നു.
