Day: July 21, 2026

ശാ​സ്ത്രം തി​രി​ച്ച​റി​യു​ന്ന​തി​നു മു​ൻ​പുത​ന്നെ; ഒരുപക്ഷേ നാമാവശേഷമാകാൻ സാധ്യതയുള്ള, അപൂർവജീവിവർഗം! ആഫ്രിക്കയിലെ ലൊ​മാ​മി, കോം​ഗോ ന​ദി​ക​ൾ​ക്കി​ട​യി​ലെ ഉ​ൾ​ക്കാ​ടു​ക​ളി​ലാണ് ഇവയുടെ വാസം! വംശമറ്റുപോകാൻ സാ​ധ്യ​ത​യു​ള്ള അ​പൂ​ർവ ജീ​വി​ക​ളെ​ക്കു​റി​ച്ചു​ള്ള ഓ​ർമ​പ്പെ​ടു​ത്ത​ൽ കൂ​ടി​യാണ് ഈ വാനരകുടുംബത്തിന്‍റെ കണ്ടെത്തലെന്നു ശാസ്ത്രജ്ഞർ പറയുന്നു. വിസ്മയങ്ങളുടെ മഹാഭൂഖണ്ഡമായ ആ​ഫ്രി​ക്കയിലെ, ഡെ​മോ​ക്രാ​റ്റി​ക് റി​പ്പ​ബ്ലി​ക് ഓ​ഫ് കോം​ഗോ​യുടെ നിബിഡ​വന​ങ്ങ​ളിലാണ് അപൂർവ വാനരകുടുംബത്തെ കണ്ടെത്തിയത്. ശാസ്ത്രലോകത്തിന് അദ്ഭുതമായി മാറിയ കണ്ടെത്തൽ അഫ്രിക്കയിൽ ഇതാദ്യമല്ല. 75 വ​ർ​ഷ​ത്തി​നി​ട​യി​ൽ ആ​ഫ്രി​ക്ക​യി​ൽനി​ന്നു ക​ണ്ടെ​ത്തിയ അ​ഞ്ചാ​മ​ത്തെ കു​ര​ങ്ങു​വ​ർഗമാണിത്. അ​തു​കൊ​ണ്ടു​ത​ന്നെ ആ​ധു​നി​ക പ്രൈ​മേ​റ്റ് ശാ​സ്ത്രശാ​ഖ​യി​ലെ ഏ​റ്റ​വും അ​പൂ​ർ​വ​മാ​യൊ​രു സം​ഭ​വ​മാ​യാ​ണ് ഗ​വേ​ഷ​ക​ർ ​ക​ണ്ടെ​ത്ത​ലി​നെ വി​ല​യി​രു​ത്തു​ന്ന​ത്. കൊ​ളൊ​ബ​സ് കോം​ഗോ​യെ​ൻ​സി​സ്അന്താരാഷ്‌ട്ര ശാസ്ത്ര ജേണലിലാണു പു​തി​യ ജീവിവർഗത്തിന്‍റെ കണ്ടെത്തലുമായി ബന്ധപ്പെട്ട വിശദലേഖനം ഉൾപ്പെടുത്തിയിട്ടുള്ളത്. കൊളൊ​ബ​സ് കോം​ഗോ​യെ​ൻ​സി​സ് (Colobus congoensis) എ​ന്നാ​ണു ശാസ്ത്രജ്ഞർ ഈ വാനരകുടുംബത്തിനു പേരിട്ടിരിക്കുന്നത്. എ​ന്നാ​ൽ പ്രാ​ദേ​ശി​ക​വാ​സി​ക​ൾ​ ​കു​ര​ങ്ങനെ, ലി​വേ​ലി എ​ന്നാണു വിളിക്കുന്നത്. ഫ്ലോ​റി​ഡ അ​റ്റ്ലാ​ന്‍റിക് യൂ​ണി​വേ​ഴ്സി​റ്റി, ലു​ക്കൂ​രു വൈ​ൽ​ഡ്‌​ലൈ​ഫ് റി​സ​ർ​ച്ച് ഫൗ​ണ്ടേ​ഷ​ൻ,…

