വാ​ക്സി​നേ​ഷ​ൻ കേ​ന്ദ്ര​ങ്ങ​ളി​ൽ പൂ​രത്തിര​ക്ക്;സ്പോ​ട്ട് ര​ജി​സ്ട്രേ​ഷ​ൻ പാ​ളി, ത​ദ്ദേ​ശീ​യ​ർ വീ​ണ്ടും പു​റ​ത്ത്

സ്വ​ന്തം ലേ​ഖ​ക​ൻ
തൃ​ശൂ​ർ: തൃ​ശൂ​ർ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ വാ​ക്സി​ൻ എ​ടു​ക്കാ​ൻ ജ​ന​ങ്ങ​ളു​ടെ വ​ൻ​തി​ര​ക്ക്. ഓ​ൺ​ലൈ​ൻ​വ​ഴി ഷെ​ഡ്യൂ​ൾ ചെ​യ്യു​ന്ന​തി​ന് പ​ക​രം സ്പോ​ട്ട് ര​ജി​സ്ട്രേ​ഷ​ൻ ന​ട​ത്തി വാ​ക്സി​ൻ എ​ടു​ക്കാ​മെ​ന്ന് അ​റി​യി​പ്പ് ക​ണ്ട​തോ​ടെ​യാ​ണ് വാ​ക്സി​നേ​ഷ​ൻ കേ​ന്ദ്ര​ങ്ങ​ളി​ൽ രാ​വി​ലെ മു​ത​ൽ​ത​ന്നെ ആ​ളു​ക​ൾ കൂ​ട്ട​മാ​യി എ​ത്തി​യ​ത്.

ജി​ല്ല​യ്ക്ക് അ​നു​വ​ദി​ക്കു​ന്ന വാ​ക്സി​നു​ക​ളി​ൽ 80 ശ​ത​മാ​ന​വും സ്പോ​ട്ട് ര​ജി​സ്ട്രേ​ഷ​ൻ ആ​യി​രി​ക്കു​മെ​ന്നായിരുന്നു അ​റി​യി​പ്പ്. ത​ദ്ദേ​ശ​വാ​സി​ക​ൾ​ക്ക് അ​വ​ര​വ​രു​ടെ താ​മ​സ സ്ഥ​ല​ത്തോ​ട് ചേ​ർ​ന്നു​ള്ള കേ​ന്ദ്ര​ങ്ങ​ളി​ൽ വാ​ക്സി​ൻ എ​ടു​ക്കു​ന്ന​തി​നു​ള്ള സൗ​ക​ര്യ​മാ​ണ് സ്പോ​ട്ട് ര​ജി​സ്ട്രേ​ഷ​നിലൂ​ടെ ഉ​ദ്ദേ​ശി​ക്കു​ന്ന​തെ​ന്ന് ആ​രോ​ഗ്യ​വ​കു​പ്പ് വ്യ​ക്ത​മാ​ക്കു​ന്നു​ണ്ട്.

എ​ന്നാ​ൽ ഇ​ന്നു രാ​വി​ലെ ജി​ല്ല​യു​ടെ വി​ദൂ​ര​സ്ഥ​ല​ങ്ങ​ളി​ൽ നി​ന്നു​ള്ള​വ​ർ പോ​ലും തൃ​ശൂ​ർ ന​ഗ​ര​ത്തി​ലെ വാ​ക്സി​നേ​ഷ​ൻ കേ​ന്ദ്ര​ങ്ങ​ളി​ൽ എ​ത്തി.മ​ണ്ണു​ത്തി പ​റ​വ​ട്ടാ​നി​യി​ലെ കു​ടും​ബാ​രോ​ഗ്യ കേ​ന്ദ്ര​ത്തി​ൽ വാ​ക്സി​നെ​ടു​ക്കാ​ൻ വ​ൻ ജ​ന​ക്കൂ​ട്ട​മാ​ണ് എ​ത്തി​യ​ത്.

