കൊല്ലം: പിണറായി സർക്കാരിന്റെ വികസനത്തെ കുറിച്ചുള്ള അവകാശവാദങ്ങൾ വെറും പൊള്ളയാണെന്നും കെഎസ്ആർടിസി ബസുകളിലും വഴിയോരങ്ങളിലും സ്ഥാപിച്ചിരിക്കുന്ന പരസ്യ പലകകളിൽ മാത്രമാണ് വികസനം ഉള്ളതെന്നും പി.സി വിഷ്ണുനാഥ് എംഎൽഎ അഭിപ്രായപ്പെട്ടു.
സാധാരണ ജനങ്ങൾ ദുരിതത്തിലാണ്.
ക്ഷാമബത്ത കുടിശിക നിഷേധിക്കുകയും പങ്കാളിത്ത പെൻഷൻ ഉൾപ്പെടെയുള്ളവയിൽ പ്രകടനപത്രികാ വാഗ്ദാനങ്ങളിൽ നിന്നും ഒളിച്ചോടുകയും ചെയ്ത സർക്കാരിന് ജീവനക്കാർ ബാലറ്റിലൂടെ മറുപടി നൽകുമെന്ന് അദ്ദേഹം പറഞ്ഞു. എൻജിഒ അസോസിയേഷൻ സംസ്ഥാന പ്രസിഡന്റ് എ.എം.ജാഫർ ഖാൻ നയിക്കുന്ന നവജീവന യാത്രയ്ക്ക് കൊല്ലം കളക്ടറേറ്റിൽ നൽകിയ സ്വീകരണത്തോടനുബന്ധിച്ച് നടന്ന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ പ്രസിഡന്റ് എസ്. ഉല്ലാസ് അധ്യക്ഷനായി. കെപിസിസി രാഷ്ട്രീയകാര്യ സമിതി അംഗം അഡ്വ. ബിന്ദു കൃഷ്ണ, കെപിസിസി ജനറൽ സെക്രട്ടറി സൂരജ് രവി, അസോസിയേഷൻ സംസ്ഥാന ജനറൽ സെക്രട്ടറി എ. പി. സുനിൽ, വി.പി. ബോബിൻ, ജി. എസ്. ഉമാശങ്കർ, ബി. പ്രദീപ്കുമാർ, സി. അനിൽ ബാബു, അജിത്.എം. എസ്, ഡി. ഗീതാ കൃഷ്ണൻ,
വിഷ്ണു സുനിൽ പന്തളം, വി.എൽ. രാകേഷ് കമൽ, ബിനു കോറോത്ത്, സി. ഷാജി, ജെ. ശുഭ, അർത്തിയിൽ സമീർ, വാര്യത്ത് മോഹൻ കുമാർ, എസ്.ശ്രീഹരി, സി. എസ്. അനിൽ, എ. എസ്. സുനിൽകുമാർ, മുഹമ്മദ് യാസർ, ആർ. ധനോജ് കുമാർ, ബി. അനിൽകുമാർ, എ. ആർ. ശ്രീഹരി എന്നിവർ പ്രസംഗിച്ചു.
