തിരുവനന്തപുരം: ശബരിമല സ്വര്ണക്കൊള്ളയുടെ വ്യാപ്തി സംബന്ധിച്ച് വിഎസ്എസ്സിയില് നടത്തിയ പരിശോധനയുടെ അന്തിമ ഫോറന്സിക് ഫലം എസ്ഐടിക്ക് ലഭിച്ചു. നഷ്ടമായത് കിലോക്കണക്കിന് സ്വര്ണമാണെന്നും പ്രതികള് പറഞ്ഞിട്ടുള്ളതിലും കൂടുതല് സ്വര്ണം നഷ്ടപ്പെട്ടെന്നുമാണ് പരിശോധനാ ഫലത്തില് സൂചിപ്പിക്കുന്നത്.
കട്ടിളപ്പാളി, ദ്വാരപാലക ശില്പ പാളികള് എന്നിവയില് നിന്നായി 989 ഗ്രാം സ്വര്ണം ഉരുക്കിയപ്പോള് ലഭിച്ചു. അതില് 575 ഗ്രാം സ്വര്ണം തിരികെ പൂശിയെന്നാണ് പ്രതികള് എസ്ഐടിയോട് പറഞ്ഞത്. എന്നാല് പ്രതികളുടെ മൊഴി നുണയാണെന്ന് പരിശോധനയില് വ്യക്തമായെന്ന് റിപ്പോര്ട്ടിൽ പറയുന്നു.
പരിശോധനാഫലം ശനിയാഴ്ച ഹൈക്കോടതിക്ക് കൈമാറും. ശബരിമലയില് നിന്നും നഷ്ടപ്പെട്ട സ്വര്ണത്തിന്റെ കൃത്യമായ അളവ് അടക്കം കണ്ടെത്താനായാണ് വിഎസ്എസ്സി രണ്ടാം വട്ട പരിശോധന നടത്തിയത്.
