മ​ണി​പ്പു​ർ മു​ഖ്യ​മ​ന്ത്രി ബി​രേ​ൻ സിം​ഗി​ന്‍റെ രാ​ജി; പു​തി​യ മു​ഖ്യ​മ​ന്ത്രി​ക്കാ​യി ബി​ജെ​പി നീ​ക്കം തു​ട​ങ്ങി

ന്യൂ​ഡ​ൽ​ഹി: മു​ഖ്യ​മ​ന്ത്രി ബി​രേ​ൻ സിം​ഗി​ന്‍റെ രാ​ജി​ക്കു പി​ന്നാ​ലെ പു​തി​യ മു​ഖ്യ​മ​ന്ത്രി​യെ നി​ശ്ച​യി​ക്കാ​ൻ ബി​ജെ​പി​യി​ൽ നീ​ക്ക​മാ​രം​ഭി​ച്ചു. മ​ന്ത്രി​മാ​രാ​യ വൈ. ​ഖേം​ച​ന്ദ് സിം​ഗ്, ടി. ​ബി​ശ്വ​ജി​ത് സിം​ഗ് എ​ന്നി​വ​ർ​ക്കൊ​പ്പം സ്പീ​ക്ക​ർ സ​ത്യ​ബ്ര​ത സിം​ഗും ബി​ജെ​പി​യു​ടെ പ​രി​ഗ​ണ​ന​യി​ലു​ണ്ടെ​ന്നാ​ണു സൂ​ച​ന. സ​ഖ്യ​ക​ക്ഷി​ക​ളാ​യ എ​ൻ​പി​പി, എ​ൻ​പി​എ​ഫ് എ​ന്നി​വ​രു​മാ​യി ബി​ജെ​പി ച​ർ​ച്ച​ക​ൾ ന​ട​ത്തു​ന്നു​ണ്ട്.

ബ​ജ​റ്റ് സ​മ്മേ​ള​ന​ത്തി​നി​ടെ കോ​ൺ​ഗ്ര​സ് അ​വി​ശ്വാ​സ പ്ര​മേ​യം കൊ​ണ്ടു​വ​രാ​നി​രി​ക്കെ​യാ​ണ് ഇ​ന്ന​ലെ ബി​രേ​ൻ സിം​ഗ് രാ​ജി​വ​ച്ച​ത്. അ​വി​ശ്വാ​സ പ്ര​മേ​യം ത​ട​യി​ല്ലെ​ന്നു സ്പീ​ക്ക​ർ അ​റി​യി​ച്ച​തോ​ടെ ബി​ജെ​പി നേ​തൃ​ത്വം ബി​രേ​ൻ സിം​ഗി​ന്‍റെ രാ​ജി​ക്ക് വ​ഴ​ങ്ങു​ക​യാ​യി​രു​ന്നു.

രാ​ജി​ക്കു പി​ന്നാ​ലെ മ​ണി​പ്പു​ർ നി​യ​മ​സ​ഭാ സ​മ്മേ​ള​നം മാ​റ്റി​വ​യ്ക്കു​ക​യും നി​യ​മ​സ​ഭ മ​ര​വി​പ്പി​ക്കു​ക​യും ചെ​യ്തു. ഇ​തോ​ടെ മ​ണി​പ്പു​രി​ൽ രാ​ഷ്ട്ര​പ​തി ഭ​ര​ണം ഏ​ർ​പ്പെ​ടു​ത്തി​യേ​ക്കു​മെ​ന്ന അ​ഭ്യൂ​ഹ​വും ഉ​യ​ർ​ന്നി​ട്ടു​ണ്ട്.

രാ​ജി​ക്കു മു​ൻ​പ് കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ​യു​മാ​യി ബി​രേ​ൺ സിം​ഗ് കൂ​ടി​ക്കാ​ഴ്ച ന​ട​ത്തി​യി​രു​ന്നു. മ​ണി​പ്പു​രി​ൽ സം​ഘ​ർ​ഷം 21 മാ​സം പി​ന്നി​ടു​മ്പോ​ഴാ​ണു മു​ഖ്യ​മ​ന്ത്രി​യു​ടെ രാ​ജി ഉ​ണ്ടാ​യ​ത്. മ​ണി​പ്പു​രി​ൽ ക​ലാ​പം ആ​ളി​ക്ക​ത്തി​ച്ച​ത് ബീ​രേ​ൻ സിം​ഗാ​ണെ​ന്ന ആ​രോ​പ​ണം തു​ട​ക്കം മു​ത​ൽ ശ​ക്ത​മാ​യി​രു​ന്നു.

പാ​ർ​ട്ടി​ക്കു​ള്ളി​ൽ​നി​ന്നു​പോ​ലും രാ​ജി ആ​വ​ശ്യം ഉ​യ​ർ​ന്നെ​ങ്കി​ലും ബി​രേ​ൻ സിം​ഗി​നെ സം​ര​ക്ഷി​ക്കു​ന്ന നി​ല​പാ​ടാ​ണ് ബി​ജെ​പി നേ​തൃ​ത്വം സ്വീ​ക​രി​ച്ച​ത്.ബി​രേ​ൻ സിം​ഗി​ന് ക​ലാ​പ​ത്തി​ൽ പ​ങ്കു​ണ്ടോ എ​ന്ന​ത് സു​പ്രീം​കോ​ട​തി ചീ​ഫ് ജ​സ്റ്റീ​സ് സ​ഞ്ചീ​വ് ഖ​ന്ന അ​ധ്യ​ക്ഷ​നാ​യ ബ​ഞ്ചി​ന്‍റെ പ​രി​ഗ​ണ​ന​യി​ലാ​ണ്.