മൃഗഡോക്ടറെ കള്ളം പറഞ്ഞ് വിളിച്ചുവരുത്തി ബലമായി വിവാഹം കഴിപ്പിച്ചതായി പരാതി.
ബിഹാര്‍ ബാഗുസരായി ജില്ലയിലെ മൃഗ ഡോക്ടര്‍ സത്യം കുമാര്‍ ഝായെയാണ് കള്ളം പറഞ്ഞ് വിളിച്ചു വരുത്തി നിര്‍ബന്ധിച്ച് വിവാഹം കഴിപ്പിച്ചത്.
പശുവിന് സുഖമില്ലെന്ന് പറഞ്ഞ് ഡോ സത്യം കുമാറിനെ തന്ത്രപൂര്‍വം വിളിച്ചുവരുത്തി വിവാഹം കഴിപ്പിക്കുകയായിരുന്നു.
വിളിച്ചുവരുത്തിയ ആളുകള്‍ ആ വീട്ടിലെ പെണ്‍കുട്ടിയുമായി നിര്‍ബന്ധപൂര്‍വം വിവാഹം കഴിപ്പിക്കുകയായിരുന്നു എന്നാണ് വിവരം.
അതേസമയം, പശുവിനെ ചികിത്സിക്കാന്‍ പോയ മകന്‍ ഏറെ വൈകിയും തിരിച്ച് എത്തതിനെ തുടര്‍ന്ന് കുടുംബം അന്വേഷിച്ച് ഇറങ്ങിയപ്പോഴാണ് വിവാഹം കഴിഞ്ഞതായി അറിഞ്ഞത്.
തൊട്ടടുത്ത ദിവസം രാവിലെ സത്യം കുമാറിന്റെ വിവാഹ വീഡിയോ കുടുംബത്തിന് ലഭിക്കുകയായിരുന്നു. ഇതോടെയാണ് ഡോക്ടറുടെ തിരോധാനത്തിന് പിന്നിലെ കാരണം കുടുംബം അറിയുന്നത്.
കുടുംബം ടേഗ്ര പോലീസ് സ്റ്റേഷനില്‍ പരാതി നല്‍കിയിട്ടുണ്ട്. പോലീസ് അന്വേഷണം പുരോഗമിക്കുകയാണ്.