ആ​രോ​ഗ്യ കേ​ന്ദ്ര​ത്തി​നന്‍റെ ഇ​രു ഭാ​ഗ​ങ്ങ​ളി​ലേ​ക്കും കി​ലോ​മീ​റ്റ​റു​ക​ളോ​ളം വരി നീ​ണ്ടു . വാ​ഹ​ന​ങ്ങ​ൾ പാ​ർ​ക്ക് ചെ​യ്ത​തോ​ടെ ഇ​വി​ടെ ഗ​താ​ഗ​ത​ക്കു​രു​ക്കും രൂ​ക്ഷ​മാ​യി . സാ​മൂ​ഹി​ക അ​ക​ലം പാ​ലി​ക്കു​ന്ന​ത് അ​ട​ക്ക​മു​ള്ള എ​ല്ലാ കോ​വി​ഡ് പ്രോ​ട്ടോ​ക്കോ​ളും കാ​റ്റി​ൽ​പ​റ​ത്തി​യാ​ണ് ആ​ളു​ക​ൾ വാ​ക്സി​ൻ കി​ട്ടാ​ൻ വ​രി നി​ന്ന​ത്.

ആ​ളു​ക​ൾ വാ​ക്സി​ൻ എ​ടു​ക്കാ​ൻ മ​റ്റു ജി​ല്ല​ക​ളി​ലേ​ക്ക് വ​രു​ന്ന സാ​ഹ​ച​ര്യം ഒ​ഴി​വാ​ക്കാ​നാ​ണ് അ​താ​ത് ജി​ല്ല​ക​ളി​ൽ സ്പോ​ട്ട് ര​ജി​സ്ട്രേ​ഷ​ൻ ഏ​ർ​പ്പെ​ടു​ത്തി​യ​ത്.അ​താ​ത് പ്ര​ദേ​ശ​ത്തെ ആ​ർ ആ​ർ ടി ​അം​ഗ​ങ്ങ​ൾ, ഡി​വി​ഷ​ൻ കൗ​ൺ​സി​ല​ർ​മാ​ർ, വാ​ർ​ഡ് മെ​മ്പ​ർ​മാ​ർ, ആ​ശാ​വ​ർ​ക്ക​ർ​മാ​ർ എ​ന്നി​വ​ർ​ക്കാ​ണ് ത​ങ്ങ​ളു​ടെ പ്ര​ദേ​ശ​ത്തെ ആ​ളു​ക​ൾ​ക്ക് വാ​ക്സി​നേ​ഷ​ൻ എ​ടു​ക്കാ​നു​ള്ള സ്പോ​ട്ട് ര​ജി​സ്ട്രേ​ഷ​ന് സൗ​ക​ര്യം ഒ​രു​ക്കേ​ണ്ട ചു​മ​ത​ല. എ​ന്നാ​ൽ അ​വ​ർ​ക്കുപോ​ലും ഇ​ന്ന് ഒ​ന്നും ചെ​യ്യാ​ൻ ക​ഴി​യാ​ത്ത അ​വ​സ്ഥ​യാ​യി​രു​ന്നു.

പ​ല​യി​ട​ത്തും ആ​ൾ​ക്കൂ​ട്ടം നി​യ​ന്ത്രി​ക്കാ​ൻ പോ​ലീ​സി​നെ വി​ളി​ക്കേ​ണ്ട സ്ഥി​തി വ​രെ എ​ത്തി. ത​ദ്ദേ​ശീ​യ​ർ​ക്കു വേ​ണ്ടി ആ​വി​ഷ്ക​രി​ച്ച സ്പോ​ട്ട് ര​ജി​സ്ട്രേ​ഷ​ൻ സം​വി​ധാ​ന​ത്തി​ൽ വീ​ണ്ടും ത​ദ്ദേ​ശീ​യ​ർ പു​റ​ത്താ​കു​ന്ന കാ​ഴ്ച​യ്ക്കാ​ണ് ജി​ല്ല സാ​ക്ഷ്യം​വ​ഹി​ച്ച​ത്.