ദു​ബാ​യ്: സൗ​ദി അ​റേ​ബ്യ​ക്കെ​തി​രേ യെ​മ​നി​ലെ ഹൂ​തി വി​മ​ത​ർ നാ​വി​ക ഉ​പ​രോ​ധം പ്ര​ഖ്യാ​പി​ച്ചു. യു​എ​സ്-​ഇ​റാ​ൻ സം​ഘ​ർ​ഷം കൂ​ടു​ത​ൽ ശ​ക്ത​മാ​കു​ന്ന​തി​നി​ടെ​യാ​ണ് ആ​ഗോ​ള ഊ​ർ​ജ വി​ത​ര​ണ​ത്തെ​യും വ്യാ​പാ​ര​ത്തെ​യും ബാ​ധി​ക്കു​ന്ന ത​ര​ത്തി​ലു​ള്ള ഹൂ​തി​ക​ളു​ടെ പു​തി​യ നീ​ക്കം.സൗ​ദി​യു​ടെ ഉ​പ​രോ​ധ​ത്തി​നു മ​റു​പ​ടി​യാ​യാ​ണ് ഈ ​ന​ട​പ​ടി​യെ​ന്ന് ഹൂ​തി​ക​ൾ വ്യ​ക്ത​മാ​ക്കി. ഇ​തോ​ടെ ചെ​ങ്ക​ട​ലി​ലെ പ്ര​ധാ​ന ക​പ്പ​ൽ പാ​ത​യാ​യ ബാ​ബ് എ​ൽ മ​ന്ദ​ബ് വ​ഴി​യു​ള്ള എ​ണ്ണ​നീ​ക്കം ത​ട​സ​പ്പെ​ടാ​ൻ സാ​ധ്യ​ത​യേ​റി. യെ​മ​നെ​തി​രേ സൗ​ദി അ​റേ​ബ്യ വ​ർ​ഷ​ങ്ങ​ളാ​യി തു​ട​രു​ന്ന ഉ​പ​രോ​ധ​ത്തി​നും വി​ഭ​വ​ങ്ങ​ൾ ക​വ​ർ​ച്ച ചെ​യ്യു​ന്ന​തി​നു​മു​ള്ള മ​റു​പ​ടി​യാ​ണ് ഈ ​ന​ട​പ​ടി​യെ​ന്ന് ഹൂ​തി വ​ക്താ​വ് ടെ​ലി​വി​ഷ​ൻ സ​ന്ദേ​ശ​ത്തി​ൽ വ്യ​ക്ത​മാ​ക്കി. സ​ന വി​മാ​ന​ത്താ​വ​ള​ത്തി​നു​മേ​ലു​ള്ള നി​യ​ന്ത്ര​ണ​ങ്ങ​ൾ നീ​ക്കു​ന്ന​തു​വ​രെ സൗ​ദി വ്യോ​മ​പാ​ത ഉ​പ​യോ​ഗി​ക്ക​രു​തെ​ന്ന് വി​മാ​ന​ക്ക​മ്പ​നി​ക​ൾ​ക്ക് ഹൂ​തി​ക​ൾ മു​ന്ന​റി​യി​പ്പ് ന​ൽ​കി. ക​ഴി​ഞ്ഞ​യാ​ഴ്ച ഹൂ​തി​ക​ളു​ടെ നി​യ​ന്ത്ര​ണ​ത്തി​ലു​ള്ള സ​ന അ​ന്താ​രാ​ഷ്‌​ട്ര വി​മാ​ന​ത്താ​വ​ള​ത്തി​നു​നേ​രേ വ്യോ​മാ​ക്ര​മ​ണം ന​ട​ന്ന​തി​നു പി​ന്നാ​ലെ സൗ​ദി​യി​ലെ അ​ബ​ഹ അ​ന്താ​രാ​ഷ്‌​ട്ര വി​മാ​ന​ത്താ​വ​ള​ത്തി​നു​നേ​രേ ഹൂ​തി​ക​ൾ മി​സൈ​ൽ ആ​ക്ര​മ​ണം ന​ട​ത്തി​യി​രു​ന്നു.

വാ​ഷിം​ഗ്ട​ൺ: കാ​ന​ഡ​യി​ൽ നി​ന്നു​ള്ള ചി​ല ഉ​ത്പ്പ​ന്ന​ങ്ങ​ൾ​ക്ക് 50 ശ​ത​മാ​നം പു​തി​യ തീ​രു​വ ഏ​ർ​പ്പെ​ടു​ത്തി യു​എ​സ്. പു​തി​യ തീ​രു​വ ഏ​ർ​പ്പെ​ടു​ത്തി ഏ​ർ​പ്പെ​ടു​ത്തി​ക്കൊ​ണ്ടു​ള്ള ഉ​ത്ത​ര​വി​ൽ യു​എ​സ് പ്ര​സി​ഡ​ന്‍റ് ഡൊ​ണ​ൾ​ഡ് ട്രം​പ് ഇ​ന്ന​ലെ ഒ​പ്പു​വ​ച്ചു. മ​ദ്യം, വാ​ഹ​ന​ങ്ങ​ൾ, ക്ഷീ​രോ​ത്പ്പ​ന്ന​ങ്ങ​ൾ തു​ട​ങ്ങി​യ മേ​ഖ​ല​ക​ളി​ൽ കാ​ന​ഡ ത​ങ്ങ​ളോ​ട് “വി​വേ​ച​ന​പ​ര​മാ​യ സ​മീ​പ​നം” കാ​ണി​ക്കു​ന്നു​വെ​ന്ന് ആ​രോ​പി​ച്ചാ​ണ് യു​എ​സി​ന്‍റെ ന​ട​പ​ടി.​പു​തി​യ നി​കു​തി നി​ര​ക്കു​ക​ൾ 30 ദി​വ​സ​ത്തി​ന​കം നി​ല​വി​ൽ വ​രു​മെ​ന്ന് വൈ​റ്റ് ഹൗ​സ് അ​റി​യി​ച്ചു. ഊ​ർ​ജം, പൊ​ട്ടാ​ഷ്, മ​റ്റ് പ്ര​ത്യേ​ക മേ​ഖ​ല​ക​ളി​ൽ പെ​ടു​ന്ന ചി​ല ഉ​ത്പ്പ​ന്ന​ങ്ങ​ൾ എ​ന്നി​വ​യെ ഇ​തി​ൽ നി​ന്ന് ഒ​ഴി​വാ​ക്കി​യി​ട്ടു​ണ്ടെ​ങ്കി​ലും, യു​എ​സ്-​മെ​ക്സി​ക്കോ-​കാ​ന​ഡ വ്യാ​പാ​ര ക​രാ​ർ പ്ര​കാ​രം രാ​ജ്യ​ത്തേ​ക്ക് എ​ത്തു​ന്ന ഉ​ത്പ്പ​ന്ന​ങ്ങ​ളെ ഈ ​പു​തി​യ തീ​രു​മാ​നം ബാ​ധി​ക്കും.