ജയ്പുര്‍: മാനഭംഗത്തിനിരയായ യുവതിക്കൊപ്പം സെല്‍ഫിയെടുത്ത വനിതാ കമ്മീഷന്‍ അംഗം വിവാദത്തില്‍. രാജസ്ഥാന്‍ വനിതാ കമ്മീഷന്‍ അംഗമായ സൗമ്യ ഗുര്‍ജാറാണ് മാനഭംഗത്തിനിരയായ സ്ത്രീയ്‌ക്കൊപ്പം സെല്‍ഫിയെടുത്തു പുലിവാല്‍ പിടിച്ചത്. ബുധനാഴ്ചയാണ് സംഭവം. സ്ത്രീധനം നല്‍കാത്തതിന്റെ പേരില്‍ ഭര്‍ത്താവും ഭര്‍തൃസഹോദരങ്ങളും ചേര്‍ന്ന് കൂട്ടമാനഭംഗത്തിന് ഇരയായ യുവതിക്കൊപ്പമാണ് വനിതാകമ്മിഷന്‍ അംഗങ്ങള്‍ സെല്‍ഫിയെടുത്തത്. മാനഭംഗപ്പെടുത്തിയശേഷം സ്ത്രീയുടെ കൈയിലും നെറ്റിയിലും പച്ചകുത്തിയിരുന്നു.
സെല്‍ഫിയെടുക്കുമ്പോള്‍വനിതാ കമ്മീഷന്‍ ചെയര്‍പേഴ്‌സണ്‍ സുമന്‍ ശര്‍മയും ഇവര്‍ക്കൊപ്പമുണ്്ടായിരുന്നു. മാനഭംഗത്തിന് ഇരയായ യുവതിയെ കാണുന്നതിന് ജയ്പൂര്‍ നോര്‍ത്തിലെ മഹിള പോലീസ് സ്റ്റേഷനിലെത്തിയതായിരുന്നു സംഘം. ഇതിനിടെ രണ്്ടു ചിത്രങ്ങളാണ് വനിതാ കമ്മിഷന്‍ അംഗം എടുത്തത്. ടാബ്‌ലെറ്റില്‍ എടുത്ത ചിത്രത്തില്‍ ചെയര്‍പഴ്‌സനും പോസ് ചെയ്യുന്നുണ്്ട്.
എന്നാല്‍, മാനഭംഗത്തിന് ഇരയായ സ്ത്രീയുമായി സംസാരിച്ചുകൊണ്്ടിരിക്കുമ്പോള്‍ വനിതാ കമ്മിഷന്‍ അംഗം സെല്‍ഫിയെടുക്കുകയായിരുന്നെന്നും ഇത് താന്‍ ശ്രദ്ധിച്ചിരുന്നില്ലെന്നുമാണ് ചെയര്‍പേഴ്‌സന്റെ വിശദീകരണം. സംഭവത്തില്‍ സൗമ്യ വിശദീകരണം എഴുതി നല്‍കണമെന്ന് ചെയര്‍പേഴ്‌സണ്‍ ആവശ്യപ്പെട്ടു.
